好鬼可愛啊

今日joejoe豬要加班, 又冇朋友可約, 自己只好係屋企上網及打機, 覺得好鬼死悶, 希望個時裝設計course可以快d開, 起碼都叫有d野做


上網見到有個細路女, 穿著好多潮衫都幾可愛架!! 原來小朋友衫都可以咁潮, 分分鐘拍得住成人既衫, 如果有小朋友既話, 一定會幫佢地努力襯衫^^


對藍色鞋仔又幾sharp, 其他沉色既衫更突出對鞋, 比人唔太陰沈


好卡哇伊呢既配搭, 其實我個人覺得襯得唔太好, 但好like佢條格仔短裙仔



身上既白衫仔, 加波點褲, 簡單得黎又幾cute


今年最潮既間條衫, 加上最潮既顏色紅色, 穿起黎已係潮人, 加埋衫旁既黑lace邊, 更有畫龍點睛之妙. 間條衫已經好花, 所以加上純色褲及襪, 睇起黎更舒服



同樣like衫旁既黑lace邊, 仲有今季hit既boot之一: 軍事boot, 加埋頭上藍波波蝴蝶結髮帶, 增添幾分小女孩味道

最like呢張活潑好動既女仔, 單一件連身裙及波鞋, 同埋cap帽已可簡單做出呢個效果


無論大人, 小朋友, 男女都好, 會好易著錯衫, 難聽d講句即係著到九唔搭八, 以下係小女對衣著既少少意見, 不喜勿插:

1) 唔好把呢季興既所有圖案穿著上身, 如冬天興間條, 豹紋及格仔一次過穿上身, 否則感覺混亂, 睇都睇到人眼花啦, 對我黎講表現出果個人跟本唔識著衫


2) 要知道自己既缺點去著衫, 有補救自己不足地方之效, 應該隱惡揚善. 如腳長及高既女仔可試試穿短褲及短裙; 自己唔太高可穿高跟鞋, 或者穿短少少既衫搭夠, 可拉長個人既比例, 千萬唔好穿長連身裙之類, 否則顯得個人唔高


3) 要知道自己性格特點, 原來衫都可反映個人性格, 如有人可穿可愛, 可穿cool, 穿得比較簡單, 唔好呢季興咩就穿咩, 否則會感覺奇怪; 簡單黎講, 如周秀娜平時咁sexy, 又露事業線, 一下子要佢穿得密密實實及扮可愛都唔得啦


4) 要知道毎款衫既特點及功用, 毎種衫有唔同功用, 如行政人員會穿著西褲, 西裙及西裝褸, 比人感覺成熟及可靠既感覺; 做運動會著波鞋, 運動服之類. 穿衣也係同樣道理, 衫大致上有分rock, lolita, sporty, military, elegant


如果你唔知道毎個style既衫有咩功用, 會好易襯錯衫. 如香港大部分女仔都like穿波鞋, 貪佢夠方便及舒服, 但諗下佢地襯碎花, lace及格仔時, 感覺幾奇怪, 也叫做九唔搭八, 因為lace及碎花比人感覺斯文及少女化, 但波鞋比人活力既感覺, 兩種跟本唔同style. 穿波鞋建議可穿tee, 牛仔長或短褲, 簡單就可以, 又或者你對波鞋係漆皮果類, 可加件漆皮既背心外套, 紅色更sharp, 更有活力


又或者夏天毎個人都like穿人字拖, 同樣也係夠方便, 唔使焗住對腳, 但好多人也係襯夏天大熱既lace及碎花, 同樣係奇怪, 道理同以上差唔多. 建議可用羅馬涼鞋, 鬆榚鞋

其實大家都可以做時裝達人, 咁當然我唔係啦, 只係平時睇下時裝雜誌, 睇下人點襯衫, 上網睇下各種衣服資訊就可以, 希望香港會可以見到更多認識襯衫及打扮既人^^

多謝May姐

話說今日我哋既HR May姐今日過左試用期, 我都覺得奇怪, 點解佢連admin及HR既野做得唔太好都可以過, 自己做咁好都唔知做咩..


