自己行書展

今日難得既一日補假, 全部人都返哂工, 只有自己一個, 都幾悶呢!! 見最近有個書展, 而且中午十二點之前既入場費只係十元, 自己都無聊走去行下先...



估唔到早場都勁多人呢, 多人到真係誇張!! 真係有諗過放棄唔排隊...講真, 自己一個排隊, 又冇人可以傾及陪同, 都幾岸居下~




終於買左票入場, 都唔知去一樓定三樓好, 最後都係去一樓吧?



拎住張早場十元既特價入場禮券入場囉~見網上講可以玩足成日(如有腳骨力既話)



有好多所謂既少女輕小說, 不過我呢個年紀唔岩啦...




n年前睇開既漫畫家, 呢次佢地出輕小說, 但對於怕睇咁多字既我都冇興趣買=.="



私影太受歡迎了, 連書商都出書比人學汁相, 等我都學下汁自己既相先~



好啦, 都係睇返自己最鍾意果樣先, 就係fashion啦, 呢次真係大飽眼福, 好幸福呢^^




好多關於時裝設計, 物料既書籍~




睇左咁耐書, 想買既其中一本, 有所有時裝相及畫, 都幾靚架!! 但半價都要九十幾玩, 太貴, 冇買!




好想買既第二本書, 銀色封面, 入面全部都係黑色衫, 真係好靚, 盛惠百七元, 咁貴更加冇買><




國內出既CG書, 估唔到內地既電腦繪圖技術咁先進, 真係佩服!!




仲有好多DIY既玩具, 不過我冇咩心機逐件慢慢整, 但真係好靚!!



仲有yumi 寫真集....既poster, 見唔到本書, 唔知係點既樣??




仲有汀叮既寫真集, 似乎都幾靚咁, 連dc fever都有介紹佢!



angelababy既寫真集, 睇黎都幾靚既, 但有影師話對呢本寫真集有點失望, 話拍攝技巧唔太得, 只係見到baby個樣靚~




有新八模及annie G. 既寫真集, 睇黎都有人買既, 但自己就冇咩興趣..



都係冇咩興趣睇寫真集, 就睇其他, 仲有好多[我的低能]系列, 自己都買左一本, 好過隱, 好好笑...XD



田園書屋既布置都幾得意, 好多本大書, 勁吸引觀眾~




最吸引我既相信就係呢個叫chocolate女仔既呢個攤位~大大個chocolate既牌, 離遠都望到




仲有呢個chocolate公仔, 帶住兔仔耳訓教, 好可愛呢!!




仲有好多chocolate既物品買, 都係以文具, 名信片, notebook套及USB手指為主, 都係由七十幾元至幾百玩不等, 抵唔抵買就睇個人啦~




行左兩個鐘, 有點累呢....係時候離開了, 臨走時見到黃貽興既簽名會, 估唔到都有少少fans喎~

本來想去埋旺角搵聽日影相既衫, 但實在太累, 都係想返屋企休息下. 返到黃大仙中心既包點先生買左個十八元既蒸飯及加三元要椰汁西米露, 個飯就好味, 但西米露就麻麻地...係時候拎下自己既戰利品望望先~



買左本[我的低能湊b之道], 雖然我冇生, 但又覺得幾寫實, 用輕鬆既手法表示社會及為人父母既難題, 都幾得意^^



買左本可愛既書比姪仔學習下~但佢似乎唔太like, 只係揭左幾頁就冇睇=.="




估唔到買本三周刊, 就有咁多樣野送, 包括面模, 髮型gel, 止汗劑等等




仲有訂購一年ELLE雜誌既贈品, 除左呢三件外, 仲有兩件物品~




仲有既兩件物品, 就係呢個碎粉及眼影



拆開ELLE袋仔, 見到都幾多物品, 真係用都有排用呢!!

聽日就要去影相, 七點開始係中環夜影, 天氣咁熱影相開始有點熱呢, 都係影埋呢兩輯就算, 之後睇定先再決定, 反正我又唔係靠影相搵飯食, 唔使咁多爆光率啦, 好好休息咪仲好^^

芝麻街音樂劇

返埋今日就放工, 諗起都開心!! 放工之後見到有人扮芝麻街既兩個角色, 吸引左唔少小朋友, 等我都去影下相先~



見到小朋友好純真既笑容及外表, 都覺得好開心呢^^



等佢地咁耐都唔擰個頭過黎, 想影佢地真係影唔到, 只係影個背隻=.="



其中一隻終於擰個頭黎啦, 見佢pose及表情多多, 勁過隱~



後來跟住佢周圍行, 去到一座大廈底下休息, 仲擺好多pose比人任影~

其實佢係sell 一個由美國黎既音樂劇, 但似乎冇咩文化修養既我都冇咩興趣, 都係影相及比人影比較適合我^^

去掃貨囉!!

