同joejoe去沙灘

琴日同joejoe傾好去沙灘, 但見今日成三十幾度, 仲有酷熱天氣警告, 想叫joejoe改地點行街, 點知joejoe已經一早拎左冰袋, 咁只好出發吧!!

大家都好早去到約定既地點等, 之後一齊由荔景去到東涌, 再到長沙既某沙灘. 但我哋都未食lunch, 先去麥當當食餐先~


食完之後再答車, 但由於個沙灘太隱蔽, 連我哋答車都過左站, 要熱熱地行返去我哋既沙灘, 行左大約半個鐘到終於到啦

好耐冇去過呢個我同joejoe叫既天上人間沙灘, 到呢個地方心境即刻平靜起黎




各款水上運動既船子~排放得好整齊~



等我即刻化妝之後, 叫joejoe影下我先. 係冇單鏡機, 冇任何汁相技巧, 只有一部傻瓜DC都可以影得我咁靚, 果然係愛情既魔力??



好白痴既我突然諗到呢個pose, 覺得自己好白痴, 好似o靚模既指定動作, 我估只有呢張吧!



拎住個藍懶可愛既一張, 連自己都唔敢睇返張相呢



我構圖都係比較差, 影到joejoe麻麻地, 對唔住啊, joejoe><

我既影相技術...都係算吧!? 影下附近既紅蕃營好過



仲有紅蕃營既野火會, 真係幾原始呢!!



但我影小朋友唔太差吧!? 呢個女仔好可愛, 又好靚女, d o靚模睇清楚咩係真正既可愛, 可愛唔係扮出黎架!!



其實我都好like影小朋友, 佢地比較真及可愛, 個細路女穿三點式, 有點老織, 但都幾得意既. 旁邊既小朋友也好cute!!


本來仲有一個小鬼妹, 她訓係沙上, 比兩名外國人用沙幫佢整條美人魚尾, 再係沙上畫個皇冠比佢. 整完條尾之後, 就比兩名外國人講:[ crop your tail], 就整爛左條尾啦, 早知就問下個外國人, 比唔比我影個小女孩一張相啦


我同joejoe手拖手漫步沙灘, 都幾浪漫呢, 之後突然諗到個idea, 就係海邊拎住拖鞋去影相, 可能冇咁靚, 不過玩下就冇所謂啦!!



好鍾意呢張相既感覺, 唔太做作, 都係自然既好



咁難影既踢水一幕, 都可以比你影到!? 果然利害!!



我好like影既呢張joejoe, 覺得佢既背影好型呢!! 真係唔知點解..



joejoe大膽咁爬上舊大石, 仲擺pose比我影相~



呢張影埋個天空, 覺得joejoe好似高高在上咁



無聊既我影下我哋兩個人對鞋先~



我同joejoe既合照, haha~我都幾like呢張既, 除左身後個袋外

唔經唔覺已經玩到六點幾, 係時候要出返市區, 要同呢個天上人間既地方講再見. 見我同joejoe好耐都冇一齊食晚飯, 今日終於可以啦!! 我哋決定去東會城既food republic度食飯~



好多呢類型既店舖, 而且仲有好多食物比人選擇, 真係唔知簡咩好



地方仲好大, 即使唔霸位, 也一定會搵到位坐, 可以同joejoe慢慢簡食物




仲有個counter比人買飲品, 一睇都知係賣飲品架啦



比我哋搵到個近玻璃窗既位, 邊食飯, 邊望住夜境, 真係賞心悅目^^



我叫既送菜, 多到簡直誇張, 其實砂窩雲吞雞, 菜飯及糖操魚係一個餐, 都係四十五元, 再加多一個紅油抄手, 都只係加十元



仲有joejoe既餐, sorry, 我仲有碗豆漿, 睇下我食量幾驚人




雖然話係糖操魚, 但比較似咕嚕肉多, 只不過呢次唔係豬肉, 而係魚



仲有呢個紅油抄手, 味道都麻麻, so fair so good啦



仲有呢個担担麵, joejoe話有少少spicy, 應該唔太難食吧!?



最好味相信就係呢個砂窩雲吞雞, 個湯充滿雞油, 個湯好甜; 雞又滑; 雲吞夠料, 全個簡直係一流, 真係點都要試下


同joejoe食完飯之後就一齊等巴士返屋企, 可惜我今日返深井, 唔係可以和你一齊答車. 不過唔緊要啦, 中秋後假期又可以見面, 第時一齊食月餅啦!

同事們又聚餐

雖然tracy今日請假, 同natalie,sunny, anton及may一齊出去食lunch, 本來想慳錢, 但最後都係跟同事去左間上海餐廳食飯, 仲要四十幾元, 真係有點肉赤呢..



就係呢間[美味廚], 食物都幾好味既, 不過價錢就貴, 同埋份量唔太多




翠肉瓜粉雞柳, 味道清清地, 雞柳又軟~



仲有呢個白菜炒...eh..我都唔記得左似條麵既野係咩, 反正自己唔太鍾意食




翠肉瓜炒牛肉, 又係翠肉瓜!? 仲有我唔食得既牛肉..



