行三棟屋散下心

自己比人炒; 爸爸個腎又有事, 有機會同麻麻以前一樣要洗腎; 加上要幫公司手工作. 短短兩個星期發生左好多事, 自己開始覺得累, 同時也唔開心, 唔想成日留係屋企, 但自己又冇錢唔可以周圍去, 於是去附近既三棟屋博物館睇下

今日天氣唔錯, 又有太陽, 又有風都幾舒服, 和天文台所講既陰天好唔同, 早知今日就同danny去影相, 點知佢又約左其他朋友, 惟有下個星期啦...



村巴落車再行五分鐘到, 終於見到個博物館啦, 睇下佢有冇開門先, 因佢有時會休息...



上次放工我諗住黎, 點知已經關門, 而家終於有開, 可以入去睇下!!



一入博物館就見到呢個牌坊了, 仲可以見到入面既門及燈!!



係牌坊外既燈, 好古色古香, 有d似中秋或元宵既燈呢!!




首先從右手邊既房睇起~係一個介紹荃灣由來既房, 陳姓一家由內地搬到荃灣居住, 之後就係荃灣發展既歷史. 呢個就係而家三棟屋既全景模型




之後就漫無目的周圍行下, 見到一間以農村為題既屋, 仲話[歡迎體驗農村生活]及可以拍照, 賁在太好啦!! 呢個係客廳^^



客廳內既枱及椅子, 仲有碗快, 睇黎就黎食飯囉!!簡單既家私更加突顯原始風味!!



有個裝飯既木桶, 碗, 碟及快子. 同而家食飯所用既廚具都相同, 只係呢d比較古老吧?



呢個就係裝飯既木桶, 呢個就係傳說中既飯桶咩!!?? 不過都幾得意咁喎~



碗快既close up ~快子都冇咩點變, 碗而家都有係粥舖見過, 不過都少見啦!!



古老既櫃~仲擺左好多兒時玩具, 上面擺D比較重要既東西唔比小孩拎到吧?



呢個也係飯廳嗎?? 真係唔知啦, 見佢又有碗, 可能係招呼客人既客廳吧??



同岩岩見到果個飯廳一樣, 都係有碗快, 應該都係食飯用吧??



之後去既地方係...睡房!! 睇黎係另一個有特色既古舊地方!



都係最有興趣影張床~呢張草席我都用過, 而白色呢個係蚊罩, 唔比蚊飛入去~



以前都見過婆婆用既足扇, 估唔到呢度可見返!! 不過塊藍色布用黎做咩!!??



去完睡房之後再去廚房睇下先~好似古裝片一樣, 都幾得意咁, 等我入去睇下先!!



煮食用既大桶呢!! 睇黎可以煮好多個人既分量!! 仲有其他木做廚具~



除左大型既煮食用品外, 當然也有D比較細既, 分別有細既煮食爐及廚具~



就係呢個爐及個煲啦!! 見過煲中藥或涼茶都係用呢個!! 個煲好耐都見過~



古老既爐及煲~呢個煲用黎煲粥及整煲仔飯超好味, 但而家已經唔再見呢隻煲整出黎既飯啦...真係可惜...



以前既米缸吧!? 真係好大個啊!! 我以前祖母屋企都有一個, 但搬左之後冇見囉



之後去左一個古代結婚為主題既房, 我竟然見到有人係果度私影!!?? 唔係掛, 果度咁細又冇景, 有咩好影??=.="



以前提親時所用既道具及物品, 不過有繩圍住, 唔可以太近觀賞, 真係可惜.....




提親當然唔少得就係頂橋~也係我古代結婚儀式之中最like既物品^^



哈哈~唔記得佢叫咩名, 只記得佢係裝住公雞及母雞一隻, 湊夠一對吧!?




過大禮時既餅盒吧!? 而家真係方便, 只要一張餅卡就可以周圍拎餅, 以前既人辛苦了=.="




過大禮用既酒程及提藍~睇黎古代人都好重視結婚, 好多物件要準備, 始終人都只結一次婚吧!?



再之後去左一個關於香港種米既專題博物館, 一共分幾個展區, 呢個係講述香港種米既歷史~呢個係運米既過程~



上面張相係毎個運米工人運一包米會有一支簽, 用支簽黎計糧既; 下面張相係香港以前既米舖~



以前米舖賣米既木桶, 牆上仲有插在唔同類型米, 地區及價錢既簽, 而家已經沒有了..



木米桶既close up!! 個米桶又真係幾高及幾深, 唔係點裝米去賣喎><



米簽既close up!! 估唔到米都有咁多種類, 而且價錢都幾貴下喎=.="



第二個展館係講香港以前米田所在既位置, 原來香港以前都幾多地方種米. 我哋遲出世既人習慣香港既城市生活, 又點可以想像一片田既香港?



