家庭日及同joejoe去打邊爐

今日冇約到joejoe, 去左陪屋企人, 早上同爸爸, 媽媽, 姑姐及dede一齊去飲茶, 估唔到我哋幾個人都食左幾多野. 中間發生左段小插曲, 就係dede頑皮到打破人地隻碗, 好在冇陪錢, 睇黎真係要完全睇實佢先得



都係煎炸野多, 因為比較平麻, 我至鍾意食羅白榚~



好好味既叉燒飯, 叉燒唔太肥, 而且又唔會太乾




我叫既蠟腸蒸雞飯, 衰衰既我唔食蠟腸, 只食滑滑既雞及飯



仲有超軟既馬拉千層榚, 蝦餃及咖哩尤魚



仲有鴨腳朼及牛肉, 鍾意食喼汁既我拎左好多淋上牛肉度, 勁正



食完早餐之後再返深井屋企, 媽媽及姑姐就為dede做物理治療, 我就無聊咁畫左張畫, 就係照住報紙內既angelababy畫, 但畫出黎又唔太似...



見佢呢張相套衫又幾靚, 而且個樣及pose都靚, 就試下畫



畫好左件衫, 好鍾意透明既黑色lace, 同佢設計既a+ab內既angelababy系列好襯



靚靚既黑lace半載裙, 但太sexy啦, 自己, 屋企人及joejoe都接受唔到, 都唔會著



簡單又有style既boot, basic 款黎講都算唔錯



畫完出黎都唔係太似, 畫到佢唔太靚....自己畫功唔算太好



休息一陣後, 我同媽媽, 姑姐及dede去深井附近行下, 真係好耐冇行, 也唔係改變太多, 由附近公園行到去碼頭附近, 好耐都冇試過全家一齊行, 感覺都幾好架..XD



個碼頭好似幾正, 感覺好寧靜及舒服



係碼頭望回住宅區, 回到現實之中既城市內



面對馬路既沙灘, 就好似沙漠上既綠州一樣



差唔多日落既時候, 影住夕陽映在海上, 再加以上隻船, 超靚



同屋企人行完之後, 就坐車返慈雲山, 我同姑姐買送之後, 再同joejoe一齊打邊爐, 又可以見到佢啦!! 同時也多謝佢就我, 由屋企咁遠黎到, 多謝你^^



本來想去上次打邊爐間酒樓, 後來見到裕滿人家, 就睇睇有冇打邊爐食



只係九十幾元個, 而且之前同姑姐食點心, 質素都唔錯, 就食呢間啦~



個部長拎黎既調味盆, 可以調出適合自己既味道, 唔使係出面同其他人爭




呢個海鮮拚盆係自助打邊爐送架, 就算唔食海鮮都好, 真係覺得好抵!!




部長推薦既椰青水, 超清甜, 比酸梅湯更適合打邊爐




第一round既食物, 分別係雞脾菇, 冬菇, 芝士腸, 豆腐, 支足, 豆卜及魚片



第一round仲有肥牛及西洋菜及西生菜



我哋都唔算太誇張, 唔會叫到全枱都係, 仲驚食唔哂



第二round叫既食物, 分別係支足, 冬菇, 豆腐, 魚皮餃及丸. 仲有魚片及鮮牛, 同上round差唔多...



我哋二人叫既皮蛋莞西窩, 夠哂清淡, 仲有好多皮蛋




開始食到飽飽地, 到雞雞袋食啦, 首先佢要食海鮮




之後再要飲椰青水, 睇佢好鍾意飲呢




食到咁飽, 就可以食肥雞啦, 好大隻肥雞, 好鬼好味



食完餐打邊爐之後, 再同joejoe周圍行下, 行左一陣各自返屋企. 雖然係好簡單, 但都幾開心^^

fashion illustration exam 及合照~

終於到左考試一天, 自己都好緊張, 驚自己會考得太差, 拎唔到distinction, 不過拎到咩成績都唔緊要, 唔好唔合格就得!! 一返到學校, 冇幾耐就考試, 講真都幾驚架, 好在問題唔係太難, 而且仲樂在其中, 因為第一次考試只係寫好少字, 只係得三條填充題外, 全部都係考畫功, 畫公仔. 好在都可以係指定時間內答哂所有題目^^


