睇醫生!?

今日見唔舒服, 本來想請半日假去睇醫生及休息一下, 但實在太多野做, 唔可以請, 最後只好send email同阿head講睇完醫生之後盡快返屋企, 真可憐



好在同事brenda介紹, 去到海港城既一間診所睇醫生, 要成250元!? 如果唔係公司有得claim全費, 我都唔會去睇啦, 實在太貴, 平時我一定唔捨得去睇



二百五十元既藥表面上都係同普通既冇分別, 但d藥太勁, 食完藥之後成日覺得個口好苦, 同埋個人成日好累, 好想訓



放工之後仲要返紙樣, 好在我都跟得上個course既內容, 呢次唔再係畫裙, 而係畫衫.睇黎我都畫得唔太差, 領口要16.5吋, 我都畫得接近, 只係差0.25吋, 覺得好開心, 唔通病左之後反而更加叻!?



今次教既紙樣, 件衫比裙易畫好多, 感覺好得意~



呢個就係件衫隻袖, 好似好抽象咁....



畫紙樣既方法, 越來越多數要計, 個頭好暈...



自己都可成功畫到個紙樣, 實在太開心及感動!! 不過影出黎實在太淺色, 大家似乎未必睇到呢..



個紙樣剪完出黎就係呢個樣, 覺得好得意, 也有種難以形容既成功感



放學之後, 我第一位認識既朋友去toliet, 我係出面等佢時影左兩張時裝公仔既相, 偷偷地影完之後就同我位朋友離開



真係好多公仔啊, 感覺上好pro既樣, 唔知我第時有冇機會用呢d公仔去整衫呢??



有個公仔係個盆內唔知做咩, 好似比人肢解左, 好核突

cenna 的最後一日

其中一位朋友cenna, 今日係佢最後返工既一日, 個消息都係琴日先知, 當時真係嚇左一跳, 雖然只係同佢相處三個月, 但都好開心, 而且有點唔捨得, 係公司又少左個朋友, 最後只好影相留念吧!!



大家影返張相先, 分別有may, tracy, cenna及我



多謝henry好好人咁自願幫我哋影相, 到佢同cenna影返張相先



cenna都比我及tracy感染左啦, 同樣拎住史迪仔去影相



cenna同佢部門既head warren影返張相先, 就係我當時想走時, 就係佢問我去唔去佢部門工作, 係個大好人黎



呢張相真係好靚呢, 所謂既人比花縞就係呢張



盆花咁靚, 連史迪仔都想同盆花影返張相, 史迪仔好上鏡呢!!



我哋三個鬼鬼馬馬影返張相先, 大家都影得好鬼開心, 咁當然唔少得公司個logo啦



同場加映, 史迪仔學我哋努力工作, 真可愛~


最後cenna只放下兩盒choco就離開, 連其他同事都唔知佢離開, 我果陣都想就咁離開, 可惜唔得, 我果陣想離開時全間公司都知道, 想低調都唔得...

又要大出血=3="

今晚又要開始趕月尾既數, 要成九點幾先放工. 放工之後我同tracy及ami去crabtree掃貨, 其實最近我都見到好多人去買野, 但都唔明點解客人好似唔使錢咁排隊, 最後我終於明白, 因全部貨品都七折, 我就從未用過佢既物品, 呢次就叫做試用下



最後買左三百幾元, 對貧窮既我黎講有點貴, 如tracy所講, 就當係提早買聖誕禮物比自己. 後來阿ger落黎搵我哋, 同我哋講買十支裝hand cream比一細盒平四十幾元咁多, 阿ger果然係阿ger, 計數方面特別勁, 認真配服!!



聖誕版既袋袋好鬼靚, 第時真係唔捨得拎黎用, 就用黎紀念吧!!



到最後買左一set皮膚護理用品, 和tracy及ami夾份買套十支裝既hand cream, 毎人分到三支



本來想要la source 海洋味, 但比tracy及ami要左, 最後只好要薰衣草, rose及花味



套護膚品包括沖涼gel, body lotion及hand cream, 仲有個化妝品袋

阿ger買的手信

阿ger終於去完日本返黎, 買左唔算太多手信, 只有一個芝士蛋糕及部分既小食. 由於我坐會計房出面, 要tracy打電話叫我入黎食野先知, 又有得食啦, 嘻嘻~



有兩款尤魚絲, 魚仔等等, 有些食物比尤魚絲蓋住, 見唔到..



呢包寫住[北海道]既係阿ger覺得最好食既帶子乾, 感覺似旺旺既小小穌味道, 中間有粒帶子, 但可能太細粒, 所以食唔到


仲有個芝士蛋糕, 不過冇影到相, 有點可惜, 但個蛋糕真係幾好味, 好想食多件呢~

joejoe生日快樂

話咁快又到joejoe生日, 先同佢講句生日快樂, 可惜我唔係第一個同佢講生日快樂, 自己覺得真係可惜; 加上我病及最近太忙, 唔可以為joejoe準備好更好既禮物同慶祝,真係好對唔住佢, 最衰自己病起黎,加上又有月事,唔可以同佢盡興,只好盡量做到最好比佢. 希望佢有個開開心心既生日, 也希望佢唔好介意...



