香薰園 @私影 with calvin lor

本來呢日sake既阿kin都搵我影, 仲叫我今日十二點去佢間sake度, 但我一早已經約左calvin lor, 所以只好下次吧><

呢次去既地方係粉嶺既香薰園, 係一片薰衣草既地方, 唔使去到日本睇都可以近距離見到!!部分私影既女仔都係果度影相, 加上calvin lor又識路, 呢次佢同我去影相簡直係求之不得啦!! 如果去過一次係好既話, 一定會同joejoe黎呢!!



搭左小巴去到鴮鬥呢個地方, 再行多三分鐘就到香薰園呢, 有d期待



真正到左香薰園呢!! 個牌都ok既, 除左[歡迎光臨]四隻字=.="



一入到門口就見到好多羊, 仲要比5元買草比佢食, 不過我冇買到...而且仲覺得好臭, 都係快d行去影相好><



一入到香薰園冇幾遠既地方, 就見到好多人燒烤呢, 聞到d味已經好想食呢><"""



門口擺放左好多花啦~呢個石像我都唔知係咩....不過紅色花又幾靚既^^



呢盆粉紅色都幾靚及搶眼, 等我都叫calvin幫我影返張相先~



見calvin lot影得幾開心咁, 一於叫佢幫我影返張相先, 又好似幾靚咁喎!!



終於到左主角薰衣草啦!! 真係幾靚喎!! 唔單止花靚, 仲要係我至like既紫色^^



薰衣草既close up呢! 聽講呢隻叫做鼠尾薰衣草, 也即係日本比海道見果隻~



除左紫色既薰衣草之外, 仲有少有既白色呢~~兩隻色併埋一齊好靚啊!!!




d薰衣莘太靚啦~等我都去同佢地影相先!! 不過太多人, 會影到其他人, 好難避呢~



其實毎片薰衣草園好細, 加上有太多人影相, 都係去另一片影相吧!



都係影返張先~呢張都幾靚既, 但我張開兩腳太粗魯, 而且仲見到眼袋!? 呢次死啦><



沿途行過唔同地方, 見到好多turtle啊!! 而且毎隻都咁大隻既!!!??



由於個薰衣草園唔係太大, 所以好快行完及影完相, 之後去左間店舖內行下~呢個就係頭先見到既鼠尾薰衣草, 一盆唔係太貴, 都只係25元~



仲有另一款薰衣草, 本來都想買比媽種, 但路程太遠囉, 要成兩個鐘, 唔可以買盆氹佢開心, 真係可惜><



仲有一個叫做[herbs]草藥園既地方, 其實都係商業為主, 包括簿何, choco簿何等等



呢個地方完全係個商業化既地方, 咩都要錢, 仲賣埋呢隻鬧鐘, 不過又幾cute既~



當我見到呢個鬧鐘時, 我都考慮左好耐買唔買, 但最後都係冇買到....冇計啦, 要慳錢麻!!




呢個就係比人釣魚既魚塘~不過就冇人釣啦, 但見到個風景都唔錯, 就影底佢先^^

行埋加影相都唔係用左好多時間, 都只係兩個鐘到, 就可想然之個地方係幾[大]啦. 附近都有個士多啤梨園, 不過因唔係成長時候, 仲要比65元入場費, 最後都冇去到. 原路行返出去搭車. 我哋行到一個叫鴮鬥村既總站等車. 呢個村呢....我覺得簡直係離譜, 睇下佢係村外既牌就知道!!



竟然有大大個牌寫住[村民有權優先上車, 外來人士不得異議]!!?? 唔係掛, 真係當正全個地方都係佢地架咩, 仲要見到有成六至七個村民打尖都唔可以出聲, 勁無奈!!

最後等到第三架小巴先可以上車, 去到粉嶺既商場吉野家食個鮮茄雞排烏冬, 估唔到又幾好味喎!!