今日難得可以放早, 可以同姑姐行旺角既家興掃貨~~唔知大家有冇聽過家興呢?? 其實係一間賣平野既超級市場, 之前成日聽姑姐話買野好平, 所以咪去下~

先約左姑姐係家興門外等, 之後再去瘋狂掃貨?? 買左淡奶, 飲品, 零食之類, 都只係七十元, 而且仲好鬼重, 果然係有份量, 勁抵

好在未去家興掃貨之前, 先去左上次去既店舖買左個[武大郎]既燒餅, 雖然個名就娘左少少, 但個餅幾好味, 個麵包又脆, 仲有好多豬肉及有肉汁, 真係好正! 其實上次都想影底, 但上次冇拎相機, 今次終於可以影下呢~



只好偷偷地影就好, 係五折店舖旁邊果間燒餅皇~好多唔同種類既麵包!



haha~袋上仲有唔同種類既餅名及介紹, 都係店舖內最出名既幾款~



個樣就麻麻地, 只係普通一個燒餅, 但咬落去時, 勁多豬肉, 又有肉汁, 好好味, 毎次去旺角都要食到佢先得!!

最後都係背住好重既物件返屋企, 係先達仲比個男同事見到(後來佢話我知), 呢個世界真細小, 而且仲比人見到我呢個樣, 勁核突=口="

個同事咁快走左!!??

上次話80及90後果位同事, 做唔夠一個星期就走, 真係好兒戲咁...全部會計部既同事琴日已經知道, 我都係今日見佢冇返工, 問其他同事先知. 琴晚tracy見到佢連自己既杯都汁埋都估到, 不過算啦, 冇左佢係度都冇咩所謂既, 不過至擔心都係月尾趕month end時, 都唔知點算好...

所以今日又要趕住請人, 要即刻出jobsDB, 好明顯呢樣野又係我做, 估唔到反應都幾熱烈, 都幾多人應徵, 但身為account manager既natalie, 佢都覺得唔岩心水, 因佢想請返女仔, 但應徵既多數都係男仔; 加上佢又唔like 會計師樓出身既人, 五十幾個應徵者之中, 得果三至四個滿意而安排interview, 睇黎都好似幾難搵人呢...

tracy, natalie及我就慘呢, 又要三人努力地趕month end, 我只好努力d入數, 希望盡快入哂佢=.="

到我出事了....

今日仍然同姪仔做運動, 見佢毎次痛到哭, 都鄧佢辛苦, 點知連我都出事了, 就係...我有高低博及腰骨歪了, 換句說話黎講, 我也要同我姪仔一樣做運動, 原來真係好痛, 耐冇做運動既我連腰骨都痛個半死, 都明白我姪仔點解唔願意做運動, 毎次痛到哭...



呢個動作睇黎好易, 但我兩邊唔平衡, 長期舉起對手都幾辛苦><



雖然係辛苦, 但見到姪仔同細佬玩得咁開心, 自己都開心返^^



食住布甸, 邊用手指指住個鏡頭, 好可愛呢!! 其實都係因為姪仔咁愛電子用品, 見我拎出黎先指住, 佢又想玩埋一份呢!!


我姪仔食既布甸, 係我姑姐親手整, 超多芒果, 超好味道!!

睇黎之後都要狂做運動, 對於一向懶洋洋既我, 似乎有d難度呢!! 點會咁架, 真係要好好加油先得~

又一城行行~

本來今日同joejoe打算去長州玩, 但joejoe因為整件特別禮物比我而miss左十二點半既船, 要等一個鐘先有船, 去得幾個鐘都唔好玩, 最後只好放棄....



就係呢張用我哋合照合併成既相呢~毎張都好sweet 咁, 多謝joejoe^^




仲有joejoe琴日送比我既粉紅rose, 仲開得好靚呢!! 至愛係呢隻粉紅色^^



講返呢次既行程先, 本來去左中環碼頭集合去長州, 最後都係答渡海小輪返尖沙咀, 再答地鐵去九龍塘~



最後都係決定去又一城, 中間發生左件唔係太開心既事, 因為我太餓既關係, 所以先買食物, 點知等位時因掛住望joejoe周圍搵位, 汁瀉在自己手上, 仲大聲話左joejoe><...對唔住呢..




