同姑姐及姪仔去街街

今日天氣真係好熱,, 但天空好靚, 係一片藍天白雲呢!! 竟然冇得影相, 真係有d可惜...不過唔緊要, 聽日已經firm左, 又係去三家村影相, 仲要十二點到觀塘地鐵站, 影完相之後可以見joejoe, 真係對佢唔住, 本來約佢聽日去西貢, 點知個影師唔可以改期, 只有聽日得閒, 而且佢又想同我影, 所以只好暫時取消同佢既西貢之約, 不過唔緊要, 反正之後都冇機會影, 可以同佢周圍去




完全唔使用photoshop既合成技巧, 個天空真係咁靚!! 呢個係屋企影出外既景色

見天氣咁好, 冇理由唔出街既, 於是決定同姑姐及姪仔出街, 好耐都冇同佢地出街, 對上一次係上年聖誕去德福睇燈飾, 果陣姪仔仲唔願意行, 唔知呢次會唔會係咁呢?? 好在呢次姪仔願意行, 去既地方係附近既何里活中心




同姪仔去到屋企附近其中一間幼稚園, 見到好在小朋友畫既磁磚, 好正!!




好難得見到dede擺定pose比人影相, 即刻影返張相先, 不過後面個冷氣槽破壞哂=.="




呢張相pose簡直一流呢!! 表情也唔錯, 加上佢既高度, 都幾有天分做model, 記住做硬照model啊!




趁今日天色咁好, 影多幾張相先~~毎次見到藍天都覺得好開心, 好想影多D相!!




終於去到何里活中心, 一入到去商場做咩咁多人圍觀呢?? 見到有個牌寫住小廚神既!?




原來係一班小朋友學緊整野食啊~~見到佢地留心聽講, 好cute啊!!




廚房既其中一角, 都幾鬼可愛, 好似個玩具廚房一樣!!




連後台既布景都咁靚!!! 忍唔住影多張相..XD




咁遠聽到有人唱歌, 原來係有個歌唱表演之類, 不過我比較like後面既mika x TO-FU作品^^




個舞台好鬼靚!! 尤其係旁邊既豆腐仔及mika 豆腐仔, 好鬼死可愛啊你地!!




全個舞台既全景, 可惜佢一直唱歌, 唔可以影到咁可愛既豆腐仔><




唔可以近影就只好zoom近鏡去影, 終於影到可愛既mika豆腐畫!! 仲拎住自己張相, 好搞鬼!!




仲有踢波既豆腐仔及mika豆腐仔, 佢地發呆既樣加倍cute!!




行完街之後就到另一名唱歌, 睇黎只好遠影!! 好想要部大機及長鏡啊!!




影下呢張畫, 有唔同國家既豆腐, 好搞鬼!!




仲有唔同豆腐既介紹, 果然係夠多人啊, 都唔知邊個打邊個=.="




豆腐仔加機豆腐!??仍然都係呢個字: cute!!




望上去天花板, 係個好靚既頂呢!! 覺得好似外國既展覽館一樣...XD




另一張好似私影既相, 不過呢次我就影到暗左D><




同姪仔及姑姐去睇鞋時, 塊玻璃見到我及姪仔個樣, 感覺都唔錯, 影底先~

行完街街去食麥當當, 試左隻法式芝士醬, 都幾好味既, 不過少食多滋味, 食太多會漏, 食完野之後就齊齊行返去姑姐屋企, 原來快樂可以咁簡單, 咁就係開心既一日^^

公司的goal

今日阿head叫我及tracy傾計, 話公司有咩GOAL之類, 即係由毎個部門既director及manager去決定毎個員工係一年內要做到既目標, 毎半年會檢討一次, 之後會跟據個員工是否達成目標去計分, 一共分五分:

一分: 未能達成目標
二分: 差少少達成目標, 但未達到
三分: 已經達成目標
四分: 已達成目標, 但又未達成個額外目標(即比原定目標既要求更高)
五分: 即係滿分, 已詳成目標及額外目標

評分會影響毎個員工既人工, 升職及各項福利, 真係要睇分數做人呢!! 而我因為岩岩入職, 仲未有GOAL, 但聽個head講, 我既目標都幾高下, 就係要係半年內學識埋好兩間細公司及一間大公司既數, 唔係咁激掛!!? 個同事都要兩三年啦, 我快佢咁多的確有壓力, 開始感受到大公司既壓力呢, 睇黎自己為左份人工要努力><

