訊號山@ 私影. 約會 with joejoe +妹生日快樂!!

今日終於可以見joejoe啦!! 全個星期冇見過, 好掛住佢呢!! 好在joejoe都應承同我去尖沙咀訊號山公園私影, 好耐都冇同佢真正影相啦!!

我哋三點到左公園, 但發覺最有代表性及最多人影相既塔竟然係四點先開!? 我同joejoe惟有搵個寧靜既地方傾計等開門, 同埋係公園附近影相~




終於到左訐號山公園, 個名好似好怪咁既!? 睇下個公園有咩咁靚先~




首先行上呢條樓梯先~好在樓梯唔係太長, 行得唔太辛苦既~




就係呢座塔啦!! 好多人私影及cosplay一定選擇既地方, 不過要小心開放時間, 因佢只係部分時間先會開門比人去影相~




訊號塔既正門口, 都幾靚架!! 可惜我哋岩岩去到公園時未夠鐘, 度門仲鎖左=.="




終於可以入到去塔內~即刻比呢條樓梯吸引住啦, 個窗同佢好夾, 真係好靚!!



呢座塔有三層, joejoe同我見冇人入黎, 我哋先去到頂樓影相先~係頂樓望返落去, 真係好靚啊!! i like it!




上到頂層後見到呢個窗, 加上有太陽光透入屋, 真係好吸引人!!




見到cosplayer 影相, 有個女仔我都覺得佢幾cute, 佢帶住個金假短髮, 應該係扮男仔既做型吧!? 都幾可愛呢~




呢輯joejoe改左個名, 叫做螺旋人生, 覺得同我既人生差唔多, 而且仲影出同平時唔同既我~




呢張既pose唔係太靚, 不過幾有味道, 個皮膚整得好靚啊!!




呢張個人都幾like既~好似苦惱著自己既人生一樣...




其實呢輯相我至like既地方就係個樣似係苦惱一些問題, 而且個look同樓梯都唔錯, 我鍾意


本來想等塔內既人離去再影相, 但等到五點幾d人仲未走, 於是我同joejoe去麥當當食野, 之後再去海港城行下, 比我哋見到一個好特別既時裝攝影展覽, 係一個叫做細貝里枝既氣球大師用氣球整時裝, 真係好靚啊!!




呢個展覽位於海港城對住碼頭既露台, 見到有人對住牆影相, 咪睇下係咩黎, 原來係一個氣球藝術家既作品展覽, 仲有詳細資料介紹




其中兩張用氣球整時裝既相~全藍色既氣球連身裙黎呢!! 加上特別既裙腳, 超得意!!




用氣球整出黎既頭飾呢~真係好特別及好靚啊!!! 加上飄逸既紅衫, 感覺一流!!




最後既係用紅色氣球整既裙~仲有唔同pose, 十足十似時裝繪圖一樣呢~

行完海港城之後, 因我要準備妹生日既禮物, 而joejoe要返屋企食飯, 見左唔太耐就要分開, 要成個星期先可以見面, 好似牛朗織女咁呢><

去到荃灣買禮物, 最後都決定買左份禮物及張卡, 仲有比錢我妹買佢鍾意既野啦!! 之後再同佢地食飯, 早知自己唔食麥當當啦, 唔可以叫全個餐, 好在我媽, 我妹及姑姐比d我食><



我姑姐叫既豬仔骨及蝦鐵板餐~唔係太多肉, 而且感覺都幾好味!!




我妹及媽叫既什排餐, 果然係啖啖肉呢!! 我一見到咁多肉就怕, 不過都幾抵既~




毎個鐵板餐既飯後dessert呢!! 係我至愛既choco雪榚, 我姑姐及妹唔食, 我食左兩個, 不過o者里糖就麻麻地like啦=.="




呢份係我送比妹既禮物啦~係個士多啤梨蛋糕公仔, 仲連埋個蛋糕盒, so cute!!




個士多啤梨蛋糕公仔既close up!! 真係好可愛呢, 連我自己都想要><




送比妹既生日心意卡~買蛋糕公仔果度冇得買, 惟有去千色店睇下, 記得我妹like呢隻公仔, 最後去左sanrio買, 估唔到都幾cute喎...XD




哈哈~原來張生日卡一打開係立體既, 仲有[HAPPY BIRTHDAY]字樣, 襯哂!!




