真係個好消息!!

琴日本來有我呢個位既新人黎就職, 但最後都冇黎, 今日HR同我係細房內傾左一陣, 話佢地太難搵人, 多數見工者都騎騎呢呢, 又或者冇責任感, 唔黎見工或就職都唔打個電話黎, 大部分見工者又唔岩佢地心水, 尤其係natalie更加唔鍾意所有應徵者, 阿head又唔想比太高人工 , 於是問我有冇興趣考慮唔好走


本來我都已決定離開, 費時令到大家難做, 因我話走, 但最後又唔走, 好似玩野咁. 但HR既一句說話, 令到我決定留係度, 就係我唔使再做admin既工作, 即係我唔使再夾OA!? 對我黎講又幾吸引, 因我至唔想夾佢, 同我心內既條件完全付合, 加上又有之前既人工, 最多只係做下HR既工作, 所以到最後都係決定留底, 大家知道之後都鄧我開心, 尤其係tracy, ada及cenna, 多謝你哋!! 我又可以留係度同大家見面及工作, 果然係個開心結局~



我姑姐聽到之後都好開心, 我哋仲約好左去打邊爐, 諗起都流哂口水~



我同姑姐叫既鴛鴦湯底, 我當然食沙爹湯底, 姑姐食清湯




仲有好少食既魚皮餃, 真係好好味啊



仲有支足, 超滑超好味, 食幾多都唔會覺得油膩



仲有我至愛既冬菇, 毎次火窩一定食既物品^^



西生菜用除左煮麵之外, 用黎打邊爐都唔錯, 想食爽d又得, 淋d又得




仲有姑姐最愛既鵝腸, 姑姐當然叫啦




豬肉片, 不過我就麻麻地鍾意食, 都係冇食到




當然唔少得大家都愛既肥牛啦, 仲一口氣叫左三碟咁多




我至愛既鯇魚片終於到左, 份量同tracy黎食一樣咁多, 一樣咁好食~



仲有一客水餃, 只有兩隻咁少!? 果然係好京貴

最後一星期

時間過得好快, 唔經唔覺仲有一個星期我離開呢間公司, 真係好唔捨得tracy及natalie佢地, 更加唔捨得card game, 毎個lunch大家都一齊玩card game既時光, 即使只有半個鐘, 覺得好開心, 如果離開呢間公司, 都唔知再有冇機會玩...

同埋當中同tracy一齊去食飯, 一齊趕month end, 雖然趕工作係辛苦, 但大家也有互相支持, 我同佢既合作, 令我哋兩日內可以埋到三盤數, 果然係好拍檔外, 也係我其中一位好朋友之一, 有時大家都會互相傾下計, 如果我走左既話, 佢咪好辛苦工作!? 點解我會咁狠心扔下佢??

近排同我夾既OA對我有禮貌好多, 對我既語氣及態度都好好多, 如果你一早對我咁好, 我就唔使諗住走啦. 有時心真係諗, 佢到底係咪玩我呢??

算啦, 都就黎走啦, 唔好諗太多, 係都諗下點搵第二份工

去mk唱k w/luxen, liz, edith & sara

今日下午約左幾位好友, 分別係酸梅, liz, 嘉華及寶妮去旺角唱k, 真係好耐冇唱啦, 對上一次應該係同IVE同學仔吧!? 感覺好似有遠, 唔記得, 好在有呢班好朋友同我去唱, 多謝你地^^



K房既格局, 牆邊有好多酒呢!! 也坐得幾舒服




電視附近既位置, 旁邊仲有部電腦, 當然冇玩到啦




我哋幾位女士既餐牌, 唱既係happy hour, 要成八十幾元位, 只有兩杯飲品




西多士及炒蛋, 炒蛋仲有幾滑, 都幾好味架!!




仲有呢個五香肉丁麵, 味道就...都係同出面差唔多




仲有呢個雞翼都唔錯咁喎, 仲可以一人一隻, 如果更多就更好啦!!



呢個雞軟骨串, 我用叉分得唔太好, 彈左幾粒出枱面




仲有咖哩肥牛撈烏冬, 味道都算唔錯咁啦




不知不覺全個枱面全部都係食物, 睇到都流哂口水




當然唔少得魚手指, 點埋沙律就更加正




唉啊!! 比酸梅偷影左我背隻, 掛住唱歌唔食野既自己




三位靚女既合照, 分別係寶妮, liz及嘉華




第二round既食物開始啦, 首先係曼魚飯~




仲有呢個春卷, 到最後先係食左一舊




仲有呢個好似都係春卷, 點埋個汁都幾好味




仲有我至愛既脆皮芝士腸, 有好多啊, 有排食啦!! 我當然話呢個最好味




neway送比毎人30g既軟糖, 五個人既份量只係得咁少!? 真係完全唔夠食




食完野之後酸梅, 寶妮及liz影返張合照先




自拍既一張相, 好耐都冇唱k, 一於影返張相先




我同酸梅都合照返張相先, 我個樣真係殘殘地




酸梅幫我哋四位影相, 我塊面好肥, 好包啊




酸梅好活潑咁擺埋v字手勢影相, 好過隱




大家都唱得好開心咁喎




我同自己畫既作品影返張相先, 自己畫得咁辛苦, 要自己讚自己先

同joejoe去紅磡 x 深井dede記

放學拎返份功課時, miss除左讚個係IVE讀左四年時裝設計既女仔份功課靚, 之後就讚我, 睇黎都唔算太差, 同個讀左四年既差唔多, 唔通我真係咁有天份!!?? (只係講笑)



放學之後去搵joejoe啦!! 我哋本來想去紅磡打邊爐, 但又發覺food court既椅子都幾好坐, 最後都係果度食飯, 都唔知係咩理由!? 我哋兩個拎左貴重物品, 擺底其他野去霸住及買飯都得!?



