荒野流離 + 同mooji, 倚安食飯

某日去左南生圖影相, 唔記得左幾時去. 今日佢打電話比我, 話比我知我輯相上左fotop既top rating~忙個半死既我都冇時間睇, 聽佢咁講就即刻去睇, d相真係幾靚喎!! so pretty!!




一開始已經比呢張相吸引啦!! 覺得自己個pose及感覺好得, 仲有呢個天空, 真係好靚^^




個人都幾like呢張, 雖然郊外只有自己一人(咁影果日梗係唔係啦), 都仍然咁有自信及高傲




呢張相感覺也一流, 周圍都係黑暗, 呢個就係所謂壓光~咁都可以玩到, 真係幸運呢!! 因為要太陽充足既情況下先玩到~




有好感覺既一張相, 真係好like呢棵樹, 覺得有好多既發揮空間, 惟一不足既就係不可坐係樹枝上...




呢張也like啊~個pose都係突然之間諗到, 加埋附近既景及呢棵樹, 又真係幾襯喎!!

毎張相都好靚, 好多謝victor既呢輯相, 仲幫佢改左名叫[荒野流離], 而且仲好有意思既一個故事, Kumi 演繹一人流離在這荒野裡,從這條無盡的道路裡,遺忘如何怕死 深呼吸一口氣...真係好正, 都幾有呢隻feel呢!!

係喎, 講返我今日食飯先~話說我有位台灣既舊同事加朋友今日黎左香港, 我同另一位朋友mooji一齊出黎食飯, 之前也應承佢, 話佢離開左間地獄公司會請佢食飯餐, 今日終於可以請到佢!! 佢也係雜誌上見到有間日本自助餐, 於是就去左食飯~




間餐廳算大吧!? 我地坐近窗口位, 都幾舒服既, 起碼唔使咁多人行黎行去..




望出去出面都幾大既~但唔明呢間餐廳d食物咁難食, 都咁多人黎都有=.="




叫完食物之後行開左去拎錢請食飯, 返黎時已經見到幾件送係我碟上~我叫既燒冬菇咁既樣?? 真係有燒過嗎??=.="




返到黎已經食左咁多咁既??? 個海謄壽司做咩加青瓜?? 唔係咁慳嗎??




個刺身都幾靚既, 也係呢間餐廳惟一比較好食既野, 所以我都叫左好多三文魚及蝦~



我叫既蜜桃蝦沙律~至愛既蜜桃勁少, 蝦及菜都難食, 都唔知做咩比咁多我=.="




吉列豬排及餃子~兩樣都唔好味!! 兩樣都炸得太乾啦....




最後食既都已經係呢個雞軟骨, 又淡, 不過都ok有口感既...

食到我都冇咩心機食, 食物唔好食, 加上太少選擇, 而倚安也想買幾件polo恤, 於是我哋三個只好埋單, 去花園街搵下平靚衫就算

第二日返工 + 車展

終於第二日返工, 同樣都係學會計上既知識, 只係學bank-in入賬都學左兩日, 果然係大公司呢!! 今日終於識入bank-in, 覺得欣慰!!

加上行政部開既短暫會議, 應該都有二十分鐘吧!? 原來大公司真係有好多細緻既地方要注意, 如熄接待處既燈, 熄咖啡機, 倒碎紙機紙碎等等, 一般我哋冇咩留意既野, 原來係咁重要!!

仲有公司為員工既我準備左好多野:

1) 一張出入既電子卡, 好似八達通咁, 係出入門口拍一下, 加上個十個數字毎次轉動既鍵盤上按密碼, 覺得好鬼得意, 好好玩呢~

2) 仲有為我配製既一條廁所key, 可以唔使再去接待處拎啦, 仲要係金key, 夠型!!

3) 拎文具都要簽名, 果然夠認真呢!! 要記底d文具擺邊先得

放左工之後休息一下先, 首先係到樓下海港城行下, 佢今日開始有個小型既車展, 會由唔同名人, 出名既設計師, 如時裝設計師鄧達智等, 有好多唔同類型既車, 都幾cute呢!




畫滿香港夜景及藍色既車, 覺得好似睇緊迷你版既香港夜景, 唔錯啊!!





有好多隻黃色既貓貓係車內!! 車既底部仲有好多貓蘇, 真係好鬼死黃呀!!><





好多女仔既黑影係度跳舞呢, 加埋火辣辣既紅色, 夠哂熱情如火囉=.="





全架車以綠色為主, 仲有好多彩色蝴蝶, 感覺幾有活力, 幾生動!!




