同joejoe 行山

joejoe 建議去城門水塘行山, 呢次行既係我哋之前未行過既地方, 就係城門水塘主霸, 都好似幾吸引咁, 只要同joejoe一齊, 去咩地方都冇所謂啦^^

好耐都冇同屋企人飲茶啦, 所以一早跟左佢哋去一個叫做村龍既地方飲茶, 呢個地方位於半山位置到, 毎日由早上開到三點, 估唔到星期日有咁多人駕車或搭小巴黎呢度飲茶!!




果度全部都係自助, 即係由拎杯碟, 快子及食物都係全部自己黎, 我一開始已經拎左咁多野食啦, 包括燒賣, 春蛋燒賣, 蝦腸, 牛肉及棉花雞^^




差d唔記得影相添!? 係春蛋燒賣, 只剩下一粒, 也係我比較鍾意食既點心之一^^




非常之搶手, 超級勁好味既豬潤燒賣, 一出爐d人就爭住搶, 我都幸福地搶到兩碟...XD




同樣都係好多人搶既蝦餃啊!! 細細龍的的式式好得意, 而且蝦又彈牙又好味, 姪仔食得最多, 真係識食^^




阿爸拎既咖哩尤魚呢!! 都好好味, 好香咖哩味, 尤魚又爽, 超正品之一!!!




不容錯過既芝麻腸粉, 唔太sweet, 而且仲好香芝麻味, 鍾意食芝麻既朋友仔真係要食!!

好快就飲完茶, 之後就去荃灣搵joejoe, 因為我姪仔係出門口前啊左"嗯嗯"要換片, 所以遲左差唔多成個鐘先搵joejoe, 如果頭先可以同joe一齊去飲茶就好, 惟有下次再同佢黎, 咁當然都會同埋我既好友去啦!!

之後我哋坐小巴去城門水塘, 去到水塘後往燒烤場果邊出發, 途中見到好多人駕車黎燒野食, 真係好香啊, 即使係岩岩飲完茶既我都好想再食><




往燒烤場既斜路, 都要行好耐呢!! 加上有好多車上上落落, 真係要小心d先得!!




行左十五分鐘到, 皇天不負有心人, 終於到左"城門燒烤區"!!?? oh no, 我地唔係黎燒野食(雖然我都想), 只係去主壩經過...




終於到左主壩呢!! 好開心, 但個主壩都有d大, 唔知點影好啦, 好似影得好核突=.="




唔同角度影, 應該好d吧!?? 其實望住呢個地方都唔錯, 間中仲有風吹黎, 幾舒服^^




途中見到呢棵樹好勁啊, 全部根都生哂出黎, 望自頂見到一片綠油油既樹, 好靚!!



去到主壩既橋上, 今日又唔係咩特別日子, 只係個普通既星期日, 估唔到有咁多人黎!!




見到呢座奇怪既建築物, 唔知佢係咩黎, 而且條橋仲封左唔比人入去既...




過左主壩後有條叫做[畔塘徑]既地方, 其實係一條山路, 而且係...充滿馬騮架><""



畔塘徑既山路, 一共六千米, 由荃灣去到葵涌, 我同joejoe只係行到二千米就掉頭啦, 太難行及太多馬騮啦><




唔係講笑架, 真係有馬騮, 仲會係樹上跳黎跳去, 都咪話唔得人驚><




咁近距離見到馬騮, 之後仲有幾百隻馬騮係我哋身邊經過, 咪話唔得人驚=.="





呢個景色係我哋行山既最後一部分啦...好在我哋冇行落去, 唔係會有更多既馬騮同我哋一齊行=.="

行完山之後都好肚餓, 於是去左麥當當食野, 又要joejoe食多一次, 唔好意思><"....食完野之後係麥當當坐左陣, 最後就各自回家囉...

