睇戲+公仔展

本來約左tracy食飯, 點知原來佢之前已經約左人, 就多左同joejoe相處既機會, 見joejoe冇得睇戲好失望咁, 於是上網搵下, 發覺apm有得睇, 於是話比joejoe知



約左四點係apm等, joejoe比我更早到, 連忙買戲票, 之後就去影下最近展覽既公仔, d公仔實在太靚, 影相既時間又到啦!!



見到呢個櫥窗已比佢吸引, 我鍾意既lolita



個女仔由頭到身都好靚, 尤其係條裙



好鍾意公仔既表情及髮型, 靚到好似真人一樣



去到另一面, 呢個家庭都幾靚, 粉紅頭髮既女仔固然靚, 男既也都幾型



對母女好可愛呢!! 如果第時有機會同女女咁著就好, 係室內影好了



呢個背景都唔錯, 右上角既燈光好似太陽一樣, 份外奪目



尤其鍾意呢個公仔呢個冰冷既表情, 同陽光成大對比



近鏡更加覺得佢靚, 靚到似個真人一樣



呢個比較日本feel既公仔, 好鍾意男仔既類型, 型得黎好cool, 及帶點邪惡~


睇下佢哋幾sweet, 但感覺唔算太襯



好鍾意男仔紅眼, 加上露胸肌, 覺得好邪惡及好man, 好鍾意~



原來女仔都係紅眼及黑髮, 同個男仔一樣, 但可能打扮比較斯文, 同粗獷既男仔唔太襯



最後轉移到西方貴族地方, 當堂變得冠冕堂皇



個男真係好有型, cool得黎另一番味道, 感覺好高傲



個女仔也唔太襯, 好似比個男公仔年紀大好多, 但都感覺高貴



個男仔公仔咁有型, 等我都同佢影張合照先



另一邊既擺放d高貴既宮廷椅子, 坐上去好似公主王子一樣, 同joejoe影下相先~



joejoe豬影到我暗暗地既!? 連樣都睇唔清楚



去到附近仲有一個擺滿公仔既櫃, 我都影返張相先



joejoe影得好搞鬼, 個pose超正



影返櫥窗既公仔, 個女公仔好可愛, 不過好似冇左腰骨



好浪漫既一對情侶, 仍鍾意女仔既lolita系列^^



個女仔公仔好可愛呢!! 眼大大, 衫也好可愛



連兔仔都可愛, 連佢地都有靚衫著



仲有載住女兔仔周圍去, 如果我都好似女兔仔咁自由自在就好



唔係太靚既公仔, 但衫也做得好仔細, 有值得欣賞既價值



呢對公仔也幾靚, 感覺悠閒及高貴



公仔既另一面, 都係金髮女郎比較靚



最後影下呢隻靚靚既兔仔先, 唔同顏色既lace裙也好靚



除左靚靚公仔外, 周圍仲有好多兔仔公仔, 繼續做rabbit mode(極愛兔仔, 見到兔仔就瘋狂狀態)



條裙仔好可愛呢!! 綠色既邊邊也好特別



好斯文既女仔兔, 好似高貴既淑女



仲有呢個可愛版, 係咪好似個紙杯蛋糕呢? 條裙就係紙杯蛋糕招紙, 上身好似個士多啤梨蛋糕


影完相之後去睇大和號, 不但故事吸引, 人物刻劃細緻, 特技也好吸引, 係套唔錯既作品, 大家都可以去睇下^^

唔好失望啦..

原本想同joejoe去睇大和號, 點知只有早場, 冇得去睇. 最後同joejoe去食晚餐, 雖然joejoe冇講, 但見佢個樣及聽佢語氣似乎好失望, 我都有少少唔開心, 只好食餐好既補數啦


去左淘大商場果邊食飯, 有好多間餐廳, 真係唔知食邊間好, 最後決定去間餐廳, 唔係太多人, 食物味道也麻麻, 但環境一流


間餐廳叫RISO, 個門口白框斜斜地, 幾得意



餐廳內既賣雪榚位置, 好多款雪榚都唔知食邊款



好多樹呢, 加上枱及椅, 好似渡假一樣



我哋既飲品及食物黎左, joejoe竟然鍾意士多啤梨!? 我既係藍莓茶



毎位客人都有個號碼牌, 我哋既係25號, 仲有可愛既雞雞袋陪住



第一味係白汁火腿意粉, 味道麻麻地, 賣相都唔錯



連雞雞都好鍾意食, 睇下佢幾大食!!



香口野最鍾意食!! 尤其係蒜容包, 超好味



仲有呢個什菌意大利飯, 不過味道就....都係休息下先~



同場加映, 大食的雞雞袋, 同我一樣好大食!!