食完野之後同calvin搭車, 佢要去旺角買菲林影相; 而我呢....當然返屋企休息啦!! 連續三日既私影終於完結, 我也快d返去休息一下先~~途中joejoe打電話比我, 佢終於係大陸度返落黎, 加上聽日又可以見到佢, 真係開心呢!! 快d到聽日就好^^

調景嶺廢堡@私影 with season, man kit & chalice

清明節之後假期!! 第一次有三個影師影我, 分別係season, man kit及chalice, 仲有帶多個助手黎, 我哋約好左兩點係坑口站等, 答足荃灣, 觀塘及將軍澳線, 真係過隱囉=.="

好在大家都冇遲到, 係商場換了影相衫之後, 五個人搭兩個架的士, 都搭了四十幾元呢!! 終於去到一個叫做調景嶺廢堡既地方影相, 呢個地方真利害啦, 要行成十至十五分鐘山, 對於冇運動既我簡直係死路一條!!



就係要行呢類山路, 都係泥地黎, 加上又高又斜, 真係要小心d先得~



仲要行呢類石梯, 有d石仲要係唔穩陣, 踏到時仲要郁郁下咁, 好得人驚><



係樓梯外有鐵絲網既物體, 加上現場既森林feel, 如佢地所講, 好似去左株羅紀一樣><



終於黎到廢堡啦!! 見到[炮台]呢個字就知, 不過仲要打[愛護大自然], 有d奇怪既=.="




先周圍影下相先!! 一見到呢度, 我嘩的一聲, 因為真係好靚!! 有全個堡既形狀, 十分珍貴!!



廢堡既左手邊係個走廊之類既東東, 都唔係太大既, 而且仲冇左個頂><



由於佢冇左個頂, 可以行上樓梯, 係上面影落去, 個角度又幾正咁喎...XD




廢堡既另一邊, 有條石級及一個廣場!! 我至like都係石級!!



樓梯既close up呢!! 一條整得好靚既樓梯, 一陣影相可以盡情表現啦!!



廢堡既另一邊, 同樣都係冇頂, 係一個圓形既廣場, 中間有個方型既椅子物體有意思!!



拍攝開始!! 首先係玩左槍先~好在我買左副黑超, 因佢地話我對眼唔夠惡, 但影出黎既又好似幾得喎~



好特別既一張相, 好似有鏡咁照住自己? 感覺都幾特別, 自己也好like呢張既style!!



好cool及高傲既槍手呢~~~呢個角度影得真係唔錯啊^^



{你地咪郁, 再郁就打爆你地個頭!!], 都幾襯呢句對白呢!!!



之後玩下把劍先~多謝佢地為我準備既劍, 我想玩劍好耐啦!!



真係好like呢個pose, 呢個feel, 好有殺手既感覺, 就好似係望下上面有冇敵人咁



果然係殺手咁既樣?? 唔通我係天生殺手嗎?? 放心, 我指個樣, 唔係真係做殺手~



哈哈~到左休息時候了....見影師有把劍, 佢都想玩下咁呢!!



開始玩返槍啦!! 呢張感覺都ok既....



影到咁上下要返落山, 佢地補拍多幾張之後就要走, 呢張係其中一張補拍, 因為果度太多蚊, 同埋係馬路附近, 太多車啦><

影完相之後大家都好累呢, 我到附近既靈實醫院換好衫之後, 就搭車去觀塘食野啦!! man kit 介紹其中一間食餃子既店舖, 仲推薦話好好味, 於是我哋五個人就去試下~



終於食飯啦!! 我都好肚餓呢~~我哋毎人都叫個特惠餐先, 包括一碗麵, 一個餃子及一杯飲品, 都只係三十幾元到, 而且仲唔使我比錢~



我就叫左個公仔麵, 咁當然唔係真既出前一丁啦, 唔知係咪福麵, 仲要只有半個=.="



season叫既招牌餃子呢!! 即係豬肉, 都幾好味架~不過我地幾個比較like香口野, 所以叫左窩貼!!