琴日joejoe其實送左隻小飛飛比我, 我唔記得左影相, 等我影返張相先~



連埋個盒一齊影相, 隻公仔好可愛呢!! 又要joejoe破費送野比我, 我都覺得唔好意思><

葵涌東業工廠大廈 @ 見工 (3) ++ joejoe踏單車

今日又係見工!? 已經連續三日見工, 真係見到有d累...好想休息一下啊!! 今日要九點半到對方公司, 之後再做一個written test及interview, 真係麻鬼煩!!




首先要行呢條長長既樓梯先到, 行到我死下死下咁既款, 之後仲有一條斜路=.="



終於到左工廠大廈啦!! 真係要多謝教我點行既阿差, 佢講d中文同我哋香港人一樣咁正, 好勁啊佢!! 總之影底佢啦><""



到左間公司啦, 呢間係一個大型既安老集團, 有成七十幾間安老院為客人...

之後有份written test做, 係應徵做accounting assistant, 一共有四個問題, 分別係以下各題及答案, 見到條問題真係完全O o西咀, 都唔知點答好=.="

1) 用三個英文生字形容自己
2) 用五十字內既中文描述自己作為該公司的會計助理既期望
3) 作為會計助理後, 見到應收賬目內和實際不相付, 請問你有咩措施及方法改善此問題(用中文答, 字數不限)
4) 請答consolidation (合併, 即子母公司收購合併) 所需的文件 (英文答)

除左第四條唔知自己答案岩唔岩外, 其餘果三條都OK既, 同埋我心內有個諗法, 就係[家陣使唔使咁難啊????) 填完表之後開始面試, 感覺都幾好吧!? 只係突然問我點入數驚左少少...

終於見完工, 可以返我爸公司休息下, 點知...冇人既??? 原來我爸出左去青衣交貨, 媽媽買送仲未返, 我都等左過半個鐘先有門口入呢><

約joejoe既時間遲左一個鐘, 原來joejoe仲未食野, 快d去食野先啦, 餓親你啦!! 最後去左大家樂度食飯~



joejoe食野個樣好可愛啊!!! 見佢食得幾快, 可能全部野食都好味吧!?



joejoe 踏單車啊!! 睇佢個樣幾精神, 而且件衫仲同個袋好襯~~



等我都同單車影埋一份先~其實我係學極都唔識踏單車既!! 只係做下樣影相><



偷拍joejoe踏單車先~佢就好啦, 識踏呢類單車!! 佢起初都唔知我偷拍佢, 後來話比佢知, 佢先至知道, 我果然係頑皮bb...XD




沙田河近一帶既景色呢~~其實都算唔錯架啦, 都見好多攝影師係度影相~




沙田河段近文化博物館既景色, 我覺得要連埋花影先好睇, 因之後已經冇花, 只好離遠影..




終於踏完全條路!! 仲要joejoe載住我, 覺得好開心呢!! 好似以前既電視劇橋段, 男既踏, 女既比載住, 原來感覺咁sweet既^^



見到單車徑上有對情侶踏呢款車, 可以兩個人踏呢!! 於是我同joejoe加錢換左呢款車, 等如兩部單車既價錢, 真係貴呢!!



架單車都幾大下, 一共分左兩邊黎影, 呢邊係前半部分, 由joejoe踏既, 全架車既平衡及方向靠哂joejoe...唔好以為架車係塗鴉, 其實係生瘦=.="



單車既後半部分, 係我踏既果部分, 仲吊住左我既手袋, 可以唔使拎呢, 真係方便^^



呢個紫色響鐘好可愛啊!! 唔知點解有呢種感覺呢? 我見毎架單車都有架!!



