同joejoe去JCCAC

來想周圍去行下, 點知今日成日陰天, 間中仲落下雨, 而JCCAC又咁岩開放日, 於是同joejoe決定去果度行下及影相


其實除左開放日之外, 部分workshop仲會擺手工物品去賣, 現場實在太多人, 我同joejoe去左冇咁多人既天台, 順便可以影下相, 尤其係joejoe買比我既雞雞, 當佢係我哋個仔(!?)咁


首先同雞雞袋影下相先, 個妝都算ok吧!?


再同雞雞影返張相先, 都唔知我做咩, 成個傻婆咁..


joejoe個樣好lum呢, 好似女仔一樣(笑)


自己最鍾意呢張, 真係好似日本妹, 而且好溫柔(!?)對住雞雞


同joejoe及雞雞一家人(!?)既合照


畫雖然唔算太靚, 又好似亂畫咁, 但好有feel


仲有好趣緻既企鵝仔, 佢地個樣好傻, 好得意


全場唯一一張同fashion有關既相呢!! 真係好靚啊


好特別既火焰咖啡, 唔知點樣影既呢?


好靚既牆上壁畫, 如果自己都可以畫得咁靚就好


靚靚既少女剪影, 仲有好多至愛既圖案花花


仲有一隻從天花版而降既一隻臭腳!? 真係望到目定口呆..


仲有個杯櫃好別緻, 而家好難搵到呢類杯


好大朵rose, 咁大已經好難整, 仲要整上牆, 利害!!


去到住好d(毎次去JCCAC必去既地方), 有間港式古老餐廳


joejoe影返張相先~


等我都同雞雞袋影返張相先, 呢張都唔錯


又影多張合照先, 都係拎住最愛既雞雞袋


仲有古老既收銀處


仲有賣蛋糕既位置, 真係好似真既茶餐廳一樣!!


同joejoe行完一陣, 大家都覺得有d肚餓, 再到現實既茶餐廳食個tea先, 去既係一間叫做總統餐廳, 我讀書果陣都已經係度, 睇黎已經好耐, 連外觀都改變, 真係差d唔認得


我叫既司華力腸炒蛋多士, 蛋都幾滑, 仲有好味既腸及多士


joejoe叫既豬排雞蛋麵, 賣相好似唔錯, 不過紅豆冰似乎淡少少


雞雞帶住帽食野, 帶住頂帽好可愛


仲有UFO波波雞, 好搞鬼


仲有太陽波波雞


食完tea之後再去附近行下, 首先去公園坐下, 之後再去深水步玩具街. 行完之後各自回家, 聽日又可見面, 真開心^^

和同事食飯

最近發覺和同事食飯既地方唔太多, 今日食既又係之前去過n咁多次既"果一道", 係一間標榜健康食品既餐廳, 我都好耐冇食過至愛既蕃茄魚柳烏冬, 終於可以食返, yeah!!


anton叫既唔記得咩飯, 個樣好似幾好味


sunny叫既天使麵, 個樣都係好似好好味咁, 不過最衰有海鮮, 唔係都可以試下


好啦, 到我既至愛蕃茄魚柳湯烏冬, 等我逐一介紹下先


唔好只睇表面, 烏冬收埋左係蕃茄汁入面. 仲有想讚下蕃茄汁, 真係好新鮮, 絕對唔係茄膏


食黎食去都有好多烏冬啊, 超好味, 就連湯都飲埋


食完飯之後, 見到有架靚靚既shocking pink車, 即使有司機係入面, 我都照影相. 一於影左先算, 錯過就冇機會再影


仔細睇下, 原來係結婚車黎既, 唔怪之得啦

仍然努力工作!!

今日tracy放假, 仍然要努力工作, 大部分既工作已經完成, 仲可以十點幾就放工, 真係開心, 希望聽日都係咁就好^^

又要加班...大家樂食飯記

算啦, 毎個月尾又要趕month end, 都係留係公司唔知幾耐先可以放工, 真係可憐..加上tracy聽日及後日放假, 都唔知可唔可以如期完成, 希望可以吧!!


