一肚氣, 換禮品 + 同姑姐食飯

今日清明假期本來放假, 但因為要趕住交report比美國, 所以要被迫返工, 勁慘..


下午食lunch見到麥兜物品換, 我哋想換三套枱墊, 毎套有兩塊, 我哋玩開班fd就可以毎人一塊, 其中一套換左, 但仲欠兩套. 於是毎人食四十幾元, 但食完都唔夠, 於是問下人客有冇單據比我哋.


由於夜晚食大餐, 所以下午食清淡少少. 唔知係咪店舖內既人聽到我同tracy的對話, 同一個餐, 我既份量比較少


但換枱墊時有個唔開心既經驗, 就係ami及anton去換枱墊時, 比職員當佢地犯咁問, 仲搞到叫經理出黎對質. 我哋都唔明, 我哋用正當方法去換印花, 其他食客又願意比單據我們, 點解要咁對我哋!! 我哋最後雖然換到, 但就暫時black list左個food court, 過多一排先考慮食唔食吧




一共有兩款, 一款係開心生日會, 一個色調比較靚, 我當然要後者啦!!


放工之後, 到慈雲山中心同姑姐食日本菜. 之前見到間餐廳好靚, 一直都好想食, 今日終於有機會食啦!!


就係呢間店舖, 好似好靚咁



餐廳內既布置唔太靚, 平平實實



我哋坐位比較近個酒櫃, 而且環境尚算優靜



坐位上既餐牌及調味料



我同姑姐既座位, 個樣好似幾靚



鴨胸石頭窩飯, 賣相唔錯, 鴨胸又軟又好味



連個招牌菜三文魚海鮮pizza, 但海鮮唔太新鮮, 唔好味


食完飯之後返屋企休息下先~

K11 Paris Fashion Week

見到fb內有位影師影左個叫做K11既地方, 我只知佢係尖沙咀, 但從未去過, 於是見今日早少少放工, 即係六點幾到, 就去搵下呢個地方 點解我會去K11呢? 因為果度有個時裝展覽, 個樣都好似幾靚. 最後終於比我搵到, 果然係個靚地方, 可惜joejoe未放工, 唔係就可以一齊去...



去到燈岩岩好著, 個景好靚啊~



今次時裝展覽既招牌及布置, 個海報好吸引



附近既布置, 以red rose為主



仲有別緻既餐枱及餐椅, 好有lolita感覺



背景除左靚之外, 都無話可說, 比時裝更靚



件衫款式比較普通, 但布料好靚



女裝線條雖然簡單, 但cutting 都幾特別



黑色衣服夠低調, 返工就最岩. 我返工唔鍾意太誇張, 放假就扮靚d



商場內仲有時裝展覽, 呢個公仔及衫配合好


仲有一件名貴既衣服, 可能係金色比較特別



擺滿小冊子既地方, 都好有古典味道


除red rose外, 仲有部份綠葉植物


地方雖然唔太大, 但地方都算唔錯, 下次同屋企人, 朋友或joejoe黎就好. 一個人行左唔耐, 就返屋企食飯

可以見到joejoe啦!!

最近忙住做功課, 公司又忙, 見joejoe既時間少之有少, 今日終於可以見到佢啦!! 冇琴日既濃妝, 但感覺ok!!


先同joejoe去買我想睇既天姬戰, 睇三點半場, 仲有成兩個鐘, 不如去食野~joejoe最近生左粒飛滋, 所以都係以清淡為主, 最後選擇一間裝修極豪華既上海菜館食飯


餐廳門口已經好豪華, 好似歐陸式cafe


門口另一邊也好靚, 尤其係椅子部分



餐廳入面更加靚, 真係好似酒店一樣



雖然外面比較西式, 但入面部分地方比較中式



我哋食飯附近既地方, 都幾光猛, 而且比較寧靜, 好正



我地坐角落位, 見到其他人食飯之餘, 我哋兩個又可以靜靜地傾計



牆上既壁畫, 感覺簡單及高貴



等雞雞袋影下相先, 附近既餐具及餐牌都好別緻



第一個菜式到左啦, 連雞雞袋都要影返張



登登~原來呢個係宮保雞丁, 雞肉唔太spicy, 而且又滑, 個麵包又脆, 一流!!



等我都同個宮保雞丁影相先, 大家都黎食吧..XD



joejoe笑得仲開心, 個背景都好靚



第二個菜式就係冬菇毛豆燒豆腐, 味道唔太濃, 清清地, 幾好味



當然唔少得最愛既紅油抄手, 味道都算唔錯



食完飯之後去睇天姬戰, 無論動作, 音效及電腦特技全部都一流, 只有個故事比較弱少少, 但真係幾好睇. 最後仲同張poster影相^^


女主角baby doll真係好靚女, 全張poster都好靚, 一齊影返張相先. 可惜燈光太暗..



joejoe都影返張相先~



係poster前面影底我哋兩人既戲票先



我同joejoe互相買比對方既禮物, 可愛既兔仔及青蛙王子


同joejoe睇完戲之後行下街, 就係買左呢對可愛既抺mon手指公仔, 真係可愛到唔捨得用. 同時也多謝joejoe送比我既鬆弛熊遮及時裝雜誌^^

終於可以休息下

今日終於唔使返工, 但要返學. 見放假就扮靚靚, 加上今日暖暖地, 可以扮下架妹, 真係好耐冇扮過...


