港島區自由行

今日同joejoe一齊請假, 可以一齊周圍去行下. 呢次去港島區既上環, 中環及北角, 雖然去既地方唔太多, 但覺得自由自在周圍行, 感覺好舒服



首先係九灣城坐渡海小輪過海先, 唔係好多人搭船, 超正



終於出發啦, 先同joejoe影返張合照先



終於到左北角碼頭, 見到架好特別既遊船



到左北角之後, 見到間全部都係播粵曲既戲院...



仲要試下有出名既北角雞蛋仔, 見到店舖貼滿明星相已知



終於買到啦, 要同雞蛋仔影下相先, 呢張相唔錯, perfect!!



都影下joejoe及雞蛋仔先, 睇佢幾大食, 但個樣都幾可愛


食完雞蛋仔之後, 又比我哋等到酒樓既下午茶時間. 見到價錢都幾抵, 岩哂我哋兩個慳錢既人



酒樓個名都好似幾架勢咁, 仲有各飲茶優惠



間酒樓真係好靚, 全部都係豪華裝修



連等侯區都好靚, 成張梳化比你坐



酒樓不但靚, 而且食物也好味. 呢個羅白榚雖然只係七元, 但好多羅白絲, 好軟及好味



呢個拍瓜海折都唔錯, D瓜好爽, 少少spicy, 好醒胃



呢個素腸粉真係好滑, 直頭會"線", 超好味!!



牛肉都算ok, 不過不失



飲完茶就坐一陣. 今日天氣太熱, 果度好夠冷氣, 一於再坐多陣. 間酒樓都算大, 但人唔太多, 好在冇趕客既情況, 可以慢慢坐. 坐完之後再搭地鐵到第一站: 西港城



香港果然好細, 連巴士及叮叮都一齊行



終於到左西港城, 外表建築好靚啊!!



既然咁靚, 就影返張相先, 都算唔錯啦~



joejoe呢張都算ok吧!? 構圖果然要努力!!



入到西港城內既大堂, 見到好多外國人影相呢!!



大堂附近既電話亭及胡桃夾子既擺設



西港城既小型模型擺設, 本來三樓既宴會廳因有人擺酒而唔可以影相



仲有好靚既樓梯, 聽講好多人影結婚相都係度影相



從二樓影到大堂, 可以見面特別既彩色玻璃窗



靚靚既一間花店



好羨慕可以開到間時裝店, 如果都可以開到間就好



本來想搵永利街, 但始終都係唔知係邊, 最後去左一個叫做"香港醫學博物館"既地方, 但呢個地方要行上山, 天氣咁熱, 真係好想死. 但見到果度都幾靚, 咩都值得啦!!



外觀真係好靚啊, 即使入場費要十元, 五點就關門(我哋去到已經四點幾), 都要入去睇下



哇!! 有人解剖啊!! 原來只係模型, 講述研究鼠疫既疫苗



其他疫苗既資料及實驗室擺設



仲有古色古香港既紅木傢俱任我哋兩個坐(因只有我哋二人去參觀)



仲有介紹中醫既房間



幫隻牛打針!? 都只係模型, 不過真係見到既話都幾驚



joejoe睇牙啦, 不過見到開心多過痛苦



行左一個鐘都冇就關館, 講真真係認識到好多知識, 甚至係生bb既過程, 睇黎真係幾驚險, 同埋自己都覺得幾恐怖, 睇黎都係遲d先算啦....之後到上環附近行下, 見到好多特色既店舖及酒店, 真係要影底佢地先~



咁靚既外牆, 其實係一間餐廳, 好想影入面, 但老闆係度, 唔好意思影



如果中左六合彩, 一定會整呢間fashion workshop, 見到入面有個靚女鬼妹



係一間酒吧, 入面既裝修好華麗, 仲有好多外國人



咁靚既地方, 係一間酒店, 如果可以坐係度影相, 超正!!



茶餐廳見得多, 咁架勢既茶餐廳都係第一次見



我哋由上環行去中環, 途中見到個靚廣場, 又到附近坐下



廣場既樓梯都幾靚, 好有歐陸味道



同joejoe再影張合照先, 應該話加埋雞雞袋先岩



終於去到SOHO區附近, 途中望到呢座大樓, 都幾靚





呢度環境唔錯, 等joejoe及我影下相, 留為紀念都好







到左soho區, 到處都係裝修豪華酒吧, 仲有好多外國人



遊覽完中環以後, 我同joejoe再搭電車到北角食晚飯, 搭到總站都冇人



連雞雞都覺得悶, 出黎影相先



最後由雞雞介紹我哋食晚餐既餐廳, 就係專門食焗野既新森林焗之專門店



我哋二人既餐湯, 我果個其實係cream湯, 唔知點解係綠色



我哋二人既飲品, 我既係熱朱古力, joejoe係凍奶茶



馬拉盞炒青口, 不太鍾意青口既我, 都食左兩隻



仲有呢個煙牛肉焗天使麵, 都幾好味, 唔太肥膩



仲有同場加映既疊疊雞, 加埋碟送都幾可愛



呢個煙牛肉烤餅超級好味, 個烤餅真係好脆, 個汁都好好味



唔知係咪真係呢個食法啦, 先擺烤餅係底, 之後再擺牛肉及塗上醬, 完成



食完飯之後齊齊去搭巴士, 又可以同joejoe一齊搭車呢!! 上到車之後, 先記得我係堂上同coby織既一塊布, 一於拎佢出黎影相先



好like呢張相, 影到好似架妹一樣呢!!