最開心既只有一個時間, 就係食晚飯時間, 大家樂仍然係我哋指定既晚餐供應商, 呢次又推出新食品


就係呢個~新出既窩蛋牛肉鐵板燒, 仲有碗白飯及飲品, 講真對我黎講就唔夠飽, 好在tracy比左d飯我, 先至夠飽d, 但都仲未飽, 變態


未夠飽唔緊要, 加多三元, 有糖不甩及綠茶紅豆雪榚比你選擇, 大家估我選邊款??


登登, 我就係叫左糖不甩啦, 因為我好耐冇食過, 同埋我唔鍾意紅豆


食完野之後又要繼續開工, 做到深夜一點到先走, 仲有兩日捱, 真係唔知點算好?

終於要返工及返學

漫長既復活節假期終於結束, 今日終於要返工. 真係好唔捨得個假期, 同時也驚tracy放假時, 個month end都唔知點算, 只好不停工作. 唔緊要啦, 反正都唔會同旁邊既人傾計, 少是非及唔會太直得罪人, 自己又可以快d做完工作, 就可以準時放工, 之後返學

今日算準時返學, 都係聽書介紹唔同種類布料, 講述各種布料既特質, 同埋化學特性. 不過好在個計分classwork, 唔算太難, 都係就上堂所教之內容, 全組再討論, 除左我位朋友外, 其餘三位同學實在太被動, 只有我同我朋友傾及present, 好在阿sir讚我哋呢組做得好, 分數唔會太差吧!?

同埋有個好消息, 之前send 左email比principle of fashion design個miss, 問下我份siren份功課幾多分及comment, 竟然得到A!!? 咁大個女, 無點試過拎A, 加上個comment係good color combination, 同埋creative, 仲有keep on for good work, 實在太開心, 對我黎講係個大鼓舞, 睇黎我要繼續努力先得, 加油^^

Dede 靚相!?

本來想同joejoe去下街, 點知今日joejoe要加班, 最後只好係屋企休息下. 見dede 最近咁鍾意玩pet society, 我就偷影下佢先


dede帶左我頂草帽, 頂帽同佢半個頭差唔多大


唔好掛住玩電腦啦, 望下鏡頭先, 捉住佢擺個V字手勢幾過隱


無論影咩相, 都會擺個V字手勢, 也帶住個靚靚頭飾


終於出街街, 換好衫之後, 見件衫靚靚, 又走去影相, 睇黎佢真係好鍾意比人影相


只係影佢都好好玩, 但佢實在太頑皮, 有時唔聽話, 真係幾頭痛下. 希望之後媽媽親自教佢, 個情況會好返D啦

天使及森女

約早d去見joejoe, 終於可以見到佢啦!! 我又未食野, 就去左買包包及珍珠奶茶, 一於一邊影相, 一邊飲我同joejoe毎人一杯奶茶, 都只係十元杯, 勁抵


joejoe飲住黎影相, 睇下佢幾自然


我都比平時正常影返張相先


去到等小巴去城門水塘, 架車好耐都未黎, 就影返張相先


再同joejoe影返張合照先, 大家幾開心~


去到城門水塘之後, 影左好多靚相外, 仲可以見到好多靚風景, 加上今日天氣唔太熱, 行得好舒服呢!!


影天使既取景地點森林, 好多老樹木, 超靚


強烈太陽光, 再加上樹林既地方, 靚到像個天堂一樣(除地雷外)


第一個天使做型, 但都係唔太靚, 所以冇被採用


最後都係用左呢個look. 靚靚場景加上呢個天使look, 會影咩相出黎呢?? 仲有部分好似跳舞一樣, 都幾靚架


joejoe帶左我個頭飾啊!!! 仲要叉住腰, 想點樣呢??@_@"


之後仲搵左好多地方影相, 真係好多靚地方, 加上好天氣, 簡直天公造美


可能長期冇落雨, 本來有水既地方也變得乾涸, 我哋可以周圍行


呢個樹林都幾靚, 本來想係度影, 但地下太多地雷啦, 唔敢影..