不過唔緊要啦, 佢話見咁開心, 請哂成個finance team去飲茶, 既然唔使錢, 梗係食返夠本啦~


係海港城內既鴻星, 睇個裝修都好靚咁, 好似好高級


仲黎左唔少點心, 毎人毎款食一件, 但似乎唔太夠



仲有蝦餃食下, 隻蝦好大隻好彈牙, 皮又夠簿, 真係好味



呢個流沙奶皇包果然好流沙喎, 而且仲勁好味



呢個係全場焦點, 就係呢個蟹粉蟹肉窩麵, 蟹膏好肥, 麵索哂D汁, 勁好味




Anton仲叫左好多得意既點心, 呢個係企鵝仔, 呢隻其實係蝦餃




呢對白兔餃都好可愛, 同樣都係蝦餃, 太like兔仔既我似乎唔捨得食



仲有呢個甲虫仔既點心, 係咸水角黎, 又幾搞鬼

原來自己朋友唔太多..

之後有幾日放假, 想搵朋友聚下舊, 但唔知點解又諗唔到同邊個朋友聚下呢??

1) 朋友唔係有自己既家人忙, 就係拍拖, 讀書或事業忙
2) 再望一望fb, 又發覺好多人跟本都唔認識, 都冇咩兩句, 又或者間中係fb內傾一句
3) 影師就唔好講啦, 大家只係影過相就算, 平時跟本唔會傾, 又或者冇合作, 佢地太忙唔影自己, 自己已經放棄同佢地傾

點解自己唔係太多朋友呢?? 可能係自己之前因事業, 學業太忙, 冇時間聚舊及聯絡人? 又或者自己性格比較內向, 好少主動去認識人及同人講野, 大家起初以為我好cool而唔敢認識我....唉...原來自己人生都咁失敗, 好在有屋企人及joejoe豬一直係我身邊, 多謝你

搞笑的分析

話說我地幾位同事: Natalie, Anton, Tracy, Sunny, Henry及Ami, 計埋自己七個人玩一隻叫做[牛角王]既卡game, 係一隻數字遊戲, 儲得越少牛角就win, 最後Natalie跟據我哋玩左兩日既結果整幾個表出黎, pro得黎個樣又幾好笑


藍色線既係第一日表現, 紅色線既係第二日, 睇下我由67隻, 下跌到得17隻, 都算大進步啦~


呢張係毎日既牛角統計表, 黃色柱既係第一日, 綠色既係第二日


仲有成為牛角王既機會率表, 我都有17%, 呢次真係oh my god啦!!

呢隻game 真係幾刺激既, 但唔係毎個地方都有得買, 睇黎要努力搵下邊度有得買先得, 第時可以同朋友及joejoe玩下麻...XD

悶悶地(2) 之打邊爐

都係返工返到悶及太辛苦, 所以姑姐建議今晚去食打邊爐自助餐, 當係休息一下吧!! 終於可以食到今年第一次既打邊爐, 又可以輕鬆一下, 實在太好啦^^


打邊爐用既餐具~仲有支任叫既支裝可樂呢!! 一見到就覺得yummy!!



煲緊食物!! 好肚餓啊, 快d可以食到就好~


仲有好多送啊!! 有我至like既肥牛及冬菇~不過肥牛似乎少左d


食物滾啊滾, 越來越多自己鍾意食既食物, 越見到越想食~


仲有鵝腸食, 估唔到爽爽地, 都幾好食. 個樣雖然好多咁, 其實只有好少分量, 一定食得哂


呢個濛濛地既, 大家估係咩黎?? 就係我like既鯇魚片, 碌完之後魚肉係白色, 又爽口, 好好味!!


唔經唔覺就食左兩round, 已經開始飽飽地, 食唔哂啦..


仲有呢個黑豚肉, 本來都好想試下, 點知已經飽啦, 食唔落

悶悶地

而家份工已經返左差唔多五個月, 時間唔算太快, 可能係太多工作做, 而且有時忙中有錯, 都會比natalie及阿head話, 比我想像之中仲大壓力, 真係覺得好辛苦, 好想quit左份工, 但又要讀時裝設計交學費, 又要比家用屋企, 自己又要儲錢, 又想置業, 真係全部都要用錢, 只好硬住頭皮, 努力搵錢及儲錢吧!!

