公司lunch

今個lunch我哋全個會計部及sunny一行六人去UCC食飯, 竟然連阿head都去!? 去既仲要係UCC??講真真係一頭霧水, 不過大家可以聚下, 就唔緊要!!


由natalie, sunny及anton係沙律吧度自己堆既沙律, 好豐富咁呢!!


連阿head都問點解無端端一齊食飯, 連我都想知道呢!! 原來呢餐係natalie請, 佢話見人齊, 就一齊食下飯, 咁都唔錯~


anton埋既沙律, 生菜及吞拿魚比較多


sunny埋既沙律, 有我至愛既桃, 薯容都幾好味


毎次食蛋包飯, 今次搞搞新意思, 食呢個芝士焗牛肉飯, 真係好好味!!


natalie希望我哋呢個dept毎個都生生性性, 比心機做好會計工作, 我會努力, 唔會令你失望既. 應該話有冇呢餐都好, 都會係工作上做到最好, 鬼叫自己收左公司份糧咩

終於考試 (principle of fashion design)!!

今日終於到左考試既日子, 心情不算太緊張, 因為塞車遲左五分鐘, 返到學校已經發答題簿及試場規則


見到題目, 大多數都識答, 部分題目有少少轉彎, 都總算識答. 最後早左半個鐘就離開. 離開之前阿kate送左件外套比我, 好想多謝佢, 但佢仍然考試, 只好考完試之後再打個電話或sms同佢講聲多謝


之後tracy打電話比我, 叫我聽日唔好拎飯盒, 究竟發生咩事呢? 平時我哋出街食飯不外乎四個原因: 有新人加入, 舊人離開, 升職加薪及朋友生日, 究竟係邊樣呢? 唔緊要啦, 聽日咪知道~


考試時間已過去, 我就打電話比kate多謝佢, 順便請佢食飯, 佢話唔使請, 只係搵舊衫及拎去乾洗送比我, 佢最近比較忙, 可能要搵日再去一齊食飯, 期待呢一日!!


講完電話之後, 再仔細留意下德福商場, 又有新既布置出現


自己比較鍾意pastel color, 感覺舒服好多


條心心既裙好得意, 係我至愛既pastel color


似乎未裝修好, 附近仲有銀色圍欄圍住, 唔知幾時先裝修好呢?? 好想佢快d裝修完, 可以去影下相

開始溫書

聽日就有個principle of fashion design既測驗, 本想琴日溫書, 但由於月事太辛苦冇辦法溫, 只好改到今日先溫書....好在今日請左假, 先可以溫到書. 不過全日都溫書唔係我既性格及style, 都係要做下其他野先得


最近見到fb內有隻時裝店的遊戲, 自己可以跟據自己LV去做唔同種類既衣服拎去賣, 搵錢再去改建及裝修自己店舖, 都幾得意架!!


我既店舖叫做k's paradise. 如果自己可以開到間店舖就好


仲有個主題比你幫其他人襯衫, 個人會著住你套衫行catwalk


跟據你襯既衫會有分數及賞金


雖然叫做玩下game, 溫下書, 但總算溫哂所有notes, 只好等聽日既考試. 好想快d考完啊~

九龍灣未準備的布置!?

琴日joejoe係屋企汁屋時, 我係德福行左一陣, 見到好多唔同類型既時裝, 唔知係咪有個時裝展展覽呢?? 雖然未布置好, 但已經好吸引我去睇


雖然衣服款式比較普通, 但個舞台好華麗



今年比較興既bold color, 呢兩隻顏色又襯得幾好睇



出面層layer都幾得意, 但我覺得唔加比較好



惟一一件比較靚既係呢件晚裝



仍然係bold color, 始終唔太鍾意太刺眼既顏色



條裙又幾得意, 而且好誇張



全個舞台既overall都幾靚, 估唔到除左又一城外, 九龍都有呢個咁靚既時裝舞台



另一邊比較田園感覺, 仲有部分化妝品, 都幾特別



好特別既一件外套, 但始終都係bold color



明付其實既彩色蝦條, 好多高級時裝雜誌都有呢個款

同winnie及燕食飯

今日返學之前約左我既兩位好好同學仔winnie及阿燕食飯, 由於我住得比較近九龍灣, 所以我一早去[牛角]先取位, 兩位晏d先去牛角會合


winnie都好快去到牛角, 阿燕要買少少文具比較遲黎, 佢唔舒服, 唔可以同我哋一齊燒肉, 只好同winnie一齊燒吧


上次同joejoe食既牛肩肉, 仍然咁好味~


唔記得左牛既邊個部位, 總之比牛肩肉更多汁, 更好味!!


