同joejoe去又一城及沙田新城市

聽講今日又一城有個叫大都會既時裝展, 而且係最後一日, 於是同joejoe一齊去睇下. 但今次既服裝唔係太大驚喜, 影相既人都比往年少


即刻見到幾幢大廈及附近既時裝公仔, 以時裝之都米蘭, 巴黎, 倫敦, new york及日本五個時裝之都名命既時裝show


等我都去影返張相先, 唔知我做緊咩野



之後到時裝部分, 首先係BALLY既套裝, 今年都係興騎士皮褸



最近鍾意左一隻叫做jillstuart既牌子, 佢毎輯廣告相勁靚, 呢套係佢秋冬系列既服裝, 睇黎毛毛真係好興



iblues既秋冬套裝, 睇黎毛毛差唔多係毎個設計師既靈感, 仲要加埋魚網襪



一定要睇既vivienne tam既作品, 以今年大熱既金色及豹紋為主



charcoal既秋冬裝, 同樣都係金色及毛毛, 加埋金閃石粗belt, 好型!!



加埋牛仔褲及長boot更加型, 不過就唔係毎個人都可以carry到套衫



另一邊以東京及new york時裝之都為主題既地方



penny black既套餐, 果然如名一樣以黑色為主



仲有以巴黎做背景既時裝展覽, 仲有[i love f/w(秋冬)], 個心心好可愛



唔記得左係咩牌子, 但好like呢套豹紋及啡皮褸, 型得黎又有女人味








DKNY既手袋及鞋, 對鞋有珠片都幾型, 同埋上年都興既chain bag



太多牌子鍾意啦, 呢個也係我鍾意既牌子anteprima, 佢以做珠片用品為主, 尤其係袋子, 但比人感覺唔太誇張, 同有高貴既感覺




首飾也係時裝既一部分, 以紫晶及鑽石為主, 簡單得黎不失高貴



仲有coach既袋子, 但比較成熟, 似乎唔太適合我呢..




accessorize既首飾, 金鑽閃石及rose, 真係好襯




links既首飾, 以簡單為主




呢個theme行catwalk既舞台, 呢次睇既唔係catwalk, 而係鋼琴家cd既發布會, 仲有即場演奏



catwalk舞台附近既擺設, 呢個係其中一個雜誌架



仲有埋條subway, 果然係大都市既其中一個地點



仲有買熱狗及腸仔既攤檔!? 如果係真就好啦~



仲有一個好似流動攤檔既地方, 雖然話有免費抽獎, 但都係唔好貪小便宜比較好



之後去左food court既KFC內同joejoe share左個特價既下午餐, 之後再去玩具反斗城玩下, 見到好多halloween既玩具, 我哋兩個大細路忍唔住玩下及影相



joejoe拎起劍個樣都似模似樣咁既樣~



由我呢個恐怖殺手出場啦, 覺得自己都幾似殺手...XD



呢張相自己都幾like, 仲有果把血劍真係好好玩架, d假血水流黎流去好正



joejoe拎鐮刀個樣都唔錯, 唔知佢係cool定笑, 哈哈~



到我玩下鐮刀先, 同樣都係咁惡, 好like玩呢類相, 好好玩



仲有呢張我最like既相, 呢張係扮邪惡魔女, 仲做左我fb既頭像相



joejoe拎住支杖似笑非笑既!? 表情都幾得意



係玩具反斗城玩完之後, 再係九龍塘答東鐵去沙田新城市中心, 去睇一個chocolate rain既展覽, 見到雜誌好似影得幾靚咁, 就同joejoe去下



就係呢個展覽場地, 有三個彩色既大南瓜, 入面仲有公仔, 可惜我部相機就黎冇電, 唔可以影太多相, 真可惜



眼前既公仔, 但似乎太多人, 好難影相


多謝一位女仔幫我地影相, 我地也幫返佢地兩個影, 我同joejoe既合照呢^^



有扮可愛魔女既chocolate rain~


仲有訓覺既chocolate rain, 頭上仲有個大南瓜, 好得意



呢個身穿黑色衫既都幾可愛, 依然仲係個訓覺樣



仲有呢張合照, 就係呢個南瓜屋內同各公仔影相, 好在工作人員幫我地拎住相機影相



仲有一間布滿chocolate rain既畫及各公仔擺設, 好有藝術感覺, 加上有兩個位, 我同joejoe去就岩!!



仲有呢張相手拖手呢~好sweet, 不過我有d肥

好鬼可愛啊

今日joejoe豬要加班, 又冇朋友可約, 自己只好係屋企上網及打機, 覺得好鬼死悶, 希望個時裝設計course可以快d開, 起碼都叫有d野做


上網見到有個細路女, 穿著好多潮衫都幾可愛架!! 原來小朋友衫都可以咁潮, 分分鐘拍得住成人既衫, 如果有小朋友既話, 一定會幫佢地努力襯衫^^


對藍色鞋仔又幾sharp, 其他沉色既衫更突出對鞋, 比人唔太陰沈


好卡哇伊呢既配搭, 其實我個人覺得襯得唔太好, 但好like佢條格仔短裙仔



身上既白衫仔, 加波點褲, 簡單得黎又幾cute


今年最潮既間條衫, 加上最潮既顏色紅色, 穿起黎已係潮人, 加埋衫旁既黑lace邊, 更有畫龍點睛之妙. 間條衫已經好花, 所以加上純色褲及襪, 睇起黎更舒服



同樣like衫旁既黑lace邊, 仲有今季hit既boot之一: 軍事boot, 加埋頭上藍波波蝴蝶結髮帶, 增添幾分小女孩味道

最like呢張活潑好動既女仔, 單一件連身裙及波鞋, 同埋cap帽已可簡單做出呢個效果


無論大人, 小朋友, 男女都好, 會好易著錯衫, 難聽d講句即係著到九唔搭八, 以下係小女對衣著既少少意見, 不喜勿插:

1) 唔好把呢季興既所有圖案穿著上身, 如冬天興間條, 豹紋及格仔一次過穿上身, 否則感覺混亂, 睇都睇到人眼花啦, 對我黎講表現出果個人跟本唔識著衫


2) 要知道自己既缺點去著衫, 有補救自己不足地方之效, 應該隱惡揚善. 如腳長及高既女仔可試試穿短褲及短裙; 自己唔太高可穿高跟鞋, 或者穿短少少既衫搭夠, 可拉長個人既比例, 千萬唔好穿長連身裙之類, 否則顯得個人唔高


3) 要知道自己性格特點, 原來衫都可反映個人性格, 如有人可穿可愛, 可穿cool, 穿得比較簡單, 唔好呢季興咩就穿咩, 否則會感覺奇怪; 簡單黎講, 如周秀娜平時咁sexy, 又露事業線, 一下子要佢穿得密密實實及扮可愛都唔得啦


4) 要知道毎款衫既特點及功用, 毎種衫有唔同功用, 如行政人員會穿著西褲, 西裙及西裝褸, 比人感覺成熟及可靠既感覺; 做運動會著波鞋, 運動服之類. 穿衣也係同樣道理, 衫大致上有分rock, lolita, sporty, military, elegant


如果你唔知道毎個style既衫有咩功用, 會好易襯錯衫. 如香港大部分女仔都like穿波鞋, 貪佢夠方便及舒服, 但諗下佢地襯碎花, lace及格仔時, 感覺幾奇怪, 也叫做九唔搭八, 因為lace及碎花比人感覺斯文及少女化, 但波鞋比人活力既感覺, 兩種跟本唔同style. 穿波鞋建議可穿tee, 牛仔長或短褲, 簡單就可以, 又或者你對波鞋係漆皮果類, 可加件漆皮既背心外套, 紅色更sharp, 更有活力


又或者夏天毎個人都like穿人字拖, 同樣也係夠方便, 唔使焗住對腳, 但好多人也係襯夏天大熱既lace及碎花, 同樣係奇怪, 道理同以上差唔多. 建議可用羅馬涼鞋, 鬆榚鞋

其實大家都可以做時裝達人, 咁當然我唔係啦, 只係平時睇下時裝雜誌, 睇下人點襯衫, 上網睇下各種衣服資訊就可以, 希望香港會可以見到更多認識襯衫及打扮既人^^

多謝May姐

話說今日我哋既HR May姐今日過左試用期, 我都覺得奇怪, 點解佢連admin及HR既野做得唔太好都可以過, 自己做咁好都唔知做咩..


不過唔緊要啦, 佢話見咁開心, 請哂成個finance team去飲茶, 既然唔使錢, 梗係食返夠本啦~


係海港城內既鴻星, 睇個裝修都好靚咁, 好似好高級


仲黎左唔少點心, 毎人毎款食一件, 但似乎唔太夠



仲有蝦餃食下, 隻蝦好大隻好彈牙, 皮又夠簿, 真係好味



呢個流沙奶皇包果然好流沙喎, 而且仲勁好味



呢個係全場焦點, 就係呢個蟹粉蟹肉窩麵, 蟹膏好肥, 麵索哂D汁, 勁好味




Anton仲叫左好多得意既點心, 呢個係企鵝仔, 呢隻其實係蝦餃




呢對白兔餃都好可愛, 同樣都係蝦餃, 太like兔仔既我似乎唔捨得食



仲有呢個甲虫仔既點心, 係咸水角黎, 又幾搞鬼

原來自己朋友唔太多..

之後有幾日放假, 想搵朋友聚下舊, 但唔知點解又諗唔到同邊個朋友聚下呢??

1) 朋友唔係有自己既家人忙, 就係拍拖, 讀書或事業忙
2) 再望一望fb, 又發覺好多人跟本都唔認識, 都冇咩兩句, 又或者間中係fb內傾一句
3) 影師就唔好講啦, 大家只係影過相就算, 平時跟本唔會傾, 又或者冇合作, 佢地太忙唔影自己, 自己已經放棄同佢地傾

點解自己唔係太多朋友呢?? 可能係自己之前因事業, 學業太忙, 冇時間聚舊及聯絡人? 又或者自己性格比較內向, 好少主動去認識人及同人講野, 大家起初以為我好cool而唔敢認識我....唉...原來自己人生都咁失敗, 好在有屋企人及joejoe豬一直係我身邊, 多謝你

搞笑的分析

話說我地幾位同事: Natalie, Anton, Tracy, Sunny, Henry及Ami, 計埋自己七個人玩一隻叫做[牛角王]既卡game, 係一隻數字遊戲, 儲得越少牛角就win, 最後Natalie跟據我哋玩左兩日既結果整幾個表出黎, pro得黎個樣又幾好笑


藍色線既係第一日表現, 紅色線既係第二日, 睇下我由67隻, 下跌到得17隻, 都算大進步啦~


呢張係毎日既牛角統計表, 黃色柱既係第一日, 綠色既係第二日


仲有成為牛角王既機會率表, 我都有17%, 呢次真係oh my god啦!!

呢隻game 真係幾刺激既, 但唔係毎個地方都有得買, 睇黎要努力搵下邊度有得買先得, 第時可以同朋友及joejoe玩下麻...XD