平凡的一日

今日都係落大雨, 加上影師公司有人請假, 佢要做埋佢同事果份, 要加班, 本來今日既私影要取消, 真唔開心, 最後只可係屋企內過日子~joejoe又同朋友去左旅行仲未返, 悶死人呢....

今日下午醫院突然打電話黎屋企, 話爸洗肚水唔係太清潔(咁都得...), 要拎爸既身份證去醫院拎藥, 最後我同埋媽兩人去醫院拎藥, 咁晏先打電話黎, 差d冇村巴搭出去荃灣地鐵站><




終於到左仁濟醫院既十四樓, 也係爸先拎藥單~





就係呢度呢, 媽先拎爸既身份證入房內拎藥單, 之後去返四樓拎藥

同媽等左半個鐘到, 可以拎到藥啦!! 我先拎爸既身分證及藥返屋企比佢, 而媽就返公司收拾東西. 係返屋企途中, 見到有對老公公婆婆互相扶住對方行路, 唔知點解覺得果個moment好感動, 可以搵到個同自己一齊走人生路既人外, 也可以支持到老, 如果我同joejoe都係咁就好呢!!




就係最前呢對老公公婆婆呢, 不過太細粒見唔到咁, 後面果對似兩母子多d...XD




下午一點至三點既時間冇村巴搭, 要搭小巴返屋企, 點知先發覺自己冇散銀搭車, 於是只好去附近食碗兩溝先~都幾好味, 不過份量太少=口="




食完兩溝之後, 發覺差唔多三點到, 我爸唔使我幫佢買包, 就買比我自己. 見聖安娜新出左個比利時choco波羅包, 鍾意食choco既我當然唔可以放過啦, 仲加埋4.5買choco milk, 果然係個choco痴!!




越睇佢個樣越好味呢!! 真係好想再食多一個...XD

長州太平清醮

本來係個不關己既事項, 自從同joejoe去左幾次長州後, 便愛上了呢個地方. 本來真係好想去睇, 但又怕太多人, 加上joejoe同朋友去左旅行, 只有我一個人好悶呢....

其實我哋係呢個月八號去左長州一次, 即係我哋買左對平安包仔女電話座果日, 已經見到好多同平安包有關既野買, 而且仲買過平安包, 只係六元一隻, 就好似壽包咁既味道, 包內有蓮容, 唔同既只係包面多左紅色印既[平安]兩個字, 最後我都同屋企人食左^^, 仲掛住平安包做型既公仔及cool旬, 毎樣都軟綿綿, 好可愛^^

雖然我呢次冇得去, 但都唔緊要, 係網上搵左搶包山既相比自己及大家睇下, 相片都係上網搵, 向各位網主借用下, 希望佢地唔好介意~




呢個係包山既骨架~睇工人好努力咁整! 咁都搵到真係好難得><




整好個架啦, 而家係做安全測試嗎?? 無論男又好, 女又好, 咁多人搶, 一定要安全d先得!!




包山架終於整好啦, 聽講有成十六米咁高!? 真係少d氣力都唔得, 尤其係女仔呢....




擺埋d平安包上去架山, 平安包山完成啦!! 廣州, 深圳, 澳門及香港既男女選手齊齊搭包啦~!!!




太多人買平安包啦!! 各麵包店工人要努力整包, 真係做到冇停手呢!! 加左價都係六元一個, 大大個都幾抵幾好味既~




仲有一個叫做飄色巡遊既活動, 見到好多小朋友著唔同衫扮唔同人, 都幾可愛呢~呢個女仔應該係最搶鏡吧!?(相片取自平凡人的blog: hk.myblog.yahoo.com/
jw!eGKHUA...rS387GhM-)




可愛既中國女娃娃~(相片取自平凡人的blog: hk.myblog.yahoo.com/
jw!eGKHUA...rS387GhM-)
article?mid=1457

見到人地blog既內容咁精彩, 而且仲好開心咁, 整到我都想親自己去感受下個特別及騎呢(!?)既節日. 今年就冇啦, 睇黎都要等到下年囉...

