同joejoe去松林廢堡~

joejoe今日要開OT, 我哋四點幾先可見面呢><"".....呢次去既係松林廢堡, 因為joejoe未去過, 所以我就同佢一齊去, 呢次已經係第二次去呢!! 不過可以同joe周圍去, 去邊都冇所謂啦!!





無聊既我係車上自拍, 睇我個樣幾惡, 邊個都冇面比咁既樣><""




我同joejoe都幾like 呢張相, 凝望住玻璃窗外, 覺得好有feel~~睇唔出係自己自拍!!

今次去既地方有少少唔同, 因上次同nokiaa影相時落雨, 有好多地方都冇去. 呢次好好彩地陽光普照, 但又唔係太熱, 雖然係行山, 但感覺舒服外, 也可以見到真正既廢堡~





沿途見到既一棵樹, 見到佢所有根都露哂出黎, 覺得好鬼正!! 呢次係城門水塘後第二次見到~




廢堡既其中一部分, 見到呢條感覺唔錯既~~但行上去冇咩睇, 只係一個台可見到周圍既景色=.="





見條樓梯咁靚, 都貪得意走去玩下先~~唔係私影, pose比較差呢!!





joejoe簡單既一個pose已經好型仔呢~~so sweet>3<





也係其中一部分~周圍長滿草, 都好似幾唔錯咁喎~~





一個圓形既廣場, 雖然周圍都有告示叫人唔好靠近, 但都有好多人係牆上畫公仔....





遠處有個炮台, 不過比d樹遮住左, 所以見唔到~估唔到個遠景又幾靚喎~





黎個近鏡睇下先~啡色果座就係炮台啦!! 不過都係比d樹遮住, 所以見得唔係太清楚=口="





哈哈~連我自己都玩到壓光效果?? 開始接近日落, 覺得咁影又真係幾靚喎!! 諗起我果輯荒野流離~





我哋去完松林廢堡之後唔再原路去山頂, 反而去hku果邊行, 臨落山時見到好多小白花~





毎朵小白花都係圓圓地外, 下面仲有黃色小星星~~我就係小星星, joejoe係白花, 意味住佢保護我呢><""





呢棵樹就係我哋既終點呢!! 行左兩個鐘後, 終於到左hku附近, 之後仲有個好心既婆婆教我哋搭車出中環碼頭!! 我哋下一個食飯既地方係尖沙咀, 出發!!





趁小巴唔係太多人, 影返張合照先~我都唔知做咩鬼縮埋左一舊, 難得joejoe個樣咁四正!!





我影既夜景唔太靚....難得可同joejoe搭小輪去尖沙咀, 覺得好開心呢!!





好靚既一條七色橋呢~有七種唔同既顏色, 好似彩虹一樣咁靚><





最後終於比我哋搵到食野既地方, 都係去food court~joejoe學我上次去日本料理等食個樣, 好cute!





joejoe叫既鐵板牛肉撈飯~~仲係好熱, 望到生既牛肉煮緊, 覺得好正!!





我叫既鐵板曼魚撈飯呢!! 又真係幾好味喎, 不過我個餐唔送湯, 要加多五元><





撈完個飯就係咁既樣~~見到個樣及食落去都好好味, 不過落得太多汁, 感覺有d咸><

食完飯之後大家都各自搭車返屋企囉, 都唔捨得離開大家, 不過唔緊要啦, 聽日仲可以見面, 諗起都開心呢~~^^

特別記事

1) 毎個星期五我哋finance dept會全部人出街食飯, 但我竟然唔記得, 仲拎左個飯盒, 整到要返屋企扔左個飯盒, 加上公司有個員工要走, 全部人要請佢食飯, 一共有八人, 計埋走個位有九人, 個員工我又唔認識, 咁就要比八十幾元, 真係唔抵, 至怕應酬, 對我黎講有點無聊....

餐飯由公司出住數, 毎名員工都要比錢, 我及另一名會計同事都唔可以比, 會計部四個員工之中有兩個冇錢比, 會計部果然係最窮既一個部門=.="

2) 網上訂既其中一件物品碎花連身裙終於到手, 要去到沙田取, 盛惠四十五元, 點知條裙超短...仲諗住呢個星期日私影著, 都唔知點算...

3) 拎完貨後, joejoe岩岩放工, 總之搵佢食飯吧!

4) fotop既top rating 相簿呢幾日都係頭果幾名既位置, 而且短短時間已經有七百幾人睇, 果然係奇蹟!!

愛麗絲樂園 wonderland

近排唔知點解咁興wonderland都有, fb game又有, 甚至連高場都有!? 尖沙咀某間商場有呢個主題既展覽, 我見佢賣得好似幾行下, 加上今日可以五點幾放工, 都去趁下熱鬧先~原來呢個展覽只係一間小店舖既位置, 但布置都唔錯既, 係一名香港插畫師畫既, 估唔到都唔錯喎..XD




到處都係唔同類型既廣告牌, 而且仲有我like既兔仔, 雖然隻兔仔真係核突左少少...