我同joejoe可以兩個人一齊踏單車周圍去, 鍾意去邊就去邊, 感覺好開心及好自由!! 之後踏到呢個叫做[博雅山莊]既地方~



山莊既正門...好似好宏偉咁, 其實只有呢道門, 後面咩都冇既=.="



山莊既窗口~都好似幾得意喎, joejoe仲建議我入去影下相...XD



係窗入面影相, 點知影到我好似坐牢咁既樣.....我就係度叫[快d放我出黎]咁既款^^



都係走出去個窗度影返張相先啦!! 好耐冇比joejoe影過啦, 即使用傻瓜DC都影得咁好^^



joejoe同我影影下相去左邊度呢?? 原來去左影山莊外一棵樹既一支洋紫荊. 唔知點解只有佢一支花生左係樹枝上呢?? joejoe影得好靚啊><



踏踏下單車已經由大圍去到沙田, 仲見到呢座捐血站, 都幾靚喎, 完全唔似係座捐血站囉..



再踏遠d就到左去大埔海濱公園既長廊, 但唔可以再踏了, 因為天色開始暗, 而且也差唔多夠鐘還車囉...

係還車途中仲見到有兩對情侶踏我哋呢款車, 而且比我哋新, 我哋踏呢架殘車都可以比佢地快, 我哋兩人真係合拍呢!! 雖然呢架車係殘, 但也滿載住我哋二人一齊踏單車既回憶, 點都要影返張合照既^^



最後叫租單車其中一位職員幫我哋影合照, 點知影得咁差既!? 不過冇計啦...

還左單車後大家去食晚飯, 行左好耐都仲未知去邊度食好, 最後都比我哋搵到間茶餐廳既排餐, 都只係三十幾元, 勁抵啊, 一於入去試下先~



我叫既司華力腸及雞排飯, 仲要跟埋個薯菜!! 都幾好味架, 真係唔錯呢~



joejoe叫既帶子雞排飯連埋薯菜, 佢仲比其中一件帶子我食, 唔使啦, 你食啦~



白痴既我又望住d送菜擺勝利手勢先!! 全部食物都係我既, 哈哈~

食完飯之後大家各自回家, 有d唔捨得, 不過唔緊要啦, 聽日都可以見面!! 大家都係要比心機慳錢, 目的地係城門水塘!!

九龍灣宏天廣場 @ 見工 (2)

今日都係去見工, 目的地係觀塘既宏天廣場, 而且仲要早上十一點就要去到公司, 覺得好麻煩呢!! 想訓多陣都唔得><

問左工廠既管理員先知道條路點行, 因為實在太偏僻啦!! 離地鐵站都要行多十五分鐘到先到!! 要多謝個管理員話比我知幢大廈係全幢藍色既先至搵到. 見到幢大廈係全幢藍色, 加上玻璃版顯得佢特別靚呢!! 正當我想拎相機出黎影相時, 點知....個相機竟然冇入電!!?? 太可惜啦, 惟有上網搵比大家睇下幢大廈



估唔到九龍灣都有座咁靚既樓宇呢!! 只有佢一幢大廈, 覺得佢好特別呢!!

入到去大廈內有間pacific cafe, 間cafe真係好靚, 如果我有機會同joejoe係度hi tea就好啦!! 可惜都係相機冇電, 唔可以影相, 之後就搭lift去到見工

果間寫字樓唔太大間, 只有兩名女職員工作, 間老闆房係玻璃窗, 可以清楚見到個老闆係男人黎, 太好了!! 而家好怕見到d女老闆, 佢地簡直係變態!! 個男老闆見工時都幾認真, 而且佢仲好忙, 又要聽電話, 但都認真聽我既介紹

好快就見完工, 約二十分鐘到吧!? 之後再約姑姐食lunch及買部新電話, 因為我真係受夠部電話, 成日同joejoe, 朋友及屋企人傾傾下計就會自動關機, 但之後開返又有返電, 毎日都係咁, 已經持續了幾個月, 可以買新電話應該開心啦~

姑姐同我去食好味既三文魚炒烏冬, 真係好耐冇食過, 覺得份外好味, 不過就唔好意思要姑姐出錢請我食....食完野之後終於去百老匯買電話, 最後買左個心儀既粉紅色touch screen既電話, 好開心^^



終於買左電話啦!! 就係samsung呢一部~!! 而且仲係我like既粉紅色, 超正!!