仲有呢個松子魚柳, 酸酸地, 魚柳軟軟的, 係我上海菜既飛佛之一



仲有呢個白菜獅子頭, 等我切開佢之後先至記得影相, 個樣唔太靚囉..


放工前, shirley成日問我睇左醫生未, 見今日可以早放工, 我就早d去睇醫生, 點知睇開果個西醫放左假, 最後去左第二間睇, 但佢既態度唔係太好, 知道自己原來因用左比較平既護膚品及化妝品而患左皮膚敏感, 最後要食藥及茶藥膏, 又要戒口, 好痛苦ar><

到CITA報名及同姑姐食buffet

今日決定到CITA報個時裝設計既course, 順便可以休息一下, 本來想請星期五, 但tracy又請左, 咁就冇辦法啦, 雖然唔可以連埋星期六日放, 但間中一個休息, 充下電, 都算唔錯既^^

一出到德福商場門口, 就見到CITA啦, 雖然比較殘左少少, 但都幾大咁~


CITA門口廣告版其一~我見佢連degree都有咁勁!!?


仲有以彩虹七彩顏色為主既廣告版, 都係同樣吸引~



到左門口啦, 先入去報名先!! 其實讀DIP既要求唔係太高, 自己應該有機會讀吧!?


報完名之後等姑姐食日本自助餐, 但距離食飯仲有少少時間, 就到附近德福行下先. 見到德福內既布置雖然未完成, 但已經好靚, 我都忍唔住影返幾張相先~



好大間士多啤梨屋啊~~好似童話內既屋, 好得意!!



仲有個釀製果醬既地方, 有好歐陸風情呢



點解我知仲係布置緊?? 睇下呢度咪知道



唔好掛住行德福啦, 快D搵返姑姐集合先, 答到車去旺角之後, 即刻去一間叫做青葉既日本餐廳搵位, 好在我哋早黎, 唔係太多人, 否則要等位了



青葉既內部, 暗暗地, 加上可坐係旁邊位, 唔使同人迫~




我同姑姐既碗筷~好肚餓啊, 快d起筷啦!!



第一碟黎就係三文魚, 赤貝及甜蝦, 好新鮮, 好好味!!



仲有我叫既海膽及沙律三文魚手卷, 海膽都幾好味, 不過實在太少..



金菇牛肉卷及豬軟骨, 個豬軟骨好淋, 好入味



牛油炒什菌, 好香牛油味, 超香, D菇又好好味!! 我叫左兩碟黎食~



天婦羅炸蝦, 真係好好味!! 蝦又嫩又新鮮, 食多多隻都唔怕!



呢個清酒察蜆, 底下仲有粉絲, 味道淡淡地, 味道算可以既..



三文魚, 甜蝦及赤貝壽司, 味道都算唔錯, 刺身好新鮮



仲有墨魚丸及紫蕃薯, 墨魚丸外脆內軟, 仲熱熱地, 值得推介!



仲有雞軟骨及雞翼, 雞軟骨既咬感我唔太鍾意, 所以都係比埋姑姐. 雞翼味道都唔錯^^



同樣都係叫返三文魚, 赤貝及甜蝦刺身, 但同第一次黎果個差咁遠既!?




又叫多次雞翼及車利茄, 個車利茄仲有黑椒, 淡淡地又有少少味道




仲有呢個甜蝦沙律, 都係姑姐食多, 我自己唔太like冇沙律醬



難得化左妝, 等我都影下張相先, 不過似乎唔係太靚><

估唔到食完自助餐之後, 仲有兩杯choco雪榚我哋, 雖然我都飽, 但見係my 飛佛, 就食埋佢啦!!

人生重要一課

我之前新開左個account去add返所有舊同學, 朋友及親人, 咁大部分IVE或以前中學既同學都會邀請佢地, 只有fantasy佢地果班人冇accept我既朋友request, 不過都唔緊要, 可以比我清楚了解邊d係真正朋友

估唔到已經隔左一年, 如果因為以前我同fantasy既關係對我有誤解既人而唔接受我既話, 咁我覺得呢d所謂既朋友, 要唔要都冇所謂, 而我也唔會勉強. 我相信一年, 毎個人都應該放底呢件事, 重新去接受對方係朋友, 始終大家都有緣, 曾經做過同學或朋友, 都係想知道大家近況及開心D, 希望大家唔好咁少氣, 大方少少做返朋友, 咁會比較好吧!!

之前就係朋友, 大家一齊做功課, 去食飯咁; 到你有難時就捨你而去, 令我再學多一課, 就係叫做[大難臨頭各自飛], 真係要帶眼認識人先得~

也可能我既新FB內比較少朋友, 因我覺得朋友呢樣野重質不重量, 陪你飲飲食食及玩既朋友易搵, 但真心對你好, 冇機心, 關心及了解自己, 可以傾心事既唔多, 我個fb內大多數係可以傾心事, 都算唔錯吧!?


在此也要多謝幾住見證我同fantasy一齊至到而家同joejoe一齊, 同我分享喜與悲既朋友, 包括菜菜, 文迪, stacy 及 jenny^^

希望之後讀時裝設計又好, 係呢間公司工作又好, 可認識更多要好既朋友^^"....好好展望及開拓自己既未來吧, 大家好友都係啊~