收到amy的手信~

琴日收完tracy果份, 今日收到Amy去完世博既手信, 雖然我唔太like我哋中國既出既公仔, 但都要多謝同事一番心意, 就當係見識一下啦~




就係呢隻公仔, 都少少得意既~我先知呢隻公仔叫做[海寶]!? 同埋我唔明佢下面果句slogan, 點解會係[城市, 讓生活更美好]=.="




由於全部同事簡哂, 只剩下兩款比我簡, 最好只好簡草裙舞吧!?

同事tracy的手信~

呢日教我會計既同事tracy係日本返黎啦!! 上個星期以自由行既身份去左東京玩, 真係好羨慕呢!! 日本係我最愛及想去既地方, 我都好想去下, 尤其係北海道, 於是問下毎年都去日本一次既natalie既意見, 佢建議跟團或有車會比較好, 但我想自由行日本呢....

1)原來北海道都係個幾麻煩既地方呢...首先佢係郊外, 毎日只有兩班車, 如果錯過左既話可以要係車站度訓, 而且仲好難截車, 比你截到又唔知佢去邊.

2)仲有北海道毎個地方距離好遠, 有d地方可能要留係果度一日, 睇黎冇車既話真係幾煩...

3) 毎個月份睇既野都唔同, 六月有太陽花, 七月薰衣草, 十月滿地紅葉(呢個正!!)及十二月既雪際, 呢個都想去

我計畫十月想去旅行, 但係只想搵朋友或男友去. joejoe唔知有冇錢呢....都係儲定錢先算!! 雖然冇得去旅行, 但有tracy買黎既食物, 望梅止渴都好過冇><



毎人都有相同既手信~我也唔例外, 分別有豆, 糖及米餅~




日本包裝既紫菜焗豆及花生, 我覺得焗豆都ok既, 幾跪下~




仲有藍色既波子汽水糖及綠色既檸檬糖, 最後我妹要左藍色, 咁我要綠色啦!!




我覺得呢個米餅最正!! 跪跪地之外, 上面仲有d粉, 同個餅好夾, 超好味!!

終於可見joejoe + 美食日記!

琴日joejoe終於返到香港, 而且仲買左茶葉比我及我家人, 真係多謝哂佢!! 佢去旅行已經破費, 仲要買埋手信比我, 咁都要禮尚往來既, 加上佢平時送左咁多禮物比我, 於是決定同佢去尖沙咀食返餐!! 首先去既係彩雲軒飲茶~呢個地方點心出名, 而且裝修又靚, 都係同事帶我黎先知.




終於去到間酒樓, 但joejoe仲未到, 我先去拎位先~結果都好快有位, 真係好彩^^




連位都有呢~joejoe仲未黎架!? 真係叫定茶先~唔知joejoe鍾唔鍾意普利呢??




間野真係好靚, 而且仲好多人飲茶, 身邊全部都坐滿人呢!!




同joejoe座位牆上既裝飾~感覺簡單又優雅呢!!




joejoe仲未到嗎???啊~影下個牌先, 後面仲有枱號!!




好多點心紙啊!! 有好多款點心選擇!! 我先發覺原來呢間酒樓飲茶超平, 咁咪即係所謂既平靚正!!??




最後joejoe終於黎左呢!! 我哋叫完食物之後, 佢就送左手信比我, 包括粉紅袋既粒裝茶葉, 同埋個心型既紫色soup, 超like呢^^





睇黎我哋有點肚餓呢!! 叫食物先~首先係呢個滑滑既叉燒腸, 都幾好味!!




我黎到最想食既就係呢個!! 係雪甲燉椰皇呢!! 好香椰子味, 奶又滑, 都只係12元個!




仲試下呢個新點心, 好似叫雲南野菌餃, 都算好味既, 味道清清地, 唔食肉就岩哂!!




五元既雞球大包, 都算好味及幾抵食既!! 不過d肉及材料更多就好~





我叫冬菇燒賣啊~係多肥肉左d, 不過幾有咬感, 而且冬菇都幾多, 好味啊!!




飲完茶之後周圍行下, 呢間店舖都幾靚喎~等我偷偷地影相先!!




商場頂層有間餐廳, 個樣都幾正既, 不過唔知d食物好唔好食既??





餐廳外既風景都幾靚, 而且仲見到好多人影相, 不過我就冇咩興趣=.="





行左一陣街, 見到好食既墨魚丸呢!! 我同joejoe兩人叫左十粒, 呢次可以慢慢食啦!!





你睇joejoe幾大食!! 想食哂全份墨魚丸!? 講笑o者, 我哋兩個一齊食啦...XD





食完墨魚丸之後再出發!! 呢次去到中港城, 見到頂層有個地方都幾靚!!




外面風景算唔錯外, 也有張梳化坐, 我同joejoe係果度休息一下, 等食晚飯先~




呢個以白啡綠襯既地方都唔錯, 加上天花板既玻璃, 感覺簡單, 地方好大好舒服~




原來呢度係餐廳, 而且唔比人坐, 只係間餐廳冇收好枱椅. 我哋差d仲比管理員趕走, 應該話佢同另一名餐廳職員暗示我哋及另一名女仔唔好坐係度. 我寧願佢直接講囉, 真cheap!!




之後去返海港城既UCC度食飯, 果間餐廳好靚, 我也好想食, 呢次有機會啦!! 而且仲同埋joejoe><




餐廳既另一邊先靚!! 總之我同joejoe一早坐底先, 咁就可以坐近啡色玻璃窗既位置><




joejoe正正經經既一張相~佢件衫好cute, 係個琴既結構圖, 整到我成日望住佢件衫~




咁我都懶正經係度比joejoe影下相先~





我哋既餐湯及去沙律吧夾既沙律呢!! 都唔知邊隻沙律汁打邊度, 惟有拎哂返黎, 仲要分開裝!! 另外仲有好多我like既桃呢~~!!




