再見了, christina....

上星期五先知道其中一位朋友及同事christina今日就要離開, 星期五知道有d驚訝, 同佢雖然只係相處左一個月, 但都好開心, 佢都話好like我, 感覺上佢有d似我家姐呢!! 由細到大我都恨有個家姐, 而家都算有吧!? 不過一個月之後就結束><"

我哋lunch食餐豐富既, 呢次既也係飲茶食點心, 最緊要既係雪甲燉椰皇~~有成十一個人去, 叫既送菜真係誇張, 一龍龍點心及食物不停地上, 食到大家都好飽呢!! 到左下午, christina買左蛋糕到accounting room比我哋圍內呢班人食, 大家仲去一齊影相^^




finance 部門既所有人呢, 除了第一行白色衫既connie, 中間就係christina, 旁邊既係教我野既tracy, 仲有第二行左邊既amy, 中間既就係我哋既account head natalie及我自己><




仲有另一個部門senior manager 既keith, 睇下christina可同靚仔影相幾開心^^




仲有legal 部門既brenda及sunny, 就係sunny比戲院既coupon我哋啦^^




全部人黎張合照先~~好少可見到咁齊人!? 希望之後都可以見到咁齊人就好><

christina終於要走啦, 大家都好唔捨得, 希望佢之後會有好既將來, 最緊要做人都係開開心心就好, 期待之後可同佢見面及一齊食飯^^

同joejoe去奧海城睇戲

話說其中一位同事sunny比左張coupon比我哋呢班fd, 只要拎位匯豐信用卡, 就可以有買一送一既戲票優惠. 問過姑姐佢又唔睇, 最後只好同joejoe去睇啦, 呢次我哋去睇套叫做[A Team]~~

我哋先係奧運站等, 黑仔既我想衝入車時, 點知就關左門, 要等多六分鐘先可以去到, 結果遲到左十五分鐘咁多, 要joejoe等咁耐, 激氣!!

其實我都係第一次黎呢度, 自己好奇想去下, 加上我口哋兩個又怕多人, 呢度就岩哂!! 先去買飛, 本來想睇三點半場, 點知冇哂正位, 最後只好睇五點幾...於是同joejoe周圍行, 比我哋見到呢個food court



全個場既view, 見到有好多椅子, 加埋個大電視, 可以比人睇波呢~雖然我冇興趣睇=.="




世界盃黎到, 各商場以既布置以世界盃為主, 咁當然奧海城都係咁, 見到三套時裝, 對眼都發哂光!!



天花版上掛住一粒大鑽石呢!!! 其實也同世界盃呢個主題有關, 感覺幾特別~




個stage都幾靚啊!! 至like大鑽石包住個波波, 感覺好特別^^




一入去food court, 真係好鬼靚, 好似歐洲街道一樣, 好少見到咁靚既地方食飯~




同joejoe坐係一邊睇雜誌先, 即使唔叫食物, 都可以任坐, 比麥當當正好多呢~




歐陸式既餐廳外表的確吸引, 但賣既係東南亞美食!? 似乎有點格格不入=.="



見頂頭既屋咁靚, 影底先~ 如果同joejoe住呢間屋就好, 下面就係我哋既cafe, good!!



連食野既枱椅都好靚, 加上佢既路牌及圍欄, 係度食野簡直係種享受~



呢度有好多類餐廳, 包括越南, 泰國, 日本, 中國等等, 尤其係欣賞鐵板燒, 有機會都好想同朋友及joejoe, 仲有屋企人試下~




仲經過一個保齡球館, 呢個係佢地既icon, 都好似機得意咁^^




呢個就係保齡球館, 都係第一次係香港見到, 都幾多人去玩架!!




個保齡球館有兩邊, 中間有條通道, 呢個係另一邊既地方~

係呢個保齡球館前有個路牌, 指示去呢個地方及戲院, 起初以為戲院係呢度, 所以一直搵, 點知戲院原來要再轉彎先到. 我哋就去睇[a team]

套戲都幾搞笑, 而且電腦做既爆破場面都唔錯, 可惜故事劇情就麻麻地, 但總算黎講都係一套唔錯既電影, 有機會既話大家都去睇睇!! 本來係睇波斯竹皇子, joejoe話佢哥哥睇過話好睇, so 就去睇~其實只要同joejoe既睇戲既話, 睇咩都冇所謂^^

夢中的神秘小島

呢日同joejoe一齊去大嶼山既沙灘玩, 我哋誤打誤撞去到一個沙灘, 呢個沙灘有好多外國人, 呢度既人好熱情好nice, 加上個小島唔係太多人, 有種與世隔絕既感覺, 令人覺得好舒服~但由於呢個島係我同joejoe好辛苦先搵到, 所以唔可以話比人個小島係邊度, sorry呢~



一入到沙灘, 已經見到大量水上運動用品及棕櫚樹, 似乎幾吸引咁呢!!




