同joejoe去海洋公園預祝生日

今日同joejoe去海洋公園, 好在呢日天氣都唔錯, 全日都陽光普照, 只係有少少風, 可以用風和日麗去形容今日既天氣


同joejoe先係去海洋公園既巴士上影返張相先, 自己個樣冇表情既



等我都扮下自由行影返張相先, 自己好白痴咁



joejoe睇黎比我仲更加開心呢!! 好似個大細路~



第一個景點係去紅鳥池, 風景及雀又靚, 同joejoe坐係旁邊, 感覺好舒服




見到好多雀啊, 見到佢地係天空自由自在飛, 好羨慕佢地




joejoe拎住我送比佢既水樽影相唔知做咩, 不過同佢件衫都幾襯



joejoe學我其中一張相咁拎住個雞雞袋整起個咀, 感覺好複雜..



終於去到另一個景點:滑浪飛船, 起初我都好怕玩, 但後來從上高滑到地面時, 仲大膽望住鏡頭影相, 不過張相就冇買到



joejoe坐係船頭幫我擋水, 多謝你啊!! 覺得你呢個時刻好man



坐係船後既我影相, 好曬好殘眼, 不過就影得皮膚好白, 用左美白mode咁



全個公園最騎呢既相信就係呢三個回收筒



去到紀念品館度見到可愛既水母公仔, joejoe拎住隻男仔影相先




到我拎住隻女仔水母影下相先, 佢果然好可愛呢!!



去到另一個景點中華鱘館, 我都係第一次見到佢地, 不過係佢地既肚腩!?



仲有小小既蟹仔, 可惜係假既, 不過都幾得意



中華鱘館外仲有好靚既用花整既中華鱘, 真係幾靚




等我都同花花鱘影返張相先, 果度有d凍, 可以著下冬天衫




影到我都有d斯文, 一點都唔似自己



joejoe係度做咩呢?? 睇佢個樣都幾enjoy, 唔錯!



之後去海洋館, 見到好多深海魚好靚




呢條草海龍果然好似條草咁, 近睇先分得清楚邊隻係海龍




仲有好多水母, 光既顏色仲會轉變, 好靚










仲有各式各樣既魚, 毎種都各有美態, 可惜我部相機用閃光燈影相會好哂電, 否則可以影更多




joejoe攬住支糖果店既柱, 個樣好鬼搞笑




等我都同雞雞袋影下相先, 不過見到我袋住衫個黑色袋, 真失敗既自己




去到另一個好玩既地方, 就係山上機械城, 有好多攤位, 不過d公仔就麻麻




我哋之後會玩既一個機動遊戲, 都係呢個好, 唔太刺激




joejoe隻手整住門口, 好似少少唔太自然咁既!? 不過佢咁開心就算啦




我都畏高架, 所以坐定定咁比joejoe影相, 望住樓下風景有d驚



個摩天輪開始轉啦, 望到海面好高好高, 開始驚到出唔到聲



好辛苦排除畏高呢個障礙, 我哋先影左一張合照, 睇下大家笑得幾燦爛




玩完摩天輪之後, 見到一個用haagen dazs雪榚整既椅子好得意, 去影下相先



joejoe坐得好舒服既樣!! 睇佢全身真係好瘦, 好羨慕




等我都坐係度影下相先, 我對大脾真係好肥, 好粗, 真傷心




之後去到近纜車既水母萬花筒, 門口仲有以水母為背景比人影相, 但要買返張相要七十元!?



好難影既水母, 影左好耐先影到呢張, 連我自己都覺得好靚




入面好多水母, 而且仲好暗, 開左閃光燈影先知道人係度做咩




終於到搭纜車, 附近仲有水母既園林擺設, 真係幾得意



到左纜車站啦, 影返張相黎留念先, 都算幾OK咁喎




joejoe都係纜車站前影返張相先, 睇佢笑得幾開心



就黎到我哋答纜車啦, 唔知我哋答咩色呢??



