不平安的平安夜

本來今日係四點放工, 但因為我實在太多野做, 所以最後都係六點走, natalie就返屋企, 我就同姑姐去旺角買野, 要姑姐等左咁耐, 真係唔好意思



去到旺角, 先同姑姐食飯先, 姑姐帶左我去譚記三哥度食米線, 聽講呢間米線係 譚記之中係最正宗. 不過講真, 我覺得毎碗米線都係差唔多味道及外表...XD



姑姐叫既腩肉豬潤米線, 睇個樣已經好辣, 辣到我一定唔會食




我叫既係酸辣鮮足雞肉米線, 少少辣已經想死, 雞肉都係麻麻地, 鮮足好硬




呢個係...我都唔記得咩雞翼, 味道都唔錯, 雞肉都好滑



食完飯之後再去行街, 本來想買個淺金色假曲髮又買唔到, 只係買左一條五十元既碎花連身裙, 諗住聽日同joejoe去長州時比佢睇下

pattern考試

今日可以請一日假休息下, 但都唔算休息既, 因為今日就到考pattern既日子, 我都冇咩時間溫書, 一路都仲驚緊, 希望呢科合格吧!!



溫溫下書都覺得好悶, 走左去睇電視及食野, 好在琴日買左D零食



都係十元兩盒, 係黃大仙中心買既. 熊貓果盒好好味, 寶卡隻餅冇咁好食



返到學校, 阿sir講解問題後, 就開始考試, 呢個係答題簿, 同埋考生指示



阿sir逐個點名, 同埋問有冇交功課, 當阿sir黎到我個位問我有冇交功課時, 我見到我三份功課既分, 分別係[8], [8]及[9]. 唔係掛!? 我竟然咁高分!? 我再望下佢張分紙, 真係咁高分? 自己都好意外, 呢科我平時都冇咩時間理, 但分數都算唔錯, 真係好鬼開心^^



我哋畫紙樣都會用marker紙, 即係白色簿簿地既紙, 阿sir會係我哋既marker紙上寫低班號. 見到阿sir同人講話六個紙樣都錯哂, 慘囉, 好在佢冇話我, 只係紙上mark號碼, 如果果個人係我, 我一定嚇個半死..



考完試之後全個人都鬆哂, 可以開開心心過聖誕節啦!! 但都暫時未決定去邊, 唔緊要啦, 只要可以同joejoe, 同埋朋友屋企人慶祝就得啦^^

買左禮物比joejoe豬

琴日就買比我自己, 今日就買比joejoe豬, 但由於時間唔係好夠, 只係買左一件禮物比joejoe豬, 真係對佢唔住呢....


同樣都係電話座, 個樣好似傻傻地...買完之後先記得joejoe係用iphone, 唔知個電話座岩唔岩佢用呢??



仔細睇下佢仲有粒糖架, 唔知joejoe豬有冇食到粒糖呢??><


好想快d到聖誕節, 咁就可以送比joejoe啦, 但係送一份似乎好cheap咁=口="

給自己的小小禮物

今日終於可以早少少放工, 大約八點幾離開公司. 唔係因為我一早做哂野, 而係...公司只有manager以上級別既人先有公司key, 正好natalie冇返工, 只剩下IT 部既manager, 佢走既話我哋都要走, 不過都好既, 起碼比自己休息一下



返到黃大仙地鐵站附近, 見到一個流動檔, 有好多鬆散熊既物件買!!!?? 雖然只係冒牌貪, 手工也唔係太靚, 但真係好抵, 只係二十五元隻任簡, 最後搵到個電話座, 手工都唔太差, 而且都幾得意^^



就係呢隻公仔啦, 訓係個地下度懶洋洋, 好鬼死似我~



仔細睇下鬆弛熊既body, 仲有隻雞雞含住四葉草, 超可愛的說~

for joejoe豬

本來想今日去買聖誕禮物比joejoe, 但都係要加班, 好夜先放工, 放左工已經好累, 都冇心機買禮物, 自己也唔想再加班, 究竟幾時先可以正常咁放工呢??

我唔係要返學做功課及考試, 就係要加班到好夜, 同joejoe相聚既時間少, 有時連星期六日都未必有機會見, 驚joejoe會覺得好寂寞及好悶, 我少左好多時間陪佢. 但佢仍然支持我讀呢個course, 同埋都好鍚我, 令我哋更加珍惜大家相處既機會

我成日都覺得佢唔太懂打扮, 希望佢靚仔d, 同佢出街及影相惹來羨慕既目光, 其實只係自己自尊心作祟, 其實佢咩打扮都唔緊要, 最緊要佢緊張及錫自己就好. 況且我都唔係咩靚女, 樣始終會改變, 老左會變醜, 但只有內心恆久不變. joejoe簡單既配搭都唔錯, 我覺得佢有時著衫都好睇架, 尤其係佢既黑色格仔衫及黑牛仔褲都唔錯~或許佢不是太有型, 不太懂打扮, 但我覺得佢內在係最靚, 一直擁有呢份永恒已經足夠^^

