TST 港威中心 @見工 (6)

今日都係去見工, 而且仲要十一點咁早!? 呢次既見工地點係....去尖沙咀時成日都見既海港城附近, 一座叫做the Gateway既地方, 係個高級時裝商店內, 去果度見工都覺得自己好高級呢(唉...自己簡直痴線, 死得=.=")




當我知道原來係度見工時, 心內[啊]的一聲, 原來就係呢度~




往電梯見工時, 見到我like既其中一個牌子marc by marc jacobs, 影完相之後店員就返黎, 嚇到我即刻走, 仲跌埋個電話落地, 之後雞咁腳咁走, 好白痴=.="




lift口大堂都咁靚, 多數都係大公司黎架~仲要有個無敵大海景, 都幾靚既~




可以望到咁靚既海景真係正!! 係呢度返工或者都唔錯既~



終於見到lift口啦, 仲要分層數搭, 千萬唔好搭錯lift~




就係呢間公司啦, 見個門口都咁大, 見既又係大公司, 死得=.="




入去公司之前先按pw, 再同入面職員通訊, 之後佢先會開門比我入去公司內~

去到counter要先登記, 如寫自己姓名, 日期, 出入時間及簽名先得. 之後仲要排個訪客牌, 由職員既帶領下到一間公司填資料, 之後分別有兩個部門既阿頭. 分別係HR及Finance 既head見工, 睇黎呢間公司都幾多野做呢~

adnin: 銀行入數及交支票, 負責annual dinner等等
finance: 會計軟件入賬, 開支票, 收及付錢及追客人數(account receivables)等等

睇黎要做到OT, 但福利都幾吸引既, 分別係十三個月+bonus; 醫療及牙醫津貼, 全年有十一日假, 如星期六要返工OT可多D假期等等, 但邊有咁著數, 一定係做到死 = 有好多野學果隻, 所以呢份工對我黎講都幾吸引既~

見完工之後, 就趕住返屋企, 除左趕到村巴慳車錢外, 也有好多家務及私人事要做呢, 仍然都係忙碌, 好忙啊><

訊號山@ 私影. 約會 with joejoe +妹生日快樂!!

今日終於可以見joejoe啦!! 全個星期冇見過, 好掛住佢呢!! 好在joejoe都應承同我去尖沙咀訊號山公園私影, 好耐都冇同佢真正影相啦!!

我哋三點到左公園, 但發覺最有代表性及最多人影相既塔竟然係四點先開!? 我同joejoe惟有搵個寧靜既地方傾計等開門, 同埋係公園附近影相~




終於到左訐號山公園, 個名好似好怪咁既!? 睇下個公園有咩咁靚先~




首先行上呢條樓梯先~好在樓梯唔係太長, 行得唔太辛苦既~




就係呢座塔啦!! 好多人私影及cosplay一定選擇既地方, 不過要小心開放時間, 因佢只係部分時間先會開門比人去影相~




訊號塔既正門口, 都幾靚架!! 可惜我哋岩岩去到公園時未夠鐘, 度門仲鎖左=.="




終於可以入到去塔內~即刻比呢條樓梯吸引住啦, 個窗同佢好夾, 真係好靚!!



呢座塔有三層, joejoe同我見冇人入黎, 我哋先去到頂樓影相先~係頂樓望返落去, 真係好靚啊!! i like it!




上到頂層後見到呢個窗, 加上有太陽光透入屋, 真係好吸引人!!




見到cosplayer 影相, 有個女仔我都覺得佢幾cute, 佢帶住個金假短髮, 應該係扮男仔既做型吧!? 都幾可愛呢~




呢輯joejoe改左個名, 叫做螺旋人生, 覺得同我既人生差唔多, 而且仲影出同平時唔同既我~




呢張既pose唔係太靚, 不過幾有味道, 個皮膚整得好靚啊!!




呢張個人都幾like既~好似苦惱著自己既人生一樣...




