公司的做節飯 + 兩位manager過試用期餐

前幾日收到公司的email, 叫各同事今日唔好食早餐, 因有兩位唔同部門既經理請食蛋糕, 下午仲有杯雪榚. 其實佢地過左試用期好耐, 只係而家先補請返, 我有機會食到, 真係好彩^^


backenheim cafe & bakery既麵包蛋糕, 麵包皮脆, 蛋糕幾軟, 好大件


也係backenheim 既choco蛋糕, 仲係shirley特登拎比我, 多謝你^^



食完蛋糕之後, natalie同tracy, anton, sunny及我五個人到彩雲軒食餐做節飯, 仲叫左好多點心呢!! 仲可以食到我哋最愛既椰皇^^



首先係脆脆既尤魚條, 尤魚好新鮮, 有鮮味及好林



仲有紅油抄手, 餃子只係用菜做, 似乎差少少...



當然唔少得呢個生菜魚肉米粉, 清清地, 好好味之餘唔太多肉



仲有燒賣, 豬肉唔太肥, 而且有肉汁



仲有呢個金錢肚, 我唔太like內臟, 所以冇食, 不過個樣都幾好味既




仲有山足牛肉, 因為我皮膚敏感而要戒口冇得食, 真係可惜呢...



仲有呢個蝦餃, 都幾好味架!! 蝦又彈牙, 皮又簿



當然唔少得呢個燉椰皇啦!! 不過有少少凍凍地, 都係快d食

飲完茶之後已經少少遲到啦, 要快d返公司先得!! 返到公司之後, 見到shirley拎幾個盒入黎, 原來係雪榚, 仲要係godiva黎!!! 睇下杯雪榚有幾靚先~



有焦糖choco 碎及士多啤梨choco碎兩種口味, 最後都係選擇左焦糖



雪榚都幾滑, 但實在太sweet啦, 總之選擇士多啤梨啦><

全家的做節飯

今晚係全家既做節飯, 放工一早就返到屋企, 等父母, 妹, 細佬, 弟婦及dede黎, 人齊後先食少少月餅, 之後就到酒樓同二嬸及二叔會合


本來想打邊爐既, 但佢地都係鍾意食小菜, 冇得打邊爐呢....好想打啊!! 只好下次有機會再打, 應該話有機會既, 因為我加左人工, 答應左姑姐及joejoe請佢地食飯


第一碟黎既海節及青瓜冷盆, 海節少少spicy, 都幾好味



仲有南乳豬手, 不過我就冇食到, 唔鍾意食



特價既水桶雞, 味道清清地, 雞又幾滑, 不愧係其中一味招牌菜



仲有咕嚕肉, 突然諗起至愛既其中之一糖操魚



仲有呢個西芹粉雞柳, 西芹爽, 雞柳都好滑, 冇雪藏味



我冇叫飯, 叫左個米粉, 仲要有埋菜, 米粉唔太碎, 唔錯!!



呢個沙律海鮮卷都唔錯, 個皮脆脆地, 內有蝦及蟹柳


仲有呢個脆炸豆腐, 真係做到外脆內軟, 上面仲有脆卜卜既碎, 更好味




呢個連偶炆豬肉都幾入味, 味道都算唔錯, 但似乎等耐左少少


食完飯之後各自返屋企, 諗起聽日又有多一餐食, 真係豐富, 真係有口福啦!!

悠閒的一天

今日又唔洗同朋友或joejoe出街, 就好好休息一日, 同姑姐及dede聚下啦!!


由於聽日屋企做節, 所以提早左今日同dede做物理治療, 而我及dede骨頭左右唔對稱既情況也改善左, 實在可喜可賀 做完物理治療後, 大家去慈雲山中心買送, 買完送之後同dede去公園玩滑梯, 見佢同姑姐玩得咁開心, 連自己都開心起黎, 原來開心可以咁簡單^^



附近既公園, 就只有呢條滑梯, 但dede都玩得好開心



dede上梯級時, 要我及姑姐同佢一齊上, 姑姐陪佢好啦, 我係附近影相



睇下dede玩得幾開心, 準備sir滑梯啦!!


sir sir下戟住左既?? 滑梯唔夠滑嗎??


玩玩下滑梯時聽到好嘈, 原來係屋村搞既中秋晚會, 都係跳break dance, 耍下太極劍及太極舞, 果然係老少咸宜呢, 仲有個男人唱難聽版既[老鼠愛大米], 嚇到我哋走都走唔切, 好一個才藝表現

同joejoe去沙灘

琴日同joejoe傾好去沙灘, 但見今日成三十幾度, 仲有酷熱天氣警告, 想叫joejoe改地點行街, 點知joejoe已經一早拎左冰袋, 咁只好出發吧!!

大家都好早去到約定既地點等, 之後一齊由荔景去到東涌, 再到長沙既某沙灘. 但我哋都未食lunch, 先去麥當當食餐先~


食完之後再答車, 但由於個沙灘太隱蔽, 連我哋答車都過左站, 要熱熱地行返去我哋既沙灘, 行左大約半個鐘到終於到啦

好耐冇去過呢個我同joejoe叫既天上人間沙灘, 到呢個地方心境即刻平靜起黎




各款水上運動既船子~排放得好整齊~



等我即刻化妝之後, 叫joejoe影下我先. 係冇單鏡機, 冇任何汁相技巧, 只有一部傻瓜DC都可以影得我咁靚, 果然係愛情既魔力??