我哋兩個終於可以一齊搭纜車啦, 由於路程太長, 係車內影下相先~




joejoe仲訓埋覺, 個背袋做耽頭, 不知幾歎!!




我仲好白痴手勢, 果然係白痴婆既我, 睇下開心得幾耐




見到joejoe訓覺, 我都訓下先, 我就唔可以好似佢攤係度訓, 只好坐住黎訓





坐係度扮下少女影返張相先, 對大脾果然好粗




呢張相既意境我都幾鍾意, 感覺好似好cool好型咁, 後面既背景也唔錯




兩個人影返張合照先, joejoe仲攬住我, 更加開心呢!!



唔經唔覺到左山腳既另一邊, 準備好再去行下





第一眼見到呢個七彩昇空天地, 滿布七彩繽紛既汽球, 好搶眼



終於到左熊貓館, 也就係大家熟悉既安安及佳佳既居住地方




就係大熊貓園既入口, 附近仲有一間賣紀念品既店舖




只係見到安安, 但就見唔到佳佳. 安安都想回到家中, 可惜關門, 點都入唔到去. 同埋佢地係八六年留係度, 同我差唔多咁大!?




離開熊貓館時見到呢個公仔, 佢懶洋洋訓係度, 覺得好似我咁懶...XD




佢坐係度食野個樣都好似我, 唔通我既前世係熊貓!?










海洋公園新開左個地方, 就係金魚寶殿, 未入去睇金魚前, 會有留言版比遊客寫字留念, joejoe仲寫左[joejoe豬 love bb豬(即係我)], sweet到暈左



呢個就係金魚寶殿啦, 個門口都幾得意咁, 入去睇下先!!









館內有各式各樣既金魚, 好靚啊, 睇到眼定定, 仲影左好多相, 但影影下相竟然冇電


行完金魚館之後, 我同joejoe都好肚餓, 原來已五點幾, 唔怪之得啦!! 我哋離開海洋公園之後, 返到金鐘海富中心既大家樂食野, 本來叫叉燒飯加生菜魚肉, 點知冇哂魚肉, 於是要去收銀處換單, 我哋叫左個比較貴既燒味飯餐, 點知個收銀員勁識做, 唔使要我哋加錢, 我都未試過, 唔通係因為預早同joejoe慶祝生日, 所以咁幸運!?

德福聖誕布置

終於可以交到功課, 仲比返前兩堂既堂課我哋, 黎我都有一個A-及B-, 都算唔錯吧!? 加上有同學讚自己所畫既畫, 覺得好開心, 自信心都返哂黎..xd
joejoe約左朋友去魚排燒野食, 我都想呢!! 放學之後只剩下自己一個人, 於是去德福附近影下相, 裝飾覺得比上年差, 可能係自己唔鍾意童話公仔, 覺得低能掛, 所以我覺得唔太靚, 不過都影下相, 當係留念都好既



展示各個童話故事既大螢光幕, 畫得都唔錯既



牆上也掛住唔同童話故事既畫, 有一張賣火柴女孩果張都幾靚



間滿布童話故事屋既全貌, 仲有畫家即刻畫畫



走廊頂上既布置, 比人感覺好華麗, 加上水晶燈, 效果唔錯



落到樓梯見到個賣火柴既女孩, 自己一個係角落, 感覺同自己好似, 多數也只有自己一個人



第一個商場門外仲有一個胡桃甲子既公仔, 個樣傻傻地



仲有聖誕老人皇帝, 連聖誕老人都升呢啦~



仲有皇后喎, 唔通係聖誕老婆!?



