tracy及sunny的畢業相

今晚返學之前同tracy, sunny及其他同事補返影佢地既畢業相, 首先要恭喜tracy及sunny兩位先, 同時也係度諗我自己幾時先可以同佢地一樣帶四方帽..







tracy同sunny既合照, tracy似乎好鍾意我既公仔呢!!



當然唔少得係公司既logo附近影返張相先, 我既公仔又出動啦



tracy拎住畢業帽及公仔影相好得意, 比一般o靚模自然及可愛好多




sunny想食左山寨版既HP戰隊公仔!? 唔好啊~




大家都一齊玩下公仔及畢業帽先



阿ger帶住我哋呢個term, 當然要同佢黎個合照先



natalie及sunny既合照, 大家都好正經咁, 影返張搞笑版啦!!



呢張算係搞笑吧!? 點解sunny會出剪架!? 係都出包啦!!



較好時間制, 大家黎張合照先~我做咩縮埋一舊既!?




我哋擺公仔去sunny頂帽上先, 點解佢會喊既? 好似蝦佢咁




tracy話張相幾靚, 其實係我哋公司客戶服務部果邊既單張, 都影返張相先




呢張相都幾靚咁, 就影返佢啦, tracy仲背對背對住佢




之後去到我哋公司既接待處影相, 中間既就係我哋部門既阿HEAD




頭先都冇同Ami影相, 而家補影返張相先




tracy係自己個位度影返張相先, 枱面同我差唔多, 都係有d亂




sunny坐係前面好似見工咁, 咁tracy係老闆!?



真正既牛角王終於出現!? 不但比人整牛角, 仲拎住副牛角王




頭先係接待處影相時, 另一部門既阿head笑佢地兩個可以結婚, 事實兩個都幾襯咁. 比佢地聽到一定會比佢地打死吧!?

影完相之後即刻返學, 好在只係比原定時間遲左半個鐘, 但一聽到份堂課要即堂交及計分, 當堂嚇左一跳!? 等我即刻畫好要交, 希望唔會太低分...放學之後, 就去麥當當新出既法國包包, 有沙律醬, 蕃茄, 車打芝士及牛肉, 超好味, 好味到即刻影底佢



就係呢個包包啦, 個樣都好似幾好味




近d影呢個包, 不但睇得, 而且仲食得, 真係勁好味, 值得推介~

gesture功課

gesture即係時裝設計內九頭身公仔既pose, 呢次畫既就係公仔既動作. 今次miss教得唔太好, 只叫我哋盡量跟住notes內既公仔比例畫, 自己只好用係poly學到既知識, 再加盡量仿照notes既公仔去畫


畫既其中一張gesture, 勉強都叫完成吧!? 只欠邊未做



畫多幾次之後, pose比之前既好, 但都唔算太靚, 畫住先啦




畫下畫下又四張啦, 只欠未畫粗邊, 都可以安心訓覺吧!?

真係個好消息!!

琴日本來有我呢個位既新人黎就職, 但最後都冇黎, 今日HR同我係細房內傾左一陣, 話佢地太難搵人, 多數見工者都騎騎呢呢, 又或者冇責任感, 唔黎見工或就職都唔打個電話黎, 大部分見工者又唔岩佢地心水, 尤其係natalie更加唔鍾意所有應徵者, 阿head又唔想比太高人工 , 於是問我有冇興趣考慮唔好走


本來我都已決定離開, 費時令到大家難做, 因我話走, 但最後又唔走, 好似玩野咁. 但HR既一句說話, 令到我決定留係度, 就係我唔使再做admin既工作, 即係我唔使再夾OA!? 對我黎講又幾吸引, 因我至唔想夾佢, 同我心內既條件完全付合, 加上又有之前既人工, 最多只係做下HR既工作, 所以到最後都係決定留底, 大家知道之後都鄧我開心, 尤其係tracy, ada及cenna, 多謝你哋!! 我又可以留係度同大家見面及工作, 果然係個開心結局~



我姑姐聽到之後都好開心, 我哋仲約好左去打邊爐, 諗起都流哂口水~



我同姑姐叫既鴛鴦湯底, 我當然食沙爹湯底, 姑姐食清湯




仲有好少食既魚皮餃, 真係好好味啊



仲有支足, 超滑超好味, 食幾多都唔會覺得油膩



仲有我至愛既冬菇, 毎次火窩一定食既物品^^



西生菜用除左煮麵之外, 用黎打邊爐都唔錯, 想食爽d又得, 淋d又得




仲有姑姐最愛既鵝腸, 姑姐當然叫啦




豬肉片, 不過我就麻麻地鍾意食, 都係冇食到




當然唔少得大家都愛既肥牛啦, 仲一口氣叫左三碟咁多




我至愛既鯇魚片終於到左, 份量同tracy黎食一樣咁多, 一樣咁好食~



仲有一客水餃, 只有兩隻咁少!? 果然係好京貴

最後一星期

時間過得好快, 唔經唔覺仲有一個星期我離開呢間公司, 真係好唔捨得tracy及natalie佢地, 更加唔捨得card game, 毎個lunch大家都一齊玩card game既時光, 即使只有半個鐘, 覺得好開心, 如果離開呢間公司, 都唔知再有冇機會玩...

