同joejoe 去川龍

話說川龍既點心及茶係超好味既, 之前同我屋企人去過, 所以呢次想介紹比joejoe食, 於是我哋約左一點半係荃灣等

joejoe原來都同屋企人飲茶, 總之唔搵joejoe去啦, 佢只係食左一碟點心就即刻過黎, 真係可憐啦, 都鄧joejoe心痛!! 雖然joejoe遲少少, 不過都冇所謂, 之後就一齊搭小巴上川龍~



同joejoe係小巴上影相, 我既自拍技術都唔錯吧!!? 同joejoe 好sweet sweet 中...XD




終於去到川龍啦!! 裝修唔係太靚, 但食物真係好好味!! 而且黎呢度也唔會太麻煩~



呢次終於可以去店舖內食野, 美中不足既係近針茶地方, 太多人行黎行去唔太好=.="




牆上既餐牌~好耐都冇見過呢, 果然係有傳統既酒樓!!




果度實在太多人拎野食啦!!! 比上午仲要多, 最後可以拎既食物唔太多, 呢個係排骨, 都ok好味啦...




joejoe拎左呢個鳳爪排骨飯, 我唔食鳳爪, 好在joejoe幫我食, 太好了~~




好耐冇見既大食詩再次出現!!! 咁當然係做樣啦, 而家細食好多啦!! ....自從私影以黎, 好耐未影過呢d搞笑相, 感覺超正!!




joejoe個樣都係超可愛, 而且都幾搞笑!! 死啦, joejoe同我顛埋一份, 呢次真係[oh my god]!!




飲完茶之後到川龍周圍行下, 係另一間茶樓既下面, 有一塊菜田. 呢個係乾涸既小河



少見既菜田~所以係果度買菜都幾貴, 要成幾十元斤; 而係酒樓食埋仲貴, 好似要成50幾元




之後到一個叫做[城門引水道]既地方, 其實係一條山路, 見到風景咁靚, 除左影景外, 當然要私影啦!!




太耐冇擺過pose, 好似又再生硬返, 同埋pose唔太多....只係冇影兩個月o者, 點解咁架!!??




行左好耐依然都係于回曲折既山路呢!! 對於少行山既我已經行個半死, 加油啊!!




而且仲有分叉路!!?? 點算好啊~~joejoe!! 睇黎都要試下行先得啦, 總有一條岩吧!?




好在行行下有個涼亭, 可以休息一下啦!! 行咁多路好累呢....(自己果然冇用=.=")




路旁仲有一大片樹林, 好有古裝片既追殺feel!! 不過都係幻想下好啦, 唔好真係係度拍破壞風景啊!!




之後行到一條山路, 唔好以為佢只係普通既山路, 其實到處都長滿野菊花, 都幾靚架!! joejoe可以拎部單鏡相機同我影相啦, 好耐冇試過呢!!




就係呢D白色小菊花啦, 細細朵, 加上周圍既綠葉, 感覺好清好靚啊!!




joejoe叫我先訓係樓梯度影返張先~感覺唔錯, 但後來發覺著左條踏腳褲冇咁好睇, 於是除左黎影, 果然係大膽><



有太陽影相果然係靚好多!! 呢次終於可以影到啦, 加上joejoe既攝影技術, 影得好靚!!




我個人就至like呢張, 個pose同個景都算夾吧!? 覺得呢個比較少女及斯文少少~




個人覺得呢張相既意境唔錯架!! 但比較sexy少少, 露出大脾啦><




呢張相冇show係fb或fotop度, 因我覺得自己麻麻地, 都po係呢度比大家睇下啦!!

本來我哋沿住山路一直行, 行到有個療屋區時, 見到有隻狗吠外, 仲追住我同joejoe, 嚇到我不停地走, 同joejoe返回頭先經過既路, 我都仲驚緊呢!! 睇黎我真係好怕狗. 之後我哋兩個就再冇一直行前去, 而且仲開始返回起點

呢個環境冇咩人, 幾清丘既, 不過就多左d狗, 同埋墳墓囉....環境就算唔錯啦!! 最後我哋搭返車返荃灣, 而且仲同joejoe飲左杯布甸奶茶, 只係九元, 而且仲大大杯, 勁抵飲!!




間店舖及我哋既兩杯布甸奶茶啦!! 都幾大杯, 而且仲好有心思, 用飲管黎分男及女..XD




兩杯布甸奶茶都黎個close up先!! 黃色果個就係雞蛋布甸啦, 好香雞蛋味, 超正!! 不過奶茶方面就sweet左d><



我同joejoe都拎住杯布甸奶茶飲下先~杯奶茶本身已經好sweet, 加埋我哋兩個, 超sweet!!

