去party嗎??

今日返學化到鬼死咁靚唔知做咩, 比同學仔以為我去party, 引起同學既注意, 加上開始選科讀, 同時我也認識左幾位朋友, 分別係toby, may及kate, 原來佢地已經報左名, 只有我一個人未報, 希望之後可以再同佢地一齊讀吧



比返個portfolio我哋, 睇黎我都唔算太差, 三十分滿分有廿五分, 拎到distinction, 都算唔錯吧!? 但miss話我畫pose比上色仲好, 開始膽心之後既功課, 令我最擔心既係theme board只有五分(十分滿分), 都係岩岩好合格, 睇黎我又要再做...




放左學之後見到kate, 佢介紹我比佢男友認識, 話我好似vivi雜誌中既女仔, 真的嗎?? 可能人地只係笑我吧, 唔緊要啦!!其後終於見到joejoe, 但因為佢要加班, 所以好夜先見面, 約左慈雲山中心度食打邊爐自助餐, 但我哋影相比食野仲多, 我哋食自助餐真係好唔抵!!



最近買左對可愛既手襪仔, 試下帶住先, 加上我最鍾意既一張畫影相先




扮下可愛同至愛既雞雞影下相先, 始終都係d陰比較核突..




joejoe拎碟勁好味既海膽丸影下相先, 睇佢笑得幾開心




等我都影下相先, 我都好驚海膽丸跌落地下度就死




海膽丸既近鏡, 個樣都幾過隱, 咬落去仲有海膽必出黎, 好味!!




突然諗到個idea, 就係拎住隻杯影下, joejoe只遮剩對眼




等我都影返張相先, 我又只剩下一對眼, 好搞笑




等我蝦下雞雞先, 比我"meet"到佢咁既樣, 我仲笑得落, 都覺得自己好衰




joejoe仲衰啦, 整到雞雞呢個樣仲大笑, 都係講笑o者




至鍾意呢張相, 除左影到自己好似架妹外, 又可以影到自己既作品




呢張相都影得自己好靚, 真係好難得




同joejoe及雞雞影返張相先, 呢次要正經咁影




最後都係要同自己張畫合照, 佢今日既爆光率都幾高...XD

明白咩叫貴夾唔飽

話說美國總部果邊有個鬼佬黎左我哋公司, 而且佢既post都幾高果隻, 今日同我哋全個會計部出去食lunch, 仲要係意大利菜, 今日呢餐睇黎唔方平


仲要去一間叫做pizza express度訂位, 可惜冇得訂, 只好叫tracy及anton先去搵位, 本來我都想早d去搵位及影相, 點知阿ger佢地開完會, 要同佢地一齊去餐廳, 冇得影相, 不過好在最後離開時都可以快快地影幾張, 至於我哋食左咩? 只好上網搵返比大家睇睇:



就係呢間餐廳, 一睇個樣就知道佢勁貴果隻, 果然不出所料



手震震咁快速影完相之後就走, 仲見到anton望住我影相



周圍既格局幾優雅, 望落去都幾舒服




毎張枱都有聖誕花, 加上咁暗既燈光, 覺得好有情調


巴拿馬火腿pizza, d火腿好咸啊!! 而且分量仲好少, 食唔飽



雞肉凱撒沙律, 點左汁味道都唔錯, 比用沙律油好好多



牛油果雞絲沙律, 味道就...哈哈!! 如果你本身可以食得清淡既話都唔錯




四式芝士pizza, 味道都可以, 但芝士味唔太濃




呢個唔知咩粉, d粉係一塊塊方形既, 感覺幾得意, 個汁又好味


咁大個女第一次食意大利菜, 比我感覺係: 食物既樣好靚, 好似件藝術品一樣, 如果唔係阿head及鬼佬係度, 一定會狂影; 但另一方面覺得好貴, 同埋真係食唔飽, 明白到貴夾唔飽既道理, 好在呢餐唔使夾錢, 唔係真係肉痛死....間中一餐都唔錯既, 但我都係鍾意又平又好味既食物^^