我著住對人字拖去行山, 最後都冇事返程, 自己都算幸運. 應該話本來係安全, 但遇上一個男人加三個小孩, 佢地竟然把麵包扔向馬騮, 個男人仲用棍想打馬騮, 全班馬騮衝上去搶食物, 係佢地後面既我哋嚇個半死, 於是行快過佢地, 加上背後驚馬騮, 所以我哋兩人話有四大天王及馬騮手下追趕我哋, 最後可搭車離去, 好彩!!

準備衫去影相

同joejoe聽日會影兩個主題既相, 分別係天使及森女, 用同一套衫, 試下做兩個唔同效果, 用左琴日燒野食及今日既時間做好準備


我希望影既係一輯我同joejoe去認真創作既相, 絕對唔係hea影, 或其他冇質素既相. 我唔敢話自己果d有質素, 但至少係為興趣, 不是為金錢, 或做好準備去影毎輯相, 如果可以做到毎個人都like就更好

天使既做型套裝, 有一個白色頭紗, 一條頸巾, 一條白色連身裙. 腰帶後來冇用了, 再會加上joejoe借用既一對白色天使翼

呢個天使頭飾, 個人都幾鍾意, 而且仲好平, 五十元有找, 比普通店舖仲要平



呢套係森女既服裝, 同樣都係白色連身裙, 同埋今年都幾興既冷衫, 加上草帽及花, 仲有個膝藍, 表達崇尚自然既森女



其實idea一早就有, 但衣服也好難買到, 就同生果蔬菜一樣, 要講時令. 如今年興連身lace或碎花裙, 加上各時裝品牌等都推崇白色, 咁就比較易搵到衫去影相, 而且也比人有"潮"感覺. 但唔係把所有潮物拚上身就係潮, 要睇下整個look襯唔襯



襯得唔好既大把, 呢度也不用多說. 自己唔係襯得好, 但至少我知道毎件衫既style要否相襯, 即係把同類既東西放係身上, 就比人協調感.


講開襯衫, 最近我都睇到某先生幫佢女友襯既衫(詳見dc fever), 如果佢地要成熟rich, 果條連身裙已經錯得離譜, 簡直係照抄雜誌款, 但又襯到鬼五馬綠, 仲話佢做形象設計, 咪玩啦, 佢地功力未夠, 兩位可愛既先生小姐!! (如果係佢地朋友見到, 唔好比佢地知, 呢個只係個人意見)

1) 如果個女仔可愛, 粉紅加波點絕對冇問題, 建議應用黑lace, 低neckline既衣服去做女性化效果. 加上個泡泡設計, 唔係毎個人都著得起, 一定會令到個坐圍好肥


2)珍珠鏈係襯件衫, 但如果有錢人, 就請用多d金色系列既製品


3) 至衰係對絲襪, 用純黑色都有, 返學返文職咩? 就算文職都唔會咁著!!用通花lace絲襪啦


4) 對鞋又用淺色, 件衫咁搶, 就用bold color做個首尾呼應, 或黑漆皮去玩


5) 仲有對arm warmer究竟想點? 如果影型look冇所謂, 好似佢毎輯都用純色或者間條...

之前仲以佢地為對手, 去同佢地競爭(影相, 做型及汁相), 而家覺得佢地連做我對手既資格都冇...因為佢地係我永遠敵人, 先會同佢地競爭, 歡迎其他人互相切磋研究

全家去燒野食

今晚媽咪約左舅父果邊屋企人食飯, 我同姑姐先行街, 但由於時間太迫, 行既時間唔太多, 買野又唔太多, 不過唔緊要啦, 至緊要有得食


開始燒啦, 當然燒我至愛既腸仔先!!


仲有好多食物, 不過好似個亂葬岡一樣..


表演下我既絕技先, 一個人燒四支叉, 睇下幾勁. 不過我就唔願出鏡啦~


後來個火好勁啊, 不停地燒. 兩個大鍚紙包住既係我建議既蒜容西蘭花及什菌, 好期待食佢地


唔好睇呢個西蘭花個樣奇怪, 又幾好食, 好香蒜容味外, 面上仲茶左牛油


呢個勁啊!! 黑到唔知咩黎, 其實我哋屋村附近既燒烤場夠鐘熄燈, 加上呢個燶左既什菌, 大家一樣咁黑..XD


途中燒緊野食, 竟然落起雨黎, 雖然唔係太大, 但都比較麻煩. 我同我妹一齊擔住遮黎燒, 果然夠哂騎呢, 大家有講有笑(除左我舅母及兩個仔女外, 因仔比較活躍, 個女就高傲及靜), 都幾開心既.


