同屋企人飲早茶+ 同joejoe行街

今朝一早同屋企人去飲茶, 九點幾要去到酒樓, 對於平時放假要訓到起碼九點幾既我, 似乎有d早呢!! 不過見咁耐冇見屋企人, 加上姪仔感冒要去睇醫生, 冇辦法啦!!


今次去間新既茶樓富臨, 去到長沙灣附近一帶


間酒樓幾豪華咁, 即使唔係有錢人都可以係度食飯, 超正!!


開始食點心啦!! 首先係叫排骨鳳爪飯~


之後叫左媽咪鍾意既粉果, 但dede點都叫佢做蝦餃, 真係激氣



仲有滑滑既腸粉~蝦都幾大隻, 又彈牙, 可惜毎條腸粉只有一隻


仲有呢個煎釀三寶之中既其中一寶, 都煎得幾靚咁, 味道都算唔錯


仲有牛肉球, 呢次我冇戒口, 可以大食特食啦!


仲有鴨腳朼, 我都未食過, 唔知好唔好味呢?



仲有蒸羅白榚, 但唔係太多羅白絲, 而且粉又太多

之後同joejoe一齊係紅磡見面, 大家似乎有少少肚餓, 於是係火車站既麥當當食個餐, 點知見到開心樂園餐有sweet bunny既公仔換, 係兔仔, so cute!!


本來唔食開心樂園餐既我, 因為兔仔冇辦法啦! 估唔到食物真係咁少, 但好在有QOO可以簡


就係呢兩隻公仔啦!! 仲未開封, 也多謝joejoe叫另一個餐, 令我可以集齊兩款, 抵錫!!



之後同joejoe周圍行, 見到某個遊樂場內有鬆弛熊, 好可愛, 女仔熊仲搣熊仔塊面



雖然我唔like Hello kitty, 但呢套公仔又幾靚喎



之後去玩具反斗城, 見到呢對馬公仔都幾得意~



仲有時裝設計既公仔, 可以自己整衫比公仔著, 而家玩具一D都唔低B



哈囉喂就黎啦, 好多呢類玩具買, 我都好想買



仲有呢副以香港景點為主既大富翁, 仲有部碌卡提款機, 不過要成三百幾元



之後搵到副生日眼鏡, joejoe好搞鬼~



之後到我帶啦, 總之我今日化妝, 好鬼核突, 用副眼鏡遮下自己對眼先



見到支紅色rose公仔花玩下先, 見joejoe個樣幾lum



到我拎住支花玩下先, 我個樣好似怪怪地咁既



見到呢頂粉紅色帽仔, 好得意及好靚, 見到下排既帽只係二十元, 我以為呢頂都係, 點知要成五十元, 最後只好帶住佢黎影相好, 下次要化妝再影先得



仲有我送比joejoe既水樽, joejoe送咁多野比我, 我都冇機會送比佢, 而家終於有啦, 佢仲好開心^^

悠閒

由於joejoe要加班, 又冇約朋友, 係屋企冇咩做, 都係上網及打機, 最多就落去附近既OK換毎月一期既ELLE, 果然好悶呢...


今期係莫文尉做封面, 同上期既王菲差好遠, 都係王菲靚好多, 而且仲好大本及好厚, 好重呢!!


呢期教秋冬化妝多, 但睇黎我既皮膚再keep好d才學吧!!

國慶日 = 開工, 開心日

本來要返工都唔係咁開心, 話哂今日都係公眾假期, 只有我哋幾位要返工, 真係幾無隱既. 好在我同tracy著差唔多樣既衫, 就好似twins一樣, 而且我哋口味及性格都差唔多, 都幾正架, 咁咪...我又多個妹妹!?

我哋大家一齊食lunch, 本來想去返琴日新港中心既food court, 但natalie唔制, 都係邊行邊搵, 最後去左一間日本餐廳食飯, 因果間餐廳話有七折優惠

今次食飯既地方係一間叫做[大吉]既居酒屋, 食完之後係咪真係吉呢


餐廳既位子唔太多, 但唔坐得太迫



近玻璃窗既位子, 唔太光, 但簡單得黎算係唔錯


tracy拎左隻史迪仔出黎, 我就拎joejoe送比我既肉桂狗出黎先


加埋隻茶杯去影下相先, 兩隻公仔加埋好cute啊!!


我叫既魚生飯, 包括帶子, 前菜螺肉及個甜品, 就係蕃茄花生醬!?


全部刺身都好好味, 第一次食帶子刺身, 原來都幾好味, 油甘魚及三文魚就更加唔使講, 都好新鮮, 簡直係正!


之後tracy加埋隻史迪仔影相, 估唔到又幾得意, 咁我地就影下佢啦!!



史迪仔開飯啦!! 比佢食左我碗刺身飯添!?


仲走去食埋anton碗麵!? 果然係好大食呢!


之後到肉桂狗出場啦!! 首先要食natalie既秋刀魚先~


之後仲睇中左tracy既金菇牛肉卷, 睇黎都幾好味喎!!

食完飯之後要繼續工作, 到左六點幾到, 大家都比較得閒, 而我同tracy好似twins咁, 等大家一齊影返張相先~


大家一齊擺個v字手勢先, 同tracy影呢張都唔錯啊!!


呢張手橋手都算唔錯吧!? 都幾好玩啊, 又再影多d先得



我就最like呢張, 兩人都好活潑, 好開心既一張


一齊踢腳先~呢張都幾得意架, 唔錯^^



最後埋數都用左幾耐時間, 估唔到連八點既煙花都睇到, 原來我哋會計部間房真係可以睇到煙花...既少少, 但都好過冇啦, 睇我影得幾開心就知


公司既附近放煙花啦!! 其實唔使同人迫都睇到煙花, 自己已經好幸運呢!!


