同joejoe去慈雲閣

夏天已經黎到, 好快就好熱, 我同joejoe暫時唔可以周圍去, 就算去既地方一定要有屋企既地方, 我又冇去過慈雲閣, 於是joejoe同我去果邊, 想睇下自己未見過既地方~




終於到左慈雲閣啦~由中心行過黎時, 都要用十幾分鐘, 咁熱真係行到死左=.="




門邊外既石龍, 好似好有威嚴咁, 究竟入面係個咩地方呢?? 聽姑姐講話係擺骨灰位既地方時, 自己都有D驚..




睇黎仲有好多樓梯行呢, 加上天氣咁熱, 行上去都幾辛苦架!! 門口真係如姑姐講, 有兩個印度人係度, 同個成人一樣咁高..




雖然係個擺骨灰及介紹中國神佛既地方, 但一點也唔恐怖, 部分景色仲幾好. 呢個公仔都幾特別~




座假山及假魚都幾靚, 好有中國園林既style~




之後去到一個叫做慈光亨既地方, 加埋天上既藍天, 好靚, 可惜太曬, 唔可以係個亭度坐底休息...



亭上既燈也好靚呢, 簡單得黎, 又混合了中西特色, 唔錯!!



仲有呢個用石堆砌而成既石柱, 全部都用石整實在太勁啦!!



最靚既相信就係呢條布滿樹支既樓梯, 好難想像果個地方有咁靚既景, 不過太熱冇行上去..

用左一個鐘既時間終於行完, 之後再返慈雲山中心食少少野, 見到有間餐廳好似幾靚咁, 加上我地又累了, 都係快D去休息下先~間餐廳既食物價錢雖然貴左少少, 但都幾多人去食, 真係咁好味嗎??



地方都算大, 感覺比人覺得坐得好舒服, 真正enjoy自己份餐~



我同joejoe好好彩可以坐卡位~附近仲有好靚既畫



我哋卡位附近既一張畫, 幅畫實在太靚, 覺得自己置身於畫廊之中~




joejoe叫既生牛肉烏冬, 個湯好香, 生牛肉半生熟, 超好味, 早知叫佢個麵啦><



我叫既keep fit餐!? 其實只係冇咩胃口食野, 唔想食熱野, 於是叫左呢個沙律蕃茄火腿雞肉三文治, 又真係幾新鮮!!



今日買既兩件物品, 好似有d細路女咁....包括一把扇及一個證件套, 係我至愛既兔仔, 只有最後一個都可以買到, lucky!!

和同事食飯記(2)

今日都係同tracy及natalie食飯, 加埋sunny, 見sunny一陣可以去聽talk, 唔使返工真羨慕呢!! 我哋去左一間台灣餐廳食飯, lunch都幾多人排隊, 睇黎好似唔錯咁~



tracy叫既魚香茄子, 都幾惹味, 果然係最穩陣既菜色~



sunny叫既spicy雞肉及翠肉瓜, 都係少少spicy,好味!!



natalie叫既菜色, 但唔記得叫咩名,...只係覺得個椰菜好好味><



我叫既白菜獅子頭, 個獅子頭真係大到成個手掌, 惟一一樣唔spicy既菜色, 獅子頭好味~



仲有毎人一碗既菜飯, 突然諗起媽整既超級好味菜飯, 都唔知有冇機會再食到...



趁冇人係度, 唔使驚影到人啦, 可以盡情地影相~間餐廳裝修簡單, 但坐得好迫



餐廳既另外一邊, 地方唔係太大, 我哋可坐近牆邊已經好好~

好在今日唔係太多野做, 做到六點幾就可以走, 覺得咁早走好幸福呢!! 之後同我姑姐及姪仔係地鐵站會合, 都係快D返屋企休息下, 好累呢~

仲要加班...

今日全世界都放假, 只有natalie, tracy及我要返工, 大家都可憐呢, 加油!! 大家努力工作半日後, 先去食飯, 都唔知食咩好, 只好周圍行下, 睇下有咩岩食, 最後發現左一間日本餐廳, 好似幾ok咁~



間餐廳黑黑地, 都幾有情調咁, 不過有少少太黑, 食飯唔係太習慣呢...



tracy叫既軟殼蟹炒飯~睇個樣都唔錯咁, 但tracy話味道比較淡...



natalie既牛肉飯, 有點似吉野家既牛肉飯, 但唔知好唔好味呢??



我既曼魚飯~件曼魚都幾好食既, 個飯都算唔錯, 仲有日本羅白, 超好味!!



仲有我哋既三杯飲品, 分別係choco, 士多啤梨新地及檸檬水, 估唔到佢地拚埋都幾靚!!

食完lunch之後仍然要努力, 直至八點幾又食dinner, 都去大家樂度食飯, 見到有什排, 但諗起之後返工咁慘, 我地都係唔叫, 只係叫左個普通既飯食, 本來想叫焗豬排飯, 點知到我買時竟然賣哂!? 最後只好可以叫燒味雙拚套餐, 想食好既都冇得食, 真可憐=.="



就係呢個叉雞飯~雞都仲可以, 但叉燒都係好硬, 仲有菜好似怪怪地味...