同埋當中同tracy一齊去食飯, 一齊趕month end, 雖然趕工作係辛苦, 但大家也有互相支持, 我同佢既合作, 令我哋兩日內可以埋到三盤數, 果然係好拍檔外, 也係我其中一位好朋友之一, 有時大家都會互相傾下計, 如果我走左既話, 佢咪好辛苦工作!? 點解我會咁狠心扔下佢??

近排同我夾既OA對我有禮貌好多, 對我既語氣及態度都好好多, 如果你一早對我咁好, 我就唔使諗住走啦. 有時心真係諗, 佢到底係咪玩我呢??

算啦, 都就黎走啦, 唔好諗太多, 係都諗下點搵第二份工

去mk唱k w/luxen, liz, edith & sara

今日下午約左幾位好友, 分別係酸梅, liz, 嘉華及寶妮去旺角唱k, 真係好耐冇唱啦, 對上一次應該係同IVE同學仔吧!? 感覺好似有遠, 唔記得, 好在有呢班好朋友同我去唱, 多謝你地^^



K房既格局, 牆邊有好多酒呢!! 也坐得幾舒服




電視附近既位置, 旁邊仲有部電腦, 當然冇玩到啦




我哋幾位女士既餐牌, 唱既係happy hour, 要成八十幾元位, 只有兩杯飲品




西多士及炒蛋, 炒蛋仲有幾滑, 都幾好味架!!




仲有呢個五香肉丁麵, 味道就...都係同出面差唔多




仲有呢個雞翼都唔錯咁喎, 仲可以一人一隻, 如果更多就更好啦!!



呢個雞軟骨串, 我用叉分得唔太好, 彈左幾粒出枱面




仲有咖哩肥牛撈烏冬, 味道都算唔錯咁啦




不知不覺全個枱面全部都係食物, 睇到都流哂口水




當然唔少得魚手指, 點埋沙律就更加正




唉啊!! 比酸梅偷影左我背隻, 掛住唱歌唔食野既自己




三位靚女既合照, 分別係寶妮, liz及嘉華




第二round既食物開始啦, 首先係曼魚飯~




仲有呢個春卷, 到最後先係食左一舊




仲有呢個好似都係春卷, 點埋個汁都幾好味




仲有我至愛既脆皮芝士腸, 有好多啊, 有排食啦!! 我當然話呢個最好味




neway送比毎人30g既軟糖, 五個人既份量只係得咁少!? 真係完全唔夠食




食完野之後酸梅, 寶妮及liz影返張合照先




自拍既一張相, 好耐都冇唱k, 一於影返張相先




我同酸梅都合照返張相先, 我個樣真係殘殘地




酸梅幫我哋四位影相, 我塊面好肥, 好包啊




酸梅好活潑咁擺埋v字手勢影相, 好過隱




大家都唱得好開心咁喎




我同自己畫既作品影返張相先, 自己畫得咁辛苦, 要自己讚自己先

同joejoe去紅磡 x 深井dede記

放學拎返份功課時, miss除左讚個係IVE讀左四年時裝設計既女仔份功課靚, 之後就讚我, 睇黎都唔算太差, 同個讀左四年既差唔多, 唔通我真係咁有天份!!?? (只係講笑)



放學之後去搵joejoe啦!! 我哋本來想去紅磡打邊爐, 但又發覺food court既椅子都幾好坐, 最後都係果度食飯, 都唔知係咩理由!? 我哋兩個拎左貴重物品, 擺底其他野去霸住及買飯都得!?



我哋兩個都著格仔衫咁岩!? 一於影返張合照先~



我叫既越南肥牛湯粉及兩件芒果海鮮卷, 仲有一杯青檸水



但係太多我唔鍾意食既洋蔥, 好在joejoe幫我食哂, 多謝你~



joejoe叫既海南雞飯套餐, 但joejoe唔小心打瀉左杯打檸水, 我同joejoe share飲啦!!


食完飯之後再去紅磡新天地行下, 之後我就返深井, 真係好耐都冇返去. 一返到去就已經準備張床比我訓, 無意之中發現張梳化床伸出黎都幾似條天橋, 等我教dede行下先~



講真幾似天橋, 只係岩岩舖先咁亂, 不過影到我個膝蓋..



dede學下行天橋先, 不過拎住個電話好似唔係太專心..



行完catwalk之後就做個老闆, 拎住個計數機計下數先



之後都係玩個巴斯光年公仔, 佢都係最鍾意佢頭上轉動既光圈

拚命做功課

放工之後追返琴日果集義海, 睇埋今日果集之後, 又要做功課. 果然係個義海fans, 唔睇唔得. 講返我份功課先, 我足足畫左兩個幾鐘, 先畫哂三套衫, 仲有一套就...其實之前畫左既, 不過唔太滿意, 就拎出黎充撐下場面先, 第時再畫啦


畫到一點幾先可以訓, 太累了, 唔怪之得人哋話讀時裝設計, 個樣快殘, 原來係真既..不過係自己興趣, 幾辛苦都值得, 也幾開心既~


畫既係冷衫及長褲, 個人都幾like呢件冷衫, 真係有點似. 條褲就唔知自己畫咩..



呢條連身裙已經係最後畫, 果然唔係太靚



呢條絲加上lace連身裙, 個人都幾鍾意, 不過lace部分實在太煩, 畫花都畫個半死