至於佢唔讀書, 我都相信佢有個人既原因, 因讀書始終要時間及金錢, 連我都唔知佢呢個原因, 只話佢唔上進, 冇去真正了解佢, 自己果然係個唔合格既女友. 但佢仍然對我不離不棄, 永遠都好錫我, 好就我, 雖然未必比到意見, 但一直有耐性聽我說話, 多謝你, joejoe豬

而家冇咩心願, 希望可以唔使成日加班, 抽多d時間係身邊陪下佢, 同埋我都開始有個計劃, 就係儲定錢....哈哈...第時先講比你知, 係同你有關既~

都係溫紙樣!!!???

今日冇同joejoe及朋友出街, 因為下星期四就要考紙樣, 自己梗係驚啦, 一直都冇時間溫書, 連做功課都冇時間, 好想休息, 但又冇得休, 只好頂硬上



溫溫下又走左去睇電視, 見到機械夢情人, 話明係[夢情人], 當然係毎個女仔心目中既男友啦, 但始終都係夢, 唔係真實, 而家身邊有個錫自己都好既. 但有時覺得完美唔太好, 因為大家互相有短處, 先可係對方或其他人身上學習, 透過所經歷既事增加自己既見識, 覺得人生先有意義, 如果係一個機械人, 跟本冇呢個經歷, 會覺得總是欠了些東西




不過也因為呢套日劇, 我開始欣賞一位男藝人, 就係速水直道啦~~



佢影high fashion雜誌真係好鬼死型啊, 睇落去仲有少少似木村~



佢成日都賣edwin既牛仔褲, d廣告相都幾型, 唔通人高真係著咩都型!?



聽講佢毎年都出日曆, 整到我都好想買一個~

好想快d到星期四, 考完試就可以輕鬆過個xmas!!

miss 既作品

終於present左, 成績真係意想不到, 四分滿分, 自己竟然拎三點五分!!?? 真係好意外, 準備不足既我竟然有呢個分數!!!?? 三套衫我只有一套, 仲有兩套都未整好, 而琴日篇blog既三塊presentation board, 其實我係星期六晚先完成, 仲要係十二點前五分鐘先交到, 好彩~




落堂時有同學仔睇miss既畫簿, 見到入面既作品真係好靚, 佢畫人物素描真係好靚, 連自己都好羨慕, miss都話我有機會學到, 咁睇得起我!? 自己都幾開心既, 不過唔知幾時先可以畫得好似miss咁靚囉, 如果一直都係做設計, 學art既話, 十幾年後應該得吧!?



好鍾意呢張畫既感覺, 係個好型既男仔, 覺得佢好cool, 好型^^



呢個model好靚, 聽講係七十年代既model, miss 也畫左佢




真係畫得好靚, 好似真人一樣~



我既其中一位朋友仔, 佢毎次著衫都好型, 襯得都好型!! 呢次present既功課其中套衫, 同佢呢件完全一樣, 超正!!



今晚我哋屋企做節, 叫左盆菜, 再加我至愛既豆苗, 真係好好味. 見到肉就怕怕, 一係食支足, 羅白及菜, 健康d麻. 但因為趕住做功課, 唔可以盡情地享受...

忙到頂唔順啦!! 功課~~

呢兩日都係以做fashion illustration既功課多, 就連溫書都冇時間, 功課又未做完, 真係唔知點算好. 已經send左email問miss可唔可以下堂交, 但最後只係換黎聽日遲幾個鍾交功課; 加上聽日又要present自己份功課, 真係好鬼死煩啊><"



最後終於完成左個present既powerpoint, 以短時間黎講都算做得唔錯吧!? 連篇講稿都未完成, 只好靠運氣吧!! 至於份功課呢....都叫完成吧!? 但為左拎高分既我, 都唔係太滿意呢份功課




終於完成啦!! 三張一齊影相都好似唔錯咁, 但其實只係胡亂上色




其中一張畫, 好like呢條花邊褲, 自己都想搵黎著下, 就唔怕走光啦




第一條畫, 也係自己最鍾意既一套衫, 如果自己有機會著住佢黎影相就好




呢張條裙都幾鍾意, 但已經冇咩心機上色, 只希望準時交就算




連個theme board都完成啦!! 但我唔太like字, 好似唔太襯咁

聽日就要present, 緊張死!