其實呢輯相我至like既地方就係個樣似係苦惱一些問題, 而且個look同樓梯都唔錯, 我鍾意


本來想等塔內既人離去再影相, 但等到五點幾d人仲未走, 於是我同joejoe去麥當當食野, 之後再去海港城行下, 比我哋見到一個好特別既時裝攝影展覽, 係一個叫做細貝里枝既氣球大師用氣球整時裝, 真係好靚啊!!




呢個展覽位於海港城對住碼頭既露台, 見到有人對住牆影相, 咪睇下係咩黎, 原來係一個氣球藝術家既作品展覽, 仲有詳細資料介紹




其中兩張用氣球整時裝既相~全藍色既氣球連身裙黎呢!! 加上特別既裙腳, 超得意!!




用氣球整出黎既頭飾呢~真係好特別及好靚啊!!! 加上飄逸既紅衫, 感覺一流!!




最後既係用紅色氣球整既裙~仲有唔同pose, 十足十似時裝繪圖一樣呢~

行完海港城之後, 因我要準備妹生日既禮物, 而joejoe要返屋企食飯, 見左唔太耐就要分開, 要成個星期先可以見面, 好似牛朗織女咁呢><

去到荃灣買禮物, 最後都決定買左份禮物及張卡, 仲有比錢我妹買佢鍾意既野啦!! 之後再同佢地食飯, 早知自己唔食麥當當啦, 唔可以叫全個餐, 好在我媽, 我妹及姑姐比d我食><



我姑姐叫既豬仔骨及蝦鐵板餐~唔係太多肉, 而且感覺都幾好味!!




我妹及媽叫既什排餐, 果然係啖啖肉呢!! 我一見到咁多肉就怕, 不過都幾抵既~




毎個鐵板餐既飯後dessert呢!! 係我至愛既choco雪榚, 我姑姐及妹唔食, 我食左兩個, 不過o者里糖就麻麻地like啦=.="




呢份係我送比妹既禮物啦~係個士多啤梨蛋糕公仔, 仲連埋個蛋糕盒, so cute!!




個士多啤梨蛋糕公仔既close up!! 真係好可愛呢, 連我自己都想要><




送比妹既生日心意卡~買蛋糕公仔果度冇得買, 惟有去千色店睇下, 記得我妹like呢隻公仔, 最後去左sanrio買, 估唔到都幾cute喎...XD




哈哈~原來張生日卡一打開係立體既, 仲有[HAPPY BIRTHDAY]字樣, 襯哂!!




我親自畫既生日心意卡信封, 其實都係亂畫一通, 希望妹鍾意啦><

南生圍 @私影 with victor & benny

本來今日約影師danny影相, 但因佢話比較忙, 同另一位影師叫做victor既影師影相, 原來佢係一個叫做ababy影會既創辦人, 有幸同佢影相好幸運呢!!

約左兩點係元朗地鐵站等, 雖然兩位影師遲到少少, 都冇所謂啦!! 之後同佢哋一齊搭的士去南生圍, 竟然要成47元!!? 真係好貴啊><

終於去到南生圍, 呢次係第二次呢!! 以前見到果隻f成日同人去影, 我都好羨慕架, 估唔到兩年後終於可以去影相, 而且係短短五個月內去左兩次咁多, 加上今日太陽特別好, 我影相終於有太陽啦!! 感動中~~




呢次去影相既地方唔係廢屋, 橋及士多斷橋之類, 而係深入佢草叢部分影相!! 有陽光既毎一處都好靚!!




呢次影相既地點係滿佈草既草地呢!! 而且仲有好多蚊, 好在茶好多蚊怕水, 唔驚掛!?




