Natalie生日快樂^^

雖然佢睇唔到我個blog, 但都祝佢生日快樂先!! 今日lunch各同事同佢去食飯, 好在一早預約左位先唔使等, 唔係真係等好耐...



就係呢間食潮州野餐廳, 睇個樣都好高級個樣~~平時都唔會黎食呢>< 一入到門口, 布置已經好靚呢!! 不過幾尊像就麻麻地了....



今次坐近玻璃窗, 望到出外既景色, 唔通食物都會好味d嗎??



背後仲有好別緻既平風, 增添優雅既感覺外, 也增加空間感, 比人悠閒既感覺~



連玻璃都咁靚, 可見裝修 係充滿心思~好似有雨點灑在玻璃窗上, 好靚!





仰高頭睇下, 連天花版既吊燈都咁靚~估唔到都幾光～



第一次飲功夫茶~原來係餐前飲既, 不過就覺得好苦, 好難飲>< 不愧係高級餐廳, 連碟鵝及豆腐都咁靚, 而且仲好好味!!



呢個蠔餅先好味, 真係內脆外軟, 超好味, 真係唔可以錯過!




呢個唔知係咪斤....不過真係幾好味既, 而且味道清淡, 值得一試!!




呢個魚香茄子煲都算唔錯架, 而且上碟時仲係好熱, 陣陣香味好正!




仲有呢龍蝦餃~個樣都幾好味, 可惜自己未食過, 都係留返比其他同事食啦~



糯米卷我就麻麻地鍾意, 最後都係冇食到.....



呢個煎腸粉真仔係煎到好香, 入見好軟好林, 真係想全碟食哂, 可惜唔得



呢個唔知係咩餅, 只記得食之前要落砂糖及操, 不過一D都唔好味, 可以話難食...

換新髮型!! + 短暫約會

放左工之後唔知痴咩線, 竟然想去剪頭髮, 仲打電話問我好友文迪佐敦邊度有得剪髮, 多謝佢介紹咁多間髮型屋比我, 仲話其中有一間係周秀娜既男友開既?? 整到我都想去睇下, 不過到最後...應該係搵唔到既><




呢間就係我呢次剪髮既地方~值得讚既係佢無論洗頭及剪髮都好有心機, 洗頭連頭皮都幫你按摩埋, 剪髮會幫你一細執咁剪, 果然係pro, 而且仲好抵, 唔過一百元!!




呢間既舖面都幾靚喎, 洗剪都要百幾元, 雖然話第一次有98元既優惠, 但佢點知你係咪第一次黎呢?? 佢收我原價咪死><

至於剪左個咩頭?? 自己都幾滿意既, 係個厚陰既中長直髮, 相就遲d先po啦, 比大家個神秘感先!! 之後約左joejoe, 佢係第一個見我新髮型既人~~估唔到佐敦都幾多又平又好味既食物, 最後都係決定去金太郎食飯~



同樣都有回轉壽司~不過我地呢次冇食, 都係食定食多, 好似好抵咁^^




我同joejoe都叫左同一個餐, 而且仲有刺身送~呢次係三文魚及吞拿魚, 都幾好味!!




刺身既close up~睇落及咬落真係好新鮮啊!! 可惜只有四件, 似乎唔太夠><




之後就係我哋既主菜~就係呢個曼魚飯!! 個汁又好味, 曼魚又夠淋, good!!




我同joejoe都叫左相同份, 大家都似乎食得好飽咁呢!!

食完飯之後冇幾耐, joejoe就話好d累, 可能同佢成日OT有關吧?? 行左一個鐘到, joejoe話想返屋企休息下, 總之我就唔約你出黎啦!! 唔緊要, 星期六見><

世界盃狂熱

最近好多世界杯既廣告, 就連商場也唔外, 就好似今日和同事出去中港城食飯咁, 已經見到又唔少[龍友]拎住部相機, 佢地影既當然唔係布置, 而又係[o靚模], 我和同事走去睇, 雖然佢唔係靚, 也冇咩身材及性感, 但都唔知點解咁多人走去影=.="

我哋三個都冇佢地咁好氣, 一於走去food court食飯, 果度食飯都幾抵, 只係20-40元到, 所以都吸引左大批打工仔及部分旅客~




就好似我呢個飯咁, 一碟沙爹雞排飯及油菜, 連埋飲品都只係二十幾, 味道就...一般啦!!