變左架妹既秘密, 可能係呢個眼妝, 化左好耐啊, 大成功^^

終於出左相啦, 辛苦哂joejoe

之前同joejoe去城門水塘影相, d相終於出左, 連我自己都覺得輯相好靚, 果日辛苦joejoe同我周圍行, 又拎住單反機周圍去, 但果日影得幾開心~而家po住少少出黎先. 同時也多謝joejoe係放假期間, 即使第二日要加班, 也汁相至零晨兩點, 好感動呢!!





最鍾意既係呢輯用red rose及天使做主題既相, 覺得靚到都唔知自己



呢部分既相命名為angel dance, 覺得好似跳舞一樣



呢張相既感覺都唔錯, 光源又夠, 真係有點似天堂感覺



好鍾意呢張相既純潔感覺, 同埋感覺好平靜





陽光及樹林和天使感覺幾相近, 但如果可以用photoshop加工到羽毛就好



除左天使為主既一輯相之外, 仲有一輯以森女為主題既作品



也鍾意呢張相既感覺, 多謝joejoe汁得我咁靚



好鍾意高傲既感覺, 不過會唔會感覺太串呢?



呢張相都唔錯吧!?



其實呢兩輯相, 個人都幾鍾意, 希望之後會有更多好既作品吧!? 既然有心機影, 功夫一定要做足. 而自己也唔係專業model, 只係影心目中想影既作品, 所以都唔會po去其他攝影網站比人睇, 只係我們二人既相簿, fb及blog內就ok, 希望各位朋友睇完之後唔好po到其他地方, 謝謝!!

去workshop上堂

其實今日上既係knitwear design, 今日要去織布, 聽落都幾得意. 我都係第一次去上堂, 見break既時間, 就去周圍影下相



好大既地方, 其實係比人用黎行catwalk用, 果然係個活動既地方



仲有羊毛既展覽, 有羊毛既種類及等級, 自己終於識分啦!!



仲有好古老既織布機, 感覺幾得意



唔知係咩機黎呢? 不過見佢好搞鬼, 都影底佢先



呢次我哋用既織布機, 呢次織針織布, 可惜我個相機冇電, 唔可以影咁多, 好可惜啊!!



我同我既朋友coby一組, 起初我哋都織到姐手姐腳, 連穿線都唔識, 機器又成日卡住, 但後來終於織到啦, 仲織到靚靚地, 真係覺得好玩到唔捨得走, 唔緊要啦, 可以試一次, 已經好開心. 最後塊布由我袋住, 等遲D再影比大家睇下^^

牛仔褲展覽

海港城最近又有個海港城展覽, 呢次係edwin既牛仔褲展覽, 雖然未完成布置, 但都有部分人影相, 當然我也唔例外



edwin牛仔褲五十周年展覽會場正面



吊起條牛仔褲好搞鬼, 但也令條牛仔褲好突出



另一條牛仔牌也掛得好特別



要返學啦, 唔好掛住影!! 返到學校又要聽書, 仲要計埋唔同類型既布用幾多紗線, 真係眼訓都暈, 加上佢又要照notes講, 睇埋d唔知咩片, 真係好悶, 好想快d返屋企休息下, 應該話我寧願返屋企休息, 都好過係度聽埋D唔知咩野. 不過好在連續三個星期二都唔使返學, 終於可以休息一下

放假又加班!?

今日係我妹生日, 先同佢講句生日快樂. 但又要返工, 諗起真係悲哀...不過都冇辦法啦, 除左離開呢間公司外, 也冇辦法唔係5月1日(今年係2日), 7月1日及10月1日返工



又到lunch時間, 也係最開心既時間, 今次去左間茶餐廳, 間茶餐廳格局幾得意, 兩部電視就播住無線及亞視, 但又播英文歌. 雖然話潮流興crossover, 但咁樣實在太奇怪吧!?



叫左食物, 但又未到, 於是同Ami拎隻波波雞出黎影相, 都估唔到我咁低b吧? 不過唔緊要, 至緊要自己開心就得, 果然係我行我素呢..


雞雞終於有個伴啦!! 兩隻雞雞一齊影, 仲要係西檸芝麻雞度影, 正!!



仲有呢張擺係皇冠附近既波波雞, 唔通係波波雞王!?



餐廳附近既環境, 感覺都幾舒服



叫左碟乾炒牛河, 味道唔錯, 也唔太咸



仲有咖哩班塊, 個班塊超好味, 但咖哩汁似乎太粉



仍然都係咖哩, 不過呢次係牛腩, 但我唔太鍾意食牛腩



仲有呢個揚州炒飯!? 個賣相都算唔錯, 但似乎太咸...



呢個係我叫既海鮮炒河粉, 因為我想食濕炒河就叫呢個, 咁多個之中我覺得最好食


食完lunch之後, 又要再努力工作!! 一直做到夜晚, 又食dinner(真係唔想食...), 最後我都係挑戰大胃王, 再食成個豐富既餐, 簡直痴線


都係呢個平時加班一定食既餐, 真係夠哂豐富, 真係食到即刻有個肚腩


最後要成點幾先放工, 唔好誤會, 唔係下午一點, 而係深夜一點, 搭的士返屋企, 聽日又要返工, 又要返學, 真係唔知點算..