見兩位靚女好友: 文迪及菜菜

今早同屋企人去慈雲山中心飲茶, 叫左唔係太多食物, 因為實在太貴, 不過唔緊要啦, 只要可以聚下, 咁就心滿意足



好好味既馬拉千層榚, 好想食多幾件




呢個迷幻既流沙奶皇包, 個樣都幾靚咁




一見到都係流心, 真係超軟超好味, 奶皇唔係太甜, 味道岩岩好




呢個冬菇滑雞粥, 係粥求食到冬菇好似有點怪




仲有呢個蓮偶餅, 中間仲有魚肉




魚露雞肉炒烏冬, 味道真係麻麻, 烏冬有點酸酸地




仲有我唔食既粉果, 個樣都算幾好味



飲完茶之後再去買禮物, 因為菜菜話要交換禮物, 之前成日加班冇時間買, 所以先咁趕, 好在最後都買到, 買完禮物之後, 就去旺角搵菜菜及文迪




菜菜果然準時, 一早就到左旺角, 我因為架小巴係途中塞車, 所以遲左少少先到. 文迪未到, 我哋先去附近商場影下相先




菜菜幾靚女, 衣著都ok, 係棵靚靚既聖誕樹度影相先




等我都影返張相先, 感覺都ok, 好like呢棵聖誕樹




之後有個好靚既夢幻屋入口, 睇下有幾夢幻先




好靚既一間房及椅子~仲要係心心椅, 可以同joejoe影更好~




菜菜媽媽都影返張相先~




旁邊仲有個火爐, 同埋有隻....奇怪既BC公仔



旁邊既聖誕布置也好吸引, 影返張相先



之後仲未見到文迪, 只見到文迪係菜菜既sms內指示既餐廳, 但我哋兩個方向白痴(!?)都搵唔到, 最後都要等到同文迪會合先搵. 點知...間餐廳要預約先可以食飯, 最後去左朗豪坊附近既樓上cafe先得. 最後就搵到一間cafe休息下



間餐廳唔係太大, 但感覺幾舒服, 仲係鏡度見到我影相




餐廳既另一面, 到處都係白色既椅子及枱, 比人簡潔既感覺




我旁邊太多鏡, 全部都照住我, 等我都自拍返一張相先




同文迪及菜菜咁耐都冇見, 影返張合照先




菜菜買左盒好靚既淺藍色choco, 等我同佢影返張相先




相機教好時間制, 三個影返張合照先, 咁就唔使其他人幫我哋影啦~




我哋既茶餐一一送上, 首先係西多士珍寶腸, 同埋石班薯條, 仲有我哋三人既飲品




仲有芝士粉墨魚汁螺絲粉, 味道都算唔錯




仲有呢個釀雞翼餃子都唔錯, 個汁也好好味




之後到交換禮物既時間, 菜菜既係我送比佢既皮包及文迪送比佢既禮物, 仲要錫我果份>3<



文迪既三份禮物, 包括我送比佢既頸錬, 同埋菜菜送既兩份禮物




多謝文迪及菜菜送比我既兩份禮物, 等我都影返張相先~




文迪仲送左兩條褲仔比酷b及肚內既bb, 條褲個pet pet部分好得意, 想像佢地個pet郁郁下都幾得意




文迪送比菜菜全家既公仔, 感覺好得意, 聽講係手製, 係獨一無二, 只此一件



文迪先去個火爐度影返張相先



之後再同文迪黎返呢度影相, 睇下佢地影得幾開心^^....但影影下我部相機冇電啦..




我哋太耐冇見, 最後走左去影貼紙相, pose都諗左好耐, 影左出黎幾靚靚, 最鍾意菜菜大肚果張, 係期間限定版~




呢張相既星星及蝴蝶好靚啊, 唔使加字都靚




正正經經影返張相, 加埋個背景都唔錯啦^^




返到屋企拆開左禮物啦, 再一次多謝菜菜及文迪, 佢也好靚及好cute, like them~~

同joejoe去長州過聖誕

今早化妝發現唔見左支假捷毛膠水, 於是先去到旺角買, 加上化埋個眼妝, 遲左半個鐘搵joejoe, 好在joejoe都等左我咁耐, 真係多謝你, 同埋要你等我咁耐, sorry




我哋毎人一個包, joejoe既係紅豆味, 個包係綠色既; 我既係奶王味, 個包係黃色



食完包包之後, joejoe送左聖誕禮物比我, 呢隻兔仔之前我話得意, 估唔到joejoe特登去旺角買比我, 好感動, 多謝你^^




之後我哋一齊上船, 實在太多人去長州, 隻船已經full左, 好在我同joejoe可以一齊坐. 如果遲左上船既話, 對情侶會分開左坐, 好可憐呢..



