努力奮鬥!! fashion final project (上)

終於決定左用咩上色, 都係用marker. 因為上午畫左幾筆, 又發覺都算上得唔錯, 但我身邊又冇咁多隻色既marker, 最後都係決定去旺角買



最後買左成十幾支筆, 接近三百元, 加埋之前果四枝, 前後要成四百元, 好肉赤




開始開工啦!! 呢張係我既工作枱~~張畫係我試上色




兩張畫已經上好色, 個人都幾鍾意. 可能係自己畫功或顏色問題, 感覺好似比較卡通




自己最like既一條裙, 好like後面泡泡裙, 但我畫得唔好. 對boot粉紅色部分, 就好似leg warmer一樣套住對腳




全套衫好似冇咩特別咁, 但腰間一條透明裙感覺好特別




兩套衫既production drawing, 畫衫衫都係種樂趣^^




最後選擇左簡單既背景, 再貼埋個公仔及套衫, 都算ok咁




另一張畫都感覺唔錯, 自己也幾鍾意




兩個presentation board一齊影下相先, 突然覺得自己好叻!? (講笑)



仲有張畫自己唔係太滿意, 決定再畫另一張, 唔知會有咩idea呢?? 希望可以快d完成埋就好, 咁就真係可以放下心頭大石

fashion final project構思

原本想用電腦去做份功課, 即係先scan原畫到電腦, 之後再用photoshop去上色, 但時間過得真係快, 跟本冇時間可以咁做, 都唔知點上色好...又唔想用木顏色, 覺得好似太過細路; 水彩我又唔太識用; marker又麻麻地用得好, 真係麻煩...



而家身上只有一個上次用黎present既powerpoint, 由於上次太趕, 可能做得唔太好, 不過算啦, 反正都已經present左, 而且分數都唔錯



powerpoint既封面及靈感介紹, 自己特別鍾意個封面



介紹自己既theme board, 即係好多女仔, 又用lace整果個版; 之後再介紹自己設計衫



其實有三件衫, 但果陣只設計兩件.....簡短既present就完結啦^^


聽日及後日都請左假, 可以盡情咁畫; 但仲有另一個問題, 就係....仲有個考試, 我都仲未溫書, 即係知道各衣服種類既英文名都仲未串, 真係唔知點算

貴族burger??

一講起burger, 大家會諗起邊間餐廳?? 麥當當? 定係burger king? 本來我都以為只有呢幾間為人熟悉, 點知仲有間超貴既快餐, 平既單單一個包要成差唔多四十元, 成個餐最平都要五十幾元. 講真, 我比較窮, 冇錢食呢個餐, 但anton叫左呢個包, 雖然冇得食, 但點都要影下相~



就係呢個triple o既包包啦, 不愧係貴包, 連包裝紙都靚過人




個包上面有塊大青瓜, 竟然唔係個包內既, 好得意



包內各式既食物都好普通咁, 唔知點解會咁貴, 可惜料特別靚吧


睇完之後大家會唔會買返個食下呢?? 比我就唔會啦, 我就好易滿足, 都係一個普通包包岩我食多d. 自己始終唔係有錢人

日本食品[成]字餅

今日又見到同事係日本買手信返黎, 自己都好想去呢!!! 不過有得食下日本既食物成字餅, 自己都算唔錯, 知足常樂, 好好儲錢去日本啦!!(雖然唔知幾時先可去到)



就係呢盒餅, 個樣簡單, 仲叫做三文治, 唔知係咩黎呢



仲係阿ger指定要既[六花亨]食物, 都唔要白痴(之)戀人, 盒餅有個[成]字既??



終於拎左包餅, 同樣地都有個[成]字, 姓成專食既餅呢!!



件三文治原來係咁樣, 兩塊曲奇, 中間夾住cream及提子乾, 唔太甜, 好味!!

星期日也加班!?

>話說我哋既month end仲未完, 琴日雖然放假, 但今日星期日竟然要返工, 真係唔知咩世界. 阿ger, tracy, ami及我四人一齊返工, 真可惜, 除左食飯時間外, 其餘時間都係忙, 做到成隻死狗=__='



今次除左阿ger外, 我哋三個都簡左呢個玉子燒食, 加埋烏冬都係四十元



洋蔥炒肥牛都唔錯, 烏冬都幾滑, 但玉子比較凍, 分量比較少, 唔太飽



分量真係好少, 如果係加倍分量就更好!!


