全家去見醫生?

係見醫生前先去大快活食早餐及等我細佬係屋企黎荃灣, 之後先一齊去見, 了解我爸爸既病情及治療方法~




我叫左個煎蛋, 吉列魚柳!! 吉列魚柳仲要有檸檬汁整落去及沙律醬, 使唔使食到咁高級啊???加三元多個雪菜肉絲米, 都幾好食既, 不過就貴左d><




近睇個蛋煎得幾靚架!! 而且仲係半生熟, 我至愛食~加上個魚柳又煎得靚及面上既檸檬, 都幾好睇既!!


今早同我姑姐, 媽媽及細佬四人去聽醫生既報告, 情況似乎唔係太樂觀, 話我爸既腎功能只有6%至7%的功能, 即係唔可以正常去排出身體內既毒素, 使毒素聚積係體內, 普通成年男人只係55-100度, 我爸竟然有二千度!!!? 最近留係醫院內洗血先好d, 已降至千二度, 都仲係好高...睇黎只有一條路可以行, 就係做一個腹膜透析既手術, 也俗稱[洗肚]

即係[大 部 份 腎 衰 竭 患 者 都 適 合 接 受 家 居 腹 膜 透 析 。 而 末 期 患 者 會 接 受 一 項 小 手 術 ， 把 軟 導 管 植 入 腹 腔 內 ， 用 作 注 入 透 析 液 ， 把 體 內 多 餘 的 水 份 和 廢 物 由 腹 膜 滲 透 到 透 析 液 中 ， 然 後 經 由 導 管 放 出 體 外 。

末 期 腎 衰 竭 患 者 可 自 行 於 家 中 家 居 腹 膜 透 析 (CAPD)洗 肚 ， 每 日 進 行 3-5次 換 水 程 序 ， 於 透 析 液 停 留 在 腹 腔 內 的 時 候 ， 患 者 可 繼 續 日 常 生 活 如 上 班 、 上 課 或 料 理 家 務 等 。 如 果 遵 從 醫 護 人 員 的 指 示 進 行 洗 肚 ， 併 發 症 必 會 減 少

係一個好漫長及serious既一個手術, 我哋要陪同爸爸行呢段路, 大家都好唔開心, 尤其係媽媽, 佢係電話度同朋友傾電話時都哭左出黎, 係房內既我冇出到房間, 只係聽到佢哭, 有感而發既我係fb內打左句自覺渺小既說話, 唔係我胡思亂想, 而係覺得自己到呢個關頭咩都幫唔到, 覺得自己好渺小.....

至於爸爸當然接受唔到, 因佢親自經歷過麻麻洗肚時既痛苦, 知道係條漫長及辛苦既路, 同埋一直期待住有人捐腎比自己, 但最後可能會希望落空, 等待死亡的降臨, 果種痛苦唔係一般人都可承受到, 長期既身體及精神傷害難以估計, 加上佢自己咁後生就有呢個病, 我麻麻起碼要到六十幾先有, 所以到而家, 爸爸明知只有呢條路, 但又唔願意行既原因

聽完醫生講解後, 爸爸去左洗血, 係病房仲未出黎, 於是我哋一家人先去附近既德華公園同姪仔玩一陣, 再之後我就同姑姐走先, 因為姑姐只請了三個鐘頭假, 而我就要返公司拎貨比個客人, 一陣再去搵返媽咪及姪仔佢地!!




我細佬及姪仔係度玩~兩個都係大細路, 雖然玩得幾顛, 但都幾開心既^^




毎次姪仔都會傻傻咁望住你, 佢好似唔知咩事個無姑樣, 都唔知好嬲定好笑=.="


廣華醫院之中既探病既手術室及走廊~由於毎日只有六點至八點呢段時間先可探病, 平時都幾多人架!!


雖然毎個人都苦著臉, 但只要見到姪仔既可愛笑容, 也會露出一些笑容, 於是我都影下佢既相, 比大家開心下先^^




好難得捕捉到佢食野既一面!!! 睇黎姪仔食野加望住我影相個樣幾串啊=.="




食完野之後當然要飲水啦~睇佢飲水個樣都幾乖及幾定既^^




聽講影可愛既人影得可愛D既話, 只要係高角度影落去, 即係影師所謂既[高抄]既話就得, 估唔到真係work喎!!



始終男仔都係百厭, 尤其係男仔呢!! 食完野後大吵大鬧, 之後又亂搞野, 細路仔果然係惡搞呢!! 真係唔想生小孩=.="

探完病之後大家都返屋企休息下, 呢段時間要辛苦媽媽及姑姐啦!! 不過最辛苦既都係病房內既爸爸! 爸爸要加油啊!! 希望佢可以見到我結婚生仔既一日....

