海港城既朱古力兔仔

最近海港城賣一間貴價商店既朱古力, 仲以朱古力, 兔仔及時裝為主題, 做左個展覽, 都幾靚架! 鍾意兔仔既我又點會放過呢個機會, 放左工之後同ami去影相.


幾日之前仲未準備好既會場, 睇黎已經好吸引



可愛既兔仔捧住朱古力餅及碟, 好鬼得意



塊朱古力餅上面仲寫住"harbour city"字樣, 有少少hard sell呢



仲有隻超級可愛既兔仔, 個樣好趣怪



除左捧住朱古力餅之外, 仲捧住茶杯



仲有好多兔仔朱古力餅椅子任人坐及影相, 好得意~



除左捧住東西外, 仲有呢個兔仔變左盞燈, 佢仲拎住個平果



仲有兔仔同心協力捧住一壺朱古力, 仲倒瀉埋啦



仲有兔仔捧住朱古力, 旁邊仲有餅乾, 加上旁邊既金色叉, 好靚



最靚就係呢個倒出朱古力既杯及壺, 好想企係度扮倒朱古力, 可惜冇時間影..



有部分會展示用朱古力或其他設計師做既衣服, 呢方面更吸引我去影相



呢件衫中間好多洞洞都幾得意, 但我唔夠膽著



仿照朱古力既外形去做裝飾, 再車上衫上, 不過個人覺得不太特別



用朱古力做既衫, 呢邊係另一部分



好鍾意呢條簿紗披肩, 諗起我份final project既其中一條簿紗裙



呢個朱古力既tube top真係幾似朱古力喎



呢條裙就好似白朱古力做既一樣, 好鍾意一層層既感覺



ami話張朱古力好似我哋夏天訓既席, 咁又真係幾似既



仲有呢對朱古力boot?? 好似普通既啡色boot



除左白朱古力外, 仲有普通朱古力裙, 又真係幾twins喎

終於返學

今日終於返學, 可以見返兩位朋友coby及kate, 之後仲見到兩位高材生will及ashley, 有五個人同一班都好.


上既堂實在太...虛無飄渺, 有notes都冇用. 仲要自己跟據相片去創作自己既布料, 仲要四塊咁多, 真係煩到頭都大埋, 只好盡量發揮自己創意吧!



放左學之後, 去左麥當當買左個餐(因為放學之後只有麥當當未關門), 叫左個新既日和特盛魚堡, 但味道...都係普通既魚柳包好味好多, 仲貪得意換左隻burger公仔, 個樣都幾得意既, 如果佢係軟軟地就更加好



就係呢個包包, 個包裝好似幾好味咁既



個樣實際同魚柳包唔係太大分別, 但魚柳包好味好多



就係換左呢個double足三兩, 聽朋友話呢個最靚, 就換左佢返屋企



就係呢個公仔, 都幾似真正既包包, 如果係軟既話就更好

對自己坦率吧!!

休息左個幾星期, 冇得返學真係悶悶地, 好想快d返學. 好在聽日就返學, 唔知聽日果堂係講咩呢? 仲有可以見返兩個fd, 唔錯既~

讀左兩科, 覺得時裝設計都幾得意, 無論係咪高分都好, 可以學到以前從未接觸及自己有興趣既科目, 自己已經好幸福. 即使自己未必轉到行 (咁當然轉到更加好), 最起碼自己都唔會後悔自己冇讀. 可以做自己鍾意既事, 已經係自己勇敢踏出既第一步, 唔會猶豫, 努力面前就可.


但當遇上結婚及時裝設計既夢想, 自己會點選擇呢?? 另外會計果邊又點呢? 係咪放棄? 放棄左既話又點樣搵到錢幫補屋企, 自己儲錢, 投資, 甚至買樓呢?