執相之旅開始 -和photoshop博鬥!!

話說我以前係IVE係個電腦白痴, 咩軟件都唔識用, 一味依靠住果隻賤人fantasy幫我. 到而家冇左佢, 要自己去用返個軟件執相, 當然唔識啦!! 於是我上網搵左d資料, 原來真係幾難呢!! 惟有努力去嘗試吧




呢張就係未執既相, 背景太光, 人面太黃, 真係要執下佢先得!!




呢張就係我執既第一張相, 背景比較清及冇咁光, 牛仔衫顏色比較突出, 面既膚色比較白. 要逐部分框出黎去較飽和度, 顏色. 也多數joejoe整到我塊面比較平滑^^

睇黎都比較成功, 擺係fotop度都有人睇下, 實在太好呢!! 自己仲要努力執多幾張!! joejoe去左旅行, 要靠自己啦><""

tommy kc既一輯相!?

呢日tommy搵我, 話輯相已經準備好, 於是send個file黎比我. 點知....全部相其實構圖及我既pose唔太差, 奈何d顏色呢...真係幾差囉, 唔係紅就係黃, 佢仲好笑話可以直出呢? 睇黎我要做一大輪既執相功夫先至得....比大家睇下比較好既幾張相...




呢張已經係惟一一張可以直接出街既相黎啦, 之後果d呢...哈哈, 你地睇下~





呢張仲可以既, 只要汁下面既顏色就可以, 其餘部分如衣服及景物都ok!!




之前果d都仲好, 只係面既比較黃, 但之後呢d仲精彩囉, 不但面黃, 仲有背景太光, 要花大一輪功夫先可執完=.="

今日開始要比心機, 上網學下人地點用photoshop執相, 祝我自己好運!!!

食八爪魚丸

毎日放工既日子太悶, 開始悶到唔知邊日打邊日....加上返工開始越來越多野做, 忙個不停, 想去休息下, 但毎個朋友及joejoe都忙, 於是去左海港城city super對外既food court食野, 好耐都冇食過八爪魚丸, 及自己有點辛苦, 連二十幾元既六粒八爪魚丸都買黎食, 認真痴線=.="




就係呢間墨魚丸, 唔記得左邊位老友曾經帶我黎食? 間中都幾多人黎食架!!




哇啊啊!! 就係呢個墨魚丸啦!! 真係好好味~不過23元得六粒, 仲要冇飲品, 真係貴左D=.="




木薯都郁郁下大＊&架, 好得意, 墨魚彈牙, 皮又脆脆地, 加上有少少薑, 都唔錯!! 好特別~

食完野之後返屋企食飯囉, 不過冇話比父母知食左野返黎!! 都要比面佢地食下飯麻!! 唔怪之得我既體重只有直線上升冇下降啦=口="

公司近況

今日冇帶飯, 和HR head christine, 會計部amy及另一個data部門既connie三人去返我第一日返工間餐廳食飯, 食物真係好好味呢!! 可惜既係唔可以影相比joejoe及各位朋友睇, 惟有之後搵日同大家去食飯啦, 冇辦法><

食飯途中傾下公司既事, 知道finance既director 原來鍾意臨急先比野人做, 加上美國總部成日都要report, 所以finance head既natalie及amy都好慘, 聽講最勁試過OT到凌晨兩點外, 聽日仲要準備九點返工, 都咪話唔得人驚, 好在我呢個小角色under christine及natalie, 只要做完野就可以放工, 正!!

joejoe又要加班, 唔可以同佢一齊去食飯, 真掃興!! 間公司點可以成日要joejoe加班架, 佢唔使休息咩!! 少左我哋兩人既相處時間, 真係激氣!!><

無意之中係電腦搵到呢張畫, 都幾cute既, 好似我同joejoe一樣!?




joejoe把個心比左我, 不嬲都覺架啦!! 但我竟然坐係一邊唔理joejoe都有!?