呢次比較特別, 係呢棵枯樹既洞口影相. 個洞真係幾大架, 全個人都可以企係個洞度~




呢棵樹原來係咁高架!! 真係差d都影唔哂, 個洞相對地覺得好似渺小左><




登登~呢兩位就係今日同我影相既影師啦, 我驚佢地介意我影佢地, 惟有係後面偷影佢地啦!! 自己真衰..XD




去完草地後去另一個地方影相, 本來有d地方如舊屋, 橋等等都想去, 但實在太多人, 最後就黎到呢個草地影相~




第二個拍攝場地附近既景色, 原來有太陽黎影真係咁靚架!! 感覺超正~




回頭望過去, 係一條用樹做成既走廊呢!! 連婚紗相都係度影架~大家未結婚既朋友, 可以考慮下呢度^^




最驚險既一幕黎啦!! 事緣我係果度擺pose影相時, 突然有兩隻狗狗衝去我身邊, 而且仲lamp我呢...我真係咁受狗歡迎嗎?? 也多謝victor幫我影既呢張相~




開心既時間特別快過~已經係日落呢, 就好似上次陰天影相一樣, 失去陽光感覺差好遠...都係下次再黎啦!!




大約五點幾, 我哋離開南生圍啦! 又可以見到船上泛舟啦, 雖然係慢左d....




估唔到夕陽之下泛舟幾靚喎!! 加埋舊屋背景, 好似返到古代一樣^^




要排隊等上船, 自己覺得無聊, 玩下港女自拍先~唔係太識自拍既我, 影得還好吧??




終於上到船啦!! 回頭一看竟然排咁長龍!!?? 有冇咁誇張啊!!??

同兩位影師搭小巴去到元朗, 之後便各自回家. 唔係, 我仲要去醫院探爸爸, 都係快d趕去先得啦!!

荃灣嘉力工業中心 @ 見工 (5)

等左成個星期, 終於有工可以見. 之前見果d都冇哂2nd in及返工, 睇黎都係冇架啦, 惟有過住見工既日子, 今日都好好彩, 可以係荃灣度見工!!

琴晚8點幾到send左cv去搵工, 其中有間叫做安迪工程既, 佢係8點半到竟然叫我聽日去見工!? 咁夜都仲有人打電話比我??? 睇黎呢間公司都幾忙喎, 不過冇計啦, 香港d公司多數都係咁. 不過最驚訝既係....間公司竟然同我妹返工地點係同一幢大廈, 只係佢係A座, 我係B座, 估唔到真係岩成咁????? 如果呢間公司請我就好, 咁咪可以同佢一齊返工...XD




呢次見工既大廈, 叫做嘉力工業中心, 距離地鐵站都幾遠下, 係愉景新城對面, 行大約十五分鐘到啦~




呢座就係我見工既B座~我妹就係後面果座, 同佢真係幾近...xd




工廠大廈內既lift口, 估唔到都幾靚仔喎, 裝修都唔係太差既...XD




終於到左見工果層既七樓, 同下面lift口差好遠呢....比較簡陋的說=.="




就係呢間公司啦!! 係一間工程公司黎既, 呢間公司要返五日半, 而且冇雙糧, 只有花紅, 不過係度做都唔錯既, 起碼係荃灣, 可以慳返車錢既~

見完工之後返屋企打掃, 我屋企太耐冇清潔過, 實在太亂呢!! 但懶惰既我做做下家務訓左, 一起身已經係六點到, 要出去探爸爸, 仲有部分家務呢....都係下星期先做吧!! 星期六要去影相, 星期日陪joejoe及比佢影, 唔得閒呢!!

探完爸之後全家去左一間叫銀龍既茶餐廳, 大家有留意我個blog既話, 即係我公司附近果間, 係荃灣都有分店的, 不過食物就好貴, 要四十幾元個晚餐, 結果五人只叫左四份餐, 至於味道呢~都OK好味既...




呢個係前菜~個汁又酸又spicy, 都醒胃既!! 仲有果兩片青瓜及蕃茄, 覺得好新鮮, 超正!!




我既雞排及薯條呢!! 薯條好好味, 雞排又軟又滑, 分量唔太多, 岩岩好食哂!!

返到屋企決定好聽日及後日既私影地點呢~星期六同一個叫victor影師及佢另一位朋友去南生圍影相; 星期日本來同joejoe去南Y島, 但因joejoe要同屋企人早上去拜山, 改左去尖沙咀既訊號山公園, 兩個地方都好靚呢!! 不容錯過^^