呢架黑色車有個傻妹, 好似我咁呢!! 玻璃窗用左彩色, 加上車頂有個傻妹公仔, 比人生動既感覺, 唔太沉悶^^




好可愛及活潑既感覺, 畫風我覺得有d似矢澤愛, 咁當然矢澤靚d啦!!




呢架車係我至愛!! 好like熱鬧既畫面, 加埋咁大隻既可愛公仔, 感覺一流!!




好似比漆油淋既車, 但又淋得幾靚喎!? 我既審美眼光有問題嗎??




全架車都用銀色珠片, 好閃啊!! 呢次真係型爆><

仲有好多款車架, 我只係影左自己覺得比較靚果d, 大家得閒及like車既話, 都可以去睇下既~

第一日返工@TST

玩左成個月, 我既悠長假期終於完結, 到左返工既日子....都唔知值唔值得開心, 不過都比冇錢及得閒係屋企冇野做既好!!

好在今日冇遲到, 而且仲見會計部既四名員工, 分別係主動同我打招呼既Amy及Tracy, 同埋好鍾意食野(!?)既阿head; 除此之外仲認識了兩個行政部既員工, 分別係愛照顧人既Christina及cool爆既candy, 唔知點解覺得個candy好似唔係太鍾意我咁, 可能係我錯覺吧?

由於會計及行政係同一個部門, 所以我哋幾個都會成日聯絡, 希望我哋之後相處都好吧? 到左lunch果陣, 大家一齊去一間中菜餐廳食飯, 最衰同佢地唔熟, 唔可以影相比大家睇, 有機會既話再同各朋友去食, 果間野真係幾好味!!

食完飯之後都係學習會計上既知識及工作方法, 之後會學埋admin, 只係人事已經有成接近七十人, 真係連名都有排記, director都已經有成七個, 真係記都記唔到, 仲有唔同既部門, 分別有sales & purchases, IT, legal, data management, 加埋我哋既finance(account及admin)共五個部分...只係見到咁多部門都想死呢=.="

仲有份合約, 共有英文四頁紙, 提及哂所有既入職人工, 假期, 立約日期, 福利等等. 其中福利方面, 原來有埋老公及仔女, 同埋供樓津貼呢!!!! 如果可以同老公joejoe結婚既話, 佢咪又可得益!? 咁快諗到咁遠都有, 都係比心機工作吧!

母親節快樂

首先要同自己媽媽及人地媽媽, 加埋菜菜媽媽, 母親節快樂!!

由於我媽媽唔like太多人, 所以都煩緊點慶祝, 最後都係決定買野食及蛋糕返屋企當係母親節禮物, 同埋媽媽唔使做家務就算, 只要我媽媽開心就得啦~唔需要一餐豪華大餐及蛋糕, 也唔需要名牌禮物既~~媽媽平時已經辛苦, 只要佢可休息下就可以^^

最後決定既母親節大餐係~~一餐日本壽司, 但媽媽唔like食生野, 只好買佢like既八爪魚, 中華沙律及螺肉




首先出場既係螺肉~可能媽太愛八爪魚, 唔係食太多呢碟, 不過個人都幾鍾意~




媽媽及我妹至愛既八爪魚到啦!! 睇黎佢地真係好鍾意食, 早知我買多d啦!!



仲有呢個壽司拚盆呢~有三文魚, 魚子, 北寄貝, 蝦, 仲有我媽鍾意既八爪魚, 螺肉及中華沙律都係哂度, 食到媽媽飽飽地呢!!




食飽休息之後再食蛋糕啦!! 呢個蛋糕係媽媽自己簡, 佢係聖安娜一見到呢個就話食, 果然真係好靚呢~




蛋糕上既特大芒果花~真係離遠都見到佢!!




蛋糕上既小粉紅花, 我個人都幾like, 但係實在太sweet啦><




個蛋糕睇落去唔太多cream, 仲有一層士多啤梨既o者o里, 一d都唔漏, 仲好好味!!

賀5個月紀念!!!

好在今日joejoe唔使加班, 我同joejoe又可去長州玩啦!! 好在今日唔係太多人入去長州, 實在太好了!! 可以係長州寧靜地享受我哋相愛五個月紀念^^




黎左長州幾次, 都唔記得影最代表長州既野 -漁村及船, 呢次影下先~呢隻係中型船~




五隻船排埋一齊!! 覺得有d壯觀呢!!




比較先進及大少少既漁船呢~又要出發去補魚嗎???




有漁船返長州囉~唔知係咪有好既魚獲呢??? 船仔細細行得算快啦!!




終於見到粉白色果座街市啦!! 快d到碼頭啦, 好心急去玩!!