最後竟然做到差唔多一點先放工, 唔係下午一點, 而係夜晚一點, 睇數字睇到眼都花埋...連續兩晚捱夜真係好辛苦, 好想返屋企快D訓覺, 聽日也要返工, 唉...

開始要加班了..

開始趕緊report比美國總部, 漫長既加班生活開始, 但我冇準備食物, 好在tracy及舊同事amy剩下既食物可以食, 睇黎下次要準備更多食物><




好在有各同事比我既食物, 分別有黃色既健康方型餅, choco, choco批, 棋子餅. 但我掛住工作, 只食了好少既方型餅及choco 批

諗起聽日全世界都放假, 只有我哋三個仲要返工, 真係可憐啊...希望快d做完公司既野, 可以返屋企休息下

最後十一點幾先放工, 好在公司比claim返由公司返屋企既的士錢, 最貴果單應該係其中一位director答返去深井, 竟然要成二百幾元!? 好在而家去姑姐屋企都好D, 只係七十幾元, 雖然唔算太貴, 但平時我一定唔捨得答的士, 都係地鐵及小巴適合我多^^

sunny 生日快樂^^

上次先食完natalie食完生日飯之後, 話咁快又有另一位男同事sunny既生日, 佢like食日本野, 本來想同佢食, 點知book唔到餐廳, 最後只係去左間好貴既中餐廳食飯, 間餐廳幾靚既, 食物都算唔錯, 但價錢就....哈哈....要成二十幾元一龍點心, 認真誇張!!



周圍既地方都幾優雅, 係間高級既粵菜餐廳, 都幾多人黎食架, 真係咁好味!?




全間餐廳以雀寵為主, 諗起舊式既酒樓, 都幾有古典味道!!




連餐具都咁靚, 隻杯仲好多隻, 係普通既酒樓既三倍, 飲左好多水><



食物果然係好味呢!! 連我平時唔食既豬手都突然覺得好味!? 仲食左兩舊...XD




另一碟既牛腩登場, 點解同碟豬手差唔多既??? 但都幾好味!!




仲有龍蝦餃, 毎人一粒都幾正, 可惜一龍要成二十幾元, 太貴啦><



仲有香脆既春卷, 食完仲想食多一舊呢!! 炸得實在太好味!!




蝦仁炒麵, 個麵有汁, 部分淋, 部分就又硬又脆, 諗起以前係昌華街舊屋樓下既餐廳其中一個小菜, 叫做什會炒麵!! 不過而家間餐廳拆左, 冇得再食, 估唔到可以係度食返...

駝螺!?

毎逢星期一, 我姑姐都會約醫師為姪仔既腰骨及心口做治療活動, 姑姐, 細佬及姪仔都會出席, 而我也會在旁睇住, 見到姪仔既腰骨好返好多, 但心口仍然唔太好. 治療活動的確辛苦, 尤其係而家咁熱, 佢更加唔願意去做, 於是我哋就用男孩至愛既玩具: 駝螺. 去引誘佢做運動, 見到佢玩得咁開心, 就走去八下究竟呢隻有咩咁好玩...



ahha~原來我細佬都識玩, 見佢轉下轉下又幾得意喎, 仲有唔同顏色, 又幾靚!!

見到我姪仔日玩夜玩, 作為大人既我就唔知點解可以玩咁耐, 可能就係大人先唔明白小朋友既心意, 始終大人感情及思想上越來越複雜, 自找麻煩, 都係做小朋友既好...

同joejoe去食晚飯

今日只約了joejoe食lunch, 但好耐冇見既我哋都已經開心, 呢日落好大雨, 但仍然都阻唔到我哋見面, 只係途中比較擔心對方可唔可以安全到達...

我先到尖沙咀碼頭, 見到電梯上有個時裝既小擺設好靚, 仲走左去影相, 點知影影下竟然冇電, 最後只係影左呢張相=.="



見到咁靚真係想影多幾張 , 可惜冇電囉, 真係可惜囉=.="

最後joejoe都黎到, 之後就去左飲下午茶, 只係叫左窩絲瓜魚肉米粉, 超好味, 可惜冇得影底...同埋只係叫左毎人一個椰皇, 但已經夠飽, 如果第時我同joejoe帶唔同既朋友黎, 多人熱鬧一番都唔錯!!

全日都落雨, 加上我同joejoe都想慳錢, 夜晚返屋企食飯, 途中一齊答的士, 間中黎個簡單既一日, 唔錯既, 尤其係同另一半, 去邊都冇所謂^^

慈雲山中心遊記

今日仍然都係落雨, 同姑姐及姪仔去慈雲山中心買送及行下街, 好過係屋企咁悶, 三人冒住雨出街!!