放左工之後, 姑姐要去我媽屋企接走姪仔, 我冇飯食, 好在joejoe陪我去左敦食飯, 去左澳洲牛奶公司呢!! 真係好耐冇去過呢~



去到餐廳食野, 仲要咁出名, 梗係要影底個logo先啦~




今次同joejoe坐到好隱蔽, 唔怕比人趕吧!? 仲可以偷偷地影相...XD




叫左兩個牛肉通粉, 不過已經冇以前咁好味><




仲有呢間餐廳招牌既滑滑炒蛋~~仍然咁好味, 仲有好味既厚多士^^



仲叫左杯凍谷古, 都係熱既好飲D!! 凍既太多冰啦, 不過鬼叫而家天氣熱, 冇辦法><

冇得私影!?

呢幾日邀請唔同影師影相, 上次幫我影靚相既victor最遲都要8月先有得影, 其他影師都仲未定時間, 又或者之前約左影相既井村蛇, frankie等等都冇哂下文, 唔見佢地on, 又冇佢地電話, so 到最日都係取消既多....影開相既朋友影師也比較忙, 唔得閒...

開始冇相影既日子, 又要諗下做咩好, 其實呢半年影得都幾開心, 又可以認識唔同影師, 又有靚相及可以周圍去, 都係個唔錯既經驗, 都叫可體驗下真正影相, 原來襯衫, 化妝, 以至影相既表情及pose都幾難, 唔係就咁樣行行坐坐比人影.

大家唔涉及金錢利益既私影係最好玩, 起碼大家冇壓力, 咪當同朋友周圍去下, 而且大家傾計之中又可知道更多時裝及影相既知識^^

但當中也遇上比較自我及自大既影師, 佢地覺得自己係大師, 只會搵靚女影相, 唔靚既就話之你, 甚至講D難聽既說話, 有時真係好鬼嬲, 試過有幾個人我同佢傾完之後, 即刻係MSN內block及del左佢; 又或者遇上d變態影師, 係msn中已經知道佢地有問題, 所以冇約出黎影相, 否則就好似d妹妹仔咁, 比人影nude, 甚至姦左都冇人知, 所以影相時我會小心選擇影師, 睇佢地既album及同佢地傾計就知個影師係咩人, 好在我影既相都係普通時裝, 況且我唔會比po個msn/email 出黎, 避免呢類變態影師, 咁影相時就開心又放心啦^^

之後係咪真係冇得影相, 順其自然, 有d影師都好好人, 都搵我去影相, 希望大家合作愉快, 同時也希望唔好再有影師係我影相時放飛機, 六月內已經係第三次了><

端午節假期

呢日joejoe要陪屋企人, 唔好意思叫佢出街, 最後只係同姑姐出去旺角行下, 先去左椰林各食左個下午茶. 天氣太熱了, 快d入餐廳先得!!




間餐廳唔係太光, 可能係環保吧?? 有好多款特價下午茶, 唔怪之得咁多人黎食=.="




另一邊收銀處都幾靚咁, 侍應都算有禮貌既~



食物外表都仲可以, 但真係唔太好食, 好似呢個魚腐豬軟骨鳥冬咁, 薑都已經一大舊, 而且烏冬又硬硬地, 湯底又麻麻地, 未夠一碗都已經飽哂=.="

食完野之後再去花園街及旺中行下街, 買下衫, 最後買既野都唔太多, 只有一條金鏈, 一對返工既高跟鞋, 一對窩釘羅馬涼鞋, 都冇咩好買了....買完野就返屋企, 平淡既一日=3="...早知就自己去下睇龍舟啦, 下年先算...

準備衫去影相

呢次影既係時裝系列既相, 所以襯衫方面會特別講究. 放左工之後去旺角搵衫, 本來係想買, 但驚買左又唔岩, 於是只好影底自己覺得唔錯既衫. 但返到屋企同佢msn之後, 佢全部衫都reject左, 真係可惜, 不過也慶幸好在我冇買, 唔係就哂錢=.="




呢件都算唔錯, 就係想要呢件褸, 覺得比較時裝感. 加埋件衫超襯!!




隻袖比較特別呢!! 上面係接接地, 加埋銀色button, 覺得好型><




另一件西裝褸, 我都覺得幾型架, 加上公仔一頭假髮, 更加襯~




最近都好似幾多呢類既鞋賣, 整到我都心郁郁想買返對, 但姑姐話呢隻質地夏天會好熱, 最後都冇買到呢, 惟有再睇睇有冇其他款=.="

個影師最後都話只用我影相既其兩件黑及藍色衫就可以, 只係買金色既飾物就夠, 總之整體只要簡單就得, 睇黎可以慳好多, 希望之後會襯到件靚衫^^

再見了, christina....