紙樣的成功感

最經辛苦, 其實都唔算太辛苦既, 因我返屋企都冇訓練過, 只係靠上堂聽講, 但都可以畫到件衫既紙樣出黎, 都算難得, 不過真係幾難, 毎個部分都要跟尺寸去畫及量度



自己畫好既紙樣!! 又幾難睇到既, 深色部分係阿sir畫既




自己畫既紙樣, 包括前後腹, 同埋隻袖. 加上自己剪出黎, 覺得好有成功感呢~



呢堂畫既紙樣, 係一件修身既衫, 越畫越眼訓, 可能係連續幾日加班吧!都係影底佢就算




見到阿sir既筆記令我更加眼訓, 好想快d落堂..

加班之後食既麵

今晚放左工之後太肚餓, 突然諗起唔知幾耐食過既一碗蕃茄麵, 要成二十幾元一碗, 講真都幾貴, 甚至可以話好唔抵. 但見間餐廳標榜自己係健康食肆, 加上佢已經冇炒粉麵食, 咁只好叫湯麵食, 我就試一試先



好似車仔麵咁叫法, 我叫做冬菇肉碎, 魚皮餃及生菜. 雖然話健康, 但送似乎太咸, 好似唔太健康咁



就係呢隻麵, 講真都幾好食, 幾有蕃茄味

加班

今日係惡夢既開始, 要開始捱夜, 不停地入數, 入到真係好辛苦. 最後都係成十二點幾先可以放工; 第二晚仲要成點幾先走, 好耐都冇試過咁夜走, 甚至係破左以前最夜放工果隻, 覺得好唔習慣, 希望之後都唔會係咁....不過睇怕都幾難, 苦難仍然繼續, 真可憐

也估唔到financial analyst 連個bank rec都唔識做, 連銀行已經過數既cheque入去unpresented cheque度不特止, 仲連我唔小心入錯數都睇唔到, 最後要我由頭到尾check一次, 等如我自己做, 都冇幫輕到我, 好慘

最慘都係大老闆大病一場, 成日開票都要趕頭趕命, 開票過程又複雜, 開完票之後又要入數, 所以先搞到呢兩個月以黎咁混亂, 希望佢快d好返. 咁我就可以唔使OT到深夜啦!!

theme board (2)

今日大約諗左個主題, 就叫做fashion wonderworld, 係一套充滿幻想既系列, 會改用絲, 雪紡等輕柔既布料去做出迷幻既效果, 都叫做完成呢個theme board, 希望唔會太差吧!?





好辛苦先可搵到咁多雜誌相做theme board, 但會唔會比較亂呢?? 覺得佢地毎個人物都好靚, 自己好鍾意, 不過d字比較差...

theme board (1)

下個星期就要交theme board, 即係要諗一個主題或系列, 之後再設計三件衫, 一時之間真係唔知做咩主題好, 完全冇頭緒....



勉強叫諗到一個主題, 係用lace, 黑羽毛及金色玩高貴既style, 但而家又興, 用黎設計衫又好似冇咩睇頭, 加上全部都係黑色, 睇落去唔太吸引, 所以最後都係放棄呢個念頭, 再諗下一個theme



雖然仲未諗到, 但都先去文具舖買左硬卡紙先, 第一間文具舖只有一大張卡紙. miss定左要A3 size, 咁我咪要慢慢cut, 啋佢都傻. 到最後去左第二間買, 終於有得買, 仲要咩顏色都有, 不過要五元一張, 估唔到硬卡紙都咁貴, 希望做一個就OK, 唔使再做多次...



平時都有追開, 一集都唔可以錯過既義海豪情, 今晚已經係大結局, 有點唔捨得, 不過一早影完都好既, 下星期我又要趕month end, 應該冇時間睇吧!! 最後劉醒及九妹都可以一齊, 但係四年內可以去全世界, 覺得好幸福呢!! 如果我都係咁就好...突然諗起一位男性朋友, 係我既知己, 憑一句說話大約已知道我心所想, 但最後都唔可以一齊, 覺得有點可惜, 所以有些感慨, 不過已經過去, 人始終要向前望. 或者曾經擁有, 先顯得特別矜貴



好少有咁好睇既劇集, 唔知呢套影完之後, 仲有冇其實劇集比佢仲好睇呢??