之後見到一間餐廳, 加上張桌球枱, 幾正!!仲有個外國女人同我地打招呼~




行過少少先發覺餐廳係個台黎, 加上不停播住外國音樂聲, 覺得好自由及舒服呢!!





仲有一個印第安人既露營地方, 我見有外國人真係露營及野餐架, 天氣唔係咁熱既話都唔錯架!!




營幕之外仲有一些曬太陽既沙灘椅, 見到D椅子都覺得舒服呢^^




一離開餐廳, 見到一大片樹林呢!! 沙灘上仲有個樹林, 簡直就像個小島一樣^^




回望岸上, 見到餐廳及有人拉船到水上玩, 最衰我唔認識游水, 唔係可以玩埋一份!!




沙灘上既綠草及山, 好難得見到咁自然既沙灘, 加上唔係太多人, 真係好似個冇人既小島~




今日都有少少熱, 附近又有大把樹林, 都係見休息一下先~




之後去水度玩下先~由於沙太幼細, 容易整到全身好多泥, 但都幾好玩, 而且都有好多靚相. 而呢張只係花絮~




睇下我兩隻手擺V字手勢, 十足十旅行一樣, 連隻牛都望住我, 冇我咁好氣...xd




突然見到沙灘上有隻牛!!?? 仲可以咁近距離見到, 雖然佢對眼好和善, 但驚佢對角=口="




隻牛越行越近呢!! 真係有d驚, 唔好行過黎啊, 嚇到我O o西咀><""




之後仲跪係地下度, 唔通叫牛牛放過我!? 估唔到呢張相都算OK喎^^




後來同隻牛熟左少少??? 開始唔係太怕隻牛, 仲可以走到咁近既相~~隻牛好似我寵物呢!!




隻牛後來走到水中, 以為佢會去游水, 點知原來只係水邊散步, 只有佢一隻牛, 真係可憐....

玩到唔係太耐就要搭車返屋企, 真係有D唔捨得, 不過都好好彩, 由於我搬左去同我姑姐位, 佢住慈雲山, 我可以同joejoe一齊搭巴士, 加上仲送左三枝rose比我, 雖然有支爛左, 但真係好sweet呢!!




返到屋企即刻插住佢先~~咁大個女都係第一次收真既rose, 覺得好靚呢!!




近影花朵真係開得好燦爛, 原來真rose真係靚成咁...XD

又係星期五既飯會

終於到左星期五, 太開心了, 諗起之後有兩日假就開心~~~同時也係我哋公司既規舉, 就係會出去食飯. 今日natalie及amy要同其他經理食飯, 佢地高層既當然係食貴野啦, 就係海港城內一間叫niji既西日式餐廳, 毎人平均消費要成150-300元一位, 而我同tracy唔係佢地既level, 只係一般打工仔, 邊有咁多錢食飯, 最後都係同tracy及sunny去食平平既20-30元既飯, 咁就岩哂我地啦, 起碼食得比較自在及舒服^^




呢次食既就係呢間, 平時lunch有好多人等位, 好在我哋好準時就去食飯, 但都要等三張先入到去食呢, 大家都好肚餓啦><




睇下平時幾多人食飯~其實都係三十幾元, 不過對於尖沙咀呢個地方黎講, 已經算平啦!!



呢個炸醬牛南麵都幾好味! 少少spicy都幾好味, 加埋杯飲品, 份量岩岩好!!

同佢地傾計先發覺大家都係鍾意睇電影, 同埋比佢地知道我以前係個瘋狂機迷, 不過唔緊要啦, 反正都係以前既事, 而家唔係咪得, 仲有至緊要唔好比佢地知道我私影就得了^^

公司的假日!?

我哋公司毎個月頭都要出report比美國公司, 所以毎個月尾都要埋好數, 同埋要出statement 比客人收錢, 所以會比較忙, 因此毎逄一日都會比較辛苦, 及一些一日既假期如國慶, 香港回歸及勞動節係冇得放假, 不過有個規舉就係會係果個月份內補返一日假比我哋, 而果日係幾時放都得既, 只係要和同事夾就得, 即係可以放星期一或五都得啦 咁就正啦!!