我親自畫既生日心意卡信封, 其實都係亂畫一通, 希望妹鍾意啦><

南生圍 @私影 with victor & benny

本來今日約影師danny影相, 但因佢話比較忙, 同另一位影師叫做victor既影師影相, 原來佢係一個叫做ababy影會既創辦人, 有幸同佢影相好幸運呢!!

約左兩點係元朗地鐵站等, 雖然兩位影師遲到少少, 都冇所謂啦!! 之後同佢哋一齊搭的士去南生圍, 竟然要成47元!!? 真係好貴啊><

終於去到南生圍, 呢次係第二次呢!! 以前見到果隻f成日同人去影, 我都好羨慕架, 估唔到兩年後終於可以去影相, 而且係短短五個月內去左兩次咁多, 加上今日太陽特別好, 我影相終於有太陽啦!! 感動中~~




呢次去影相既地方唔係廢屋, 橋及士多斷橋之類, 而係深入佢草叢部分影相!! 有陽光既毎一處都好靚!!




呢次影相既地點係滿佈草既草地呢!! 而且仲有好多蚊, 好在茶好多蚊怕水, 唔驚掛!?




呢次比較特別, 係呢棵枯樹既洞口影相. 個洞真係幾大架, 全個人都可以企係個洞度~




呢棵樹原來係咁高架!! 真係差d都影唔哂, 個洞相對地覺得好似渺小左><




登登~呢兩位就係今日同我影相既影師啦, 我驚佢地介意我影佢地, 惟有係後面偷影佢地啦!! 自己真衰..XD




去完草地後去另一個地方影相, 本來有d地方如舊屋, 橋等等都想去, 但實在太多人, 最後就黎到呢個草地影相~




第二個拍攝場地附近既景色, 原來有太陽黎影真係咁靚架!! 感覺超正~




回頭望過去, 係一條用樹做成既走廊呢!! 連婚紗相都係度影架~大家未結婚既朋友, 可以考慮下呢度^^




最驚險既一幕黎啦!! 事緣我係果度擺pose影相時, 突然有兩隻狗狗衝去我身邊, 而且仲lamp我呢...我真係咁受狗歡迎嗎?? 也多謝victor幫我影既呢張相~




開心既時間特別快過~已經係日落呢, 就好似上次陰天影相一樣, 失去陽光感覺差好遠...都係下次再黎啦!!




大約五點幾, 我哋離開南生圍啦! 又可以見到船上泛舟啦, 雖然係慢左d....




估唔到夕陽之下泛舟幾靚喎!! 加埋舊屋背景, 好似返到古代一樣^^




要排隊等上船, 自己覺得無聊, 玩下港女自拍先~唔係太識自拍既我, 影得還好吧??




終於上到船啦!! 回頭一看竟然排咁長龍!!?? 有冇咁誇張啊!!??

同兩位影師搭小巴去到元朗, 之後便各自回家. 唔係, 我仲要去醫院探爸爸, 都係快d趕去先得啦!!

荃灣嘉力工業中心 @ 見工 (5)

等左成個星期, 終於有工可以見. 之前見果d都冇哂2nd in及返工, 睇黎都係冇架啦, 惟有過住見工既日子, 今日都好好彩, 可以係荃灣度見工!!

琴晚8點幾到send左cv去搵工, 其中有間叫做安迪工程既, 佢係8點半到竟然叫我聽日去見工!? 咁夜都仲有人打電話比我??? 睇黎呢間公司都幾忙喎, 不過冇計啦, 香港d公司多數都係咁. 不過最驚訝既係....間公司竟然同我妹返工地點係同一幢大廈, 只係佢係A座, 我係B座, 估唔到真係岩成咁????? 如果呢間公司請我就好, 咁咪可以同佢一齊返工...XD




呢次見工既大廈, 叫做嘉力工業中心, 距離地鐵站都幾遠下, 係愉景新城對面, 行大約十五分鐘到啦~




呢座就係我見工既B座~我妹就係後面果座, 同佢真係幾近...xd




工廠大廈內既lift口, 估唔到都幾靚仔喎, 裝修都唔係太差既...XD




終於到左見工果層既七樓, 同下面lift口差好遠呢....比較簡陋的說=.="




就係呢間公司啦!! 係一間工程公司黎既, 呢間公司要返五日半, 而且冇雙糧, 只有花紅, 不過係度做都唔錯既, 起碼係荃灣, 可以慳返車錢既~

見完工之後返屋企打掃, 我屋企太耐冇清潔過, 實在太亂呢!! 但懶惰既我做做下家務訓左, 一起身已經係六點到, 要出去探爸爸, 仲有部分家務呢....都係下星期先做吧!! 星期六要去影相, 星期日陪joejoe及比佢影, 唔得閒呢!!

