同屋企去飲早茶 + 同靚女朋友食飯

做完功課之後, 又到左休息時間!! 早上雖然晏左起身, 但仍然可以同屋企人飲茶, 好在阿爸一早去搵位先有得飲, 而且又可以坐近窗口位^^


位置雖然唔太大, 但坐得尚算舒服



煎到外皮脆脆既生煎包, 仲有豬肉汁漏出黎



呢個皮蛋瘦肉粥都幾好味



本身對煎炸野不大興趣既我, 都覺得佢炸得幾靚



仲有至愛之一既魚丸都好好味, 外脆內軟



當然唔少得紅油抄手啦, 估唔到阿爸記得, 仲幫我叫左~



炸咸水角及茡頭小煎埋



當然唔少得媽至愛既粉果



仲有金錢肚陳村粉, 粉又夠滑, 金錢肚又爽口


飲完茶之後休息一陣, 之後再見liz, 寶妮, 酸梅及嘉華一齊食飯, 好耐冇見呢幾位好友. 大家都算準時到, 酸梅仲同埋男友一齊出席!! 一行六人先到鳳凰村某間上海菜館食飯



間餐廳係二樓, 首先要上樓梯



個位置都唔錯, 好耐冇黎過呢類餐廳食飯



好有屋企feel, 各侍應都幾nice



呢個酸辣湯都幾好味, 又唔太辣



仲有呢個簿餅用黎食咖哩牛根吧!



就係呢個咖哩牛根, 我就冇試過, 但聽佢地講都幾好味



一定要食呢個小龍包, 皮又簿, 又多肉汁



呢個煎窩貼都幾好味, 但個皮似乎太厚



呢個炒善湖味道都唔錯, 撈埋飯更好味



仲有呢個白菜獅子頭都唔錯, 但似乎咸左少少



大家影返張合照先, 麻煩哂酸梅個男友拎機



食完飯之後見到間甜品店, 見間店舖咁靚就影下相, 但冇落閃光燈, 太暗..



之後去到何李活廣場行街, 行完街之後再去food court食甜品, 發覺佢地差不多關門



本來想叫什果西米露, 但冇西米露, 只好叫刨冰, 真係好凍



再同個甜品影相先, 我果然為食



食完甜品之後各散東西, 返到屋企疲倦咁上網, 一直到深夜一點幾, 自己果然係個夜鬼

一改再改的功課-DAY3

今日終於用photoshop做功課, 係第二次用, 對上一次係另一份fashion功課, 但做得唔太好, 今次再要進步!! 首先做好個背景吧!!



首先搵背景素材, 網上太多sirens既畫, 但有d自己覺得實在太淫吧!? 又或者唔岩自己既主題, 好辛苦先搵到幾張



個人都好鍾意呢張畫, 覺得個feel及背景好正



呢個夜景既海洋都唔錯, 好鍾意呢個感覺



既然兩張相都咁靚, 就二合為一吧!! 就變得更加鍾意^^


再加埋自己畫既公仔先, 結果都算唔錯, 整埋其他公仔上去先~


整哂公仔去個board度, 個感覺都唔太靚, 究竟點做好呢??

一改再改的功課-DAY2

今日可以準時放工, 自己果然幸福. 但又要開始忙住份fashion功課, 好在姑姐幫我係公司影印自己既原稿, 終於可以上色



呢次用左marker及木顏色上色, 真係要比心機上色, 難得畫得算唔錯. 最後用左兩個鐘完成



終於上左色, 自己都好滿意, 希望個presentation board都會做得好


之後要挑戰用photoshop, 對於電腦白痴既我係另一番考驗!? 又或者係再一次證明自己其實唔係電腦白痴呢??

和風紙上燒

今日可以準備放工, 就休息一日唔做功課, 同姑姐放工之後去大家樂食返個和風紙上燒. 上次和同事加班時, 我都已經好想食, 但因為太趕時間, 所以冇燒到, 今日終於可以食到啦, 哈哈!!


本來想叫全牛窩, 但牛肉賣哂, 只有呢個海鮮



全個餐既close up. 個窩真係有張紙上面比人燒



首先燒下所有送先, 包括金菇肥牛, 蝦, 冬姑



仲可以係紙上度炒烏冬, 首先落左烏冬



之後再落埋什菜, 就可以盡情地炒



自己炒既烏冬, 拎住快子及鐵匙炒啊炒, 好好玩



呢個碗蒸蛋都幾滑, 仲有蟹肉


個餐都幾好味, 對於貧窮既我比較貴少少,但間中一次冇所謂啦!! 仲要同姑姐出街食飯, 機會真係好難得~

一改再改的功課-DAY1

上堂時miss比左份畫公仔既功課比我哋, 見到有個pose都幾岩用, 於是印左個pose落黎, 再加自己設計既衣服, 出黎個結果都算唔錯, 就係我心目中想要既high fashion效果


終於畫好啦, 好鍾意背面既pose, 覺得好型, 好鍾意條尾巴^^


張相擺係fb度, 發覺都有人like, 仲讚有設計師既潛質, 係咪真都好, 聽到都覺得好開心. 有大家既支持, 自己仍然會努力畫落去!!