唔好太心急啦~終於到左長州, 仲見到泊係碼頭既漁船~




我同joejoe去到長州都肚餓啦, 不如先去休息下及食野先! 呢個係我叫既牛腩麵, 牛腩及湯底超正, 不過麵就太多簡水...




joejoe叫既叉燒麵~睇落去叉燒半肥瘦, 都幾正咁喎~

同joejoe食完野之後就周圍行下, 可能係臨近太平青照, 有好多同搶包山有關既野買, 我先知道搶包山原來叫[bun festival]...XD




咁多間店舖, 講創意應該係呢間~係一個六小福既平安包店舖, 而且毎隻可跟據佢地既眼睛有唔同既名, 我應該係最like 果隻錢錢吧, 兩隻眼都係錢, good!!




全間店舖都係賣六小福既物品~其中個磁石標把最可愛, 不過驚姪仔亂拎黎玩及慳錢, 都係冇買到><




仲有呢個平安包情侶電話繩~係唔同色既一對熊仔, 各自拎住平安包, 都幾可愛架!!




心血來潮買左兩件平安包, 呢兩個唔係公仔, 真係食得架!! 諗自比屋企人試下~不過而家先同joejoe影左相先啦!!




呢份就係我哋五個月既紀念禮物啦!! 岩岩好一男一女, 好襯呢!!




我哋既生日禮物就係呢對公仔, 除左頂帽既顏色唔同外, 女仔果隻頂帽仲多左兩隻耳仔. 呢對公仔唔止擺得, 仲用得, 頂帽可以用電腦時擺手, 白色個包可以做電話座及抺mon~




呢隻係我既平安女~頂帽果兩隻耳好似兔仔, 而且也係我like既粉紅色^^




joejoe既平安仔呢~好似佢一樣咁活潑咁!? 岩岩好湊埋一對><




行完街街, 買完野之後, 由於我哋好晏先食個牛腩麵, 所以只食dessert就算, 咁當然又係去返呢間, 已經係第三次呢!! 呢個係我叫既什果椰汁西米露~




joejoe叫既什果芒果布甸, 睇黎joejoe真係好like食布甸咁, 等我整多d比佢食先~

終於有工做啦....XD

今日既行程比較忙, 等我大致講比大家聽下先:

11:00 : 到葵涌見工
12:30 : 回自己公司幫父母拎野返屋企
1:30 : 回屋企 + 食lunch
2:00: 附近搭巴士去荃灣地鐵站, 之後去TST見工
2:50: 到達第二間見工既公司, 係TST
4:50: 等公司內部決定及2ND IN, 比第二間公司取錄了, 下星期一正式返工!!
5:00: 約左好友文迪
7:30: 約joejoe一齊食飯~

見講左葵涌見工先, 呢次去既公司, 其實上年我冇野做時都去過, 係一間叫做NNR global logistics既公司, 係日本人開既, 全間公司有二百人到. 估唔到又係呢間, 最慘既係要迫毎位員工放兩日冇薪假, 真係幾慘!!




NNR 公司既大廈, 雖然門口唔係太大, 但間公司就大啦!!




我爸爸公司附近既大廈, 叫做偉倫中心, 一共有兩座, 我見既係第二座~




呢間公司佔了全層, 一出lift就見到呢間公司既牌, 果然係間大公司黎><




間公司既門口~一望入去就係接待處呢!! 全間公司以藍白為主, 感覺整齊

入去要用接待處既電話打比會計及行政部門要求見工, 等左好耐先有人比表我填及有人見工, 見左都有一個鐘, 唔係因為我有能力. 而係等人等左咁耐, 之後就返爸公司度拎野

都有好多野拎, 都幾鬼重呢!! 之後買埋我既lunch, 返到屋企食飯. 點知原來已經點半, 要快d食飯先得!! 只有十五分鐘><""

食完飯之後再搭車到尖沙咀, 先搭巴士到荃灣地鐵站, 之後再搭地鐵. 好在都冇遲到, 仲早左十分鐘到, 真係開心~之後係公司內做test, 突然joejoe打電話黎, 佢誤會我見完工, 我仲好大聲鬧佢, 真係對唔住呢, 可能我係公司太緊張, 驚比其他人知道我講電話, 而且又唔記得較震機, 真係嚇得我...

做完二十分鐘既test之後去見部門女主管, 同佢既對答都..ok啦, 不過不失, 都係考腦筋急轉彎, 最記得有個問題: [如果主管發脾氣鬧我, 我會覺得點??], 起初真係難起我呢, 因為始終係女人, 係最小氣既生物, 咁當然包括我, 如果答錯會影響就職機會, 所以我最後答左:

[毎個人都有情緒, 尤其係忙碌既時候, 語氣一定會重左d, 所以大聲呼喝係在所難免]

估唔到我識咁答, 其實都係諗咩講咩. 最後都係問我一些工作上既問題, 如怕唔怕蝕底, 願唔願意做更多低下既工作, 咁我又覺得冇所謂既. in完之後主管和第一次見工既兩名經理商討, 最後決定請左我, 仲問我幾時可以返得工, 我話下星期一, 之後佢幫我影印學歷及工作證明文件, 成功啦!!