果然係世界足球盛事!!全部都係colorful既布置~~~好like佢2010既字




仲有附近既地球儀, 用豹紋及班馬紋做既唔同國家, 都幾靚啊~~




仲要有埋poster!? 不過好似冇咩睇頭咁=.="




雖然我自己唔like足球, 但佢布置都幾特別, 就影下啦!! 我先唔會影o靚模!!




惟一有興趣既就係呢個半透明及斬開了兩邊既足球, 入面有個展覽既場地既. 個靚模就係呢度比人任影..

食完飯之後又要比心機工作, 加油!!><

好差的麥當當

我爸今日又要入院做檢查, 媽媽, 妹, 姪仔及我四人探完爸後, 都諗緊食咩好, 最後媽話麥當當最平, 結果就去左果度食, 點知全部食物都...可以話咁多間麥當當, 最難食真係佢, 就好似我個big mac, 塊牛肉切到好簿, 好佩服廚師既"好刀法", 加上個包竟然唔熱, 又冇咩汁, 連我一向都like big mac既都覺得好難食, 我估呢排我都唔會再去食呢!!

食麥當當既餐, 不如影我姪仔仲實際, 見佢毎次都表情多多, 好得意, 好搞笑...XD




姪仔額頭既中原一點紅><"".....睇佢條舌可以整到成個咀咁, 超勁!!




佢玩電話既touch screen好好玩咁, 樂在其中!!




食完麥當當之後去左附近行街, 見到有咁大個古老月曆, 好正啊!! 仲要打[宜公開減價], great!!




之後見到呢個蛋糕櫃, 應該話只係整到蛋糕櫃既既樣, 但其實係賣鞋既, 又幾搞鬼喎!!

閒記

1) 由於我係間新公司仲未返夠一個月, 所以仲未有人工既自動轉脹, 都係收住支票先~第一次係新公司收人工, 雖然唔係太多, 但都好過冇啦~惟一煩惱既係要比幾錢家用呢?? 都係等過左probation先請人食飯吧!!

2) 知道公司讀書有50% - 100%有津貼, 如果讀會計既話, 津貼返一半學費都好. 但問題係我真係想讀會計嗎?? 時裝設計又唔知收唔收我, 成三個月都仲未有消息, 只係一味延遲截止報名日期, 唔通真係冇人讀?? 仍然處於兩難局面....不過其中一科有得讀都好, 冇錢都係死><..又要重新考慮自己既路!!

3) 最近影師都比較忙, 又或者相機壞左咩都好, 最後個appointment都取消左, 希望佢地下次可以一早通知我><

4) 我既荒野流離常係top rating相簿, 而且長期仲有四分以上, 睇黎要搵真正識影相既人最好!! 同自己影相夾到好難得, 加油!!

去睇daybreakers~

難得又可以見到joejoe, 今日最衰冇帶相機啦, 我唔可以影相....

首先去左尖咀既彩雲軒飲茶, 但呢次既點心賣相及味道都比第一次去差左, 佢既出名點心雪甲燉椰皇唔知做咩鬼, 唔夠熱不特止, 我個椰皇仲有椰穀?? 真係唔係掛? 我星期一食完都冇咁差架, 點解同一個星期可以差成咁呢??

飲完茶之後去左麥當當坐陣, 諗緊之後去咩地方....發覺短短果半年私影, 香港好多出名既地方都已經去過, 只剩下離島, 自然郊野公園及行山徑未行?? 之後同joejoe既目標係行山嗎?? 比我買對波鞋先!

最後都係決定睇daybreakers, 中文翻譯為[2019獵血都市], 估唔到第一套同joejoe去睇既電影就係呢套三級片(因為過份血腥, 冇色情既, 放心), 好在套戲都幾好睇, 而且部分畫面幾靚, 氣氛也做得算唔錯, 不過就有少少血腥><




最初係戲院買票時, 都比呢張海報吸引, 好想睇下呢d係咩黎...點知..都係留返比大家睇...




連彊屍都做得咁迫真, 而且有d畫面更血肉橫飛. 好在有joejoe係我身邊先冇咁驚><


仲有既係男主角超靚仔的說...故事講佢係彊屍, 但唔like吸人血, 希望挽救人類離開彊屍世界, 方法竟然係???