鬼馬既joejoe帶左佢送比我既耳塞, 仲擺埋呢個pose, 好騎呢...XD




再同joejoe豬影返張合照先, 睇黎佢真係好鍾意個耳塞




隻船行得好慢, 最後終於去到長州, 我哋係碼頭附近搵間餐廳食飯先. 個view都唔錯, 但好多人行過, 好似望住我哋食飯, 好奇怪




連雞雞都話要影返張相先, 證明到此一遊




joejoe既熱華田及我既熱choco, 但因為太凍, 好快就凍凍地




好足料, 勁重蕃茄味既羅宋湯, 連一向唔飲羅宋湯既我都覺得好味





好在有人客走左, 我哋可以係餐廳內食飯. 先黎個洋蔥汁雞排炸蝦飯, 隻蝦都幾好食




連雞雞袋都想食野, 睇佢個樣幾開心




雞雞袋好大食啊, 連雞絲炒河都食埋




食完飯之後周圍行下, 落住毛毛雨, 好鬼凍. 見到呢個吹氣飄雪既聖誕老人, 好得意




旁邊既白色聖誕樹, 仲有紅色既蝴蝶結, 都好可愛




太凍去左渡假屋休息一下, 之後已經到夜晚, 晚上既聖誕樹仲有燈光更好靚




臨上船去左食呢個勁多人排隊既魚仔燒, 大家要左紅豆味. 睇下joejoe個樣幾開心, 但件衫會有藍色點點呢?? 感覺好特別




實在太大風啦...有個傻婆拎住紅豆味既魚仔燒影相




當然唔少得要影埋間魚仔燒既店舖啦!! 成日都好多人排隊, 點都會影到人





上船返中環仍然咁多人, 好在我哋搵到個靚位, 連雞雞袋都話食返個豬柳蛋漢堡




本來好開心, 但竟然比我見到一個人, 就係果隻衰人f先生, 佢好似同埋一個女仔黎, 但我冇望清楚個樣, 可能係zero吧!!??我就把頭挨在joejoe博頭上, 佢係我哋附近搵位, 好在最後都搵唔到, 落左去下層, 好在個上天幫我, 唔係要我坐成個鐘見到個衰人, 我會更加唔開心, 好在joejoe係我身邊支持我, 菜菜也安慰我, 我先至開心返, 多謝你哋, 有你哋已經足夠^^




但也唔知個天係咪玩我, 我已經有joejoe係身邊, 加上我讀緊時裝設計, 已經逐漸忘記同佢既日子, 重新過幸福既新生活, 做咩要比我見到佢??



返到屋企樓下, 見到好大棵, 好靚既聖誕樹, 仲有旁邊既聖誕花, 靚靚~



天花版也有好仔細及精美既布置




入口附近既兩隻銀色鹿仔都好可愛啊!!



返到屋企之後, 可以打邊爐呢! 我既屋企人一早食完, 只剩下我一個人食, 好似自己全包咁, 超正!!




少少既肥牛, 豬頸肉及西洋菜~




仲有少量既尤魚, 但我竟然唔記得左食....




我至愛既鯇魚肉, 魚肉夠脆夠滑, 而且仲好入味, 不停地食呢個




仲有菇及青口, 不過我冇食到, 實在太飽啦




仲有各式各樣既丸及魚腐, 不過我就冇食到, 因為實在太飽




哇~~全場既戲肉, 就係呢個豆苗, 不停地食

不平安的平安夜

本來今日係四點放工, 但因為我實在太多野做, 所以最後都係六點走, natalie就返屋企, 我就同姑姐去旺角買野, 要姑姐等左咁耐, 真係唔好意思



去到旺角, 先同姑姐食飯先, 姑姐帶左我去譚記三哥度食米線, 聽講呢間米線係 譚記之中係最正宗. 不過講真, 我覺得毎碗米線都係差唔多味道及外表...XD



姑姐叫既腩肉豬潤米線, 睇個樣已經好辣, 辣到我一定唔會食




我叫既係酸辣鮮足雞肉米線, 少少辣已經想死, 雞肉都係麻麻地, 鮮足好硬




呢個係...我都唔記得咩雞翼, 味道都唔錯, 雞肉都好滑



食完飯之後再去行街, 本來想買個淺金色假曲髮又買唔到, 只係買左一條五十元既碎花連身裙, 諗住聽日同joejoe去長州時比佢睇下

pattern考試

今日可以請一日假休息下, 但都唔算休息既, 因為今日就到考pattern既日子, 我都冇咩時間溫書, 一路都仲驚緊, 希望呢科合格吧!!



溫溫下書都覺得好悶, 走左去睇電視及食野, 好在琴日買左D零食



都係十元兩盒, 係黃大仙中心買既. 熊貓果盒好好味, 寶卡隻餅冇咁好食



返到學校, 阿sir講解問題後, 就開始考試, 呢個係答題簿, 同埋考生指示



阿sir逐個點名, 同埋問有冇交功課, 當阿sir黎到我個位問我有冇交功課時, 我見到我三份功課既分, 分別係[8], [8]及[9]. 唔係掛!? 我竟然咁高分!? 我再望下佢張分紙, 真係咁高分? 自己都好意外, 呢科我平時都冇咩時間理, 但分數都算唔錯, 真係好鬼開心^^



我哋畫紙樣都會用marker紙, 即係白色簿簿地既紙, 阿sir會係我哋既marker紙上寫低班號. 見到阿sir同人講話六個紙樣都錯哂, 慘囉, 好在佢冇話我, 只係紙上mark號碼, 如果果個人係我, 我一定嚇個半死..