等我都同joejoe杯士多啤梨影下相先, 睇黎我同佢都幾襯~



餐廳唔係太多人, 可以周圍坐下, 好快去到梳化既另一邊坐, 仲見到我哋既食物殘骸



仲有靚靚既雪榚及蛋糕, joejoe要士多啤梨味, 我要芒果味



好好味既芒果蛋糕, 仲有至愛朱古力蛋糕, 兩者味道好夾



joejoe既士多啤梨雪榚, 睇黎都幾好食喎



食完野之後, 梗係無聊下影相, 我好似幫餐廳賣廣告!?



joejoe仲誇張, 攬住個招牌黎影!? 快d影完相啦~



除白色部分外, 間餐廳另一部分係紅色, 影相都唔錯, 但位置唔太好坐



食完晚飯之後周圍行下, 先到公園坐下, 但見到有女仔食煙, 我哋唔太鍾意, 最後去左德福行. 突然忽發奇想, 係ZARA門口前影相



個人幾鍾意呢張相既感覺, 似一個鍾意買野, 但寂寞及內心空虛, 好表現現代既香港人

同事星期五聚餐

又到星期五, 也係我哋呢班朋友出去食飯既時候, 呢次仍然唔齊人, 就係冇左natalie, 睇黎只有month end先會齊人


最後去左小城知味食飯, 貪佢夠近公司, 同埋係尖沙咀呢區黎講, 都唔算太貴, 小菜款式雖然唔太多, 但都幾好味, 的確都幾吸引



tracy叫既咖哩豬排, 味道都算唔錯, 可惜豬排太少



仲有蝦膏炒菜, 最得意既係碟菜倒在呢個黑窩上慢慢炒



毎次當然叫既松子魚, 又酸又甜好好味, 不過分量比之前更少吧!?



由於我最後先到, 自己加左個餐, 呢個係炸子雞, 都算好味既..


可能我哋比較晏食飯, 食飯既人唔太多, 就無聊影下餐廳周圍既環境, 雖然地方唔太大, 但坐得算舒服



餐廳門口附近地方, 擺滿綠色植物, 感覺幾舒服



門口附近既第一張枱, 但始終近門口, 自己唔太like



但我比較鍾意近玻璃窗既位置, 尤其係假日, 悠閒地望住街外既人, 自己覺得幾寫意


可以六點幾放工休息下, 簡直正, 如果毎日都係咁就好. 不過最想都係搵到份工快d走

Godiva 朱古力

今日公司無端端有盒godiva既朱古力!? 又有好野食, 係除左員工福利及部分好同事外, 就係呢樣野最吸引, 雖然只可食一粒, 不過已經好好~


個盒都幾靚, 仲要係牛奶朱古力, 超正~



仲有唔同種類既朱古力介紹, 我最鍾意當然係咖啡味, 而且一抽就抽中



唔同種類既朱古力, 太多款, 都唔知選邊款好..



我都希望買左唔同朱古力比屋企人及好友, 但實在太貴 (agnes b. 九粒朱古力都已經二百幾, 呢款相信唔止), 可能自己比較吝嗇, 未必捨得, 加上又要轉工, 要儲好多錢做準備, 唔可以輕易用錢

同姑姐食米線

難得可以準時放工, 加上琴晚聽姑姐講食米線, 我返學冇得食, 於是姑姐今晚同我補食返, 真係多謝佢應承任性既我, 要佢再食多次米線~


最後去左黃大仙中心既譚記三哥米線食, 都幾多人去食, 味道應該唔太差吧!? 我仲同尖沙咀果間譚仔米線撈亂, 簡直係傻仔..


先黎個前菜先, 係spicy既皮蛋, 酸酸spicy好醒胃, 幾好食


終於可以食到米線啦!! 係鮮冬菇豬潤米線, 豬潤比較"鞋", 但個冬菇勁好味, 勁大個, 好似個手心咁大~


返到屋企又要忙apparel construction既功課. 而家先開始做, 加上d線步又煩, 都唔知點算, 只好見步行步

開始煩另一份功課

交完布料份功課冇耐, 又開始講另一份功課點做!? 哎呀.... 呢次真係頭痛, 除左煩搵工, 仲要煩功課??? 真係想死....唔知點算....迷網中..


白版寫低功課既條件, 至囉命既係交功課日期, 岩岩撞正month end, 真係唔知點死...


最後只好趁下星期五請假時做下功課, 不過姑姐屋企果日停水停電, 要拎返去深井度做!?

Tracy 升職!?

今日全個會計部開會, 先知道tracy終於由account assistant升到accountant, 見到好友升職, 應該開心先係, 但也有d唔開心, 第一係本來我同tracy平起平坐, 突然我under佢, 不過佢之前都用心教我野, 我也唔緊要; 至緊要係已經再冇機會晉升, 就升職, 最多只係個title前面加"senior"個字, 跟本冇咩前途

同埋工作量越來越多, 做錯少少都冇人鬧, 加上見麗姐年紀開始老及好忙, 真心想幫佢手, 點知比人誤會搶佢野做, 真係越來越灰; 都做夠一年啦, 開始諗定搵工

最想搵到同時裝有關既工作, 設計助理就未必有我份, 做sales 工作時間又長, 跟本冇得讀書, 我一定唔可以放棄讀時裝設計, 睇黎真係要慢慢考慮自己前程...

留在屋企休息吧!

今日又要開始忙功課, 不過就一大堆問號, 真係咩都唔認識, 如各車線種類, 唔同線既車法, 各車線既編號等等, 真係睇到呆左, 完全唔知佢做咩...雖然如此, 但覺得好享受, 同埋學識唔同線步, 第時買衫都識買啦, 起碼唔會買件爆線衫

但唔可以同joejoe睇大和號, 覺得有點可惜...只好下星期再去睇吧!! 講真真係好想睇

有時都走左去偷懶, 就係玩psp, 始終都要休息下吧! (懶就係懶, 仲要比藉口自己=_=")