我叫既生牛肉湯河, 但個侍應比我果陣, 牛肉竟然係熟既??? 貨不對辦啊, 可唔可換及退錢架???




joejoe叫既三寶湯河~可能joejoe見我唔開心, 咁少送都比左舊羅白我, 多謝你^^




大家心情似乎唔太好, 只好去九龍塘周圍行下, 見到呢棵樹既花好靚~




joejoe影既粉紅色花, 影師果然唔同d, 連影花都咁靚!? 我要努力下先得!!




呢棵又老又大既樹, 遠睇好靚啊!! 好like呢類歷史悠久既大樹~




大樹旁邊既迷你花園, 真係好細, 但d樹及草好綠, 好靚~




同joejoe行經法國婚紗~其實我都幾like angelababy既, 見到全部都係佢就不停地影...xd




仲有呢張都幾靚, 唔好理佢有冇整容都好, 佢影相真係唔錯~




呢張婚紗好靚呢~如果第時都可以影到咁靚就好

周圍行完街之後, 我哋先去又一城既H&M去下, 之後再去附近小巴站答小巴, 果度都幾方便, 有好多交通工具周圍去, 咁如果有時裝展既話可以更易黎到!!?? 諗起都開心^^

香港婚紗暨結婚禮品博覽

最近天氣好熱, 都唔知去邊度好, 見最近有個婚紗展, 於是同joejoe去睇下, 多謝joejoe願意同我一齊去睇~

太耐冇去過會展覽既我地, 以為門口有門票賣, 點知要到展覽會場先可以買, 而且仲去到五樓咁高!? 答左好耐電梯先至到....



買完門票之後終於可以入場了, 見到d保安人員都唔想我地影佢咁..



入到會場內既地方展覽及內容~好似好多咁, 但好快行完...



一入到門口見到sell 化妝品既店舖~仲有唔同類型如首飾, 甚至連洗牙都有!?



另一部分全部都係婚紗攝影推銷, d sales 狂向我推銷婚紗套餐, 對私影既我係免疫既..xd



影影下相有個男仔向我推銷攝影套餐, 點知佢直接同我講唔準影相, 我於是咪掉頭走, 之後就唔可以光明正大影相, 真討厭, 只可偷偷影埋最後呢張..



冇得影相本來好失望, 但好在比我同joejoe竟然遇上個catwalk show!? 實在太幸福啦!!



首先係裙掛開始~多謝joejoe幫我影呢, 第一次影算唔錯啦^^



始終都係由中國人去演繹裙掛係最好既, 不過我覺套金色好少少娘=.="



唔知係咪冇左個紅色背景真係會好d呢?? 呢件裙掛係全場至靚, 睇佢裙刺繡咁多就知



始終都係拎起紅雨傘係最吸引, 覺得多一分女人味, 好like呢隻紅邊傘~



睇左幾次catwalk show, 呢個外國model最識做, 佢除左會係唔同角度擺pose比人慢慢影外, 仲會對住唔同人笑, 果然係見慣大場面^^



睇下睇下就已經完左, 全部model都行哂出黎, 原來只有六個model, 唔怪之得可以慢慢行, 比影師及其他人影相~



全部人集合!! 加埋中間既designer~如果果個係我黎就好呢, 發夢好了=.="



好在仲有下一場catwalk, 係我至like既婚紗及晚裝, 呢次到我影相先!! 呢張個人好鍾意, 除左係個model外, 仲有果點光, 超似真正catwalk既相!!



之後唔可再影上面果張相..自己只好再努力去試下影靚d><



呢條裙好高貴好靚, 係我至like既款式之一, 如果我可以著到就好..XD



女仔至期待, 覺得至靚既婚紗出場啦!! 都有好多拖尾款~始終都係拖尾既靚d^^



呢套婚紗係我既至至愛!! 好有夢幻(!?)既感覺~



兩個catwalk show終於完結了, 真係場好精彩既展覽~我哋再行多一陣就離開, 我估都唔會再去第二次呢, d人成日sell我太麻煩, 又唔可以周圍影相...



最衰唔記得同joejoe係會場內影合照留念, 好可惜, 只好係巴士上補返, 等我拎住本場刊, joejoe就拎住送比我既花花先~



我送比joejoe既burger~其實係有意思既, 因為我哋兩個都like地鐵站內既哈哈笑及burger果個廣告, 而我就係果個burger~