荃灣中染大廈 @ 見工(1)

今日終於去見工, 見既係一間叫[大聯大]台灣公司既senior account clerk, 琴日個staff比左個網址我, 於是我上去睇下, 點知呢間真係大公司黎架!! 係亞洲最大既電子零件廠, 而且有五間子公司, 同埋有成3800名員工!? 今朝睇返d資料, 都比佢嚇呆左, 唔怪之得佢有咁多benefit:

1) 十三個月糧
2) 加班/ 表現 bonus
3) 牙醫津貼
4) 醫療津貼
5) 人壽保險
6) 只係返五日工 <--也係最重要既!! 個公司既網址: www.wpgholdings.com


約左見兩點鐘, 先去左麥當當食呢個mig mac 餐先, 冇計啦, 又平又好味, 而家成日都叫呢個餐, 唔使煩, 之後再慢慢行去間公司都得^^



終於黎到中染大廈, 原來就係愉景新城隔離果幢!! 呢度係電梯~



上左呢條電梯之後就到lift 口, 堵牆真係好綠啊!! 要搭lift去15樓先~




終於到左見工間公司果層啦, 都只係個普通既lift口, 不過唔知有冇機會再去, 都係影左先~




就係呢間公司呢!! 見佢個樣都幾大間, 開始有d緊張添!! 大公司果然會好大壓力><

一入到去公司就叫我去填表, 大約填左十五分鐘到, 就有人收表, 之後再等左一陣, 就有staff拎住部手提電腦入黎!? 原來係要我做一個用excel及powerpoint做既test, 要係三十分鐘內完成, 結果我只係做左三分之二呢, 真係做唔哂啊><""

做完test之後正式in, 都係叫我講返以前既工作經驗之類啦, 仲用普通話介紹自己, 我既普通話果然太[普通]!! 之後佢問我有冇睇過佢公司既網頁, 叫我介紹一下佢果間公司!!!?? 好在我有睇過下, 唔係真係唔知點答囉....

最後interview完左, 對自己既表現麻麻地滿意啦, 都唔知有冇2nd in囉. 放左工之後行返去搭村巴, 之後返屋企打機, 咁就一日了

等待聽日既interview, 但似乎又係一個好遠既地方, 係九龍灣...

真係咁巧合!?

今日下午返父母間公司幫手, 搭地鐵途中文迪打電話比我, 我先知原來我哋竟然同一日比人炒!!!?? 又會咁巧合都有既, 真係唔知開唔開心好, 估唔到有差唔多命運既人呢!! 不過竟然係衰野一樣, 我寧靜係好野一樣就好, 希望我哋第時可一齊搵到份適合大家及開心既工作啦!!

仲有一樣巧合既係, 我哋同樣都有公司in我哋, 太好了~~!! 我琴晚先send cv, 今日已經有兩間公司叫我見工, 都唔知開唔開心好? 開心既係竟然咁快有得in, 仲有一份係荃灣, 勁近自己屋企呢, 希望可以做到份工啦, 車錢都慳唔少!! 不過唔開心既係自己都想懶一下, 休息返半個月至一個月到, 咁快就要in, 有d唔太習慣>w<"...至於文迪呢就下星期見, 希望大家成功啦^^

p.s. 菜菜屋企個toliet出左事(!?), 佢一家要輪住沖涼呢...希望佢個toliet可以快d修理返啦!! 我哋三個果然係老友, 係差唔多同一時間出左事, 希望惡夢快d過, 大家一齊開開心心吧~

開始自己既新生活!!

雖然比公司炒左, 但到今日一點眼淚都冇流過, 而且仲同平時一樣咁開心!! 父母見我唔使返工, 於是安排我同爸及二叔去拜山, 呢次我全程要照顧姪仔, 真係要小心d呢!!