之後我要去醫院探我爸了, 唔可以同你一齊食飯, 唔好意思呢!! 多謝你安慰呢個傷心既我, 也永遠係我身邊支持我及替我擔心, 果然係抵錫男友, kiss>3<

行三棟屋散下心

自己比人炒; 爸爸個腎又有事, 有機會同麻麻以前一樣要洗腎; 加上要幫公司手工作. 短短兩個星期發生左好多事, 自己開始覺得累, 同時也唔開心, 唔想成日留係屋企, 但自己又冇錢唔可以周圍去, 於是去附近既三棟屋博物館睇下

今日天氣唔錯, 又有太陽, 又有風都幾舒服, 和天文台所講既陰天好唔同, 早知今日就同danny去影相, 點知佢又約左其他朋友, 惟有下個星期啦...



村巴落車再行五分鐘到, 終於見到個博物館啦, 睇下佢有冇開門先, 因佢有時會休息...



上次放工我諗住黎, 點知已經關門, 而家終於有開, 可以入去睇下!!



一入博物館就見到呢個牌坊了, 仲可以見到入面既門及燈!!



係牌坊外既燈, 好古色古香, 有d似中秋或元宵既燈呢!!




首先從右手邊既房睇起~係一個介紹荃灣由來既房, 陳姓一家由內地搬到荃灣居住, 之後就係荃灣發展既歷史. 呢個就係而家三棟屋既全景模型




之後就漫無目的周圍行下, 見到一間以農村為題既屋, 仲話[歡迎體驗農村生活]及可以拍照, 賁在太好啦!! 呢個係客廳^^



客廳內既枱及椅子, 仲有碗快, 睇黎就黎食飯囉!!簡單既家私更加突顯原始風味!!



有個裝飯既木桶, 碗, 碟及快子. 同而家食飯所用既廚具都相同, 只係呢d比較古老吧?



呢個就係裝飯既木桶, 呢個就係傳說中既飯桶咩!!?? 不過都幾得意咁喎~



碗快既close up ~快子都冇咩點變, 碗而家都有係粥舖見過, 不過都少見啦!!



古老既櫃~仲擺左好多兒時玩具, 上面擺D比較重要既東西唔比小孩拎到吧?



呢個也係飯廳嗎?? 真係唔知啦, 見佢又有碗, 可能係招呼客人既客廳吧??



同岩岩見到果個飯廳一樣, 都係有碗快, 應該都係食飯用吧??



之後去既地方係...睡房!! 睇黎係另一個有特色既古舊地方!



都係最有興趣影張床~呢張草席我都用過, 而白色呢個係蚊罩, 唔比蚊飛入去~



以前都見過婆婆用既足扇, 估唔到呢度可見返!! 不過塊藍色布用黎做咩!!??



去完睡房之後再去廚房睇下先~好似古裝片一樣, 都幾得意咁, 等我入去睇下先!!



煮食用既大桶呢!! 睇黎可以煮好多個人既分量!! 仲有其他木做廚具~



除左大型既煮食用品外, 當然也有D比較細既, 分別有細既煮食爐及廚具~



就係呢個爐及個煲啦!! 見過煲中藥或涼茶都係用呢個!! 個煲好耐都見過~



古老既爐及煲~呢個煲用黎煲粥及整煲仔飯超好味, 但而家已經唔再見呢隻煲整出黎既飯啦...真係可惜...



以前既米缸吧!? 真係好大個啊!! 我以前祖母屋企都有一個, 但搬左之後冇見囉



之後去左一個古代結婚為主題既房, 我竟然見到有人係果度私影!!?? 唔係掛, 果度咁細又冇景, 有咩好影??=.="



以前提親時所用既道具及物品, 不過有繩圍住, 唔可以太近觀賞, 真係可惜.....




提親當然唔少得就係頂橋~也係我古代結婚儀式之中最like既物品^^



哈哈~唔記得佢叫咩名, 只記得佢係裝住公雞及母雞一隻, 湊夠一對吧!?




過大禮時既餅盒吧!? 而家真係方便, 只要一張餅卡就可以周圍拎餅, 以前既人辛苦了=.="




過大禮用既酒程及提藍~睇黎古代人都好重視結婚, 好多物件要準備, 始終人都只結一次婚吧!?



再之後去左一個關於香港種米既專題博物館, 一共分幾個展區, 呢個係講述香港種米既歷史~呢個係運米既過程~



上面張相係毎個運米工人運一包米會有一支簽, 用支簽黎計糧既; 下面張相係香港以前既米舖~



以前米舖賣米既木桶, 牆上仲有插在唔同類型米, 地區及價錢既簽, 而家已經沒有了..



木米桶既close up!! 個米桶又真係幾高及幾深, 唔係點裝米去賣喎><



米簽既close up!! 估唔到米都有咁多種類, 而且價錢都幾貴下喎=.="



第二個展館係講香港以前米田所在既位置, 原來香港以前都幾多地方種米. 我哋遲出世既人習慣香港既城市生活, 又點可以想像一片田既香港?



曾經山火既八仙嶺, 估唔到以前係一片水稻既地方!!?? 而且田既面積都幾大呢!!