探完爸之後全家去左一間叫銀龍既茶餐廳, 大家有留意我個blog既話, 即係我公司附近果間, 係荃灣都有分店的, 不過食物就好貴, 要四十幾元個晚餐, 結果五人只叫左四份餐, 至於味道呢~都OK好味既...




呢個係前菜~個汁又酸又spicy, 都醒胃既!! 仲有果兩片青瓜及蕃茄, 覺得好新鮮, 超正!!




我既雞排及薯條呢!! 薯條好好味, 雞排又軟又滑, 分量唔太多, 岩岩好食哂!!

返到屋企決定好聽日及後日既私影地點呢~星期六同一個叫victor影師及佢另一位朋友去南生圍影相; 星期日本來同joejoe去南Y島, 但因joejoe要同屋企人早上去拜山, 改左去尖沙咀既訊號山公園, 兩個地方都好靚呢!! 不容錯過^^

生活雜記(2)

唉呀, 今日冇咩事發生, 都係打生活離記, 冇工返既日子果然係無聊至極, 好想快d返工, 好想買多d靚衫去私影, 好想買多d化妝品, 好想比多d家用屋企, 唉...總之咩都係錢, shit!!

1) 我爸爸終於願意做手術, 係夜晚九點到做左啦!! 希望可以控制下爸爸既病情, 佢唔使咁辛苦啦><

2) 原來酸梅患左流感, 而服特敏福, 而家係屋企休息緊, 仲要定期去睇醫生, 真係可憐呢...希望佢快D好返, 第時可以再一齊食黎食飯!!

3) 真係禍不單行, 呢頭酸梅患感冒, 果頭菜菜又整親手指及碌親; 文迪又冇工做, 我哋呢班fd做咩啊?? 呢個月咁鬼黑都有, 希望快d到五月, 好運自然來, 大家都可以開心d吧?

4) 我既私影日子又返黎啦!! 5月及6月都有私影, 睇黎我都幾忙, 要忙住準備衫, 不過要慳住錢先得啦, 惟有玩下mix & match, 唔好咁易比人見到係同一款衫吧!!

5) 見到有個港女叫做kibe既, 竟然咩都賣比人, 唔係什麼名牌, 只係佢做所謂model著過既衫, 屋企既用品, 什至連四元既橡筋, 二十二元既內衣咩都有, 由四元到百幾元, 真係比佢嚇親, 都唔知好嬲定好笑=.="

個網址就費時po啦, 好友應該已經收到我fb內既inbox, 總之比人感覺好可怕, 連四元都貪!? 而家d女仔唔係咁貪錢及咁cheap啊? 仲要覺得自己好靚女, 好鬼嘔心, 真係想死=.="

生活雜記

首先多謝幾位好友, 係我而家低潮時安慰及關心我, 分別係我bf joejoe, 文迪及酸梅:

joejoe: 驚我冇工作之後毎日都悶, 係返工時間及放工特登打電話比我; 因擔心我而訓唔著. 比以前更加更加鍚我(之前都錫, 但而家更鍚...XD) 我都唔想佢擔心呢!! 希望我哋可以見面既時間更多^^

文迪: 原來佢有個朋友同我爸既情況一樣, 多謝佢安慰及支持我, 仲比關於我爸爸呢個病既資料比我, 同埋想約我食飯傾下計, 我都希望可以同你, 以及菜菜傾, 好耐冇聚過><

酸梅: 雖然只有一句take care, 但都好有心, 多謝你^^ 好啦, 講返今日既生活先, 其實都冇咩大事發生, 毎日都健康及平安吧!? 早上仲食左個豐富既早餐, 真係好好味呢!!