終於比我搵到你啦!! 原來你只係間小店舖, 商場又咁大, 唔怪之得咁難搵啦><




門前既一個愛麗絲!? 係咪真係愛麗絲就唔知啦, 估係wonderland既主角吧?




一入到門口好多兔仔野啊~兔仔, 我愛你!!! 你地好cute!! 卡哇伊><




一入到門口見到兩張從復活蛋而出既女仔!!? 都幾搞鬼咁喎~




對正個門口, 見到全部都係兔仔!! 瘋狂既我甚至問店員可唔可以影相, so crazy><




一入到店舖就見到呢個兔仔頭, 好鬼死可愛!!!




原來個兔仔頭後面係條樓梯, 而且仲有好多物品, 比人夢幻既感覺!!




仲有呢個兔仔彩鑽~真係好靚呢!! 可惜只係紙版, 如果係實物更好呢!!




好靚既一張壁畫~自己都可以畫到咁靚就好><




仲有呢隻兔仔背住個鐘, 無論係隻兔仔定個鐘, 都係可愛!!




全個picture就係咁, 都算幾特別既~個人都覺得唔錯^^



個展覽話咁快就睇完~之後到商場周圍行下, 竟然比我見到一間以兔仔做logo既店舖, cute again!!




仲有好多兔仔既公仔及用品, 真係好想買哂佢地返屋企, 全間房都係兔仔, 哈哈!!

荒野流離 + 同mooji, 倚安食飯

某日去左南生圖影相, 唔記得左幾時去. 今日佢打電話比我, 話比我知我輯相上左fotop既top rating~忙個半死既我都冇時間睇, 聽佢咁講就即刻去睇, d相真係幾靚喎!! so pretty!!




一開始已經比呢張相吸引啦!! 覺得自己個pose及感覺好得, 仲有呢個天空, 真係好靚^^




個人都幾like呢張, 雖然郊外只有自己一人(咁影果日梗係唔係啦), 都仍然咁有自信及高傲




呢張相感覺也一流, 周圍都係黑暗, 呢個就係所謂壓光~咁都可以玩到, 真係幸運呢!! 因為要太陽充足既情況下先玩到~




有好感覺既一張相, 真係好like呢棵樹, 覺得有好多既發揮空間, 惟一不足既就係不可坐係樹枝上...




呢張也like啊~個pose都係突然之間諗到, 加埋附近既景及呢棵樹, 又真係幾襯喎!!

毎張相都好靚, 好多謝victor既呢輯相, 仲幫佢改左名叫[荒野流離], 而且仲好有意思既一個故事, Kumi 演繹一人流離在這荒野裡,從這條無盡的道路裡,遺忘如何怕死 深呼吸一口氣...真係好正, 都幾有呢隻feel呢!!

係喎, 講返我今日食飯先~話說我有位台灣既舊同事加朋友今日黎左香港, 我同另一位朋友mooji一齊出黎食飯, 之前也應承佢, 話佢離開左間地獄公司會請佢食飯餐, 今日終於可以請到佢!! 佢也係雜誌上見到有間日本自助餐, 於是就去左食飯~




間餐廳算大吧!? 我地坐近窗口位, 都幾舒服既, 起碼唔使咁多人行黎行去..




望出去出面都幾大既~但唔明呢間餐廳d食物咁難食, 都咁多人黎都有=.="




叫完食物之後行開左去拎錢請食飯, 返黎時已經見到幾件送係我碟上~我叫既燒冬菇咁既樣?? 真係有燒過嗎??=.="




返到黎已經食左咁多咁既??? 個海謄壽司做咩加青瓜?? 唔係咁慳嗎??




個刺身都幾靚既, 也係呢間餐廳惟一比較好食既野, 所以我都叫左好多三文魚及蝦~



我叫既蜜桃蝦沙律~至愛既蜜桃勁少, 蝦及菜都難食, 都唔知做咩比咁多我=.="




吉列豬排及餃子~兩樣都唔好味!! 兩樣都炸得太乾啦....




最後食既都已經係呢個雞軟骨, 又淡, 不過都ok有口感既...

食到我都冇咩心機食, 食物唔好食, 加上太少選擇, 而倚安也想買幾件polo恤, 於是我哋三個只好埋單, 去花園街搵下平靚衫就算

第二日返工 + 車展

終於第二日返工, 同樣都係學會計上既知識, 只係學bank-in入賬都學左兩日, 果然係大公司呢!! 今日終於識入bank-in, 覺得欣慰!!

加上行政部開既短暫會議, 應該都有二十分鐘吧!? 原來大公司真係有好多細緻既地方要注意, 如熄接待處既燈, 熄咖啡機, 倒碎紙機紙碎等等, 一般我哋冇咩留意既野, 原來係咁重要!!