考試後邀請miss may, coby及kate影相, 可惜miss及coby都唔太願意影相, 最後只同kate影. 影相期間見到兩名同學仔jonathan及cathy都未做哂功課, 於是我同kate就幫幫手, 做完功課之後大家都一齊狂影張相先



其實我最初唔認識jonathan, 都係阿kate介紹比我認識, 見佢都幾貪靚架



靚女kate及jonathan影返張相先, 佢著衫好靚, 而且又型^^



當然唔少得我同阿kate影返張相先啦^^



由cathy及jonathan示範咩叫做chok樣, 我都係而家先知



呢張我同cathy扮可愛既相, 我都幾鍾意呢張



自拍影返張相先, 最like我呢個同課室完全不合既style, 但我化妝技巧都仲要改善



都幾鍾意呢張, 係因為jonathan個pose及表情好鬼正

努力奮鬥!! fashion final project (下)

畫下畫下, 最後終於比我畫埋最後一張, 呢張畫我都幾鍾意!! 本來係畫長裙, 但長裙又覺得好似唔太活潑, 最後都係改用左短裙



張正面都唔錯, 但後面感覺好怪, 但已經冇時間再畫, 照交啦!!




估唔到後面睇仲靚, 總之就用呢邊交功課仲好




連最後一個presentation board都完成埋!! 本來貼呢張畫時冇膠水, 要特登去買先可以做到個board



全份功課都做好, 全個叫做sweet wizardry既collection系列全部做好, 同埋各marker及新買既藍及雞雞袋影返張相先, cheers!!

努力奮鬥!! fashion final project (上)

終於決定左用咩上色, 都係用marker. 因為上午畫左幾筆, 又發覺都算上得唔錯, 但我身邊又冇咁多隻色既marker, 最後都係決定去旺角買



最後買左成十幾支筆, 接近三百元, 加埋之前果四枝, 前後要成四百元, 好肉赤




開始開工啦!! 呢張係我既工作枱~~張畫係我試上色




兩張畫已經上好色, 個人都幾鍾意. 可能係自己畫功或顏色問題, 感覺好似比較卡通




自己最like既一條裙, 好like後面泡泡裙, 但我畫得唔好. 對boot粉紅色部分, 就好似leg warmer一樣套住對腳




全套衫好似冇咩特別咁, 但腰間一條透明裙感覺好特別




兩套衫既production drawing, 畫衫衫都係種樂趣^^




最後選擇左簡單既背景, 再貼埋個公仔及套衫, 都算ok咁




另一張畫都感覺唔錯, 自己也幾鍾意




兩個presentation board一齊影下相先, 突然覺得自己好叻!? (講笑)



仲有張畫自己唔係太滿意, 決定再畫另一張, 唔知會有咩idea呢?? 希望可以快d完成埋就好, 咁就真係可以放下心頭大石

fashion final project構思

原本想用電腦去做份功課, 即係先scan原畫到電腦, 之後再用photoshop去上色, 但時間過得真係快, 跟本冇時間可以咁做, 都唔知點上色好...又唔想用木顏色, 覺得好似太過細路; 水彩我又唔太識用; marker又麻麻地用得好, 真係麻煩...



而家身上只有一個上次用黎present既powerpoint, 由於上次太趕, 可能做得唔太好, 不過算啦, 反正都已經present左, 而且分數都唔錯



powerpoint既封面及靈感介紹, 自己特別鍾意個封面



介紹自己既theme board, 即係好多女仔, 又用lace整果個版; 之後再介紹自己設計衫



其實有三件衫, 但果陣只設計兩件.....簡短既present就完結啦^^


聽日及後日都請左假, 可以盡情咁畫; 但仲有另一個問題, 就係....仲有個考試, 我都仲未溫書, 即係知道各衣服種類既英文名都仲未串, 真係唔知點算

貴族burger??