考完試之後全個人都鬆哂, 可以開開心心過聖誕節啦!! 但都暫時未決定去邊, 唔緊要啦, 只要可以同joejoe, 同埋朋友屋企人慶祝就得啦^^

買左禮物比joejoe豬

琴日就買比我自己, 今日就買比joejoe豬, 但由於時間唔係好夠, 只係買左一件禮物比joejoe豬, 真係對佢唔住呢....


同樣都係電話座, 個樣好似傻傻地...買完之後先記得joejoe係用iphone, 唔知個電話座岩唔岩佢用呢??



仔細睇下佢仲有粒糖架, 唔知joejoe豬有冇食到粒糖呢??><


好想快d到聖誕節, 咁就可以送比joejoe啦, 但係送一份似乎好cheap咁=口="

給自己的小小禮物

今日終於可以早少少放工, 大約八點幾離開公司. 唔係因為我一早做哂野, 而係...公司只有manager以上級別既人先有公司key, 正好natalie冇返工, 只剩下IT 部既manager, 佢走既話我哋都要走, 不過都好既, 起碼比自己休息一下



返到黃大仙地鐵站附近, 見到一個流動檔, 有好多鬆散熊既物件買!!!?? 雖然只係冒牌貪, 手工也唔係太靚, 但真係好抵, 只係二十五元隻任簡, 最後搵到個電話座, 手工都唔太差, 而且都幾得意^^



就係呢隻公仔啦, 訓係個地下度懶洋洋, 好鬼死似我~



仔細睇下鬆弛熊既body, 仲有隻雞雞含住四葉草, 超可愛的說~

for joejoe豬

本來想今日去買聖誕禮物比joejoe, 但都係要加班, 好夜先放工, 放左工已經好累, 都冇心機買禮物, 自己也唔想再加班, 究竟幾時先可以正常咁放工呢??

我唔係要返學做功課及考試, 就係要加班到好夜, 同joejoe相聚既時間少, 有時連星期六日都未必有機會見, 驚joejoe會覺得好寂寞及好悶, 我少左好多時間陪佢. 但佢仍然支持我讀呢個course, 同埋都好鍚我, 令我哋更加珍惜大家相處既機會

我成日都覺得佢唔太懂打扮, 希望佢靚仔d, 同佢出街及影相惹來羨慕既目光, 其實只係自己自尊心作祟, 其實佢咩打扮都唔緊要, 最緊要佢緊張及錫自己就好. 況且我都唔係咩靚女, 樣始終會改變, 老左會變醜, 但只有內心恆久不變. joejoe簡單既配搭都唔錯, 我覺得佢有時著衫都好睇架, 尤其係佢既黑色格仔衫及黑牛仔褲都唔錯~或許佢不是太有型, 不太懂打扮, 但我覺得佢內在係最靚, 一直擁有呢份永恒已經足夠^^

至於佢唔讀書, 我都相信佢有個人既原因, 因讀書始終要時間及金錢, 連我都唔知佢呢個原因, 只話佢唔上進, 冇去真正了解佢, 自己果然係個唔合格既女友. 但佢仍然對我不離不棄, 永遠都好錫我, 好就我, 雖然未必比到意見, 但一直有耐性聽我說話, 多謝你, joejoe豬

而家冇咩心願, 希望可以唔使成日加班, 抽多d時間係身邊陪下佢, 同埋我都開始有個計劃, 就係儲定錢....哈哈...第時先講比你知, 係同你有關既~

都係溫紙樣!!!???

今日冇同joejoe及朋友出街, 因為下星期四就要考紙樣, 自己梗係驚啦, 一直都冇時間溫書, 連做功課都冇時間, 好想休息, 但又冇得休, 只好頂硬上



溫溫下又走左去睇電視, 見到機械夢情人, 話明係[夢情人], 當然係毎個女仔心目中既男友啦, 但始終都係夢, 唔係真實, 而家身邊有個錫自己都好既. 但有時覺得完美唔太好, 因為大家互相有短處, 先可係對方或其他人身上學習, 透過所經歷既事增加自己既見識, 覺得人生先有意義, 如果係一個機械人, 跟本冇呢個經歷, 會覺得總是欠了些東西




不過也因為呢套日劇, 我開始欣賞一位男藝人, 就係速水直道啦~~



佢影high fashion雜誌真係好鬼死型啊, 睇落去仲有少少似木村~



佢成日都賣edwin既牛仔褲, d廣告相都幾型, 唔通人高真係著咩都型!?



聽講佢毎年都出日曆, 整到我都好想買一個~

好想快d到星期四, 考完試就可以輕鬆過個xmas!!