同joejoe食返餐~

今日同joejoe陪罪, 點都要同佢食返餐先, 今次真係去深水步食飯啦!! 去返以前同IVE同學去食飯既日本餐廳, 都有年幾冇去囉, 只係記得價錢好平, 而且冇去咁耐, 應該唔會差太遠吧?

就係呢間叫做[櫻之亭]既餐廳, 都好似好多野食咁喎..XD

間餐廳既牌面, 都幾有日本style呢!!

當然要影下周圍環境先啦~表面好似簡單, 但都幾自然, 幾靚!

我同joejoe坐近門口, 門口附近既景色~



我哋枱上既餐具擺設~有少少置身於日本餐廳既感覺, 係日本黎就好呢!

joejoe叫既滑蛋豬排飯~聽joejoe講d汁係sweet, 我就怕怕呢><

joejoe個餐黎先就好啦, 睇下佢幾開心, 我仲未有得食...




我哋叫既三文魚壽司~只係三元一件, 但毎人只限叫六件, 味道算唔錯吧!

我叫既什菌炒牛肉飯~都算唔錯, 唔係太多肉, 感覺唔太油膩

同joejoe食飯傾計後, 到鴨療街行下, 順便買個相機保護貼, 之後就一齊行去答巴士, 好耐都冇答巴士, 差d唔知路答, 好在有joejoe同我一齊行, 同埋發覺我哋雖然答唔同巴士, 但個站勁近, 最後joejoe目送我上車回家~

對唔住joejoe

既然今日咁難得唔使加班, 可以六點幾放工, 真開心! 對普通人黎講, 呢個時間放工冇咩大不了, 但係呢間公司可以早走就係難得, 所以都約左同我姑姐行街

呢次我就衰, 原本約左joejoe去深水步食飯及買電話handfree及相機保護貼, 但我後來竟然改變主意去旺角買野, 但又冇話比joejoe知, 結果要joejoe故意去左深水步及等我, 而我見到姑姐穿高跟鞋陪我行到腳痛, 又唔忍心扔下姑姐一人返屋企, 又想去搵joejoe, 但最後都係跟姑姐返屋企, 令到joejoe白等及失望, 唔可以見面, 自己都心痛呢, 唔知點算好, 多次打比joe, 好在佢都冇嬲我, 但令到你唔開心, 我聽日即刻應承同佢食飯補數, 唔好嬲啦><

聽日我點都唔可以加班, 一定要同到你去食飯既!!

未來去向

都咁大個人, 都仲未諗到自己去向, 唔係太想做會計及辦公室工, 覺得佢地太悶, 毎日都係返工放工, 又要玩埋辦公室政治及搞好人事關係, 自己覺得好麻煩; 加上又要一直讀落去, 覺得好辛苦, 自己又冇興趣, 咪反而仲痛苦. 但唔做會計, 又有咩工比佢更高人工及穩定?


自己又想做時裝設計, 但poly u 又唔收, 又唔知讀咩course好, 就算讀左, 都唔知有冇錢交學費; 好想搵份同時裝設計有關既工, 但又要經驗, 又要學歷, 連入行既機會都冇, 而且人工一定會冇左成大部分, 一定比屋企人話都似...


至於咩飲食, 服務業, 自己更加冇興趣啦!! 我就係唔like對人, 要我做對人既工作, 仲要對埋d[long黎]客人, 先鬧左你先再講, 又野蠻, 真係至怕呢d人. 加上佢地服務時間長, 都唔知做到幾點, 而且人工又唔太多



其實我自己心目中有個決定, 就係想做D幫人既工作, 覺得開心, 自己又覺得有意思, 而且部分人工都唔太差之餘, 可以認識點去照顧人, 但...我可以做得到嗎??

做人果然係好麻煩, 左煩右煩真恐怖><

真係好激氣!!

今晚又要加班, 本來十點幾可以走得, 但因想搭的士, 都係十一點先走, 點知就出事了...