一講起burger, 大家會諗起邊間餐廳?? 麥當當? 定係burger king? 本來我都以為只有呢幾間為人熟悉, 點知仲有間超貴既快餐, 平既單單一個包要成差唔多四十元, 成個餐最平都要五十幾元. 講真, 我比較窮, 冇錢食呢個餐, 但anton叫左呢個包, 雖然冇得食, 但點都要影下相~



就係呢個triple o既包包啦, 不愧係貴包, 連包裝紙都靚過人




個包上面有塊大青瓜, 竟然唔係個包內既, 好得意



包內各式既食物都好普通咁, 唔知點解會咁貴, 可惜料特別靚吧


睇完之後大家會唔會買返個食下呢?? 比我就唔會啦, 我就好易滿足, 都係一個普通包包岩我食多d. 自己始終唔係有錢人

日本食品[成]字餅

今日又見到同事係日本買手信返黎, 自己都好想去呢!!! 不過有得食下日本既食物成字餅, 自己都算唔錯, 知足常樂, 好好儲錢去日本啦!!(雖然唔知幾時先可去到)



就係呢盒餅, 個樣簡單, 仲叫做三文治, 唔知係咩黎呢



仲係阿ger指定要既[六花亨]食物, 都唔要白痴(之)戀人, 盒餅有個[成]字既??



終於拎左包餅, 同樣地都有個[成]字, 姓成專食既餅呢!!



件三文治原來係咁樣, 兩塊曲奇, 中間夾住cream及提子乾, 唔太甜, 好味!!

星期日也加班!?

>話說我哋既month end仲未完, 琴日雖然放假, 但今日星期日竟然要返工, 真係唔知咩世界. 阿ger, tracy, ami及我四人一齊返工, 真可惜, 除左食飯時間外, 其餘時間都係忙, 做到成隻死狗=__='



今次除左阿ger外, 我哋三個都簡左呢個玉子燒食, 加埋烏冬都係四十元



洋蔥炒肥牛都唔錯, 烏冬都幾滑, 但玉子比較凍, 分量比較少, 唔太飽



分量真係好少, 如果係加倍分量就更好!!


食完飯之後都係工作, 仲做到九點幾, 冇得睇top model, 只好網上睇返啦><"

新年快樂!?

好快又到左新一年, 首先祝大家新年快樂先!! 黎緊新既一年, 大家有咩打算, 或者有咩心願呢?? 我就...哈哈, 唔講住, 希望願望成真啦!!

但我今日冇節目, 應該話就算有都冇用, 諗起聽日要返工就怕怕, 呢個星期已經夠忙, 成日都要返工, 感覺冇放假一樣

今日冇出街, 冇咩特別事發生, 休息一下先

公司食大餐

本來阿ger natalie準備呢個大食會, 佢係最大搞手, 但因為屋企有d事所以唔可以食野, 真係可惜呢!! 呢次又有pizza hut, 又有大家樂, 好似好豐富呢!!



兩大個pizza好似好好味咁, 其中一個係新既帶子批



個批邊有芝士都幾好味, 但其他食物就唔太好味




小食拚盆內有腸仔, 雞翼, 炸麵包條及炸芝士, 至愛食雞翼!!



呢個pizza都係麻麻地, 好在有芝心邊先好味




呢個大家樂既拚盆都幾正, 中間果個蝸牛薯容, 大家都未必夠膽食



似乎呢個大蝦沙律比較吸引, 仲有我至愛其中兩種水果: 桃及火龍果



個肉醬意粉個樣都唔錯, 可惜我唔太鍾意, 都係冇食到



普通既一個芝士海鮮焗飯, 最後都冇食到



大家唔客氣啦, 一於大食特食, 自己唔知食邊樣好呢??



呢個由anton影既相都幾迷幻, 感覺好得意




全部人一齊影返張相最開心!!