估唔到連荔枝角及梧桐寨都係米田!? 好難想像而家既荔枝角以前係咁既樣=.="



最後一個叫做[萬花筒]既展覽館, 係講述荃灣既過去, 由一個以耕種為主既地方變成都市既故事. 我對古代既荃灣比較有興趣, 可能係未見過吧?



以前既廚房~係四個盆內分別展出荃灣出名既小食, 分別係米餅, 杏仁餅等等四款食品, 但呢度其實唔比影, 所以冇影到><



以前香港以製衣業為主, 也生產唔少種類既布料, 主要係錦, 粗紗, 筒子紗及布料~

本來仲想影下我係個博物館到此一遊, 但又費時人同我影, 加上我又唔like睇人影私影, 所以到最後都走左, 去附近商場行陣就返屋企休息下, 諗起聽日可以見到joejoe就好啦^^

突然的巨變!?

琴晚半夜起身, 隱約聽到姑姐問爸爸係咪唔舒服, 但我當時太眼訓就訓左...直到第二朝, 我媽媽先同我講, 話爸心臟有事入左院, 要返公司幫手工作及湊姪仔. 本來訓緊既我都即刻起身, 梳洗後就返公司. 返公司之前都食份早餐先~




去到一間叫做銀龍既茶餐廳~可能係香港既特式, 加上全個屋院唔多呢類餐廳, 所以特別受歡迎




影到我媽及姪仔, 姪仔仲好smart咁擰轉面!! 間餐廳都幾靚既, 不過d食物就貴左d=.="




dede等食野既呆樣~好傻好cute啊, 我呢個姑媽又忍唔住影相><



最後都只係叫左碗麵及飲品, 都已經要二十元. 加厚多士要3元, 加雙蛋要4元, 炒蛋5元, 呢間餐廳食野果然貴呢...

原本係返公司工作, 點知醫院打電話黎, 話爸爸竟然要洗血!!? 嚇到媽都唔知點算好, 問我應唔應該通知姑姐, 我覺得媽媽多個人陪佢好d, 於是叫左姑姐請假同媽一齊, 而我就係公司湊dede及接其他客既電話. 最後dede玩累, 我又開始累, 貨又遲左交, 不過都有公司好好心, 問我爸而家身體點樣, 但自己又唔想講實情, 惟有一句[OK]就算

佢哋終於返黎, 大家叫左飯分黎食後, 又繼續開工, 做到咁上下, 全家一齊去探爸, 見佢換左血之後情況都麻麻, 依然要插住喉, 可能我從未見過爸咁辛苦, 係我心目中佢係鍾意周圍去釣魚及同人傾計既人, 都未見過佢呢個樣, 自己心內覺得難過, 但又唔知講咩好, 惟有呆呆地企係度望住佢, 幫佢扔垃圾. 後來我妹, 我細佬及弟婦都黎埋, 大家似乎心情唔太好

探完病之後大家餓了, 一齊去食晚飯, 呢日雖然我食得唔太多野, 但都冇胃口, 只係食左粥及腸粉就算...



我既晚餐: 皮蛋碎牛粥及淨腸粉, 雖然有D未飽, 但又唔知點解唔想食....

食完飯後再同媽返公司幫手, 工作至差唔多十一點就走, 媽因要趕貨要留係公司度做哂所有野, 辛苦你啦, 媽咪....

同時我也做哂我爸平時係公司做既所有野, 包括聽客人電話, 送貨及取貨, 開單, 收錢, 同時也幫我媽手切O麥, 先知爸以前係幾咁辛苦. 同時也係工作之中學識做生意原來咁辛苦及難, 但仍然樂在其中, 可能係搵既錢係我哋既特別緊張及關心吧, 同時也唔使係出面受埋D變態女人既氣; 同埋呢間公司係父母不停地努力工作養大我哋三個, 佢哋曾經付出唔少心血及努力, 所以我也希望可學識點做生意, 有機會既話繼承佢哋呢間公司!!!

要返爸公司幫手

本來係屋企hea緊, 點知媽一個電話黎, 話爸唔係咁舒服, 要返公司幫手, 我也只好即刻換衫及梳洗後, 再搭村巴返去幫手><



一返到去公司(後面似乎好亂呢, 又唔似公司=.=), 見到dede(我姪仔個花名)係架學行車度唔上唔落, 好搞笑, 一於影底佢先~

返到去都係幫下工作, 而且仲要去一個客人度拎貨, 估唔到佢間公司都幾遠, 而且仲好偏僻, 我都係問人先至搵到...




呢座大廈就係客人既公司所在, 比兩座工業大廈夾住, 都幾難搵=.="

一入到去客人公司, 全部都係印刷既油味, 都幾臭呢...入到去有個辦公室, 就係拎貨既地方. 拎完貨之後就返自己公司, 有d貨要趕呢, 要加油! 比心機><