對於nude既睇法

近排係網上見到位女model影左輯nude, 佢仲好自豪同佢其他人講, 讚佢男友化妝又好, 攝影技術又好; 而佢位男友竟然唔介意女友既nude比人睇之外, 仲搵男model唔著衫同佢女友影....男女係邊個, 我唔多講, 反正我都唔認識佢地, 我只係想講下呢件事既感受:

首先係女方, 我唔知佢用咩心態影, 可能佢想出名, 希望接多d job搵錢吧!? 冇錯, 佢而家唔後悔, 甚至引以為傲, 覺得唔係毎個人都夠膽影; 定唔知佢係咪太自大,覺得自己好有料, 但佢日後真係唔後悔嗎?? 狄娜及舒琪已經係個好例子, 即使佢哋已經從良, 但其他人總會搵你過去做過既事黎講, 不斷地評擊你, 對自己及身邊既人形象都唔好啦!! 尤其係想做model, 見到你影過呢類相, 再加上佢果副外表, 仲唔掉頭走咩, 除非佢第時向三或四級女星進發, 咁就有希望既....

至於個男友, 我簡直覺得佢唔岩啦!! 講真佢真係錫自己女友, 點會捨得比女友影埋呢d野及比人摸, 無論係邊個提議影nude都好, 到最後受傷既一定係個女仔, 點解佢連保護女友呢d野都唔識!! 普通男仔見到女友比人摸都會唔開心及緊張啦!! 我想知佢個良心係邊?? 本來我已經開始原諒呢位朋友, 但影完呢輯相後, 覺得佢同出面既變態影師冇咩分別, 令我對佢越來越失望, 也好慶幸可以離開呢個人

好在joejoe見我低胸少少, 又或者裙短少少, 已經幫我遮住, 仲成日留意有冇其他男仔望我; 以及佢唔比我影內衣, 泳衣及nude; 見到同其他影師去酒店影相(雖然最後都冇), 佢都擔心左成晚, 所以我可以係度講, 我覺得有呢個好男友係我既幸福及榮幸, 找到個真正愛鍚自己, 保護自己既另一半, 難上加難, 我會更加珍惜佢及鍚佢, 同樣地, 我都希望佢唔會受到傷害, 而我自己也努力唔去做d傷害佢既事, 希望大家可以長久及sweet落去~

其實佢哋兩人只要一方唔同意影, 根本唔會有呢輯相, 可以影得出呢輯相既三人, 佢哋性格如何, 可想而知了

唉...終於要返工

連續五日既假期終於放完, 又要準備返工了....希望咩事都冇發生, 唔好比人鬧就好. 最後就咁過一日, 冇咩事發生, 而且冇咩驚喜

始終都係同朋友, 屋企人及男友就最開心, 不過都冇法啦, 始終都係要錢, 為左兩餐冇法啦...

就咁打完一篇.因為真係冇野發生, 公司又冇野發生...

同joejoe 去長州單車之旅~

終於可見到joejoe啦!! 有成幾日冇見佢, 太~~掛住啦!! 一見面大家都好開心, 即刻拖起手黎, 之後去左吉野家買早餐, 之後大家上船食, 最後我叫左個細煎雞飯, joejoe就叫左細牛肉飯, 大家毎人拎住一個飯去搭船^^




我哋二人既早餐~~呢次真係唔方唔[最掂(當)]!? 因為我哋上船差d冇位食, 我哋買左豪華位, 點知因為太多人變左坐普通位><

去到長州後, 先見到實在太多吧!? 而且真係多到好誇張!!! 除了租個地方休息下外, 之後就係去踏單車~我哋租左架家庭車, 可以兩個人一齊坐來sweet sweet!! 由一點幾踏到五點, 都係只係五十元, 又幾抵玩喎!! 於是我哋踏單車出發去唔同地方!!




雖然我唔識踏單車, 但我竟然識踏家庭車, 連自己都有d意外呢!? 而且我仲經過市集, 踏到joejoe黎呢個山路架, 雖然唔覺意撞到野比人鬧, 但都幾好玩^^




不但識得踏, 而且仲做埋d騎呢樣, 自己小心d踏吧啦!!! 搞埋咁多野=.="




之後到joejoe影相啦!! 佢話自己冇踏過, 呢次係第一次, 都唔錯喎!真係似模似樣><




joejoe都有擺下搞鬼pose架!! 不過比我正經好多, 我果然仲係細路女黎呢=.="




當joejoe載住我時, 我忍唔住影一影下相, 見住佢努力咁踏, 覺得佢好型呢!! 加埋外邊既風景, 簡直係一流呢^^




見到一個全部都係黑色石既公園, 又好似幾得意咁, 落車睇下先~




公園內好多呢類型既黑椅子呢~我同joejoe踏單車累了, 就去坐坐先! 估唔到都幾舒服喎!!