係公司越來越多野做, account, admin及HR 毎樣野都要做, 覺得自己越來越似打雜, 又要快, 又要準確, 對我都有一定要求, 一錯就會比人話, 當然係語氣唔好果隻, 就係辛苦的主要原因. 夜放工, 又會比阿head問點解咁耐先走, 可能佢覺得我既工種簡單, 唔應該做咁耐, 做得耐係能力問題, 唉...真係唔知點做好

如果時裝設計course快d開始就好, 始終係自己興趣, 應該唔會覺得悶, 而且比較開心. 而且仲係我一直夢想既科目, 如果可以入埋行就好, 反正做個fashion assistant既人工也唔錯, 我而家都係assistant, 睇黎冇太大既分別, 只係職業唔同!? 究竟以金錢或興趣為職業? 事業既另一個交叉點...

好想轉行啊!!! 請上天比我做時裝設計既工吧!! 我就黎比文職工悶死啦!!

同屋企人飲早茶+ 同joejoe行街

今朝一早同屋企人去飲茶, 九點幾要去到酒樓, 對於平時放假要訓到起碼九點幾既我, 似乎有d早呢!! 不過見咁耐冇見屋企人, 加上姪仔感冒要去睇醫生, 冇辦法啦!!


今次去間新既茶樓富臨, 去到長沙灣附近一帶


間酒樓幾豪華咁, 即使唔係有錢人都可以係度食飯, 超正!!


開始食點心啦!! 首先係叫排骨鳳爪飯~


之後叫左媽咪鍾意既粉果, 但dede點都叫佢做蝦餃, 真係激氣



仲有滑滑既腸粉~蝦都幾大隻, 又彈牙, 可惜毎條腸粉只有一隻


仲有呢個煎釀三寶之中既其中一寶, 都煎得幾靚咁, 味道都算唔錯


仲有牛肉球, 呢次我冇戒口, 可以大食特食啦!


仲有鴨腳朼, 我都未食過, 唔知好唔好味呢?



仲有蒸羅白榚, 但唔係太多羅白絲, 而且粉又太多

之後同joejoe一齊係紅磡見面, 大家似乎有少少肚餓, 於是係火車站既麥當當食個餐, 點知見到開心樂園餐有sweet bunny既公仔換, 係兔仔, so cute!!


本來唔食開心樂園餐既我, 因為兔仔冇辦法啦! 估唔到食物真係咁少, 但好在有QOO可以簡


就係呢兩隻公仔啦!! 仲未開封, 也多謝joejoe叫另一個餐, 令我可以集齊兩款, 抵錫!!



之後同joejoe周圍行, 見到某個遊樂場內有鬆弛熊, 好可愛, 女仔熊仲搣熊仔塊面



雖然我唔like Hello kitty, 但呢套公仔又幾靚喎



之後去玩具反斗城, 見到呢對馬公仔都幾得意~



仲有時裝設計既公仔, 可以自己整衫比公仔著, 而家玩具一D都唔低B



哈囉喂就黎啦, 好多呢類玩具買, 我都好想買



仲有呢副以香港景點為主既大富翁, 仲有部碌卡提款機, 不過要成三百幾元



之後搵到副生日眼鏡, joejoe好搞鬼~



之後到我帶啦, 總之我今日化妝, 好鬼核突, 用副眼鏡遮下自己對眼先



見到支紅色rose公仔花玩下先, 見joejoe個樣幾lum



到我拎住支花玩下先, 我個樣好似怪怪地咁既



見到呢頂粉紅色帽仔, 好得意及好靚, 見到下排既帽只係二十元, 我以為呢頂都係, 點知要成五十元, 最後只好帶住佢黎影相好, 下次要化妝再影先得



仲有我送比joejoe既水樽, joejoe送咁多野比我, 我都冇機會送比佢, 而家終於有啦, 佢仲好開心^^

悠閒

由於joejoe要加班, 又冇約朋友, 係屋企冇咩做, 都係上網及打機, 最多就落去附近既OK換毎月一期既ELLE, 果然好悶呢...


今期係莫文尉做封面, 同上期既王菲差好遠, 都係王菲靚好多, 而且仲好大本及好厚, 好重呢!!


呢期教秋冬化妝多, 但睇黎我既皮膚再keep好d才學吧!!