食完飯之後都係工作, 仲做到九點幾, 冇得睇top model, 只好網上睇返啦><"

新年快樂!?

好快又到左新一年, 首先祝大家新年快樂先!! 黎緊新既一年, 大家有咩打算, 或者有咩心願呢?? 我就...哈哈, 唔講住, 希望願望成真啦!!

但我今日冇節目, 應該話就算有都冇用, 諗起聽日要返工就怕怕, 呢個星期已經夠忙, 成日都要返工, 感覺冇放假一樣

今日冇出街, 冇咩特別事發生, 休息一下先

公司食大餐

本來阿ger natalie準備呢個大食會, 佢係最大搞手, 但因為屋企有d事所以唔可以食野, 真係可惜呢!! 呢次又有pizza hut, 又有大家樂, 好似好豐富呢!!



兩大個pizza好似好好味咁, 其中一個係新既帶子批



個批邊有芝士都幾好味, 但其他食物就唔太好味




小食拚盆內有腸仔, 雞翼, 炸麵包條及炸芝士, 至愛食雞翼!!



呢個pizza都係麻麻地, 好在有芝心邊先好味




呢個大家樂既拚盆都幾正, 中間果個蝸牛薯容, 大家都未必夠膽食



似乎呢個大蝦沙律比較吸引, 仲有我至愛其中兩種水果: 桃及火龍果



個肉醬意粉個樣都唔錯, 可惜我唔太鍾意, 都係冇食到



普通既一個芝士海鮮焗飯, 最後都冇食到



大家唔客氣啦, 一於大食特食, 自己唔知食邊樣好呢??



呢個由anton影既相都幾迷幻, 感覺好得意




全部人一齊影返張相最開心!!

終於可以影到1881及海港城

今晚十點先放工, 因為要趕住月尾埋數冇計啦!! 見做得悶悶地, 聽講1881既旋轉木馬好靚咁, 於是就去附近影相. 影相期間, joejoe就打電話黎問我係邊, 估唔到佢一直等我放工, 真係好感動呢!! 我哋約埋一齊係1881度等, 之後就去影相


影相期間見到幾個cosplayer影相, 佢地都算靚女既, 但個人覺得佢地太姣, 影左佢地都即刻delete, 頂唔順


即刻望到呢個旋轉木馬, 好鬼死靚, 但實在太多人, 好難避開d人



後來終於避免影人啦, 只係影木馬, 超正



終於見到兩隻馬啦, 我再等佢既光變色之後再影



d燈光會轉色架, 呢次係粉紅色





仲有呢架靚靚馬車, 我都好想坐呢...



之後再到上層睇, 望返下面又幾靚, 影返張全景先



去到上層睇, 見到全部都係呢款會轉色的水晶波波, 和木馬相比不太吸引, 惟一欣賞既係水晶球內不同的布置



呢套茶杯及茶壺都唔錯, 同紫色燈光好襯


仲有好多1881既紙袋, 附近仲有紅色rose



仲有呢隻好靚既白馬及身上華麗既飾物, 加埋金色光, 感覺好華麗



仲有呢個時鐘, 同樣也以紅色rose布置, 但擺設不太美觀



呢個聖誕晚餐好靚, 又有蛋糕及紅酒, 可以同joejoe一齊食就好^^



話咁快去到海港城近碼頭附近, 有好多發光既蛋糕, 快快影底啦!!



蛋糕附近仲有好多彩色既香繽



全條路都係蛋糕, 個士多啤梨蛋糕最吸引, 可惜我冇化妝, 唔係一定走去影



呢個香繽座也好搶眼, 也好靚, 可惜既係呢對情人,等左好耐都唔走開, 最後影埋佢地..


呢個小廚師都幾得意, 個蛋糕附近仲有曲奇餅人, 好得意



個聖誕曲奇餅bb, 加埋士多啤梨蛋糕, 覺得好可愛



遠望海港城門口都好靚, 不過我比較鍾意上年既小天使多d



近睇只係好多金色波波, 中間仲有個大蛋糕水晶燈



再zoom近d影, 加上呢個角度真係幾靚既


本來仲想影耐d, 可惜聽日又要再返工, 最後同joejoe去麥當當食個餐之後, 再一齊搭巴士離開. 真係要多謝joejoe等我放工, 唔係只有我一個人影相一定好悶, 再一次多謝你^^