當我落車時比張一百元個司機找錢, 及要求的士司機比張單據我, 我見到個司機拎找錢比我, 仲故意講撕不到單據, 之後再撕比我時, 張單據已經冇左車牌名. 後面又塞左勁多車, 後面勁多車響安, 我便急急腳落車, 點知落車之後發覺....佢竟然找少十元比我!!?? 果陣真係好嬲, 更加可以百分之百sure個司機係存心欺騙, 最衰我冇影底佢車牌號碼

返到屋企之後, 我打去的士call台度投訴, 點知話冇車牌唔理會; 之後再打去個叫[1823]既電話, 個職員也好有耐心去聽我既投訴, 雖然都知道搵唔返十元, 但起碼個心都安樂d, 不過都有少少唔忿氣去訓

就係呢張破爛既單據, 及好核突既十元紙, 我答七十元的士, 都變左八十元了...

令到我對的士司機既印象差好多, 雖然唔係全部的士都係咁, 但已經唔想再坐, 只好希望之後唔好再做到咁夜, 又或者自己遲早頂唔順會離開間公司, 因間公司太多野做, 又唔習慣做大公司...

都係飲茶again!!

本來以為今日可以係屋企休息下, 點知二叔及二嬸佢地約姑姐同我去附近飲茶, 都冇所謂啦, 大家聚下又無妨, 反正我地唔係成日見面

去到一間叫做[麗都軒]既茶樓影相, 周圍環境都算唔錯^^

酒樓內等位既位置~好似好細咁..




地方好似幾大咁, 可以容納好多人~



未開始食野之前, 姪仔都唔放過任何一個玩駝螺既機會, 等佢大顯身手一番先!!

又再準備玩駝螺~都係影最真最自然既一面係最好呢^^



終於可以食野啦!! 呢個係紅豆既煎堆, 都幾好味啦~

仲有呢碗薑汁燉奶, 奶都幾滑, 可惜薑味太重, 食唔出奶味=.="



好耐都冇食既大良炸鮮奶~希望都係好食啦><

奶都幾滑, 但個皮太厚, 而且太油膩, 食一舊已經覺得好漏><




仲有呢個蝦腸, 入面仲有生菜, 都係第一次食, 味道真係唔錯, 清清地

呢個魚肚斤果然[好多], 毎個人都唔知食得幾多...

飲完茶之後大家係商場行左一陣, 見到我堂妹飲珍珠奶茶, 我都想飲; 姪仔又食我至愛既choco雪榚, 可惜既係...我都係冇得食, 只可望住佢地食, 自己冇得食, 無計, 惟有下次啦!

同屋企人飲茶

自從六月同媽吵架後, 好耐都冇見媽, 爸及妹, 今明兩日joejoe又和朋友去宿營, 只剩下我一個, 於是決定左同屋企人去飲茶

起初都有少少怕返屋企, 因我唔知同媽講咩好, 後來返到爸公司, 先知道最近發生既事都幾多, 連爸毎個星期二都要覆診都唔知, 自己果然不孝!!

除左傾多d計外, 仲要執好我以前買落既漫畫, 見到好多唔要既漫畫, 自己以前真哂錢, 如果d錢儲埋佢, 都應該有幾千元吧!? 所以我同自己講, 以前都唔會再買漫畫, 都係上網睇好了. 之後同媽媽執好公司部分物件後, 再同屋企人去飲茶

我妹及姑姐叫既燒鵝瀨~好似好好味咁, 總之我叫呢碗><

呢碗係我既豉油雞米粉, 都幾好味架!!

唔知自己係咪太肚餓呢?? 之後唔記得左影相, 飲呢餐下午茶, 叫左十幾碟食物都只係百幾元,而且味道都唔錯, 自己請下客都好抵呢!!