周圍都濕哂, 毎個人都拎住遮, 感覺唔太好, 甚至有D煩呢><



返中學果陣, 好like去呢間文具店買具, 好耐都冇黎, 個招牌及間店舖都靚好多囉~



赤川日本料理, 間店舖好靚, 而且仲好貴....有錢先再去食吧!!



見到姪仔係美國冒險樂園玩架飛機咁開心, 就比佢玩多一陣啦^^



之後仲去玩消防車, 玩完飛機後再去玩車, 陸及空都玩哂, 勁啊!!



仲有可愛既索柏, 咩顏色都有, 仲係至靚既粉色, 都好想拎哂佢地返屋企~~



各隻可愛既索柏仔close up呢~至愛既粉紅色!! 對眼圓圓地, 更加可愛!!



仲有小蛋糕既夾公仔機, 同樣都好愛呢!! 不過之前都見到旺角有得買, 自己仲有兩隻..xd

估唔到係慈雲山中心都可以令我大出血呢, 買左兩件衫, 加上一對勁修腳既boot, 不過都買得算抵既, 之後就要慳少少, 就當係為左我間dream house啦!!

同事食飯記

[星期四有個朋友及同事走, d相係佢度, 要等佢send比我先可打blog><]

終於到左星期五, 又係全班同事食飯, 今日黎左個新既HR head, 佢叫semmi, 我終於唔使再做HR既野, 開心到爆!! 因為natalie及老闆要和新同事食飯, 只有tracy, sunny及我三人出街食, 落雨唔可以行太遠, 只好去附近一間叫做小城滋味既地方食飯~



終於可以影到間餐廳, 之前同阿head去食飯費時影, 呢次終於有機會影^^



地方唔係好大, 加上毎次lunch都幾多人, 感覺好似好迫, 要好多時間等位呢!!



玻璃窗外既位都幾好咁喎, 我都想係果邊坐, 因我like食飯時望到街外既景色~



門外既景色, 因毎人都唔願意搭枱, 而我哋要準時返公司, 只好坐附近, 我就對住個門口, 可以清楚影到出面~



食物都仲未到, tracy已經想玩下sunny既iphone內狗仔, natalie都鍾意玩架, 隻狗仔叫做sunson..xd



我既飯終於黎左~~係我至愛既焗芝士飯, 呢次係雞排, 但如果係魚更加好, 個飯簡直係prefect! 個紅湯飲唔哂, 比左tracy飲, 原來佢like飲紅湯^^



tracy既檸水, 都好似幾正咁喎!! 雖然我係唔飲檸水既=口="

好在新同事黎左, 可以早D放工, 去包點先生買左個好好味既冬姑蒸雞飯後, 即刻趕返去睇[搜下留情]既兩個鐘大結局先, 估唔到呢套都幾好睇, 香港好少有呢類既劇集(雖然話扮咖里略), 但都冇所謂, 反正我like睇鬥智既警匪片集^^

同姑姐食晚飯

呢日唔記得左自己係咪ot, 而姑姐都冇煮飯, 所以去左附近慈雲山中心食野, 可能我哋比較慳, 行左好多間餐廳, 都覺得好似好貴咁, 又唔想食麥當當咁熱氣, 到最後都係去左包點先生度食飯, 冇我至愛既盎頭飯, 只好叫左其他飯食...



我同姑姐既兩份飯, 姑姐既牛腩飯, 及我既栗米肉粒飯, 毎個只係二十元到, 味道都算唔錯!!




姑姐碟飯都幾好味, 唔太咸, 但食物又入味, 一個人份量岩岩好^^



毎個飯餐加多五元有個燉蛋, 雖然少少硬, 但暖暖地及好滑, 都算唔錯吧!



間餐廳雖然細少少, 而且比較開陽, 但坐得都幾舒服~



餐廳既另一邊, 可能而家比較晏, 冇咩人黎食野, 咁寧靜都算唔錯^^

雜記

1) 公司連續兩日有人做audit, 我下午都要坐係reception度, 真係悶到死左. 好在我幾位好同事tracy, amy及sunny間中黎睇下我, 同我傾計先好d^^

2) 之後一位高層shirley話同我去食飯, 都唔知係咪AA架, 佢地食成百幾元個lunch, 我呢d平民真係食唔起, 不過佢職位咁高, 應該出公數吧..XD

3) 最近成日都要ot, 我都想盡時五點半放工. 除非人工高(指過二萬元), 都會比心機做耐d既. 唔通真係貪八點後既ot飯錢60元加車費嗎??? 也因為成日加班既關係, 少左同joejoe, 也少左同屋企人見面, 連我爸爸入左院都冇時間探, 果然我係唔鍾意加班呢!!

4) 就係最唔like果樣 -落雨, 整到冇得周圍去外, 答地鐵都特別多人, 而且全部地方都濕, 勁乞人憎!!

5) 其中有位朋友之前因食錯野入左醫院, 好在佢最後都出左院, 真係恭喜佢. 而家天氣咁熱, 食物好易變壞, 希望各朋友, 屋企人及男友食野小心d