同joejoe 去川龍

話說川龍既點心及茶係超好味既, 之前同我屋企人去過, 所以呢次想介紹比joejoe食, 於是我哋約左一點半係荃灣等

joejoe原來都同屋企人飲茶, 總之唔搵joejoe去啦, 佢只係食左一碟點心就即刻過黎, 真係可憐啦, 都鄧joejoe心痛!! 雖然joejoe遲少少, 不過都冇所謂, 之後就一齊搭小巴上川龍~



同joejoe係小巴上影相, 我既自拍技術都唔錯吧!!? 同joejoe 好sweet sweet 中...XD




終於去到川龍啦!! 裝修唔係太靚, 但食物真係好好味!! 而且黎呢度也唔會太麻煩~



呢次終於可以去店舖內食野, 美中不足既係近針茶地方, 太多人行黎行去唔太好=.="




牆上既餐牌~好耐都冇見過呢, 果然係有傳統既酒樓!!




果度實在太多人拎野食啦!!! 比上午仲要多, 最後可以拎既食物唔太多, 呢個係排骨, 都ok好味啦...




joejoe拎左呢個鳳爪排骨飯, 我唔食鳳爪, 好在joejoe幫我食, 太好了~~




好耐冇見既大食詩再次出現!!! 咁當然係做樣啦, 而家細食好多啦!! ....自從私影以黎, 好耐未影過呢d搞笑相, 感覺超正!!




joejoe個樣都係超可愛, 而且都幾搞笑!! 死啦, joejoe同我顛埋一份, 呢次真係[oh my god]!!




飲完茶之後到川龍周圍行下, 係另一間茶樓既下面, 有一塊菜田. 呢個係乾涸既小河



少見既菜田~所以係果度買菜都幾貴, 要成幾十元斤; 而係酒樓食埋仲貴, 好似要成50幾元




之後到一個叫做[城門引水道]既地方, 其實係一條山路, 見到風景咁靚, 除左影景外, 當然要私影啦!!




太耐冇擺過pose, 好似又再生硬返, 同埋pose唔太多....只係冇影兩個月o者, 點解咁架!!??




行左好耐依然都係于回曲折既山路呢!! 對於少行山既我已經行個半死, 加油啊!!




而且仲有分叉路!!?? 點算好啊~~joejoe!! 睇黎都要試下行先得啦, 總有一條岩吧!?




好在行行下有個涼亭, 可以休息一下啦!! 行咁多路好累呢....(自己果然冇用=.=")




路旁仲有一大片樹林, 好有古裝片既追殺feel!! 不過都係幻想下好啦, 唔好真係係度拍破壞風景啊!!




之後行到一條山路, 唔好以為佢只係普通既山路, 其實到處都長滿野菊花, 都幾靚架!! joejoe可以拎部單鏡相機同我影相啦, 好耐冇試過呢!!




就係呢D白色小菊花啦, 細細朵, 加上周圍既綠葉, 感覺好清好靚啊!!




joejoe叫我先訓係樓梯度影返張先~感覺唔錯, 但後來發覺著左條踏腳褲冇咁好睇, 於是除左黎影, 果然係大膽><



有太陽影相果然係靚好多!! 呢次終於可以影到啦, 加上joejoe既攝影技術, 影得好靚!!




我個人就至like呢張, 個pose同個景都算夾吧!? 覺得呢個比較少女及斯文少少~




個人覺得呢張相既意境唔錯架!! 但比較sexy少少, 露出大脾啦><




呢張相冇show係fb或fotop度, 因我覺得自己麻麻地, 都po係呢度比大家睇下啦!!

本來我哋沿住山路一直行, 行到有個療屋區時, 見到有隻狗吠外, 仲追住我同joejoe, 嚇到我不停地走, 同joejoe返回頭先經過既路, 我都仲驚緊呢!! 睇黎我真係好怕狗. 之後我哋兩個就再冇一直行前去, 而且仲開始返回起點

呢個環境冇咩人, 幾清丘既, 不過就多左d狗, 同埋墳墓囉....環境就算唔錯啦!! 最後我哋搭返車返荃灣, 而且仲同joejoe飲左杯布甸奶茶, 只係九元, 而且仲大大杯, 勁抵飲!!




間店舖及我哋既兩杯布甸奶茶啦!! 都幾大杯, 而且仲好有心思, 用飲管黎分男及女..XD




兩杯布甸奶茶都黎個close up先!! 黃色果個就係雞蛋布甸啦, 好香雞蛋味, 超正!! 不過奶茶方面就sweet左d><



我同joejoe都拎住杯布甸奶茶飲下先~杯奶茶本身已經好sweet, 加埋我哋兩個, 超sweet!!

之後我要去醫院探我爸了, 唔可以同你一齊食飯, 唔好意思呢!! 多謝你安慰呢個傷心既我, 也永遠係我身邊支持我及替我擔心, 果然係抵錫男友, kiss>3<

行三棟屋散下心

自己比人炒; 爸爸個腎又有事, 有機會同麻麻以前一樣要洗腎; 加上要幫公司手工作. 短短兩個星期發生左好多事, 自己開始覺得累, 同時也唔開心, 唔想成日留係屋企, 但自己又冇錢唔可以周圍去, 於是去附近既三棟屋博物館睇下

今日天氣唔錯, 又有太陽, 又有風都幾舒服, 和天文台所講既陰天好唔同, 早知今日就同danny去影相, 點知佢又約左其他朋友, 惟有下個星期啦...



村巴落車再行五分鐘到, 終於見到個博物館啦, 睇下佢有冇開門先, 因佢有時會休息...