首先訂好左table 18內既位子, 呢次食既係德國式既自助餐, 我哋都比較少食, 加上價錢合理, 所以決定同joejoe去食間餐廳既出面門口, buffet三點先開始, 但出面已經勁多人預約左位等入去食




餐廳出面仲有間酒吧, 都好似幾靚咁喎




周圍地方唔太大, 但都坐得幾舒服, 美中不足既係我坐係走廊度, 成日有人經過



不過也因為呢個位, 可以影更多地方, 附近就係取熟食及食物既地方



原來天花版上面有好多假書, 仲有餐廳名[table 18]




我叫既第一round熟食, 有我至愛既腸仔, 仲有蝦多士呢




雞雞袋又出場啦, 等佢同joejoe碟食物影返張相先




雞雞袋好大食啊, 連我果份都食埋, 呢張相係雞雞袋既最後一張相啦, 之後唔見左佢, 鳴...




第二round食物啦!! 睇下joejoe幾開心



都係拎住碟食物正經影返張相吧!!



等我都同碟食物影返張相先, 睇黎我好似sell緊食物咁!?




我既第二round食物, 蝦多士及腸仔一定拎, 仲有龍利柳等等, 全部都好味




仲有最好味既班戟, 有塊勁大既叫廚師整比我哋, 仲有人親自拎到我哋枱上, 超正




我叫既熱奶茶終於到, 仲要係茶及奶分開, 自己任倒任飲, 奶茶勁滑, 超好味




joejoe叫既凍檸茶, 仲有糖漿任加, 睇黎都唔錯咁喎




第三round終於食甜品, 睇黎都好好味咁, 睇我個樣就知啦




我既甜品, 包括焦糖燉蛋, 法式燉蛋, 芝士蛋糕及芒果布甸, 毎樣都好好味




我哋最後一round既甜品, 不過雪榚好難食, 千萬唔好拎




送比joejoe既生日卡終於出鏡啦, 呢張係一張繪本卡, 一共有四頁, 就由joejoe擺唔同pose影相啦, 有請joejoe



第一頁係隻馬騮會舉個牌遮住生日主角既真實年齡




joejoe, 你舉到咁高邊睇到呢?? 第二頁係一隻熊仔同你講生日




第三頁係蝴蝶, 連我都唔知咩意思




最後一頁係全部動物同joejoe講生日快樂, 睇佢幾開心




弊啦!! 比joejoe偷影到我寫生日卡比佢....




就係呢張生日卡及信封, 貼紙係我拎埋去, 不過佢"luck"得太多金粉..




joejoe同張卡及我送比佢既相簿影返張相先, 睇佢幾開心^^




中間發生左一件小小唔開心既事, 就係我唔見左隻雞雞袋, 但有joejoe豬送比我既雞雞公仔, 唔緊要, 仲同joejoe影返張相




影返張全身照先, 但我做咩cut左joejoe隻腳啊!? 我影相果然好差




睇下joejoe同我影相, 佢影得真係靚好多, 起碼影得我高好多, 哈哈!!!




呢張相遠睇感覺唔錯, 近睇就....塊面輪廓唔係太好, 好核突...

唔舒服地上堂

自己真係冇用, 今朝起身仲要覺得唔舒服, 都係喉嚨痛之類, 自己開始感冒, 食左幾粒銀橋之後訓左一陣, 之後就準備返學..


見到自己用marker上色似乎唔太得, 於是係堂上試左用木顏色上色既練習, 似乎都可以既, 不過唔可以遮到marker部分



就係呢張畫啦, 自己感覺唔太滿意, 有咩方法畫可以更好呢??



正當苦惱之際, miss突然教左我哋一樣野, 就係印住個公仔畫, 再用marker上皮膚既顏色, 最後用marker又好, 木顏色又好, 去幫件衫及飾物等上色, 返屋企試下之後, 覺得效果都唔錯!!



終於畫到一張比較滿意既作品, 呢次要畫三張, 完成一張已經好好~


p.s. 堂上問一個同學借marker比我試下用, 因marker要成二十幾元支, 好貴, 我想睇下效果, 起初佢講左句[我只係自己用, 唔會借比人用], 我都只好灰心返埋位


點知佢後來又借比我, 真係唔知點解, 佢話我唔化妝, 唔認得我對眼捷毛, 咁同借marker比我有咩關係呢?? 不過都唔緊要, 最後可以用到, 仲有成袋比我任用, 佢果袋筆好抵, 係二手既, 只係百五元, 勁抵, 我都好想要~