我哋兩個都著格仔衫咁岩!? 一於影返張合照先~



我叫既越南肥牛湯粉及兩件芒果海鮮卷, 仲有一杯青檸水



但係太多我唔鍾意食既洋蔥, 好在joejoe幫我食哂, 多謝你~



joejoe叫既海南雞飯套餐, 但joejoe唔小心打瀉左杯打檸水, 我同joejoe share飲啦!!


食完飯之後再去紅磡新天地行下, 之後我就返深井, 真係好耐都冇返去. 一返到去就已經準備張床比我訓, 無意之中發現張梳化床伸出黎都幾似條天橋, 等我教dede行下先~



講真幾似天橋, 只係岩岩舖先咁亂, 不過影到我個膝蓋..



dede學下行天橋先, 不過拎住個電話好似唔係太專心..



行完catwalk之後就做個老闆, 拎住個計數機計下數先



之後都係玩個巴斯光年公仔, 佢都係最鍾意佢頭上轉動既光圈

拚命做功課

放工之後追返琴日果集義海, 睇埋今日果集之後, 又要做功課. 果然係個義海fans, 唔睇唔得. 講返我份功課先, 我足足畫左兩個幾鐘, 先畫哂三套衫, 仲有一套就...其實之前畫左既, 不過唔太滿意, 就拎出黎充撐下場面先, 第時再畫啦


畫到一點幾先可以訓, 太累了, 唔怪之得人哋話讀時裝設計, 個樣快殘, 原來係真既..不過係自己興趣, 幾辛苦都值得, 也幾開心既~


畫既係冷衫及長褲, 個人都幾like呢件冷衫, 真係有點似. 條褲就唔知自己畫咩..



呢條連身裙已經係最後畫, 果然唔係太靚



呢條絲加上lace連身裙, 個人都幾鍾意, 不過lace部分實在太煩, 畫花都畫個半死

難搞的紙樣繪圖

今晚都係上紙樣堂, 對於紙樣毫無認識既我當然要坐係最前面啦!! 今日學既係畫A字長裙, 原來紙樣真係咁難, 一D都唔容易...


A字長裙既長度, 睇落去真係好複雜. 數字代表各位置的距離



頭先展示既數字就係紅筆果d, 呢個係1/2既scale紙樣, 即係比原本尺寸細一半. 到自己畫時真係幾難畫的說...



之後要大家要畫一個一比一既裙袋, 我畫左好耐先至叫似樣


都驚自己會handle唔到, 睇黎要下返一輪苦工, 但又冇時間畫, 星期六份功課我都仲未做好, 真係唔知道點算好!?

好靚既時裝展覽!?

今日放工係海港城見到一個好靚既時裝展覽, 但由於太多sales企係度, 唔可以咁近去影相. 最後只好係三樓影返落去, 估唔到又影得幾清喎, 好似係附近影相一樣



好少女打扮既飾物, 全部都係頭飾, 但舞台仲可以轉, 好得意



仲有個照鏡既公仔, 仲有塊鏡及衣櫃, 好似真係試衫一樣. 同樣地個台都可以轉



仲有呢個著紅衫既公仔, 好似換好衫一樣, 出街啦!!



哇~好多衫, 我都好想走近去睇, 但我見到冇人睇, 自己都冇去到睇囉



全個展覽既外表, 真係好想走落去影相, 但又冇人去影, 都係唔好咁異相啦

繼續做功課..

其實毎日只可畫一張畫, 畫左幾日先至完成, 而家先擺係度比大家睇下先~


呢件係冷衫及高腰窄腳褲, 條褲始終唔太好睇呢!!



仲有呢條連身泡泡裙, 都唔算太差吧!?



呢條lace及雪紡連身裙都好難畫, 前面都比較好, 後面比較差吧!?


四套衫終於畫好, 總共要交五套衫, 仲有一套只好快快畫完, 但因為太樣衰, 都係唔擺出黎啦!! 留返第時唔使返工時再畫靚d~

仲未完既功課

今日要趕month end, 要成八點幾先放工, 都已經算好啦, 換轉以前要成十一點幾先走得. 雖然可以早d放工, 但又要趕住星期六交既時裝繪圖功課, 而家都只係畫左一張, 仲有四張都唔知點算好..


自己幾滿意既一張畫, 但都唔知有冇咁多時間去畫, 真係煩呢...


只好毎日爭取時間畫多D, 同埋希望唔好加班啦, 否則都幾難完成. 加上又要訓練紙樣畫法, 又唔太明白, 可以話係多災多難...