熟左既三文魚, 雖然少少腥, 但幾滑. 加埋黑椒及salt更好味


未煮好既芝士什菜, 先影張相留念先


煮好左既芝士什菜, 外表雖然唔錯, 但好似仲有少少菜未熟..


香草雞肉, 味道都唔錯, 唔煮太耐, 雞肉都幾滑



毎張枱有個爐, 可以慢慢燒



食完飯之後就返學, miss比左考試範圍後, 竟然只係上左四十五分鐘就放學!? 於是問joejoe出唔出去九龍灣, 佢要汁屋, 所以先返屋企. 點知返到屋企落妝後, joejoe打電話比我, 佢去九龍灣!!?? 點解咁架? 最後都係約左何里活中心行下, 一個鐘頭見面後, 便各自回家

同joejoe去食晚飯

都係唔慨嘆人生住, 過返個開心既星期五先, 姑姐同朋友食飯, 我約左joejoe食飯, 因為我要加班, 要你係旺角等我, 真係好對唔住...


黎到旺角先搵個地方食飯吧, 最後去到家樂商場內一條日本餐廳的街, 應該話只係得幾間日本餐廳位於同一個位置, 最後選擇一間以餃子為主的餐廳食晚飯


好大隻餃子做生招牌, 好得意啊



門外各種食品模型, 做得好精緻. 日本海報也好特別



周圍環境唔算大, 但坐得幾舒服



個人的座位, 好鍾意個水杯



裝可樂及雪碧個水杯好得意啊~



我既餃子餐, 包括主角餃子, 日式叉燒拉麵, 炒飯及沙律



個拉麵睇黎好好味, 但佢係最唔好食食物, 叉燒好硬, 湯底好淡



個餃子都算好味, 都算多肉汁



joejoe份餐都黎啦, 佢個麵及雞肉好好味, 加埋可以點個湯, 都幾特別



雞雞袋又開始為食啦, 睇佢望實餃子就知



連joejoe果份都望住, 雞雞袋果然好為食


食完之後周圍行下, 多謝joejoe介紹新之城既兔仔公仔, d公仔好靚, 勁鍾意兔仔既我又可以影相啦, 復活節萬歲!!


好七彩繽紛, 兔仔都好可愛



傻傻地望住外面, 仲拎位好多食物, 兔仔都好為食



毎隻兔仔都拎住食物, 好鬼可愛



同joejoe行左一陣之後, 自己再去行旺角中心, 見到好多店舖已經關門, 但也可以買到一件lace衫. 睇黎今年會興簿紗長裙及jumpsuit, 整到我都好想要, 但呢兩類衫好難襯及著得靚, 都係hold住唔好買

人生探究 - 港女

琴日人生探究, 今日再黎一個, 就係[港女]一詞. [港女], 對所有香港人來說不陌生, 也是正常女仔最怕被人套以呢個稱號


原來社會歸納港女特質有101種, 因為太多我無打在blog上, 只比條link大家望望, 同樣地也不希望朋友會係啦. 講真我的朋友不多, 但本人覺得佢地質素都不錯, 甚至比我更懂人情世故及成熟

http://hk.knowledge.yahoo.com/question/question?qid=7007051700935


有點我想補充, 她們愛好名牌, 但是否知道毎個牌子背後意念及特色, 各設計師的資料及特質? 我喜歡他們品牌衣服, 首飾, 但我從沒想過擁有. 原因不是自己沒錢, 自己收入不算差, 我覺得不值得, 可能是自己的價值觀吧! 錢不只是個人滿足, 今朝飲酒今朝醉, 錢是改變或提升自己生活條件, 但也是藉以讀書提升個人能力, 應付自己及家人毎日的生活需要 同時也明白, 物質不能為我們帶來心靈上的滿足, 反而令人變得更墮落, 不惜一切得到錢去買名牌. 即使身上舖滿名牌, 但失去品格及修養, 不是真正的快樂, 何必一直追求空虛?