烤得岩岩好既牛油多士, 加上至愛既腸仔及餐肉, 見到全份早餐完全醒哂^^




仲有呢碗勁好味既米線~我把剛才果碟腸仔及餐肉倒埋落去食!! 可能係我騎呢既飲食習慣吧!?

食完早餐之後幫爸去交卡數, 首先去DBS, 因爸冇左張compass visa, 只有八達通信用卡, 跟本交唔到款, 排左兩次都交唔到款, 真係激死我!! 第二次去DBS時先發覺自己隻腳"選"左, 都幾痛下, 又冇工做, 覺得都幾悲哀><

仲有去左恒生交卡數, 加上去郵局交埋差向, 點知比姪仔途中見到及追住我(因我自己交款, 媽及姪仔先返公司), 但我聽緊歌唔知道, 最後我媽打電話先知道佢地原來係我後面=.=".....最後到交我哋公司既管理費, 呢個交費任務都叫完成吧!?

最後要幫媽媽拎送返屋企煮飯, 因冇村巴班次而搭左小巴, 拎住一大袋送, 自己都幾似師奶囉, that's great!! XD




港女自拍及好casual既樣子, 有d似師奶, 但都幾有放假feel, 如果有錢既話, 毎日都係咁既生活都唔錯!!

滿載心意的重花藍~

原來屋企既支出真係幾大呢!! 佢自己原來已經有幾張信用卡外, 而且仲有水電媒, 差向, 管理費等等, 我要拎支票簿, 公司印, 單據去醫院比爸開票, 媽媽唔知爸用咩票簿, 比錯左票簿比爸, 而我也要再搭車拎多次比佢, 爸開完票後要幫佢交屋企管理費><

交完管理費先去食下午茶, 都唔知食咩好, 不過自己一個人, 就食咩都冇所謂, 最後去左吉野家食野!!




位於地鐵對出既一間吉野家, 估唔到下午時間都幾多人食, 可能係食物夠平掛!?




都冇咩胃口食野, 只係食細煎雞米粉, 估唔到都幾好食喎!! 而且只係16元, 抵!!




雖然只係幾元, 而且分量也好少, 但擺得幾靚呢!! 細煎雞果然係最好味^^

直到六點幾, 大家又去探爸爸, 係毎日必需做既事項黎!! 我同媽媽及姪仔去醫院時, 撞到認爸及媽既幾個釣魚朋友, 加上已經有三個釣魚兄弟朋友已經到左醫院探佢, 睇黎爸爸都有五個好朋友, 知道咩叫患難見真情呢!! 人世間就缺乏呢點愛, 冷冰冰既世界仲有呢點溫暖!! 佢哋五人送黎既果藍都好有份量, 真係好重, 佢哋果然有心呢!!



第一次見到好大好靚既果藍呢!! 包裝得好靚, 不過真係好重, 都有幾斤吧?




近影仲可以見到好多款唔同既生果, 真係唔知道食邊款好, 不過有款一早已經食哂, 真係紅色既天桃><




花藍外既粉紅色假花~~ 雖然係假花, 不過做得真係好靚啊!! 花下既黃色絲帶都好襯!




花藍旁邊既布置呢~見佢整得好靚, 又紗又花絲帶真係好靚, 等我又影底先..XD




再影近D層紗先~原來旁邊仲有金銀邊, 真係好靚呢!!




好大個青平果啊!! 唔知好唔好味呢??><




仲有我like既其中一樣生果, 就係呢個火龍果, 如果果肉sweet, 用匙畢黎食仲好食啊!!




仲有呢盒最貴既生果, 就係韓國既士多啤梨, 其中一盒比左二叔佢地, 唔知會唔會咁sweet呢??




仲有好多好多生果啊, 都唔知食唔食得哂呢?? 姪仔至愛既係紅色珍珠, 成日搶住黎食~

全家去見醫生?

係見醫生前先去大快活食早餐及等我細佬係屋企黎荃灣, 之後先一齊去見, 了解我爸爸既病情及治療方法~




我叫左個煎蛋, 吉列魚柳!! 吉列魚柳仲要有檸檬汁整落去及沙律醬, 使唔使食到咁高級啊???加三元多個雪菜肉絲米, 都幾好食既, 不過就貴左d><




近睇個蛋煎得幾靚架!! 而且仲係半生熟, 我至愛食~加上個魚柳又煎得靚及面上既檸檬, 都幾好睇既!!