飲完茶後再去行下街, 好在冇咩衫買, 行完街後再返爸公司休息一下, 見到公司就黎賣比人, 自己都唔知再有冇機會見到, 心內都有少少酸, 尤其係見到媽有心機種既植物唔可以搬走, 酸酸既感覺更加強烈!!

呢棵鐵樹好耐冇見, 已經長高了好多, 諗起佢以前開既花好靚, 扔左真係可惜...




不但長高了好多, 樹葉也好多塊, 而且仲好綠!

休息一會兒之後便離開公司返姑姐屋企, 後來姑姐同我講, 原來媽媽問過我屋企擺張碌架床好唔好, 都想我返屋企住, 但我竟然聽唔到, 我係冇心的聽唔到, sorry啊, 同埋我一定會返去住既..XD

anna sui 攤位

琴晚放工時, 見到anna sui既攤位好靚, 但琴晚都冇咩心機影, 都係今朝早先再影, 見到保安在場內監管, 以為唔比人影, 點知佢地仲讓開比我影相, 真識做!!

好在今日早放工, 可以早d去影相, 點知比幾個化到勁濃, 又好豬排既sales阻止, 真係咩mood都冇哂. 佢地化到成個[馬騮紅pet pet]咁都可以做sales, 以我呢個質素, 都可以做下呢份pt, 唔知佢地請唔請我呢?? 佢地真係認識化妝嗎? 我唔相信囉...

由三樓影落去既攤檔, 睇佢上頂已經覺得一流呢!!

佢毎個廣告硬照都好靚, 呢個都唔例外




~

仲有埋化妝台及用品, 如果仲未見到班sales之前, 我都仲有所期待既, 但見完佢地之後...唉...唔怪之得連一個人都冇, 終於明白哂

賣胭脂既櫃仔已經好靚, 仲show哂咁多種顏色比你睇~

仲有香水化妝台, 有我至想買既兩枝結他香水, 不過要成三百幾元枝, 有點唔捨得

仲有指甲油既化妝台, 有好多隻顏色比人選擇, 就係影呢個櫃之後比sales叫唔好影, 真係無奈=.="





本來想影埋另一邊既櫃, 都已經冇得影, 呢張相係早上影

又要開OT=.="

今日又要捱夜,咪又係因為趕month end埋數,之後比盤數美國總部,睇怕唔夜走都幾難. 所以八點幾到,我同tracy, natalie及may四個人一齊去大家樂食飯,都唔知食咩好, 最後都係叫左個蒸飯@@

我個蒸飯好似包點先生買果隻, 都係唔好影佢, 只係影呢杯楊枝金露就算, 都算好飲既..

Natalie叫既迷你冬瓜盅套餐, 都好似幾豐富咁喎~

個冬瓜盅細細個, 好得意, 一個人食加埋飯送都夠哂!!

may及tracy叫左呢個魚翅餐好正咁, 雖然唔係真, 但個賣相都好吸引, 總之叫呢個餐><

may叫既龍仔什豆豆腐飯, 個送都好似幾正咁, 好健康!

仲有tracy叫既咕嚕肉, 都幾colorful, 都幾吸引人食, 更加後悔只叫左個蒸飯><

餐飯好唔好都冇所謂, 只係一餐o者, 之後要努力工作, 差唔多十二點先走, 都係答的士返屋企. 聽日仲要返工, 真可憐, 快d到星期六就好><

終於出左相嗎???

同victor去中環夜影, 輯相終於出左啦!! 自己都幾鍾意, 我唔會一味扮可愛, 賣弄性感去迎合宅男及龍友既口味, 自己比較想影時裝味重既相, 做返自己, 最多只係著得比較性感, 也係我既極限了><

話說隻張保仔岩岩好駛到旁邊, 紅色既船帆及我件藍色衫好搶眼呢!!

呢張夜景也唔錯, 我指個係景, 唔係我...xd



呢張個樣好寸, 好想打自己, 不過都幾like呢隻暗暗既氣氛, 同我[noir]既形象好似..xd

周圍環境暗暗地, 其實周圍係有人, 但都比佢執走哂, 勁啊!!