但我覺得我個表妹似乎有d溝通問題, 話說燒野食時, 支蜜糖係我度, 佢又唔出聲, 只係打眼色, 好在我都明既. 我表弟比較smart, 話佢做咩唔同人講, 佢話唔知點稱呼我!!?? 我當時呆左囉, 就算唔識, 講句[唔該遞支蜜糖黎]都識掛!? 真係無話可說..

放工後的殺局

呢個殺局唔係真係殺人, 只係最近迷上玩一隻叫做[三國殺]既卡game, 見放復活假之前, 大家可以放工之後輕鬆玩下. 六點幾放工後, 全個會計部包括natalie, anton, ami, tracy及我五人一齊到碼頭搭巴士, 去到poly呢個戰場準備殺戮


去到poly, 有少少懷念, 畢竟讀左三個月既時裝繪圖, 好想再係呢個地方讀落去, 因我感覺不同, 呢度比較有氣氛修讀任何科目, 只可惜仲未有機會. 不過而家係CITA讀, 感覺不太差既.但呢個都係我終極目標, 可以係度讀時裝, 我就真係冇憾


冇幾耐見到sunny, 但佢女友未黎, 大家玩住一局先. 首先影下個戰場先


我哋既卡game戰場及食物, 飲品


我哋玩既卡game, 好多角色功能要記. 但好好玩


玩得咁上下, sunny既女友終於都黎, 我哋玩多一局就去poly既canteen食飯, 可能我哋太晏去, 唔係太多食物選擇, 我同tracy見anton個麵好正, 就根左佢叫, 點知..


碗麵超級spicy, 食到我不停嘖火(!?), d水餃竟然有月餅味?? 果然係碗騎呢既麵, 以後都唔會再食..


poly內既食堂, 都幾大及幾整齊, 唔知有冇機會再黎. 影一下先



結果因為碗麵太spicy, tracy冇咩點食, 去左OK買左燒賣. 之後再去繼續我哋既殺局, 殺到真係唔捨得走. 玩到十一點幾, 先係紅磡搭地鐵, 再搭小巴返屋企. 好累...不過唔緊要, 一連四日既假期開始啦, 超開心!!

又再上堂

今日上另外一堂, 叫做knit wear design, 呢次學針織布料既結構, 之後仲可去workshop織布. 好似幾好玩咁, 阿sir又教得詳細, 而且仲有真實布料睇下, 比琴日果科好好多



可以見到真正既棉花, 只可眼看人勿動



細睇針織物既紗線, 舊野好核突=_="



跟據label列明, 62%係綿, 38%係銅, 布料上見到金銀線就係銅



毎種布料不只由一種物質織成, 有時會有多種物質, 成分資料會係布辦卡上列明



好似呢塊布料咁, 有部分係羊毛, 仲有尼龍及阿加力



仔細睇下可以見到各種織法及針線, 真係好多野學



仲有靚靚布辦, 聽講類似歐洲款式舖排, 果然好pro!!



上堂中見到fashion illustration既阿may同我既朋友coby, coby教左我唔少布料上既知識, 多謝你. 但見唔到我兩位朋友kate既? 唔通佢地唔記得左返學!?

突如其來的計分!?

今日第一日返一科叫做material既東東, 即係布料堂. 本來普通教下書, 阿sir黎個自我介紹都冇咩所謂, 就算認識毎種布料特性, 都冇所謂. 但...點解一開始要我哋燒布料, 睇下布料fibre燃燒快慢, 有冇熔到, 燒既毛頭咩色, 就要我哋分果隻係咩布料, 仲要玩下計分!? 仲要玩埋五人一組, 結果六條fibre, 只係答岩一條, 四分只係得一分, 簡直係挫敗!!

除左呢樣外, 仲有一份報告, 要搵最近五年之內出既布料, 都唔知點搵好....正在苦惱中=_="