至於結婚呢, 我都從未諗過, 有朋友覺得要三十歲結婚, 兩年之後就生bb, 對於毎個女仔黎講係理想既生活. 但對我黎講未必係, 因為我真係想做個時裝設計師; joejoe係個好細心, 體貼及鍚我既男友, 也會好珍惜佢對我既好..... 不過唔好誤會, 唔係我唔鍾意joejoe, 只係覺得佢應該可做得更好^^

可惜佢唔係我理想既結婚對象, 可能係時機未成熟, 又或者性格跟本唔太夾, 未完全了解及認識對方, 又怎能心靈相通呢?? 我覺得同自己走人生既路, 要係一個完全了解我, 係我猶豫及有困難時會比到意見, 有主見, 坦率, 聰明及見識既男人, 最好就有經濟能力及懂打扮, 似乎不太可能呢...我追求既係心靈上戀愛, 又或者跟本自己衰, 所遇到既大部分係衰人, 自己缺乏安全感, 所以希望第時既老公係完全比到安全感我既人

對唔住joejoe..

今日原本約左joejoe, 但竟然有唔方便既日子, 簡直超痛, 連郁都郁唔到, 最後只好係屋企休息, 都唔知做咩好, 又未開始返學, 真係好悶, 只好係屋企食下野



琴日買既兩包軟糖, 只係廿五元, 真係好抵!!



有我至愛既牛奶糖及酸心糖, 即係紅黃色果隻桃味糖



姑姐夾既另一包糖, 有大家至愛既扁帶及椰絲棉花糖



飲埋呢包咁特別既焦糖布甸豆奶, 味道都幾得意架

休息一下

琴日打完邊爐後, 我哋今早都冇去飲茶, 只係屋企碌左烏冬及剩餘餸當早餐, 食完早餐後畫左陣畫, 睇左近排至愛既韓劇[A貨貴公子], 間中係屋企休息下都唔錯既



從未學過畫人像素描既我, 就小試牛刀畫下先, 估唔到唔太差. 好鍾意畫佢既短髮




呢個畫得唔係太好, 果然都係第一次畫既係最好


睇完韓劇之後, 我同姑姐兩人行下葵涌廣場. 等村巴之前, 屋企樓下實在太大風, 於是到會所既lift口附近影相


靚既蝴蝶籣, 係我like既花之一, 仲有鏡中小小既我



自己影返張相先, 個樣白痴既我...xd



去到葵涌廣場, 先去大家樂食個下午茶先. 等位期間有對父女, 個女望我兩眼, 都唔比個位我, 仲同佢爸傾計, 於是我就離開左, 好在最後都搵到個位. 點知之後有兩人食飯, 佢地就即刻走, 估唔到呢兩個人勁cheap, 勁賤!! 真係勁嬲!!!好在最後食到個算好味既餐



我同姑姐都叫左既下午茶拚盆, 只係十幾元就可以食哂咁多款, 雖然味道唔太好, 但都唔太差



食完下午茶之後再去行下, 仲買埋annual dinner既衫, 先買個關子, 唔影件衫出黎住, 到左當日大家咪知道囉~

同屋企人打邊爐

終於可以同屋企人同邊爐啦!!! 對普通人黎講係好普通, 但對係姑姐屋企住既我黎講, 呢個係難得既機會, 一係就夾唔岩時間, 一係就冇心情打, 今日又可以食返夠本. 好!! 快d開餐啦~


有姑姐想食既豬皮及尤魚~



當然唔少得我其中一樣至愛, 就係支足啦~



仲有魚皮餃及冬菇, 毎樣都係我至愛, 唔知食邊樣好?



仲有呢個超好味推介比大家, 就係豬潤, 超滑超好味




西生菜及白菜, 影漏左個至好食既豆苗




至愛既魚肉, 我一個人可以食哂所有既魚, 爽甜又有鮮魚味




全城期待既肥牛, 毎人指定既食物!! 大家黎搶啦~




鍾意食魚既我, 魚滑當然唔會錯過啦~




仲有豬頸肉, 不過我就唔太like肉類, 都冇食到


加上媽親自煲既酸梅湯, 唔太酸, 夠甜又好味, 可惜毎人只有一細支, 唔係真係可以飲返夠本, 加上呢個沙爹湯底, 滿足而快樂, 快樂根本就好簡單^^

仲想打邊爐!?