HKU @私影 with Tommy + joejoe食晚飯

隔左一個星期冇影相, 呢次同tommy 再影返相, 希3望唔會太差吧?? 去既係hku 內影, 自從我及liz係果度畢業之後, 都好耐冇去過. 由於我早到, tommy約左我去國殤之柱度等, 點知我竟然唔記得左點去, 好在有個好人既管理員教我去, 咁都好d~

tommy終於黎到, 我係canteen食完野之後再開始出發, 去既地方都係果幾個, 地方也轉變得唔多, 只係有部分地方裝修.....我哋先去何花池影相, 果度既何花終於開啦!! 而且仲好靚~





原來何花真係咁靚架!! 呢次竟然有機會睇到, 自己好幸運呢!!





真係太靚啦!! 一於幫佢影返個close up先!! 遠處仲有紫色, 不過太遠唔可以影, 好可惜!!





有太陽既港大真係好靚!! 不過就曬及熱左d, 但為左影靚相冇法啦><





睇黎唔只有我烈日當空下影相辛苦, 睇呢個黑人model都幾辛苦. 唔係, 應該好enjoy既, 咁多人影佢. 除此之外仲有好多cosplay影相, 私影就少, 好彩!!





果然影既地方唔太多, 西院已經係最後一站, 係另一個入口入, 先知佢原來幾靚喎~

我影左咩相出黎?? 就等個影師出啦!! 係一個著住白色碎花短褲及絲襪既純情少女look????? 係咪純情就唔知啦, 等出左相之前po相比大家睇下啦!!

之後終於可以見joejoe啦!! 約左佢係金鐘食飯, 去返上次果間super sandwiches食飯, 因個餐實在太好味啦!! 估唔到呢次joejoe比我早到, 原來佢買左個相機套比我, 仲要係我至愛既粉紅色及花花, 多謝你啊, joejoe>3<





實在太cute啦!! 令到我即刻想用, 估唔到自己仲襯粉紅色, 扮可愛=口="





我哋叫既兩份套餐, 餐湯竟然係酸?? 個麵也凍凍地, 仲要有dessert送, 同上次差咁遠既?? 一點都唔好味...





下次都係唔黎呢間食野, 所以今次影多d相, 就當係留為紀念吧!!




餐廳內既座位及出面叫食物既地方, 地方雖然唔大, 但簡單得黎夠乾淨~





zoom到好近去影個店員!? 講笑, 只係想影叫食物既counter及蛋糕櫃





仲有店舖既一盞大水晶燈, 都真係幾靚啊!! 如果呢度係我同joejoe二人屋企就好^^





我既驚人演出, 兩支飲管插個nose度. 咁當然只係借位, 唔係真架啦!! 連joejoe都睇到目定口呆..xd





都係正正經經影返張相啦, 唔好再嚇人啦, 唔係入green hill就死=.="





食完飯之後同joejoe周圍行, 行行下都唔知去左個咩地方, 見到有個小花園, 好似都幾ok喎~





個model真係好靚啊, 如果我都可以影呢類相就好啦><





之後再去到婚姻註冊處~哇!! 自己咁恨嫁都有?? 講笑o者!!





都係呢度同joejoe合照返張先~好似我哋準備入去註冊咁(笑)





之後再行下店舖, 行完之後就返屋企....我哋睇既多數都係家私店, d擺設真係好靚啊><




好靚既一張粉紅色椅子~加上其他既擺設, 顯得特別靚啊!!




仲有小孩既家私店舖, 仲cute仲七彩繽紛, 我寧願做小孩啦!! (講咩傻話=.=)





都係做返個大人吧啦!! 呢套床幾簡單及舒服, 真係好想有呢間房呢!! 開始進入我同joejoe屋企既幻想中...





好有格調既飯廳~係度食飯唔知會唔會特別開胃呢??





古舊簡單既一個櫃~原來joejoe都鐘意木色既, 同我一樣呢!!





又有另一款既飯廳~不過都係第一次見果間比較好!! 門外仲有銀色波波, 我同joejoe又可以玩下~




haha~玩下既意思唔係拎佢波波黎玩, 雖然我都想.....只係對住佢影返張合照, 今日太多合照, 好開心呢!!大豐收^^