個人覺得呢張相都影得ok, 其實同joejoe講電話


好在winnie知道我忙, 已經幫我哋做左份功課, 多謝你!! 仲有功課都幾高分, 真係要多謝winnie及阿燕幫手


放學之後同dede及姑姐行超級市場買野, 見呢三日咁忙碌, 就買少少好食物啦!! 買左雪榚及乳酪, 姪仔似乎好鍾意我個乳酪, 咁就大家一齊食^^


睇下佢拎住個乳酪笑到見牙唔見眼, 幾得意~



返到屋企休息一陣之後, 就睇project runway最後一集, 果然好多靚衫, 仲可以見到nigel barker~

我的公司加班日 -day3

今晚仍然要加班, 做到十二點幾先放工, 不過見聽日星期六唔返工, 唔緊要啦!! 加上琴日個餐唔太夠, 所以今日叫份量比較多, 希望夠我呢個"大食積"食. 點知真係食到飽, 點知比natalie見到個大肚腩, 真係樣衰...


果然夠哂豐富, 尤其係個什菜雞肉粗麵, 其實質地似烏冬; 個炒粉絲都幾好味, 完全食唔哂



雞肉又多又好味, 以菜及菇為主, 感覺唔太肥膩, 可惜粉太少



個炒粉絲味道唔錯, 可惜食唔哂.. 除左豐富既dinner外, 仲有姑姐見我辛苦, 早上都整左個愛心公仔麵我食, 係新出既味道, 真係好豐富, 可以更有幹勁返工!! 唔該哂^3^



除左麵之外, 仲有水餃, 釀豆卜, 羅白, 好鬼好味

我的公司加班日 -day2

今次month end比之前快左少少, 但仍然要加班至深夜一點. 途中去左food court食飯, 食返一直想食既玉子燒去補下心靈創傷..


全個餐好似好好味, 不過份量實在太少



最鍾意既芝士蝦玉子燒, 真係好好味~



個雞排曼魚飯, 曼魚味道唔錯, 但實在太少



仲未夠飽, 唔緊要!! 食呢個什果西米露, 終於比我食到

我的公司加班日 -day1

真係撞鬼, 近排做毎件事都要分幾日進行, 當然唔少得我最憎既month end, 成日都要加班, 都冇時間做另一份功課, 好在winnie幫我做, 唔係真係唔知點死份功課比佢


比我中六合彩, 我一定唔做都似!! (雖然近排只中了四十元安慰獎...) 都係冇時間寫, 寫住咁多先=__="

終於交功課

今日到左交principle of fashion design既功課, 整左足足四日, 惡夢終於完結. 到最後一刻都仲未痴好相去A3版上(因我用電腦做, 拎去彩印之後要貼), 印出黎顏色始終唔太好, 自己唔太滿意, 點解電腦睇就咁靚, 出黎結果就係咁? 有點失望呢...


呢個係電腦原稿, 自己都幾滿意, 但印左出黎就...實在太核突, 所以冇影相


其中一位朋友既作品, 好有心機畫各款衫


女高材生既作品, 也係我既目標, 可以做到佢咁靚就好. 不過人地full time讀左四年, 自己可以嗎??



男高材生既作品, 兩位高材生都好fd. 佢呢個享樂主義, 自己都幾鍾意


miss及同學都讚作品好靚, miss好鍾意我份作品所用顏色. 有幾位同學問我份功課點做外, 也問我係咪做緊時裝設計呢行. 哈哈...我都想啊, 如果真係做到, 就死而無憾 但同時也有個壞消息, 就係我第一份布料功課只有65分!!? 自己好失望, 希望呢份功課為我爭取分數, 唔係就唔可以拎distinction

海港城的祈福櫻花

今早返工見到海港城有好多櫻花樹, 仲有好多日本神社既擺設, 相信係為日本地震之中既生還者及居民祈福, 希望佢地既惡夢快過去, 重新過新生活. 幸福唔係必然, 真係要活在當下, 珍惜身邊的人及事


海港城不嬲既布置也唔差, 呢次可以比我親自見到真正既櫻花, 原來真係咁靚. 如果第時可同生命之中既另一半, 甚至係家庭, 可以再睇一次就好


海港城內神社擺設, 身邊既櫻花樹也好靚



神社呢個公仔幾得意, 成日係日劇或漫畫出現




仲有呢間細細既神社仔好得意, 仲有可寫上對災民祝福既字條, 真係好有意思呢!!


由於趕住返工, 都冇時間慢慢影, 只好放工之後再影, 但又覺得太多人, 影相唔會太靚, 只好第二日搵機會再影