不過都係睇一次就夠呢, 期待下次再去睇戲~

三門仔 @ 私影 with Authur, Stephen & Eddie

今日我哋去三門仔影相, 本來只邀請Authur同我影, 後來佢帶多兩位朋友黎影, 不過唔緊要啦, 反正都係熱鬧, 冇咁悶麻!!


講返三門仔呢個地方先, 其實我都係第一次去, 感覺就似長州及大澳, 都係個漁村, 不過佢既民風比較簡樸, 毎戶都會打開門口, 少有地方用冷氣, 多數人家都有個私人碼頭, 可以駕船周圍去, 我也想有呢類既屋及住係度呢!! 惟一壞處就係果度實在太多蚊><




一入到村已經覺得佢好平靜, 只係有好多車泊係路邊, 睇黎都幾多人去玩~




村口附近既小屋~毎戶真係打開門口架!! 而且設備比較簡單, 有點反樸歸真既味道!




我哋就係附近既小碼頭影相呢~不愧係漁村, 有好多小碼頭, 不過部分係私人, 真係要問下村民先得架!!





周圍都係廢棄物, 而且仲有好多水蟑螂, 都咪話唔得人驚, 不過為左靚相冇辦法!




呢個就係神秘地方 -紫色碼頭, 聽講係用木版封左, 係authur問下可唔可以影先可黎到呢度. 全個碼頭真係紫色, 仲要係淡紫, 超正!!





紫色碼頭既樓梯, 連樓梯都係紫色, 好靚啊!!





周圍既村屋~掛滿好多衫及擺哂椅子, 去比人傾計呢!! 仲偷影兩位影師...XD





第一個影既地方就係呢度, 係個大家休憩既地方, 感覺唔錯!!

第一部分既相終於影完, 著住鬆榚鞋既我行到腳痛, 換返對平底休息下先!! 加上好肚餓, 我哋全部人去食野先, 係食野前, authur有另一位影師朋友Eddie黎左, 計埋佢有四人呢!! 未去食野前見到個漁民既小型博物館, 等我及stephen去睇下先~




就係呢個展覽館, 只係一間房既大小, 但已經有好多漁民生活資料呢~




漁民住既房屋呢!! 特別起高左一層, 可能係怕水浸到房屋吧!




漁民用既足藍~睇佢地都有心機織, 都幾靚咁喎~




連洗面盆, 牙膏, 牙刷及漱口杯都有, 果然利害啊~



差d唔記得左影底個村牌~有到此一遊既感覺...XD

多謝各影師請我食野!!食飽飽之後先去換衫, 換衫後再去下個地方影相~途中比我見到兩個影會, 勁唔想見到d又姣又以為自己好叻既model, 有位唔知係咪對住我笑, 我都冇理佢. 之後有位影師見到路上其中一名少女講[你比果個model仲好], 聽完之後都大快人心呢, 總之我都附和佢啦!!

之後再見到另一位model, 佢冇之前果位model咁姣既, 原來其中一名影師認識佢, 已經影左五年相, 不過pose都係麻麻地, 影師仲話佢來來去去得果三招, 五年都冇進步, 真係唔知點解會影佢囉? 唔通只要樣靚就得? 佢地只係行行企企, 只是影糖水相, 佢地更唔會好似我或其他以興趣去比人影既model咁會爬黎爬去影




去到三門仔, 見到個風景咁靚, 點可以唔影返張相留念....XD




又偷拍下三位影師先~authur做咩行得咁快既?? stephen及eddie就傾計, 我就跟住佢地尾啦^^




最後一站既影相地點, 就係呢個避風塘突出既部分, 有最多靚地方影, 又唔使驚見到影會, 真好!!




除左可以比我見識下咩係避風塘外, 仲有呢個咁靚既天色, 好似張靚畫^^




後來其中一位影師既老婆打電話比佢, 話就黎狂風暴雨, 話口未完差唔多落, 我哋趕緊去巴士站, 好好玩!! 呢個係巴士站外既比華利山, 成五千萬一幢, 呢世都唔使旨意買呢, 惟有拍照留念~




上車之後終於落起大雨黎, 好在其中一位影師有車, 唔係就要同人迫巴士呢!!




真係落起大雨啊!! 坐係架咁靚既車度, 覺得自己好似有錢女一樣, 架車張椅勁舒服呢!!




估唔到返到屋企之後, 咁快有相睇!! 不過仲未完全執好既~呢次係以輕鬆旅行為主題^^




其中一張相出左啦, 而且都幾靚咁!! 好期待呢輯相呢!!