海港城的MR雜誌展覽

海港城果然多展覽, 呢次其中一本香港男性雜誌展覽, 但場景太細, 而且冇誇張布置, 所以唔太突出, 唔太多人去睇. 而我可以準時放工, 見有時間就去行及放鬆下


原來呢本雜誌已經出左三年, 真係估佢唔到



呢個擺設方法都幾特別, 睇相也好方便



MR立體字, 又幾得意喎

好想睇天姬戰

最近joejoe介紹套戲比我睇, 我見佢海報都幾吸引, 就係天姬戰, 其實個故事對我黎講唔算太吸引, 吸引既都係畫面


影片講述五個被囚禁精神病院的少女怎樣逃出生天──就是在虛擬世界與敵人周旋，搶奪關鍵寶物。影片有趣的地方，就是在想像與現實之間遊走，帶來無窮懸念，後半段發展更見精彩，就連全片故事從誰人的觀點出發，亦有驚喜。


而片中幾場想像空間的大戰，更屬導演大玩影像的好機會，過程中如「打機」一樣的戰鬥場面，還有場景設定，加上幾位女主角的性感戰士造形，直是向日本動漫作品致敬。可以說，全片集多齣佳作如《不赦島》、《廿二世紀殺人網絡》、《飛越瘋人院》等的精神於一身，而由自成一格。特別一提是，飾演小甜荳的艾碧康妮絲，與妮歌潔曼確有幾分相似


最poster已經夠哂吸引, 自己都好想要一張!!


至鍾意個女主角baby doll, 好有日本feel, 好似公仔一樣咁靚


佢地既戰鬥服似乎有少少sexy, 不過部機械人有兔仔, 超可愛


戰爭場面好正, 五位主角出場好有氣勢


真係好好睇咁, 希望快d有得睇, 應該係希望有機會睇到吧!!

同屋企人慶祝

終於出左花紅, 仲知道自己加左人工(雖然唔太多), 但都好過冇. 一直都冇機會同屋企人食餐好, 呢次終於有機會!!


琴日父母幫我預約左半圍酒席, 雖然唔太貴, 但都起碼可以同佢地食餐比較好既. 加上今日放假, 可以同屋企人一齊去食飯, 姑姐及妹準備到達, 只有細佬及弟婦遲到, 等埋佢地之後, 酒席就開始!!



首先黎個前菜, 呢個沙律好好味, 紫椰菜及吞拿魚, 加埋都幾好食



鼓油雞都幾滑, 而且好入味, 唔錯!!



炸軟腳蟹及蝦片, 自己唔太鍾意軟腳蟹, 交比其他人食吧!!



有粟米既白飯!? 咁大個女都係第一次見



椰菜炒蝦球, 個蝦球好爽, 好彈牙



當然唔少得呢個主角既魚翅啦, 雖然翅既份量唔太多



清蒸石班魚, 都蒸得幾滑



什菌冬瓜盎, 個冬瓜超苦超難食



呢個鮑片都幾好味



再另外叫多半隻雞, 味道算唔錯



呢個炒飯就....我都冇食過, 唔知道咩味道



呢個炸雲吞連埋湯一齊食, 味道算可以



好好味既壽包, 好想再買包包返屋企蒸



呢個薑汁撞奶就....味道真係好淡, no good



見張枱都幾靚, 再影返張相先


食完飯之後, 大家各散東西. 我返到姑姐屋企有另一個煩惱, 就係我既fashion design功課, 咩都未準備, 真係唔知點算

心有靈犀

無線星期日有套節目叫做心有靈犀, 我睇得唔太多, 只有一兩集, 我覺得套野好無聊 我都唔明點解毎次都要搵d明星藝人夫婦或情侶講述點樣愛對方, 同埋當中有咩過程, 我覺得呢d事只有兩人知, 雙方家人, 同埋雙方朋友知咪得. 仲要唱埋歌之類, 點解要做show咁做比人睇? 我覺得好假, 同埋有少少好似哂命咁, 所以唔太鍾意呢個節目, 寧願上下網, 打下機都唔會睇 我覺得應該影返比較建設性既節目, 如分析男女雙方的戀愛態度, 心理, 又或者講二人相處之道等等

心郁郁想走

雖然公司最近出左花紅, 但我唔係太開心, 因唔係想像中多, 今年既三個拎bonus既goal及額外goal本來都算ok, 但後來又改, 變得更難去實現, 可以話跟本冇可能完成, 再加上又越來越多野做, 人工又只加左平均既3%, 又冇前景等等, 更加速離開既決心, 預定四月或五月遞信

當阿ger及HR問我加人工個數開唔開心時, 係佢地面前, 我當然話開心, 但實際上就....哈哈, 真係有苦自己知, 知道自己做呢份工既時間一定唔耐, 而家只好等時機離開

見到我妹最近做份工都唔錯, 我指不但人工, 仲有毎個鐘既ot錢38元, 最重要係人地會計部係唔使加班!! 唔鍾意佢放勞工假及要返星期六長短周, 但都比我呢份工又唔算差. 自己都好想轉工, 又唔想做會計, 咁, 轉咩工好呢??

又有新game

今日sunny為我哋帶黎隻新game, 隻game叫做"bang", 係一隻以西部為主既卡牌遊戲. 玩家抽取唔同角色, 分別係警長, 副警長, 二五仔及壞人, 要跟據唔同角色去打倒敵人, 只剩下自己就win


卡牌既封面, 好有西部牛仔feel, 諗起以前有隻叫"wild arms 3"既角色扮演遊戲


呢D係角色牌, 分別係警長, 副警長及二五仔



呢個係壞人角色牌, 覺得好型呢!! 但我同tracy抽中呢張牌, 我哋好快比人殺左..


其他功能牌, 可以檔人地既子彈, 又或者飲啤酒補血


仲有唔同種類既槍及距離限制, 可以準備殺人


雖然自己第一個比人殺死, 但都幾好玩, 同埋玩既時間太耐, 睇黎一個lunch一定唔夠玩