黑石公園對住個海既, 而且景色都唔錯, 等我影返張相先~




公園既另一邊, 我都故意影底黑色石, 比人知道係呢個地方麻~不過係石上竟然見到蜥蝪仔, 好核突><



仲有一個用石春圍住黑色石既小石地呢, 又似乎幾得意咁喎, 等我走去影返張相先~




睇下我個裝可愛樣~連我自己都受不了, 都只係post 上呢個blog度算數...XD




企係石級邊仲咁開心, 小心碌左去後面呢!! 點解我毎次都擺[V]字手勢既=.="



睇黎joejoe比我更加開心呢, 點解?? 你睇下佢個pose咪知^^




joejoe比我更適合做model, 你睇佢擺個pose就知道啦!! 我特登只係影株樹, 大家覺得襯嗎?




呢個係叫做五行石既地方. 和黑色石公園相反方向, joejoe載我黎呢度架, 全程辛苦哂你><



joejoe個pose好搞鬼啊, 總之我都跟你擺, 擺個同你相反方向架啦><




等我都擺返個pose先~呢個真係似私影啦, 連自己都like呢個pose^^




頭先石壁再行過少少既仙人掌, 好似好吉咁, joejoe仲摸佢, 嚇到我叫joejoe收手><

之後同joejoe一直行, 見到有好多石, 再行出d比我哋見到呢個地方, 我哋都叫人幫我哋影返張合照先~




呢舊石就係我哋原路返去拎單車時經過既, 有d女仔都唔敢爬架, 我就膽粗粗走去影~




我仲企得好自然添, 不過因住跌落去啊!! 其實我後面係遮住兩個釣魚既人架!!




大隻佬joejoe啊!! 全日影左咁耐相, 真係最like呢張!! man得黎又有d搞笑???




呢個涼亭就係我哋回程拎單車時影既, 因我哋去五行石時, 有好多人係度影相, 到而家先至冇人, 我哋即刻去補影~




joejoe幫我影得好靚呢!! 咁當然唔係指我, 係指個構圖!! 我先唔會咁自大...XD




我都跟住joejoe既角度去影相先~不過我就影得麻麻地, 應該係斜少少影吧><"

咁就玩到四點幾, 踏單車過去還車就差唔多. 我哋休息左一陣, 真係累到訓左個半鐘頭教...之後再去食晚飯, 又唔想毎次都食粥, 於是到碼頭邊行行, 見到有間叫做[離島式茶餐廳], 個名又幾得意喎, 加上食物又好似好平, 於是走去試下~




可以對住個海食飯呢~我一直都好想架, 覺得好鬼死正及舒服!! 呢次終於比我恨到啦!!




最後我哋叫左兩個晚餐, 都只係三十幾元. 呢個係我哋既餐湯及蒜容包, 我個白湯有蟹柳, 都幾好飲架!!




我同joejoe既兩人晚餐, 睇落去都幾好味!! 而且仲好熱, d煙把我部傻瓜DC既鏡頭薰到濛




由於我下午飯都冇食, 所以叫左呢個咖哩什排意粉, 有豬排, 雞排, 火腿及腸仔, 伴菜仲有中華沙律及牛油栗米, 真係超好味!!!




joejoe叫既磨菇汁豬排意粉. 我見joejoe都差唔多食哂, 應該好味吧!?




我哋餐後叫既飲品, joejoe既係凍奶茶, 我叫既凍choco!! 我果杯竟然少冰d??

食完飯之後本來仲想食dessert, 點知已經飽哂, 惟有下次再黎食過啦!! 呢個餐果然好夠料呢!! 只係三十幾元!! 最後都係要搭船返出去中環, 聽日又要返工, 真係唔捨得呢個開心既假期呢><

同Liz, 嘉華, 寶妮及酸梅聚舊

真係好耐冇見呢四位好友呢^^....本來約埋菜菜, 但佢又唔黎得, 只好下次再約吧!!