青衣城逛逛

今日比返上兩堂既堂課我哋, 我竟然可以拎到A+!? 但最衰係我冇寫名, 仲要比風吹左去!? 我張畫果然夠特別. 另一張未畫哂只有B+, 唔係太開心呢..



就係呢張畫, 本來拎高分好開心, 點知唔記得寫名, 仲要比miss寫[kumi??], 佢又認得到係我畫既?



仲有件衫未outline, 只有B+, 點解自己唔畫埋佢? 雖然話唔計分, 但有點介懷




放工之後同joejoe約好係青衣站等大家, 因我哋都好少去呢個地方, 所以就去下. 我都好耐冇去, 對上一次去好似係幫文迪及berry拍片, 估唔到已經成年, 果陣我仲要和駿扮情侶拍戲, 估唔到而家同真正既男朋友去, 果然係世事難料, 真係意想不到



先到呢個青衣城呢個奇奇怪怪既市鎮既門口度影下相先




間屋既屋頂都係斜斜地, 好搞笑



joejoe都係聖誕樹度影返相先, 估唔到呢個位影又幾靚喎




等我都影返一張相扮下可愛先, 感覺都唔算太差, 不過隻腳好累呢




有兩間好大既屋, 呢間係其中一間屋既後面, 要捐出三十元先可去一間



其中一間屋, 有好多鏡咁, 不過我同joejoe都冇比錢入去睇, 只好係出面影下相



間屋既屋頂, 有個好可愛既雪人公仔




仲有一間好大好大既屋, 同樣地都係要捐錢後先可入去玩, 我地係出面睇, 見佢屋內都係斜斜地. 呢個係屋頂既裝飾



冇得入去兩間屋影相, 只好係上層影個overall比大家睇下




同樣地, 呢架巴士都係要捐錢之後先可入去, 雖然話係為慈善, 但覺得好市儈



雖然唔可以入巴士內, 但zoom近鏡都可影到巴士內既擺設, 好似好近距離影相一樣



好在車頭都可任人影相, 你睇joejoe坐得幾輕鬆




我企到好似冇腰骨咁, 加上太光啦, 影到我塊面太白




呢張既感覺都幾鍾意, 好似等緊人一樣, 我仲幫佢改左個名叫做waiting for...




仲有個肥肥地既聖誕老人, 連我都唔知自己係度擺咩pose




你睇joejoe既pose幾簡單, 只係攬住個聖誕老人就得




係其中一間大屋既後面影相先, 好難得冇人, 擺個白痴pose先




呢張係我係巴士度等人既下半部分, 今次到joejoe等, 好似係相約錯地方咁, 感覺好得意




屋頂上既擺設都唔錯, 除左突對腳出黎果位聖誕老人, 仲要對腳郁郁下, 覺得仲核突




仲有個聖誕老人爬爬下, 都幾得意既




影完相之後去間叫赤丸製麵所食飯, 都要排下隊先有得食




赤丸製麵所既格局, 唔係太大, 但都算坐得幾舒服




星期四睇完醫生之後先知自己喉嚨發炎, 所以食得清淡d, 呢個溫泉玉子什菌烏冬夠清淡掛?




照燒雞排蕃茄湯烏冬, 個樣好似比我個碗正好多咁, 見到冇得食..




仲有我哋叫既芝士年榚, 咬落去軟軟地, 有芝士必出黎, 感覺幾得意




我同你影既合照, 加埋雞雞豬, 呢張由我影既~



joejoe影既合照, 影左四張都手震, 呢張叫好d. 其實其他相既角度都好好, 只不過係手震左o者



係合照當中, 影影下相已經冇哂電, 只好留返下次再影. 臨走時送比joejoe一部iphone4.....既鏡, 佢終於做左機主啦, 而我也去健康工房買左支椰汁雪耳海底椰, 返去可以同姑姐慢慢飲啦, 哈哈~