呢個湯幾好飲呢!! 而且仲有椰菜粒, 超健康, 又好味!!





我哋係沙律吧設計完自己既沙律後, 當然影相留念啦, 首先係joejoe~見佢食得幾開心^^




我整既沙律呢!! 睇黎我都食得幾開心咁喎!!




呢個就係我既沙律啦!! 果然係好多桃呢!! 仲有我like既吞拿魚, 加上勁酸既沙律汁, 勁好味!!




joejoe既沙律, 佢都夾左好多桃及吞拿魚, 仲拎我至唔like食既o者李糖, 好在我冇食~





我叫既牛肉汁奄列飯, 又幾好味喎!! 美中不足既係只有面頭用蛋包住飯, 唔係全部飯比蛋包住><




joejoe叫既焗三文魚螺絲粉!! 個樣真係幾吸引, 不過味道似乎淡左少少, 同埋芝士實在太少




最後上餐飲, 估唔到個女侍應會拎個茶壺親自倒茶比我哋, 而且檸檬仲同茶分開上!?




估唔到我呢個奶茶仲串, 除左親自倒茶比我外, 仲有糖及淡奶比我自己較味, 可以較一杯岩自己既女奶茶. 連隔離枱飲奶茶既女仔都冇我得到咁好服務

呢餐真係食得好飽, 我哋去左海旁行下. 見到星光大道上有唔同人表演唱歌, 有d又真係唱得幾好聽喎!! 之後我哋就返屋企! 雖然係比較累, 我行到腳也起水泡, 不過都幾開心既, 難忘的一日^^

平凡的一日

今日都係落大雨, 加上影師公司有人請假, 佢要做埋佢同事果份, 要加班, 本來今日既私影要取消, 真唔開心, 最後只可係屋企內過日子~joejoe又同朋友去左旅行仲未返, 悶死人呢....

今日下午醫院突然打電話黎屋企, 話爸洗肚水唔係太清潔(咁都得...), 要拎爸既身份證去醫院拎藥, 最後我同埋媽兩人去醫院拎藥, 咁晏先打電話黎, 差d冇村巴搭出去荃灣地鐵站><




終於到左仁濟醫院既十四樓, 也係爸先拎藥單~





就係呢度呢, 媽先拎爸既身份證入房內拎藥單, 之後去返四樓拎藥

同媽等左半個鐘到, 可以拎到藥啦!! 我先拎爸既身分證及藥返屋企比佢, 而媽就返公司收拾東西. 係返屋企途中, 見到有對老公公婆婆互相扶住對方行路, 唔知點解覺得果個moment好感動, 可以搵到個同自己一齊走人生路既人外, 也可以支持到老, 如果我同joejoe都係咁就好呢!!




就係最前呢對老公公婆婆呢, 不過太細粒見唔到咁, 後面果對似兩母子多d...XD




下午一點至三點既時間冇村巴搭, 要搭小巴返屋企, 點知先發覺自己冇散銀搭車, 於是只好去附近食碗兩溝先~都幾好味, 不過份量太少=口="




食完兩溝之後, 發覺差唔多三點到, 我爸唔使我幫佢買包, 就買比我自己. 見聖安娜新出左個比利時choco波羅包, 鍾意食choco既我當然唔可以放過啦, 仲加埋4.5買choco milk, 果然係個choco痴!!




越睇佢個樣越好味呢!! 真係好想再食多一個...XD

長州太平清醮

本來係個不關己既事項, 自從同joejoe去左幾次長州後, 便愛上了呢個地方. 本來真係好想去睇, 但又怕太多人, 加上joejoe同朋友去左旅行, 只有我一個人好悶呢....

其實我哋係呢個月八號去左長州一次, 即係我哋買左對平安包仔女電話座果日, 已經見到好多同平安包有關既野買, 而且仲買過平安包, 只係六元一隻, 就好似壽包咁既味道, 包內有蓮容, 唔同既只係包面多左紅色印既[平安]兩個字, 最後我都同屋企人食左^^, 仲掛住平安包做型既公仔及cool旬, 毎樣都軟綿綿, 好可愛^^

雖然我呢次冇得去, 但都唔緊要, 係網上搵左搶包山既相比自己及大家睇下, 相片都係上網搵, 向各位網主借用下, 希望佢地唔好介意~




呢個係包山既骨架~睇工人好努力咁整! 咁都搵到真係好難得><




整好個架啦, 而家係做安全測試嗎?? 無論男又好, 女又好, 咁多人搶, 一定要安全d先得!!




包山架終於整好啦, 聽講有成十六米咁高!? 真係少d氣力都唔得, 尤其係女仔呢....




擺埋d平安包上去架山, 平安包山完成啦!! 廣州, 深圳, 澳門及香港既男女選手齊齊搭包啦~!!!




太多人買平安包啦!! 各麵包店工人要努力整包, 真係做到冇停手呢!! 加左價都係六元一個, 大大個都幾抵幾好味既~




仲有一個叫做飄色巡遊既活動, 見到好多小朋友著唔同衫扮唔同人, 都幾可愛呢~呢個女仔應該係最搶鏡吧!?(相片取自平凡人的blog: hk.myblog.yahoo.com/
jw!eGKHUA...rS387GhM-)




可愛既中國女娃娃~(相片取自平凡人的blog: hk.myblog.yahoo.com/
jw!eGKHUA...rS387GhM-)
article?mid=1457

見到人地blog既內容咁精彩, 而且仲好開心咁, 整到我都想親自己去感受下個特別及騎呢(!?)既節日. 今年就冇啦, 睇黎都要等到下年囉...