上星期五先知道其中一位朋友及同事christina今日就要離開, 星期五知道有d驚訝, 同佢雖然只係相處左一個月, 但都好開心, 佢都話好like我, 感覺上佢有d似我家姐呢!! 由細到大我都恨有個家姐, 而家都算有吧!? 不過一個月之後就結束><"

我哋lunch食餐豐富既, 呢次既也係飲茶食點心, 最緊要既係雪甲燉椰皇~~有成十一個人去, 叫既送菜真係誇張, 一龍龍點心及食物不停地上, 食到大家都好飽呢!! 到左下午, christina買左蛋糕到accounting room比我哋圍內呢班人食, 大家仲去一齊影相^^




finance 部門既所有人呢, 除了第一行白色衫既connie, 中間就係christina, 旁邊既係教我野既tracy, 仲有第二行左邊既amy, 中間既就係我哋既account head natalie及我自己><




仲有另一個部門senior manager 既keith, 睇下christina可同靚仔影相幾開心^^




仲有legal 部門既brenda及sunny, 就係sunny比戲院既coupon我哋啦^^




全部人黎張合照先~~好少可見到咁齊人!? 希望之後都可以見到咁齊人就好><

christina終於要走啦, 大家都好唔捨得, 希望佢之後會有好既將來, 最緊要做人都係開開心心就好, 期待之後可同佢見面及一齊食飯^^

同joejoe去奧海城睇戲

話說其中一位同事sunny比左張coupon比我哋呢班fd, 只要拎位匯豐信用卡, 就可以有買一送一既戲票優惠. 問過姑姐佢又唔睇, 最後只好同joejoe去睇啦, 呢次我哋去睇套叫做[A Team]~~

我哋先係奧運站等, 黑仔既我想衝入車時, 點知就關左門, 要等多六分鐘先可以去到, 結果遲到左十五分鐘咁多, 要joejoe等咁耐, 激氣!!

其實我都係第一次黎呢度, 自己好奇想去下, 加上我口哋兩個又怕多人, 呢度就岩哂!! 先去買飛, 本來想睇三點半場, 點知冇哂正位, 最後只好睇五點幾...於是同joejoe周圍行, 比我哋見到呢個food court



全個場既view, 見到有好多椅子, 加埋個大電視, 可以比人睇波呢~雖然我冇興趣睇=.="




世界盃黎到, 各商場以既布置以世界盃為主, 咁當然奧海城都係咁, 見到三套時裝, 對眼都發哂光!!



天花版上掛住一粒大鑽石呢!!! 其實也同世界盃呢個主題有關, 感覺幾特別~




個stage都幾靚啊!! 至like大鑽石包住個波波, 感覺好特別^^




一入去food court, 真係好鬼靚, 好似歐洲街道一樣, 好少見到咁靚既地方食飯~




同joejoe坐係一邊睇雜誌先, 即使唔叫食物, 都可以任坐, 比麥當當正好多呢~




歐陸式既餐廳外表的確吸引, 但賣既係東南亞美食!? 似乎有點格格不入=.="



見頂頭既屋咁靚, 影底先~ 如果同joejoe住呢間屋就好, 下面就係我哋既cafe, good!!



連食野既枱椅都好靚, 加上佢既路牌及圍欄, 係度食野簡直係種享受~



呢度有好多類餐廳, 包括越南, 泰國, 日本, 中國等等, 尤其係欣賞鐵板燒, 有機會都好想同朋友及joejoe, 仲有屋企人試下~




仲經過一個保齡球館, 呢個係佢地既icon, 都好似機得意咁^^




呢個就係保齡球館, 都係第一次係香港見到, 都幾多人去玩架!!




個保齡球館有兩邊, 中間有條通道, 呢個係另一邊既地方~

係呢個保齡球館前有個路牌, 指示去呢個地方及戲院, 起初以為戲院係呢度, 所以一直搵, 點知戲院原來要再轉彎先到. 我哋就去睇[a team]

套戲都幾搞笑, 而且電腦做既爆破場面都唔錯, 可惜故事劇情就麻麻地, 但總算黎講都係一套唔錯既電影, 有機會既話大家都去睇睇!! 本來係睇波斯竹皇子, joejoe話佢哥哥睇過話好睇, so 就去睇~其實只要同joejoe既睇戲既話, 睇咩都冇所謂^^