仲有公司為員工既我準備左好多野:

1) 一張出入既電子卡, 好似八達通咁, 係出入門口拍一下, 加上個十個數字毎次轉動既鍵盤上按密碼, 覺得好鬼得意, 好好玩呢~

2) 仲有為我配製既一條廁所key, 可以唔使再去接待處拎啦, 仲要係金key, 夠型!!

3) 拎文具都要簽名, 果然夠認真呢!! 要記底d文具擺邊先得

放左工之後休息一下先, 首先係到樓下海港城行下, 佢今日開始有個小型既車展, 會由唔同名人, 出名既設計師, 如時裝設計師鄧達智等, 有好多唔同類型既車, 都幾cute呢!




畫滿香港夜景及藍色既車, 覺得好似睇緊迷你版既香港夜景, 唔錯啊!!





有好多隻黃色既貓貓係車內!! 車既底部仲有好多貓蘇, 真係好鬼死黃呀!!><





好多女仔既黑影係度跳舞呢, 加埋火辣辣既紅色, 夠哂熱情如火囉=.="





全架車以綠色為主, 仲有好多彩色蝴蝶, 感覺幾有活力, 幾生動!!




呢架黑色車有個傻妹, 好似我咁呢!! 玻璃窗用左彩色, 加上車頂有個傻妹公仔, 比人生動既感覺, 唔太沉悶^^




好可愛及活潑既感覺, 畫風我覺得有d似矢澤愛, 咁當然矢澤靚d啦!!




呢架車係我至愛!! 好like熱鬧既畫面, 加埋咁大隻既可愛公仔, 感覺一流!!




好似比漆油淋既車, 但又淋得幾靚喎!? 我既審美眼光有問題嗎??




全架車都用銀色珠片, 好閃啊!! 呢次真係型爆><

仲有好多款車架, 我只係影左自己覺得比較靚果d, 大家得閒及like車既話, 都可以去睇下既~

第一日返工@TST

玩左成個月, 我既悠長假期終於完結, 到左返工既日子....都唔知值唔值得開心, 不過都比冇錢及得閒係屋企冇野做既好!!

好在今日冇遲到, 而且仲見會計部既四名員工, 分別係主動同我打招呼既Amy及Tracy, 同埋好鍾意食野(!?)既阿head; 除此之外仲認識了兩個行政部既員工, 分別係愛照顧人既Christina及cool爆既candy, 唔知點解覺得個candy好似唔係太鍾意我咁, 可能係我錯覺吧?

由於會計及行政係同一個部門, 所以我哋幾個都會成日聯絡, 希望我哋之後相處都好吧? 到左lunch果陣, 大家一齊去一間中菜餐廳食飯, 最衰同佢地唔熟, 唔可以影相比大家睇, 有機會既話再同各朋友去食, 果間野真係幾好味!!

食完飯之後都係學習會計上既知識及工作方法, 之後會學埋admin, 只係人事已經有成接近七十人, 真係連名都有排記, director都已經有成七個, 真係記都記唔到, 仲有唔同既部門, 分別有sales & purchases, IT, legal, data management, 加埋我哋既finance(account及admin)共五個部分...只係見到咁多部門都想死呢=.="

仲有份合約, 共有英文四頁紙, 提及哂所有既入職人工, 假期, 立約日期, 福利等等. 其中福利方面, 原來有埋老公及仔女, 同埋供樓津貼呢!!!! 如果可以同老公joejoe結婚既話, 佢咪又可得益!? 咁快諗到咁遠都有, 都係比心機工作吧!

母親節快樂

首先要同自己媽媽及人地媽媽, 加埋菜菜媽媽, 母親節快樂!!

由於我媽媽唔like太多人, 所以都煩緊點慶祝, 最後都係決定買野食及蛋糕返屋企當係母親節禮物, 同埋媽媽唔使做家務就算, 只要我媽媽開心就得啦~唔需要一餐豪華大餐及蛋糕, 也唔需要名牌禮物既~~媽媽平時已經辛苦, 只要佢可休息下就可以^^

最後決定既母親節大餐係~~一餐日本壽司, 但媽媽唔like食生野, 只好買佢like既八爪魚, 中華沙律及螺肉




首先出場既係螺肉~可能媽太愛八爪魚, 唔係食太多呢碟, 不過個人都幾鍾意~




媽媽及我妹至愛既八爪魚到啦!! 睇黎佢地真係好鍾意食, 早知我買多d啦!!



仲有呢個壽司拚盆呢~有三文魚, 魚子, 北寄貝, 蝦, 仲有我媽鍾意既八爪魚, 螺肉及中華沙律都係哂度, 食到媽媽飽飽地呢!!




食飽休息之後再食蛋糕啦!! 呢個蛋糕係媽媽自己簡, 佢係聖安娜一見到呢個就話食, 果然真係好靚呢~




蛋糕上既特大芒果花~真係離遠都見到佢!!




蛋糕上既小粉紅花, 我個人都幾like, 但係實在太sweet啦><




個蛋糕睇落去唔太多cream, 仲有一層士多啤梨既o者o里, 一d都唔漏, 仲好好味!!