好白痴既我突然諗到呢個pose, 覺得自己好白痴, 好似o靚模既指定動作, 我估只有呢張吧!



拎住個藍懶可愛既一張, 連自己都唔敢睇返張相呢



我構圖都係比較差, 影到joejoe麻麻地, 對唔住啊, joejoe><

我既影相技術...都係算吧!? 影下附近既紅蕃營好過



仲有紅蕃營既野火會, 真係幾原始呢!!



但我影小朋友唔太差吧!? 呢個女仔好可愛, 又好靚女, d o靚模睇清楚咩係真正既可愛, 可愛唔係扮出黎架!!



其實我都好like影小朋友, 佢地比較真及可愛, 個細路女穿三點式, 有點老織, 但都幾得意既. 旁邊既小朋友也好cute!!


本來仲有一個小鬼妹, 她訓係沙上, 比兩名外國人用沙幫佢整條美人魚尾, 再係沙上畫個皇冠比佢. 整完條尾之後, 就比兩名外國人講:[ crop your tail], 就整爛左條尾啦, 早知就問下個外國人, 比唔比我影個小女孩一張相啦


我同joejoe手拖手漫步沙灘, 都幾浪漫呢, 之後突然諗到個idea, 就係海邊拎住拖鞋去影相, 可能冇咁靚, 不過玩下就冇所謂啦!!



好鍾意呢張相既感覺, 唔太做作, 都係自然既好



咁難影既踢水一幕, 都可以比你影到!? 果然利害!!



我好like影既呢張joejoe, 覺得佢既背影好型呢!! 真係唔知點解..



joejoe大膽咁爬上舊大石, 仲擺pose比我影相~



呢張影埋個天空, 覺得joejoe好似高高在上咁



無聊既我影下我哋兩個人對鞋先~



我同joejoe既合照, haha~我都幾like呢張既, 除左身後個袋外

唔經唔覺已經玩到六點幾, 係時候要出返市區, 要同呢個天上人間既地方講再見. 見我同joejoe好耐都冇一齊食晚飯, 今日終於可以啦!! 我哋決定去東會城既food republic度食飯~



好多呢類型既店舖, 而且仲有好多食物比人選擇, 真係唔知簡咩好



地方仲好大, 即使唔霸位, 也一定會搵到位坐, 可以同joejoe慢慢簡食物




仲有個counter比人買飲品, 一睇都知係賣飲品架啦



比我哋搵到個近玻璃窗既位, 邊食飯, 邊望住夜境, 真係賞心悅目^^



我叫既送菜, 多到簡直誇張, 其實砂窩雲吞雞, 菜飯及糖操魚係一個餐, 都係四十五元, 再加多一個紅油抄手, 都只係加十元



仲有joejoe既餐, sorry, 我仲有碗豆漿, 睇下我食量幾驚人




雖然話係糖操魚, 但比較似咕嚕肉多, 只不過呢次唔係豬肉, 而係魚



仲有呢個紅油抄手, 味道都麻麻, so fair so good啦



仲有呢個担担麵, joejoe話有少少spicy, 應該唔太難食吧!?



最好味相信就係呢個砂窩雲吞雞, 個湯充滿雞油, 個湯好甜; 雞又滑; 雲吞夠料, 全個簡直係一流, 真係點都要試下


同joejoe食完飯之後就一齊等巴士返屋企, 可惜我今日返深井, 唔係可以和你一齊答車. 不過唔緊要啦, 中秋後假期又可以見面, 第時一齊食月餅啦!

同事們又聚餐

雖然tracy今日請假, 同natalie,sunny, anton及may一齊出去食lunch, 本來想慳錢, 但最後都係跟同事去左間上海餐廳食飯, 仲要四十幾元, 真係有點肉赤呢..



就係呢間[美味廚], 食物都幾好味既, 不過價錢就貴, 同埋份量唔太多




翠肉瓜粉雞柳, 味道清清地, 雞柳又軟~



仲有呢個白菜炒...eh..我都唔記得左似條麵既野係咩, 反正自己唔太鍾意食




翠肉瓜炒牛肉, 又係翠肉瓜!? 仲有我唔食得既牛肉..



仲有呢個松子魚柳, 酸酸地, 魚柳軟軟的, 係我上海菜既飛佛之一



仲有呢個白菜獅子頭, 等我切開佢之後先至記得影相, 個樣唔太靚囉..


放工前, shirley成日問我睇左醫生未, 見今日可以早放工, 我就早d去睇醫生, 點知睇開果個西醫放左假, 最後去左第二間睇, 但佢既態度唔係太好, 知道自己原來因用左比較平既護膚品及化妝品而患左皮膚敏感, 最後要食藥及茶藥膏, 又要戒口, 好痛苦ar><