極之鍾意打邊爐既我, 琴晚打完, 今晚仲想打, 連我姑姐都覺得我好痴線, 佢話今晚點都要煮飯, 唔再比我打. 唔好誤會, 唔係我姑姐殘忍, 我由細到大佢都好錫我, 點會唔比我打, 而係我媽打電話比我哋, 問我哋聽晚打唔打邊爐, 可以全家一齊打邊爐喎, 點都要去食啦!!

本來聽日同tracy一齊去慈雲山中心, 而tracy因為阿head放假, 佢先同我去打, 估唔到阿head聽日消假返公司, 佢就唔去打....本來覺得好可惜, 但好在個天都對我好好, 比返一餐我補償, 可以同自己最重要既人去打邊爐, 也算唔錯啦!

講真有d朋友, 我都冇同佢地打過, 好想同佢地打呢...又係打邊爐, sorry, 果然係痴哂線, 完全冇哂野講

同姑姐買餸打邊爐

為左要早放工呢個goal, 我決定由今日開始, 加上姑姐一早已經決定最凍既今晚打, 要去買餸先可以打, 所以要五點半準時走, 要比心機做哂工作先得!!



最後都可以準時放工, 實在太開心, 自己開開心心咁離開公司, 之後同姑姐約好係街市門口等, 買左好多餸, 但總係覺得好似唔夠, 不過都要停手啦, 只有我哋兩個人, 唔會食太多野



返到屋企洗菜, 準備湯底, 開始打邊爐, 雖然只有我哋兩個人, 但係屋企打, 感覺好舒服, 又唔使好似酒樓咁嘈, 又唔使趕時間, 可以慢慢咁食; 仲有又唔使驚浪費食物, 製造廚餘, 也唔會覺得比得多錢而要食多D, 感覺超正^^



就係呢個沙茶醬, 加上花生醬, 最衰少左淡奶, 唔係個湯底仲滑, 仲好食



我洗既白菜及西生菜, 對手洗到凍冰冰, 仲排到懶靚咁



仲有各式各樣既丸, 有我同姑姐至愛既芝心丸及海膽丸



仲有我同姑姐指定要食既百福蒸豆腐, 真係好滑



仲有毎次打邊爐唔少得既魚皮餃, 見到都想食~



仲有支足, 原來要浸足一晚, 支足先夠淋

仲有金菇及肥牛, 肥牛真係超好味~



仲有另一位主角, 就係冬天先當做既豆苗, 雖然只有半斤, 但已經好好味, 滿足了

得兩個人食既小小打邊爐係咁上下, 但只要好味就得, 而且仲碌定一包烏冬, 菜及丸比我聽日帶返工做午餐, 簡簡單單又兩餐^^

不要再加班太夜!!

問足咁多個打工仔, 係人都想準時放工, 邊個想成日留係公司咁夜? 即使有得比你claim錢, 你都唔想留咁耐, 早d放工就算唔係同朋友食飯, 唔係去老籣及羅士佛臺飲酒, 返屋企休息及輕鬆下都唔錯



我哋公司呢個dept最出名既係夜走, 鬼叫我哋出名多野做咩, 於是阿head為我哋毎一位定左個goal, 就係要早走. 就好似今晚咁, 我只係七點幾走, 已經比阿head問[kumi, 你有咩忙緊, 做咩仲未走?], 呢個問題已經比佢問左兩次, 七點幾對我哋既部門黎講已經算早, 但都咁問法. 其實全部人都想早走, 比你咁問就更加無隱, 於是我決定左, 以後要六點或之前放工先得!!



轉第二個話題, 一件趣事係發生係早上, 話說我係油麻地落車時, 見到把長柄遮擺係抉手上, 唔知邊個咁大頭蝦呢??


就係呢個樣, 覺得好特別, 於是影底左佢, 白痴既我=3="