分手信先

由於去澳門只有一日既時間, 而且拎住一袋二袋野, 又要去影相, 所以買既手信唔太多, 首先係分左比自己父母及妹先, 之後先比我哋finance及HR同事~





先送包鮑汁牛肉乾比佢地先, 都幾惹味既, 但我皮膚差唔食得



一盒買比屋企人, 一盒買比同事, 連department head都話好味!??




送比父母既杏仁餅, 我見joejoe買, 等我都買下先, 唔知好唔好食呢???




呢盒係買比同事既, 我食落去都唔錯既, 仲少有比左好少接觸既office assistant!?

本來仲有一盒choco肉鬆蛋卷及迷你杏仁餅, 但都比姑姐及六叔食哂, 自己連一件都冇試, 真係可憐呢...睇黎下次都係食左少少先擺出黎同人分享比較好, 起碼自己有得食

同埋姑姐原來叫我買兩磅厚豬肉乾, 但只係買左一半, 好似唔夠咁, 最多下次買多d=3="

又返深井屋企

上午因為太夜訓覺,今日冇同屋企人飲茶,只係下午去葵芳買衫, 準備下星期五既私影, 返到深井屋企都係訓下覺, 上下網之類, 妹仲比我玩埋最近出既psp game, 就係tales of 系列, 我又唔想再不停為psp升級而令到佢唔可以玩舊game, 所以決定買正版

好好玩啊, 好想玩.....但諗起要三百幾元, 真係有點卻步, 冇計啦, 呢個月五日先出

見到人地網上指明要升級到6.20...我部只有五點幾, 差好遠=.="

個打架畫面好正, 好好玩啊, 一直駁hit儲積分~





冇得玩睇住靚靚畫先~呢張係男女主角係白樺之森既畫, 係獨角獸住既地方, 只有純潔少女前往既地方




呢張就係另一位魔女既女主角, 好配服其他人勁勁既CG畫

上圖魔女既媽媽呢~因唔可以離開精靈之森, 所以只好遠望自己既女兒及其他人~

好耐冇試過迷上遊戲及卡通, 感覺自己有點似細路女, 不過間中有童真都冇所謂既, 個人比較開心D麻...XD

joejoe 尖沙咀之旅

返工返尖沙咀, 雖然曾經講過話放假唔會去尖沙咀, 但joejoe話想去太空館睇[史前水怪]. 就去一次睇下啦, 估唔到幾誇張, 開映前兩個鐘已經差唔多賣哂票, 只可坐前兩行, 希望唔會太差吧!?

就係睇呢套~冇咩文化氣息既我, 見joejoe一直想睇, 就試下睇睇先

同joejoe買既兩張票, 睇五點鐘~

等緊入場前先去starbucks 飲咖啡, 不知好歹既我哋竟然叫左最平既黑咖啡, 苦到我哋死死下, 加左兩三包糖及多杯skimmed milk先至唔苦, 睇黎下次唔好叫了, 順便睇下時裝雜誌, 真係舒服呢!!

套戲雖然只有四十分鐘, 而且唔準拍攝, 但都幾好睇, 好耐都未試過係投影器睇電影, 令到我哋好似置身係水底一樣, 感覺上都幾真實, 但睇得比較辛苦吧!? 睇完戲之後又唔想咁快返屋企, 於是到附近既文化館睇畫展, 估唔到國畫都可以好靚呢!!

充滿桃花樹既地方呢, 但都感到好有詩意, 望落去好舒服

呢幅比較清淡既花及鳥畫, 簡簡單單比較舒服




都係比較清淡, 花既顏色也比較特別, 唔用紅及粉, 改用藍色





都係比較自然及簡單既畫, 係花既襯托下更突出雀鳥





其實都唔只有鳥既, 花襯貓也好特別, 更表現貓高傲既一面




好靚及鮮艷既牡丹花, 唔怪之得用牡丹形容美人~

生日真的快樂!!

終於到自己生日, 好似等左好耐咁!! 先同爸講生日快樂先, 同埋也有另一位同事同我同一日生日, 就係個HR, 真係唔想呢=.="

先多謝各同事因為我而慶祝, 但也要慶祝多個, 覺得自己唔係咁重要...