我叫既招牌窩貼, 也係豬肉味, 唔spicy, 而且又脆, 又真係幾好食喎~



man kit叫既泡菜味窩貼, 果然係好spicy啊!! 食一隻真係夠哂, 再試下其他味道先~



最後助手哥哥及chalice叫既牛肉味~都幾重牛肉味, 不過我都係like豬肉多d^^

我地食完飯之後去睇今次影既相, 發覺幾多相都唔錯, 有部分我仲好鍾意, 加上佢地邊拍攝邊聽歌, 感覺幾特別, 真係似去玩多過影相咁?? 覺得呢次影相真係好玩, 又可以比我試多個look, 感覺好新鮮^^

松林廢堡 @私影 with Nokiaa

今日係清明節假, 好在屋企唔使拜山, 可以照原定計劃同nokiaa去松林廢堡影相. 松林廢堡其實係幾間爛屋, 係山頂晨運徑附近, 係山頂行約十五分鐘, 對於冇咩體力既我都幾大考驗, 尤其係行斜路=.="



晨運徑中經過既小瀑布, 雖然唔係太多水, 但都係個唔錯既地方^^




行極都行唔完既小徑呢....真係行山行到死左!! 仲見到有外國人跑路, 外國人果然利害!!




行到一半有一個涼亭, 都仲有一部分路要行???? 唔係掛><



一直沿住山徑行, 見到好多霧, 本來都仲覺得空氣好好, 點知越吸越重咁, 可能係濕氣太重吧!?

正當我準備換衫影相時, 點知竟然落起大雨黎!!!??? 唔係掛, 惟有到附近既涼亭等停雨, 而且仲有某間中學玩野外定向, 因落雨而要到涼亭玩一個叫做[如何設計難民營]既活動, 其實係用紙及筆寫底難民營內有既設施. 令我諗起點解我中學時唔玩呢? 我都覺得應該幾好玩, 而且又可訓練野外求生, 應變能力, 說話技巧及團隊精神, 係個幾有意思既活動. 如果比我回到過去, 我一定會去參加^^

雨終於停了, 我哋可以係涼亭內影相, 呢次既主題係惡魔, 所以都要比較sexy及妖艷, 驚joejoe介意就真><



涼亭內拍攝既相, 希望可盡量整到暗黑既效果, 而且呢個pose, 我最鍾意~




因為要用ps整個魔法陣, 所以要坐係地下度影呢~不過唔係太dirty, 唔怕啦!!




雨停了後, 就黎到呢個所謂既廢堡影相, 先比大家睇下佢個look先~




係堵牆度影既相~比較like呢類既相, 可能係接近自己既style吧???




間廢屋內真係有埋椅子, 應該話係有工作人員注守, 多張椅子可以有比較多既發揮空間~




同樣都係坐係地下度影, 只要小心走光就得!! 不過就唔係好知自己做緊咩, 開始迷失=.="



去到廢屋既後面, 都係廢屋黎!! 係地下度支樹枝又生得幾有型喎, 係地下生不特止, 仲要係彎彎的!



就係呢間廢屋啦, 估唔到係我發揮表現既一個地方, 呢個地方影既好多相都好滿意^^



全輯相之中真係最鍾意呢張, 好有mood, 而且個pose又襯個環境, 有少少high fashion既感覺, 如果加埋對翼就一流啦!!




仍然cool style, 呢次我唔知做咩鬼, 成日舉起隻手, 比人睇[加拿大]咩=.="



都係室外擺設個正常既pose啦!! 好like呢個pose, 有悲哀及空等既感覺~




另一個cool look, 隻手都可以伸到幾長!! (講笑), 總之自己愛死呢種憂鬱孤獨既感覺, 咁當然只限影相, 唔係真實><



因為果日凍及落雨, 唔可以影太耐, 呢個洞就成為我哋影相既最後一個地方><



呢次影既全部都係半身, 呢張相就夠正啦!! 表現出高傲既姿態, 始終表現魔鬼其中邪惡既一面ma!!



之後冇影到相啦, 影左呢條樓梯, 上面就係燒烤場, 不過會有人黎呢度燒嗎??



樓梯既close up, 都係一條破爛既樓梯, 不過我就係like呢類破壞既物件^^



本來想叫nokiaa影埋呢部分, 但佢上次同個男仔影左, 而且我又同個男仔既主題差唔多, 所以都係冇影到><

影到大約五點幾都要走啦, 本來都希望想影多d, 但都冇時間, 加上天色又唔係咁好, 都係算吧, 我始終都係黑仔, 毎次影相都係陰天或落雨><