曾經山火既八仙嶺, 估唔到以前係一片水稻既地方!!?? 而且田既面積都幾大呢!!



估唔到連荔枝角及梧桐寨都係米田!? 好難想像而家既荔枝角以前係咁既樣=.="



最後一個叫做[萬花筒]既展覽館, 係講述荃灣既過去, 由一個以耕種為主既地方變成都市既故事. 我對古代既荃灣比較有興趣, 可能係未見過吧?



以前既廚房~係四個盆內分別展出荃灣出名既小食, 分別係米餅, 杏仁餅等等四款食品, 但呢度其實唔比影, 所以冇影到><



以前香港以製衣業為主, 也生產唔少種類既布料, 主要係錦, 粗紗, 筒子紗及布料~

本來仲想影下我係個博物館到此一遊, 但又費時人同我影, 加上我又唔like睇人影私影, 所以到最後都走左, 去附近商場行陣就返屋企休息下, 諗起聽日可以見到joejoe就好啦^^

突然的巨變!?

琴晚半夜起身, 隱約聽到姑姐問爸爸係咪唔舒服, 但我當時太眼訓就訓左...直到第二朝, 我媽媽先同我講, 話爸心臟有事入左院, 要返公司幫手工作及湊姪仔. 本來訓緊既我都即刻起身, 梳洗後就返公司. 返公司之前都食份早餐先~




去到一間叫做銀龍既茶餐廳~可能係香港既特式, 加上全個屋院唔多呢類餐廳, 所以特別受歡迎




影到我媽及姪仔, 姪仔仲好smart咁擰轉面!! 間餐廳都幾靚既, 不過d食物就貴左d=.="




dede等食野既呆樣~好傻好cute啊, 我呢個姑媽又忍唔住影相><



最後都只係叫左碗麵及飲品, 都已經要二十元. 加厚多士要3元, 加雙蛋要4元, 炒蛋5元, 呢間餐廳食野果然貴呢...

原本係返公司工作, 點知醫院打電話黎, 話爸爸竟然要洗血!!? 嚇到媽都唔知點算好, 問我應唔應該通知姑姐, 我覺得媽媽多個人陪佢好d, 於是叫左姑姐請假同媽一齊, 而我就係公司湊dede及接其他客既電話. 最後dede玩累, 我又開始累, 貨又遲左交, 不過都有公司好好心, 問我爸而家身體點樣, 但自己又唔想講實情, 惟有一句[OK]就算

佢哋終於返黎, 大家叫左飯分黎食後, 又繼續開工, 做到咁上下, 全家一齊去探爸, 見佢換左血之後情況都麻麻, 依然要插住喉, 可能我從未見過爸咁辛苦, 係我心目中佢係鍾意周圍去釣魚及同人傾計既人, 都未見過佢呢個樣, 自己心內覺得難過, 但又唔知講咩好, 惟有呆呆地企係度望住佢, 幫佢扔垃圾. 後來我妹, 我細佬及弟婦都黎埋, 大家似乎心情唔太好

探完病之後大家餓了, 一齊去食晚飯, 呢日雖然我食得唔太多野, 但都冇胃口, 只係食左粥及腸粉就算...



我既晚餐: 皮蛋碎牛粥及淨腸粉, 雖然有D未飽, 但又唔知點解唔想食....

食完飯後再同媽返公司幫手, 工作至差唔多十一點就走, 媽因要趕貨要留係公司度做哂所有野, 辛苦你啦, 媽咪....

同時我也做哂我爸平時係公司做既所有野, 包括聽客人電話, 送貨及取貨, 開單, 收錢, 同時也幫我媽手切O麥, 先知爸以前係幾咁辛苦. 同時也係工作之中學識做生意原來咁辛苦及難, 但仍然樂在其中, 可能係搵既錢係我哋既特別緊張及關心吧, 同時也唔使係出面受埋D變態女人既氣; 同埋呢間公司係父母不停地努力工作養大我哋三個, 佢哋曾經付出唔少心血及努力, 所以我也希望可學識點做生意, 有機會既話繼承佢哋呢間公司!!!

要返爸公司幫手

本來係屋企hea緊, 點知媽一個電話黎, 話爸唔係咁舒服, 要返公司幫手, 我也只好即刻換衫及梳洗後, 再搭村巴返去幫手><



一返到去公司(後面似乎好亂呢, 又唔似公司=.=), 見到dede(我姪仔個花名)係架學行車度唔上唔落, 好搞笑, 一於影底佢先~

返到去都係幫下工作, 而且仲要去一個客人度拎貨, 估唔到佢間公司都幾遠, 而且仲好偏僻, 我都係問人先至搵到...