考試之前既紙樣堂

一上堂就食麥當當既巨無霸餐, 阿sir問返我學識畫上堂既紙樣未, 上堂已經畫哂啦....仲教返人做上堂既功課, 佢只係錯左個zipper, 自己咁叻既?? ....當然係講笑


直到而家都仲未溫書, 今日又要上紙樣堂, 真係好鬼死驚. 阿sir一直講解考試會考既題目, 好似好多好難咁, 聽講全部都係畫紙樣, 呢樣先最得人驚





好多唔同類型既衫, 就係要照住佢地黎畫紙樣, 要知道佢地有冇胸褶及腰褶, 同埋屬於邊類型既褶. 係必答題, 一共有六個, 相等於以前考試既短題目



呢條係必答題既長題目, 要畫返牛仔裙既叉及袋, 都仲OK既



其實係兩條問題, 呢個係長題目既選擇題, 即係二簡一, 勉強都可以吧!?



阿sir比左四件衫畫紙樣, 我只係畫錯左一個, 阿sir就話[呢件衫自己著就得, 拎去賣一定冇人買], 咁樣比阿sir串, 我唔制啊><"

生活雜記

今日已經加班左三日, 呢個星期六要交既功課又未做, 下星期四考試, 連書又未溫, 都係唔知點算好. 都好羨慕tracy可以放三日假, 佢仲話驚自己溫唔切書, 我都想放但冇得放假, 比我放返一日都好啊...



放工之後見到海港城有個以kuromi及melody為主角既展覽, 見到有sales係度, 又冇人影相, 只係頂層zoom近鏡去影相




再zoom近d影, 好多melody及kuromi既公仔及閃令令珠片袋




公司惟一既安慰就係呢兩粒choco, 本來我只簡波波果粒, 但shirley又比多粒我, 一共有兩粒. 但食完又要工作=.="

和同事去UCC食lunch

唔知tracy定ami有兩張UCC 既20元coupon, tracy, natalie, ami, anton, sunny及我六人下午去UCC度食lunch, 對我黎講都幾貴既, 但間中一次都仲得既



餐廳內既布置, 呢日食飯仲見到楊婉儀係我哋隔離枱同朋友食飯




sunny堆既沙律, 仔細睇下係個人(!?)黎架, 兩粒紅豆係眼, 栗米果兩粒係nose, 蕃茄仔係笑起既牙, 睇落去好搞鬼




natalie及tracy堆既沙律, 仲有好多桃啊, 超好味!




anton叫既咖哩豬排飯, 雖然好似普通少少, 個樣都幾好味咁




tracy及sunny叫既牛肉芝士焗飯, 賣相同樣都咁靚




natalie叫既海鮮芝士焗飯, 個樣同牛肉差唔多




我叫既牛肉汁奄列飯, ami都跟住我叫, 真係好好味, 大家有興趣不妨試下

好好味既蛋糕

上個星期四及五請左假, 原來鬼仔shawn同事已經過左probation幾個月, 上個星期五請全公司食cova既蛋糕, 冇食到果d今日有得食, 好在OA candy比我簡左先, 我就要左件什果芝士蛋糕, 真係好靚, 靚到唔捨得食~



就係呢件啦, 靚到好似假既一樣, 真係靚到唔捨得食!! 芝士味濃, 但唔太甜, 仲有好多生果, 好好味!!

同joejoe的短暫約會

本來同joejoe去城門水塘行山. 但因為唔知會唔會落雨, 所以最後改左去室內地方. 見網上既朗豪坊同新世紀咁靚, 於是就同joejoe去睇下先~


單睇個門口都好靚, 即使唔鍾意hello kitty, 都好想入去睇呢



等我都影返張相先, 但真係太多人, 加上自己部相機又冇電, 只係影左一張




我比較鍾意佢多過hello kitty, 覺得佢比較可愛




當然唔少得hello kitty既, 不過我覺得佢都係著得kawaii會比較好




仲有個好靚既摩天輪, 但真係太多人影, 連其他人都影到(其實我唔想影), 最後只好離開, 下次再去影




之後去左新世紀廣場影相, 好在比朗豪坊少人, 而且我覺得呢度比佢更加靚




呢朵花又幾靚既, 咁鍾意花既我一於去影下相先, joejoe影得好靚啊, 多謝你




其實朵花係黎自黎個廚房, 連個廚房都咁靚~




仲有個大薯仔及平果, 又幾得意喎, 最衰個相機冇電, 唔知幾時冇電, 最後唔可以係果度影




之後去到一間小房間, 見到布置都好靚




joejoe同阿莉阿蒂影, 仲要望住佢><"




等我都影返張相先, 我就望住鏡頭冇望到佢, 其實都應該望下既




隻大肥貓好可愛呢!!! 仲有個樣好傻, 訓係地下咁懶, 好似我




個全景點都要影下, 真係好靚架!!




個相機又冇電, 又太多人, 跟本冇地方及心情影, 只好留比之後影啦!! 只要係下年1月2日之前影就得啦^^