咁好既消息, 但我只係話比joejoe, 文迪及菜菜, 同埋我媽及姑姐知道, 之後再係fb度話比各朋友知, 多謝佢地係我冇工作既難關支持我及鄧我開心, 希望我可做好呢份工, 話哂第一次係大公司做, 真係有d緊張, 而且福利仲超好:

1) 十三個月糧
2) bonus, 正確黎講毎年都有十三個月 + bonus, 打工仔最想有既野有哂><
3) 牙醫及醫療津貼
4) 只係返五日工!!! 我果然太好彩~~星期六日可以見朋友及私影^^

估唔到都要in成差唔多兩個鐘, 要文迪久等啦><..... 我哋先周圍行行, 之後同文迪去食dessert. 我哋好耐冇見, 也有太多野講, 也知道文迪有個終極決定, 都嚇左我跳, 都係等佢本人講好d




就係呢間店舖, 簡格都幾四正, 全間店舖以啡白色為主, 氣氛唔錯呢~




太耐冇見過文迪呢~依然都係咁靚女!! 仲向佢請教了斯文衫之道, 真係要慢慢學呢~




就係呢個咖啡椰子綿花冰, 仲有難食既涼粉, 原來我同文迪都唔like食, 但都唔好哂啦, 毎人食d!!




由於落雨既關係, 同文迪周圍行商店, 見到呢兩款家私擺設好可愛啊~




仲有兩張杯型既椅子呢~如果大果張係joejoe, 細果張係我既, 一齊坐住黎睇電視就好呢~




呢張椅子內既公仔, 用唔同既布料做出黎, 好可愛呢~同張椅子好襯^^




呢張係細杯椅子, 仲有好可愛既桔子, 桔子也係用唔同布料整, 可以攬住佢就好呢!!

同文迪行完街一陣, 佢男友就打電話搵佢, 仲約左同佢男友集合, 我竟然冇拎遮, 好在文迪借把遮比我, 我返工同你距離咁近, 加上之後會同你網上買野, 可以還比你啦!! 而我都去地鐵站搵joejoe, 同佢一齊慶祝我有野做先!!

終於到我哋二人世界啦, 全個星期冇見, 好掛住大家呢!! 之後同佢去一間日本餐廳食壽司, 所有壽司只係半價!? 咁抵, 一於入去食先~




自己個位既快子及碟, 感覺都幾靚及幾高級喎! 唔知食物好唔好食呢?




幾多人黎食野架!! 而且多數仲係情侶~牆上也有賣壽司, 手卷及軍艦半價, 感覺上可大飲大食啦~




冇化妝 + 著到OL樣既我~都有點唔習慣呢!! 係度等食中, 好肚~~餓~~啊!!




同樣愛食三文魚既joejoe及我一於叫左三文魚壽司先~半價五元兩件, 係最抵及最好食既一樣~




呢個係油甘魚壽司, 也係我至愛之一, 但比較酸味, 唔新鮮, 唔好味既><




係長腳蟹壽司黎架, 隻碟太燈太難影.....味道就麻麻地啦, 只係我哋未食過, 心思思想食下~




終於可以食到櫻花尤魚~呢個都唔錯, 尤魚好爽口, 好鬼死好味!!




仲有呢個阿拉斯加蟹肉壽司~都幾好味既, 不過自己都係like魚多d..XD




仲叫多左個芝士焗什菌, 有金菇, 雞比菇, 小磨菇, 都幾好味, 其中以金菇最入味!!

食完飯之後同joejoe到尖沙咀海旁行下~見到有好多情侶都行呢!! 我哋邊行邊傾計, 最後回紅磡各自搭車回家, 見到附近既一間酒店內餐廳都好靚啊, 好似叫做海景酒店!!




其中一間叫[夢上海]既中餐廳, 裝修真係靚絕. 仲有接待處~感覺好豪華呢!!




裝修好靚既中餐廳吧!? 咁就唔知啦, 都係見佢廣告牌話有火窩任食, 應該係吧?




仲有間酒坊, 有好多酒賣, 同時也知道joejoe都飲得酒架, 勁啊!!




咁靚既酒店餐廳, 如果可以同joejoe係度食自助餐就好啦, 望住出面既景色食飯, 加上咁靚既格局, 好浪漫呢!!