我, 爸爸及姪仔三人先去鳳凰村搵二叔, 之後再去九龍城買水果, 消酒及燒肉去拜山; 之後爸去觀塘交貨比客, 等個會計開票都等左好耐呢, 我同姪仔都累到訓左....; 全部野做好之後就開始去拜山><



到了九龍城時, 係車望出面既景色....其實係因為太悶先至影=.="




係途中姪仔無聊到拉住爸爸既安全帶黎玩!! 比我影底佢既罪證啦...XD

我哋去完拜山之後, 大家都累了, 二叔便返回鳳凰村; 而我及爸爸返公司, 不過仲未完呢, 因為我仲要幫手=.="

終於放工了, 我自己搭地鐵及買飯返屋企, 我自己連碗二十幾元既麵都唔捨得買呢, 真係死得! 最後去左波仔執返個[叉燒什菌炒烏冬]及一盒提子汁飲下先, 都只係十八元, 好似好抵咁, 等我快d返屋企食飯先~



就係呢個烏冬啦~個樣都幾正咁既, 唔知好唔好食就真~


終於叮好左個烏冬!! 都幾好食既, 可惜分量唔係好夠, 唔夠飽呢!! 至於提子汁就幾好飲^^

突然比公司炒!?

照平時一樣返工, 點知到左四點到, 老闆娘突然叫我熄電腦, 叫我入去佢間房, 之後比左封信及支票我, 話我唔適合呢間公司, 叫我四點半之前執哂所有野離開公司!?!?!??吓!? 我第一次聽到呢個消息係目定口呆囉...無啦啦比人炒左!! 之後我問阿head, 佢一味話唔適合, 但又冇具體解釋, 只係望住我有冇執野, 當時都有d唔開心架, 我係冇同任何人講再見之下離開...

我拎住一張萬六元既支票, 一封信及一張報稅表離開公司, 我當時只有唔開心, 但冇哭到; 但同時又覺得開心 d人表面就好, 實際上點對我, 睇而家咪知囉, 我只係上過次網比老闆娘話, 但其他人上網就冇事, 可以離開呢個唔公平既地方, 唔使再對住d咁假既人, 自己都幾開心既. 到而家唔知點解比人炒, 可能係生意下降吧!? 因佢之前有個22000元既員工都走左, 唔知係咪比佢炒左??...咩原因都好, 總之呢間衰公司不宜久留, 本來我想做滿一年先走, 點知比佢先發制人, 真係好唔抵!!!><""

我打左電話比姑姐, 佢都話無可奈何, 叫我盡快搵工, 仲問我佢放工時出唔出去傾下, 費時要姑姐太辛苦, 惟有下次見面先傾; 同時也發左sms比菜菜及joejoe, joejoe即刻send個sms問我咩事外, 仲打埋電話比我, 多謝你咁鍚我, 抵鍚>3<

至於菜菜都係msn度問我咩事, 雖然佢有事唔可以on, 但都多謝你既慰問. 有你哋三個支持我都夠, 好多謝你哋!! 最後離開時, 都影下我哋公司附近條街一些比較靚既鑽石及珠寶店舖, 反正都冇機會黎, 應該話我唔想再黎, 影底留念都好^^



我舊公司對面既一間[EURO]既珠寶店, 最後裝修好冇耐, 感覺都幾新呢!!




舊公司附近既珠寶店, 都有好多款寶石買架, 而且仲幾大間下, 不過我真係冇機會入去呢...因為我冇錢..xd




再行過少少又見到一間好靚既店舖, 我都想入去睇, 不過太華麗呢...都係唔敢入..

最後我都係搭車返屋企, 覺得好累呢...不過諗起自己大把野未做, 如打blog, 洗衫..都係做呢d野啦, 咁就唔得閒呢!!