牆上仲有胡桃甲子既士兵, 黎保護身為皇帝既聖誕老人



仲有士兵帶領住車卡, 吹住喇叭走, 呢個情景都幾得意



聖誕老人皇帝仲有士兵吹喇叭伴奏出場, 睇佢幾巴閉



之後去到睇另一個童話, 就係母指姑娘, 果然係好細粒, 好可愛



仲有隻拎住鑽石介指既青蛙, 如果係真既介指黎就好



全個場以花為主題, 覺得同聖誕及冬天唔太襯



最後一個展覽區係醜小鴨, 呢個睇落去都唔錯, 幾得意



就係呢隻主角醜小鴨, 佢仲會轉黎轉去, 都幾過隱架



仲有一班正常既鴨仔, 只剩下醜小鴨一隻, 佢實在太可憐

同事去食lunch啦

tracy雖然今日冇返, 但大家都係會出街食飯, 而我之前因OA請假, 所以都係自己食多, 因我要代替佢係lunch睇下清潔阿姐打掃. 今次可以同佢地食飯, 太好啦!!



anton既魚柳糙米飯, 多謝anton同我影相



本來我想叫既芝士焗魚柳飯, 但最後都比Ami叫左



點解我連至愛既焗飯都唔叫? 就係因為有我愛既蕃茄及烏冬, 加埋魚柳更正




sunny叫既天使麵都幾好味咁, 不過對我黎講份量似乎太少~



natalie叫既雞排糙米飯, 睇落去都算唔太差吧!?



食完飯之後仲有其他同事請既曲奇餅, 仲要係choco, 真好味

tracy及sunny的畢業相

今晚返學之前同tracy, sunny及其他同事補返影佢地既畢業相, 首先要恭喜tracy及sunny兩位先, 同時也係度諗我自己幾時先可以同佢地一樣帶四方帽..







tracy同sunny既合照, tracy似乎好鍾意我既公仔呢!!



當然唔少得係公司既logo附近影返張相先, 我既公仔又出動啦



tracy拎住畢業帽及公仔影相好得意, 比一般o靚模自然及可愛好多




sunny想食左山寨版既HP戰隊公仔!? 唔好啊~




大家都一齊玩下公仔及畢業帽先



阿ger帶住我哋呢個term, 當然要同佢黎個合照先



natalie及sunny既合照, 大家都好正經咁, 影返張搞笑版啦!!



呢張算係搞笑吧!? 點解sunny會出剪架!? 係都出包啦!!



較好時間制, 大家黎張合照先~我做咩縮埋一舊既!?




我哋擺公仔去sunny頂帽上先, 點解佢會喊既? 好似蝦佢咁




tracy話張相幾靚, 其實係我哋公司客戶服務部果邊既單張, 都影返張相先




呢張相都幾靚咁, 就影返佢啦, tracy仲背對背對住佢




之後去到我哋公司既接待處影相, 中間既就係我哋部門既阿HEAD




頭先都冇同Ami影相, 而家補影返張相先




tracy係自己個位度影返張相先, 枱面同我差唔多, 都係有d亂




sunny坐係前面好似見工咁, 咁tracy係老闆!?



真正既牛角王終於出現!? 不但比人整牛角, 仲拎住副牛角王




頭先係接待處影相時, 另一部門既阿head笑佢地兩個可以結婚, 事實兩個都幾襯咁. 比佢地聽到一定會比佢地打死吧!?

影完相之後即刻返學, 好在只係比原定時間遲左半個鐘, 但一聽到份堂課要即堂交及計分, 當堂嚇左一跳!? 等我即刻畫好要交, 希望唔會太低分...放學之後, 就去麥當當新出既法國包包, 有沙律醬, 蕃茄, 車打芝士及牛肉, 超好味, 好味到即刻影底佢



就係呢個包包啦, 個樣都好似幾好味




近d影呢個包, 不但睇得, 而且仲食得, 真係勁好味, 值得推介~

gesture功課

gesture即係時裝設計內九頭身公仔既pose, 呢次畫既就係公仔既動作. 今次miss教得唔太好, 只叫我哋盡量跟住notes內既公仔比例畫, 自己只好用係poly學到既知識, 再加盡量仿照notes既公仔去畫


畫既其中一張gesture, 勉強都叫完成吧!? 只欠邊未做



畫多幾次之後, pose比之前既好, 但都唔算太靚, 畫住先啦




畫下畫下又四張啦, 只欠未畫粗邊, 都可以安心訓覺吧!?