人快樂可以說易, 可以說難, 在乎心內價值觀. 我呢? 覺得可以讀到心目中的時裝設計, 有家人, 朋友及男友, 已經算幸運, 也是一種幸福, 其他人不能搶走, 也不是必然, 所以覺得毎天都開心, 當然可以轉行就更開心. 又或者和重要的人食好味食物, 已經很開心. 開心可以很簡單, 不是嗎??


又如呢碗簡單的麵, 係本人的"杰"作, 煮到比疲憊的姑姐食, 見佢食得開心, 自己都開心, 真係好簡單^^

人生探究 - mk look

最近網上見到成日用港女, mk仔/mk妹形容年輕人或其他人, 等我都列出幾項重要特質, 希望我身邊的朋友或男友唔係啦..

1) 誇張打扮, 如染鮮色頭髮, 穿過小衣服

2) 紋身

3) 喜愛抽煙

4) 個性容易衝動

5) 談吐中充滿著無意義的句子或粗言穢語

6) 喜愛使用一些地方的簡稱，（如稱「花園街」為「花街」，「旺角電腦中心」為「旺電」，「潮流特區」為「潮特」。部份亦廣泛流行成為其他香港人的慣用語。）

7) 喜愛使用一些其他香港人不懂的詞語，俗稱潮話，意指潮流人的用語。為香港地道用語的發源地區

8) 討論話題主要為本地歌曲、衣著、低俗笑話和嘲笑其他社會人士或弱勢社群 我只係中左一樣, 就係性格比較衝動, 而且由細到大都係. 但至於其他各點, 好在自己都冇樣中, 最多只講左"潮特"呢個名, 但其實我都係聽人講先講.

但而家旺角真係好多人都係 除左同朋友食飯外, 我都不太想去旺角, 因不想習染呢種風氣, 而且沒有品味呢點...作為一個讀design的人, 不想聽到呢個名詞, 都是時候睇多些時裝雜誌, 留意世界及本地新聞, 是時候改變一下自己品味吧!!


就以八掛雜誌為例, 就兩年前, 我比較鍾意睇八掛雜誌, 睇o靚模之間是非等等, 對時裝及飲食部分冇咩興趣, 多數會把他們扔在旁邊


但現在相反, 毎次都只會睇時裝部分, 甚至只會因為雜誌內有catwalk先會買, 扔在旁邊的是八掛雜誌, 甚至連一眼都冇望. 因我覺得, 這只是藝人之間的事, 和我們無關, 更有不良風氣 (如o靚模露胸露肉, 以明星去提高自己聲譽) 希望自己不要吸收歪風, 令自己變得低俗

一肚氣, 換禮品 + 同姑姐食飯

今日清明假期本來放假, 但因為要趕住交report比美國, 所以要被迫返工, 勁慘..


下午食lunch見到麥兜物品換, 我哋想換三套枱墊, 毎套有兩塊, 我哋玩開班fd就可以毎人一塊, 其中一套換左, 但仲欠兩套. 於是毎人食四十幾元, 但食完都唔夠, 於是問下人客有冇單據比我哋.


由於夜晚食大餐, 所以下午食清淡少少. 唔知係咪店舖內既人聽到我同tracy的對話, 同一個餐, 我既份量比較少


但換枱墊時有個唔開心既經驗, 就係ami及anton去換枱墊時, 比職員當佢地犯咁問, 仲搞到叫經理出黎對質. 我哋都唔明, 我哋用正當方法去換印花, 其他食客又願意比單據我們, 點解要咁對我哋!! 我哋最後雖然換到, 但就暫時black list左個food court, 過多一排先考慮食唔食吧




一共有兩款, 一款係開心生日會, 一個色調比較靚, 我當然要後者啦!!


放工之後, 到慈雲山中心同姑姐食日本菜. 之前見到間餐廳好靚, 一直都好想食, 今日終於有機會食啦!!


就係呢間店舖, 好似好靚咁



餐廳內既布置唔太靚, 平平實實



我哋坐位比較近個酒櫃, 而且環境尚算優靜



坐位上既餐牌及調味料



我同姑姐既座位, 個樣好似幾靚



鴨胸石頭窩飯, 賣相唔錯, 鴨胸又軟又好味



連個招牌菜三文魚海鮮pizza, 但海鮮唔太新鮮, 唔好味


食完飯之後返屋企休息下先~