呢座大廈就係客人既公司所在, 比兩座工業大廈夾住, 都幾難搵=.="

一入到去客人公司, 全部都係印刷既油味, 都幾臭呢...入到去有個辦公室, 就係拎貨既地方. 拎完貨之後就返自己公司, 有d貨要趕呢, 要加油! 比心機><

灣仔@見工(4) with 同joejoe食午飯

呢日要去到灣仔見工, 本來我搵既工多數係荃灣及葵涌一帶, 因為我近我屋企及我父親間公司麻!! 但呢次竟然搵到咁遠都有, 可能係搵左d [not specify]地點既公司吧?? 不過好在果度同joejoe返工既地方咁近, 咁都好d^^

不過白痴既我拎左相機, 但又冇電, 整到影唔到相比大家睇, 就連joejoe返工既地方都影唔到, 真係可惜呢!! 用手機影左, 但又唔知點解過唔到我既電腦度, 真係失敗, 睇黎我拎相機時要確保佢有卡及有電先得!!! 自己真係大頭蝦!!

見完工之後同joejoe食飯, 雖然大家都只係麥當當既一個巨無霸餐, 但已經感覺好sweet及開心呢, 因為真係好難得大家可以一齊係平日食lunch!! 都係簡近joejoe返工既地點食飯, 之後手拖手去到joejoe公司樓下><

joejoe離開時, 佢比錢我幫佢買一條六合彩, 自己又買左, 不過都係唔中頭獎呢!! 睇黎我哋都仲有排捱, 真係苦命人..

p.s. joejoe終於見到我個OL look啦, 自己有d難為情><

出任陪審員!!!???

離奇!! 呢件事實在太離奇啦!! 冇可能發生係我身上, 就係....我今晚收到一封政府既信, 未拆之前真係有D驚架, 我冇理由犯左罪自己唔知架, 都係拿拿聲拆左封信睇下先><




就係呢封信啦!! 咁官方, 而且仲有d咩條例, 好正式到得人驚....



原來係陪審團既信, 嚇得我呀!!! 唔係...應該係好驚嚇, 點解我可以做到陪審員既!!?? 我果然係好黑仔=.="



背頁仲要係中文版黎!? 好在有呢個中文版, 小女英文唔係太好....XD

係信內附有關陪審團既條例比我慢慢睇, 分別係出任陪審團既資格及括免既組別. 呢封信係比你知道自己姓名已在陪審團名單上及必需在被傳召及獲遴選後出任陪審員(原來都要遴選既, 即係自己唔係一定要做啦!!), 也唔可以唔識中或英文而拒絕作陪審員

在毎個聆訊日電腦會隨機抽樣若干人士, 即係第時我會第時有機會收到傳票及到庭遴選. 如果真係傳召我出庭會係三個星期前通知我??

睇黎真係冇得推咁, 咁就弊啦!! 而家惟有希望唔可抽中我上court啦...連工都未搵到, 飯都未必有得食啦, 仲要上庭做陪審!? 真係一波未平, 一波又起=.="

鎬衣衛．大漠判官

近排錦衣衛出左dvd, 不過我冇買到, 走左去download. 我不嬲睇開西片, 點解我突然對港產片咁有興趣呢?? 主要原因係...因為吳尊個look好型仔, 我果然係因為靚仔而睇既..有點鄙視自己啊=.="



錦衣衛之中吳尊既海報呢~!! 而且仲有埋佢戲中既名[大漠判官], 超型啊><



戲中有好多佢既武打場面, 呢個係其中一個, 係尺手空拳既^w^



除了尺手空拳外, 佢也有把好似刀既飛鏢, 應該話似回力鏢之類, 感覺更加型呢!!



平時佢唔會用回力鏢, 把回力鏢收起之後就係把刀, 都係呢句, 型到爆><""




係大漠度既佢都好型啊!! 我都好想同佢一齊周圍去冒險!! ...我估joejoe實唔比我去..XD




大漠判官(土匪)中戰爭既樣啊!! 係同徐子珊最後一戰既樣, 好有殺氣, 自己好喜歡^^




見到佢隻手流血, 自己有點心痛呢...自己睇戲果然太投入, 即使佢知道自己有機會輸, 仍然會堅持打落去. 男子漢的堅持, 感覺佢好堅強及好man啊, 係我心目中夢寐以求既人><

雖然佢既高傲, 好戰(懂打架), 好膀, 冷皓, 聰明及外表係我心目中既理想類型!! 而且我發夢都有佢一直係旅程中保護我, 但畢竟都只係戲中角色, 唔係真有其人, 大漠判官都只係一場美夢... 況且都有joejoe係我身邊, 只要佢對我好就得啦^^