今早同我姑姐, 媽媽及細佬四人去聽醫生既報告, 情況似乎唔係太樂觀, 話我爸既腎功能只有6%至7%的功能, 即係唔可以正常去排出身體內既毒素, 使毒素聚積係體內, 普通成年男人只係55-100度, 我爸竟然有二千度!!!? 最近留係醫院內洗血先好d, 已降至千二度, 都仲係好高...睇黎只有一條路可以行, 就係做一個腹膜透析既手術, 也俗稱[洗肚]

即係[大 部 份 腎 衰 竭 患 者 都 適 合 接 受 家 居 腹 膜 透 析 。 而 末 期 患 者 會 接 受 一 項 小 手 術 ， 把 軟 導 管 植 入 腹 腔 內 ， 用 作 注 入 透 析 液 ， 把 體 內 多 餘 的 水 份 和 廢 物 由 腹 膜 滲 透 到 透 析 液 中 ， 然 後 經 由 導 管 放 出 體 外 。

末 期 腎 衰 竭 患 者 可 自 行 於 家 中 家 居 腹 膜 透 析 (CAPD)洗 肚 ， 每 日 進 行 3-5次 換 水 程 序 ， 於 透 析 液 停 留 在 腹 腔 內 的 時 候 ， 患 者 可 繼 續 日 常 生 活 如 上 班 、 上 課 或 料 理 家 務 等 。 如 果 遵 從 醫 護 人 員 的 指 示 進 行 洗 肚 ， 併 發 症 必 會 減 少

係一個好漫長及serious既一個手術, 我哋要陪同爸爸行呢段路, 大家都好唔開心, 尤其係媽媽, 佢係電話度同朋友傾電話時都哭左出黎, 係房內既我冇出到房間, 只係聽到佢哭, 有感而發既我係fb內打左句自覺渺小既說話, 唔係我胡思亂想, 而係覺得自己到呢個關頭咩都幫唔到, 覺得自己好渺小.....

至於爸爸當然接受唔到, 因佢親自經歷過麻麻洗肚時既痛苦, 知道係條漫長及辛苦既路, 同埋一直期待住有人捐腎比自己, 但最後可能會希望落空, 等待死亡的降臨, 果種痛苦唔係一般人都可承受到, 長期既身體及精神傷害難以估計, 加上佢自己咁後生就有呢個病, 我麻麻起碼要到六十幾先有, 所以到而家, 爸爸明知只有呢條路, 但又唔願意行既原因

聽完醫生講解後, 爸爸去左洗血, 係病房仲未出黎, 於是我哋一家人先去附近既德華公園同姪仔玩一陣, 再之後我就同姑姐走先, 因為姑姐只請了三個鐘頭假, 而我就要返公司拎貨比個客人, 一陣再去搵返媽咪及姪仔佢地!!




我細佬及姪仔係度玩~兩個都係大細路, 雖然玩得幾顛, 但都幾開心既^^




毎次姪仔都會傻傻咁望住你, 佢好似唔知咩事個無姑樣, 都唔知好嬲定好笑=.="


廣華醫院之中既探病既手術室及走廊~由於毎日只有六點至八點呢段時間先可探病, 平時都幾多人架!!


雖然毎個人都苦著臉, 但只要見到姪仔既可愛笑容, 也會露出一些笑容, 於是我都影下佢既相, 比大家開心下先^^




好難得捕捉到佢食野既一面!!! 睇黎姪仔食野加望住我影相個樣幾串啊=.="




食完野之後當然要飲水啦~睇佢飲水個樣都幾乖及幾定既^^




聽講影可愛既人影得可愛D既話, 只要係高角度影落去, 即係影師所謂既[高抄]既話就得, 估唔到真係work喎!!



始終男仔都係百厭, 尤其係男仔呢!! 食完野後大吵大鬧, 之後又亂搞野, 細路仔果然係惡搞呢!! 真係唔想生小孩=.="

探完病之後大家都返屋企休息下, 呢段時間要辛苦媽媽及姑姐啦!! 不過最辛苦既都係病房內既爸爸! 爸爸要加油啊!! 希望佢可以見到我結婚生仔既一日....