呢日係先去鑽石山拜我祖父母, 估唔到清明正日真係多人成咁, 車及人都要排隊, 真係人多車多, 至怕多人既地方...毎個人都迫黎迫去, 好在都唔係拜太耐, 大約一個鐘頭吧?? 之後全家去食飯, 再到我姑姐屋企休息~

liz約左我三點半係荔枝角地鐵站等, 由於我掛住訓覺既關係, 足足遲到左...十分鐘, 咁多位唔好意思呢!! 呢次係去酸梅屋企, 對於從未去過既我有d好奇, 更加想睇下佢屋企係咩樣...XD



去到酸梅屋企既杯杯, 卡哇伊呢!! 尤其隻啡色熊仔杯~~真係好想拎佢返屋企^^



酸梅床頭既公仔啊, 有我至愛既鬆弛熊!! 女仔果隻仲要係兔仔版, 激love>3<



特別整個女版鬆弛熊既close up睇下先!! 就算冇, 都可以影相黎睇下麻~~



liz拎左上次我哋一齊去影畢業相既相簿比我哋睇啊!! 個影師都整得幾靚喎!! 可以永遠比阿liz做紀念呢^^



其中一張同liz影既相, 好like呢張啊!! 兩個都好自然, 而且睇落去係對好友, 有意思!!



去到酸梅屋企玩緊呢副大富翁紙牌, 起初以為佢唔好玩, 點知玩落又幾刺激, 幾好玩喎!!



全副牌有咁多隻, 包括地, 錢及一些行動卡去奪取人既土地及金錢. 只要儲齊三套同色既地就win啦!!



大家都好聚精會神玩啊!! 諗緊點樣儲齊三套, 梗係希望自己可以win啦!!



枱面有好多地及錢呢~~仲有大家出緊既行動牌, 一於努力去搶人地啦!! 好緊張呢><



終於玩完!! 五個人各自win左一舖, 可以話皆大歡喜啦, 由於酸梅要拎機影, 唔可以影張完美既大合照, 有d可惜...



係臨走之前酸梅同寶妮影返張相先~寶妮兩塊面紅卜卜, 好cute啊^^

本來未去酸梅屋企之前預約左間日本料理食飯, 因個sabu sabu自助餐都只係五十幾玩, 但酸梅話間野麻麻地好食, 於是我哋五位搭的士出去深水步食飯, 最後搵到一個日本料理餐廳食飯, 好肚餓呢><



去左一間叫做佐賀既日本料理, 出面裝修都唔錯既, 但因為我既攝影技術實在太差, 先會影到咁既樣=.="



佐賀既正門, 出面有塊玻璃門, 不過唔係自動, 要用人手推既!!? 好似有點奇怪...



餐廳內既裝修呢~~ 呢個係四個人既位, 望落去好大, 其實唔係咁大=.="



我哋座位係近廚房既, 呢個係廚房外既兩塊布(!?), 我見都幾特別就影底佢><



我哋座位附近既另一角~本來有幾個外國人坐係度, 都係要等佢地走哂先可以影><



我哋既食物終於到啦~~首先係壽司, 分別有三文魚, 吞拿魚, 玉子及蝦, 三文魚及蝦都幾好味既, 但吞拿魚真係唔得, 好難咬開=.="



24元既厚切三文魚刺身, 果然係厚切呢!! 一塊等如出面餐廳既三塊, 好好味, 呢個都幾抵食!!



仲有三文魚沙律及蟹子. 不過蟹子又幾靚喎!! 沙律三文魚又幾好食, 我仲食左兩件!!



鰻魚既石頭窩飯, 唔知我係咪受唔到佢陣味, 食食下竟然想嘔(!?), 最後我都係冇食到, 真係哂啦><



呢個餃子拉麵都唔錯, 幾好食!! 同時也多謝咁多位朋友, 知我食唔到石頭飯, 特登比多d呢樣我食, 感動中><""



呢個鍚紙包住既係咩黎??? 仲要用鐵板裝住咁巴閉? 等我哋拆開黎睇下先~



終於揭開左啦~就係什菌. 我都幾like呢樣食物, 都幾好味, 而且仲清清地, 少d肉仲好^^

食完飯之後嘉華要幫佢媽媽去萬寧買十盒特價既EDO人餅, 睇黎佢一個人拎都幾重咁!! 好在寶妮幫佢拎下....之後去深水步食dessert, 本來想去一間叫[糖伯虎]既地方食, 但實在太多人, 要等到號碼十號先有位, 最後只可去一間叫做糖水佬]度食...



哈哈~其實只有我果碗先至有佢既招牌!! 見幾得意咁, 一於又影!!



係叫dessert時我媽叫我記得比家用, 好在我一早諗家食咩, 就係薑汁撞奶!!



d奶都燉得幾滑既~可惜冇咩薑味, 加上個奶又淡淡地, 所以都係麻麻地好食!!

食完dessert之後各自回家, 我就返到深井先至拎家用! 同埋可能我真係太耐冇搭巴士52X返屋企, 西九龍中心個站原來冇左, 因為架巴士既總站本來係西九龍中心, 但後來去左旺角. 要去到麗閣村先有車搭, 真係慘=.="