黎緊就係七月一日既假期, 呢日都要返, 而家只係煩惱緊放邊日好. 都唔知開唔開心啦, 雖然自己有假, 又冇人同自己過, 都唔知點算好, 只好自己搵節目啦><

仲有阿head同我講十月一日都放假嗎?? 果陣已經過左probation, 唔通暗示已經過左?? 雖然只係做左一個月, 都係唔好諗太多, 比心機做好自己本分就得. 不過估唔到咁快就做左一個月呢, 時間過得真係快...

鬆弛熊

估唔到今日又可以見到joejoe呢!! 因我要去旺角買衫去影相, 而joejoe也特登黎旺角搵我, 勁開心. 大家都見有少少餓, 去左麥當當share個麥樂雞餐, 順便可以試下新醬, 好似叫介末醬, 有d似沙律醬咁, 都幾好味既, 而且仲做緊二十元份六件麥樂雞, 加多五元有多四件, 簡直係抵呢!!! 我都同joejoe可以毎人五件, 實在太好味!!

食完野之後冇即刻睇衫, 因我驚悶親joejoe, 所以去左旺角中心及新之城行左一陣, 見到有好多鬆弛熊, 應該話店舖內大多數都賣鬆弛熊既物品, 超多超可愛, 可惜我冇咁多錢買, 只好用相機去影低毎件物品啦, 咁都叫做擁有下^^




首先見到呢個鬆弛熊公仔, 三個公仔加條包好cute, 尤其係隻啡色既, 做咩佢面紅既?? 怕羞嗎??




啡熊仔仲拎住食物, 好似我咁大食, 哈哈! 仲要拎住有佢個名既袋袋~




仲有好多杯裝蛋糕做型既鬆弛熊仔, 擺埋一齊覺得好colorful!! 不過擺係果度既電話係真定假既?




最愛呢隻杯裝公仔, 除左因為佢係白色熊仔外, 仲有隻杯杯好靚, 同埋佢係粉紅色, good!!




仲有呢兩個鎖匙扣, 個頭識郁既呢!! 仲有佢地既碗都好cute, 係小朋友專用吧??



仲有呢對鬆弛熊杯杯, 除左有一對鬆弛熊外, 仲有佢地隻雞仔, 三隻一齊好似一家人咁^^




仲有呢個新款系列既鬆弛熊嗎?? 換上淡淡既粉紅色, 睇落去比較柔和及舒服呢!

紅薯粉

今晚放工同姑姐去買返工衫, 最後只係買左兩件, 包括一件背心及一件褸, 都仲差好多野未買, 睇黎都要逐 d買返先得...

買完衫之後就去左一間食紅薯粉既地方食飯. 其實食紅薯粉既地方越來越多, 但真正好味既少之有少, 而今次去既呢間, 碗粉雖然少左d, 而且仲有點貴, 十五元得細細碗, 但都算好味既, 加埋佢既小食都算唔錯, 間中食一次都ok既



位於旺角小巷既一間店舖, 店舖唔係太清潔, 但都吸引唔少既客人去食~




就係呢碗紅薯粉~真係好細碗呢!! 而且仲有唔少spicy level, 我呢碗係有少少spicy既bb spicy, 對我黎講簡直岩岩好^^



仲有呢個十五元八隻既雞翼, 其實只係一隻雞翼一分為二, 味道都算唔錯啦!!

不過落雨就唔好去啦, 因為果條小巷係冇頂, 而且比普通餐廳既價錢差唔多, 仲有份量唔太多, 食完都未必飽, 都係得閒先走去食下就好了~

姪仔的物理治療

我姪仔出世時, 佢腰骨比較歪, 而且心口比普通人比較特別, 總之係身體上既毛病, 所以姑姐特登比錢一個中醫師, 幫姪仔做物理治療, 唔做既話就要做痛苦既手術, 姪仔果然好可憐, 好在有姑姐, 弟婦及我去支持佢, 希望佢可以快D冇事, 渡過難關....




其中一張做運動既相, 見到姪仔做運動既痛苦樣, 都鄧佢可憐, 唔好放棄啊!!




做完物理治療後, 姪仔, 姑姐, 弟婦及我就食我係酒店買既蛋糕啦!! 只係五十五元個, 勁抵!!




就係呢個藍莓芝士蛋糕啦, 芝士唔係太sweet, 仲可以食多幾件仔, 好味!!




都係由我黎切開個蛋糕啦, 估唔到都切得算唔錯!? 都係以前一班朋友係我生日時成日買蛋糕比我, 真係多謝哂佢地呢~