做到十點幾終於可以放工, 要同其他睇完煙花既觀眾一齊離開, 真係好多人啊, 下年我唔要再做到睇到煙花, 好想快d返到屋企

joke joke lunch!?

睇到以上既標題, 大家知唔知道係咩黎呢?? 講笑話既lunch? 定大家已經估到呢? 冇錯, 就係食粥既餐, 呢個新terms係由我哋HR發明既=3="

呢次係HR 用電郵問我哋去唔去, 其實全部同事, 包括我都唔想去, 見係同事就應承一下. 但最後除左tracy及anton之外, 其他人跟本冇叫做粥, 連個HR自己都冇叫, 咁就唔好叫[joke joke lunch], 不如索性話出去食lunch吧...

我冇拎相機既關係, 最後用左手機影, 但我部電話既相唔知點解up唔到去電腦, 最後都要用相機影底佢, 自己果然係機械白痴=.="


好在我部手機影相唔算太差吧!? 真起碼睇到呢個係芝士蝦玉子卷



呢個係曼魚雞既窩飯, 熱熱地都幾好味, 曼魚切到一粒粒都幾有心機



呢份就係我既餐, 包括一個烏冬, 玉子卷及窩飯, 都只係四十幾元. 細食既朋友可以兩個人share一個都得~不過可惜既係冇飲品, 要另外買

國慶日要返工

本來今年國慶有日假期, 仲要係星期五, 連埋星期六日不知幾正, 點知呢日要做month end, 又要返工, 真可憐呢!

雖然呢日會補返假比我, 但都唔知幾時放假好, 就算補假, joejoe及朋友都要返工, 冇人陪自己, 係屋企好無聊, 都唔知點算好, 都無哂心機啦, 希望星期五快d過去吧!

公益金便服日及同joejoe食晚飯

今日係公益金便服日,部分既職員捐款穿上便服,tracy, anton及natalie都有參加, 而我都想參加,但因為交左一百元既報名費及學費, 已經冇哂錢, 只好周圍去派貼紙及coupon比人,見到貼紙咁得意, 早知我都捐錢啦



就係呢張大coupon, 同埋公益金服飾日既貼紙



就係呢張貼紙啦, tracy話呢隻係顛噹, 同叮噹既人物差唔多, 連我都唔知


放工之後同joejoe去佐敦食晚飯, 都係食返我地上次去既餐廳, 三十幾玩一個餐, 仲有埋salad, 味道都唔錯


我同joejoe兩人份既餐, 白色果碗係沙律, 紅色既係醬汁



我食既果份餐~我仲食咁大碟意粉, 果然係大食呢!!


都幾多沙律醬架, 不過就麻麻地好味

再去CITA選科

終於收到CITA既信, 佢終於收左我讀時裝設計!!! 今日放工即刻親自去選擇科目及交學費, 好在可以係關門之前趕到去. 最後選左時裝設計繪圖及紙辦, 咁就冇左幾千元, 不過諗起之後可以返學, 真係開心, 十月要準備返學啦~


報完名後, 再去德福行下, 見到第一次去CITA報名經過既裝飾, 而家終於完成, 而且仲好靚, 我又忍唔住影相

一開始見到呢個小廚房及門口既pancake, 個pancake好似真, 好好味咁既樣~


仲有四葉草既碟裝住pancake, 加上滿地既紅葉, 好有秋天感覺呢!!



廚房既其中一角, 好多飲管及麵條呢!!



廚房既另一角, 似乎比較新淨, 同出面環境唔太襯



仲有路旁既水果都做得好似, 呢個係桃


仲有呢個梨都好正咁, 旁邊仲有紅葉襯托



仲有平果呢!! 平果既顏色都好靚, 真係好似真



有平果呢樣普通既生果, 點少得橙呢!! 而且仲好新鮮(笑)



仲有士多啤梨, 仲要用個盆裝住, 好京貴咁喎~



仲有呢間士多啤梨屋, 上次都已經影過, 冇咩唔同



士多啤梨屋係間整果醬既店舖, 仲有好多果醬呢!!



果醬店既門口仲有好多生果擺放, 有好多種唔同口味既果醬



仲有呢間麵包店舖, 有好秋天氣氛, 加上歐陸既裝修, 真令人目不暇給



法式長麵包, 真係做得幾似喎, 不過就唔想食啦



最後一間小屋係酒窘, 仲擺左好多支酒及酒桶



仲有呢架裝滿提子既木頭車, 好多好多提子, 拚埋一齊好好睇



仲有好多箱提子係酒窘附近, 果然係個釀酒園



真係好愛一箱箱既提子, 真係好靚, 又colorful~

取消了的打邊爐

原本想同joejoe一齊去紅磡某間餐廳打邊爐, 但因為我m到, 所以冇去到, 痛個半死係屋企, 簡直悶死左

於是我send email比某位朋友同佢講聲生日快樂, 但佢個答案係驚佢睇email時, gf係身邊會睇到會同佢吵架. 唔需要知係邊個, 又或者大家應該估到既, 不過知唔知道都唔緊要, 對於佢咁驚佢既女友, 驚同女友吵架而咁對待朋友, 覺得佢差到極點, 左驚驚, 右驚驚, 雖然佢家中有些唔開心既事, 但我只答了一句:[咁樣我以後也唔再麻煩你...]

不過講真果句, 我覺得咁多人要就佢一個女友, 佢女友又唔比佢男友接觸同佢有關係既人, 又話驚女友講到我同佢既野, 使唔使咁就佢, 個女仔要咁多人就佢, 唔會覺得唔好意思既咩? 畢竟大家各自都有自己既圈子, 比返空間大家都好

之後, 佢再冇打電話比我, 我也冇再打比佢, 都係大家唔再接觸對方好d