餐廳環境比較暗, 但家私及裝修都唔錯, 全白既家私感覺舒服








毎張枱上都有隻紙鳶, 加上啡色既枱, 覺得簡單及幾靚~

仲有比較開陽既地方, 我都好想坐啊!! (如果有冷氣既話)

之後即刻叫左個餐先, 首先黎個餐湯~

我既蟹子三文魚飯, 我以為係三文魚刺身, 點知....真係失望...

只係熟既三文魚, 食落去都算好味既, 不過我都係想要刺身多D..

其他飲品要加錢, 只有呢個唔使, 就係甘筍平果汁, 清清地都ok既...

食完飯之後見到LCX 附近有個公仔展, 全部公仔都好靚啊!! 呢個女仔都幾可愛呢!!

呢個女仔先靚啊, 自己都好似幾咁靚就好^^

呢個都好可愛呢~~係lolita feel!! 如果係gothic就更加正!!









呢個吸血彊屍就麻麻地好睇, 都係女仔好好多!

始終都係自己最愛既lolita 系列!! 無論係著咩衫都係靚及可愛^^

唔知點解覺得男仔版比較嘔心, 金髮果個幾似皇帝><








仲有貴族高雅系列, 帶黑帽果個幾有性格, 幾like呢個!








放工之後姑姐同我去日昇餐廳食飯, 多謝姑姐請我食多一餐!



隔離枱食到好似大戰一樣, 但好耐都冇人汁, 係咪D人太忙呢??




同樣都係以白湯做餐湯, 一日飲兩碗~

呢個類似蛋糕既竟然係餐包!!?? 加埋牛油真係超好味!!

仲有呢份份量十足既什排呢, 包括魚柳, 雞排及牛排, 仲有我至愛既司華力腸, 但始終都係食唔哂, 實在太多啦><

半價pizza

今日姑姐話請我食pizza, 放工之後約左係黃大仙龍翔中心等, 我又因為工作既關係遲左少少, 要姑姐及姪仔等我, 唔好意思><



就係呢間叫[PHD]既餐廳, 聽講新開, 全部pizza半價優惠

餐廳唔太大, 都係細細間, 比人拎走既多

餐廳極力sell既傳統手拉pizza, 仲要有人表現

師父好努力咁拉pizza, 見佢地整pizza好得意呢!!

買完之後仲要照顧姪仔, 同埋排勁長龍小巴, 好辛苦先運到返屋企

點知個pizza都係爛左, 好可惜呢, 不過好味就得啦!

好期待...

真係好想快D到星期五, 可以同joejoe去澳門, 咁大個女都未去過, 仲要第一次同bf去旅行, 特別緊張呢, 緊張到訓唔到

tracy比左本海港城既書我, 比我簡地方去食飯, 到底食咩好呢?? 花多眼亂, 真係唔知簡邊間好, 唔想佢地用得太多錢係我餐飯上, 但最後都簡左, 係日本餐, 好似好好味咁, 毎人約八十元到, 會唔會太貴呢??

仲有christina話今個星期約我及各同事食飯, 但仲未有消息, 係咪架???

預祝生日快樂餐~

今日姑姐約左父母, 妹, 細佬, 弟婦及姪仔去食返餐勁既, 係去富臨. 我因為工作而遲左到, 唔可以同佢地一齊去, 仲要佢地留返比我, 真係唔好意思呢!! 不過好在仲有主角蒸魚及鮑魚都未到, 咁都好D, 同埋也多謝我姑姐及妹請我同爸爸食呢餐飯^^




點都要影下周圍既環境既~果度環境都唔錯架!!





貴賓房都好靚及豪華, 但見同公司既人食就唔好囉=.="

牆上既壁燈, 全間酒樓都比人高貴既感覺, 坐得舒服, 抵讚!




好在仲有少少送影下, 呢個係金銀蛋覓菜, 都幾好味啊!!

食剩既粉絲蝦碌!? 不過唔緊要啦, 有粉絲食就好!!!

主角終於出場啦!! 就係鮑魚, 雖然只係食一隻, 但已經好開心

最後連魚都黎埋, 唔好客氣, 大家食多D啦...呵呵

仲有婆婆及父母比我既生日利是, 同埋一張中鐵建既股息支票, 睇黎我都唔太窮喎, 太好了^^