上次放工我諗住黎, 點知已經關門, 而家終於有開, 可以入去睇下!!



一入博物館就見到呢個牌坊了, 仲可以見到入面既門及燈!!



係牌坊外既燈, 好古色古香, 有d似中秋或元宵既燈呢!!




首先從右手邊既房睇起~係一個介紹荃灣由來既房, 陳姓一家由內地搬到荃灣居住, 之後就係荃灣發展既歷史. 呢個就係而家三棟屋既全景模型




之後就漫無目的周圍行下, 見到一間以農村為題既屋, 仲話[歡迎體驗農村生活]及可以拍照, 賁在太好啦!! 呢個係客廳^^



客廳內既枱及椅子, 仲有碗快, 睇黎就黎食飯囉!!簡單既家私更加突顯原始風味!!



有個裝飯既木桶, 碗, 碟及快子. 同而家食飯所用既廚具都相同, 只係呢d比較古老吧?



呢個就係裝飯既木桶, 呢個就係傳說中既飯桶咩!!?? 不過都幾得意咁喎~



碗快既close up ~快子都冇咩點變, 碗而家都有係粥舖見過, 不過都少見啦!!



古老既櫃~仲擺左好多兒時玩具, 上面擺D比較重要既東西唔比小孩拎到吧?



呢個也係飯廳嗎?? 真係唔知啦, 見佢又有碗, 可能係招呼客人既客廳吧??



同岩岩見到果個飯廳一樣, 都係有碗快, 應該都係食飯用吧??



之後去既地方係...睡房!! 睇黎係另一個有特色既古舊地方!



都係最有興趣影張床~呢張草席我都用過, 而白色呢個係蚊罩, 唔比蚊飛入去~



以前都見過婆婆用既足扇, 估唔到呢度可見返!! 不過塊藍色布用黎做咩!!??



去完睡房之後再去廚房睇下先~好似古裝片一樣, 都幾得意咁, 等我入去睇下先!!



煮食用既大桶呢!! 睇黎可以煮好多個人既分量!! 仲有其他木做廚具~



除左大型既煮食用品外, 當然也有D比較細既, 分別有細既煮食爐及廚具~



就係呢個爐及個煲啦!! 見過煲中藥或涼茶都係用呢個!! 個煲好耐都見過~



古老既爐及煲~呢個煲用黎煲粥及整煲仔飯超好味, 但而家已經唔再見呢隻煲整出黎既飯啦...真係可惜...



以前既米缸吧!? 真係好大個啊!! 我以前祖母屋企都有一個, 但搬左之後冇見囉



之後去左一個古代結婚為主題既房, 我竟然見到有人係果度私影!!?? 唔係掛, 果度咁細又冇景, 有咩好影??=.="



以前提親時所用既道具及物品, 不過有繩圍住, 唔可以太近觀賞, 真係可惜.....




提親當然唔少得就係頂橋~也係我古代結婚儀式之中最like既物品^^



哈哈~唔記得佢叫咩名, 只記得佢係裝住公雞及母雞一隻, 湊夠一對吧!?




過大禮時既餅盒吧!? 而家真係方便, 只要一張餅卡就可以周圍拎餅, 以前既人辛苦了=.="




過大禮用既酒程及提藍~睇黎古代人都好重視結婚, 好多物件要準備, 始終人都只結一次婚吧!?



再之後去左一個關於香港種米既專題博物館, 一共分幾個展區, 呢個係講述香港種米既歷史~呢個係運米既過程~



上面張相係毎個運米工人運一包米會有一支簽, 用支簽黎計糧既; 下面張相係香港以前既米舖~



以前米舖賣米既木桶, 牆上仲有插在唔同類型米, 地區及價錢既簽, 而家已經沒有了..



木米桶既close up!! 個米桶又真係幾高及幾深, 唔係點裝米去賣喎><



米簽既close up!! 估唔到米都有咁多種類, 而且價錢都幾貴下喎=.="



第二個展館係講香港以前米田所在既位置, 原來香港以前都幾多地方種米. 我哋遲出世既人習慣香港既城市生活, 又點可以想像一片田既香港?



曾經山火既八仙嶺, 估唔到以前係一片水稻既地方!!?? 而且田既面積都幾大呢!!



估唔到連荔枝角及梧桐寨都係米田!? 好難想像而家既荔枝角以前係咁既樣=.="



最後一個叫做[萬花筒]既展覽館, 係講述荃灣既過去, 由一個以耕種為主既地方變成都市既故事. 我對古代既荃灣比較有興趣, 可能係未見過吧?



以前既廚房~係四個盆內分別展出荃灣出名既小食, 分別係米餅, 杏仁餅等等四款食品, 但呢度其實唔比影, 所以冇影到><



以前香港以製衣業為主, 也生產唔少種類既布料, 主要係錦, 粗紗, 筒子紗及布料~

本來仲想影下我係個博物館到此一遊, 但又費時人同我影, 加上我又唔like睇人影私影, 所以到最後都走左, 去附近商場行陣就返屋企休息下, 諗起聽日可以見到joejoe就好啦^^