呢輯相其中一張至like既相, 都幾有feel~仲用左黎做fb既頭像相...kakak

victor突然有個idea, 叫我捱住係廣告版上影相, 效果出黎唔錯喎!!

可以試下做top model硬照既滋味!? 講笑o者, 可以係個靚model既相度影, 係我榮幸就真^^

可以係個型男面前影相!!?? 都係講笑o者, 咁講實會令joejoe唔開心, sorry><

純粹玩野之作, 係跟住櫥窗內既公仔擺pose, 估唔到都執左出黎=.="

好似廣告既一張相!?? 自己都幾like呢張相, 同埋channel既店真係好靚, 要夜晚先夠膽影..xd

呢張我好似挖個nose咁?? 真係哂左個pose及咁靚既景呢><

呢張也係我like既相之一, 自己表現唔太差吧!?



也好like呢張, 同埋呢間店舖既門口, 覺得好有味

就算有冇人睇都好, 我都覺得毎張相唔錯, 多謝victor比心機影我. 其實呢個theme係出自canon s90既一個廣告, 可惜我冇人地咁好, 再加上有少少fashion既感覺, 同普通只sell青春可愛及扮日本妹既女仔唔同, 可能係唔想比人感覺和佢地同一類吧!?

o靚模後感

最近書展見到o靚模, 加上黎緊既動漫展, 更係o靚模, 龍友及宅男既天地, 第時就更加糟糕. 其實我本身對cosplayer冇咩偏見, 只係覺得只係興趣, 也令我敬佩既係佢地為左扮演某卡通人物角色去學車衫及化妝，對佢地黎講都算唔錯，動漫係佢地表現既大好機會，我也唔會反對

加上我幾like一個日本既cosplayer,佢叫kipi, 佢扮咩角色都好靚及好自然, 唔會好似香港既o靚模咁, 睇佢毎個角色都好用心去扮演比人睇~

佢表演得黎好自然, 唔太做作, 望落去感覺上比較舒服~

可能大家都受日本文化影響, 毎個o靚模都show心口既事業線=3="

但香港果d妹妹仔毎個只要比人影過, 去下影會就叫model, 如果係興趣, 或者只係pt都冇所謂. 但連書都未讀好, 就掛住發明星夢, 一味想入娛樂界想出名, 搵快錢就唔好, 始終呢D都係夕陽工業, 到自己年紀大, 青春不再時, 仲可以靠影相model搵飯食嗎?? 就算比你搵到錢, 遲早都有用完既一日, 咁之後又點生活...

講返佢地既明星夢, 佢地手法層出不窮, 又咩爆房鬼片, 比強姦, 又或者書展禁止比佢地入場都要硬入場; 又或者私影model一味谷胸, 影內衣性感相等等, 改變了過往既觀念. 以前咩守身如玉, 衣著密緊通通拋諸腦後, 只要出名就咩都可以做, 出賣自己既尊嚴, 出賣自己既肉體去迎合市場上(男性既需要), 冇左自我, 咁做人有咩意思???

日本係男尊女卑, 女性要透過拍AV, 影寫真/ 又或者做公關及援交, 去滿足男士性需要, 女性既地位已經好低, 而家連香港都淪落如此嗎?? 女性可以站起來, 靠進修及不停努力, 去得到社會地位, 咁先會受人尊重!! 我覺得女性唔係男性既附屬品, 毎個女性都有自我價值, 但唔係由出賣肉體去表現自己, 有一些人可能會用自己學業不成, 找不到工作, 但又要幫補家計, 於是就去做model, 仲互相指對方寫真集內容出位, 不停評論對方, 叫人地可以打快餐店工作, 咁佢自己又去做model!? 自己其身不正仲去話人, 唔知好嬲定好笑...