和同事食日本燒烤~

今朝早返工見到有兩個公仔係地鐵站門口, 唔通係sell時裝既?? 後來見到其中一個model貶眼, 先知道係真人, 果然好似公仔呢!!



真係好靚呢!! 我也想為時裝設計而犧牲, 可惜我已經冇機會呢...




下午就和幾位同事: tracy, natalie, sunny, keith及新同事may黎到一間日本餐廳食lunch, 都幾鬼靚喎!!



仲有附近既酒吧~真係好靚, 好有日式感覺!!



酒吧附近既卡位~可惜我哋太多人啦, 唔可以舒服地坐下卡位~




酒吧上既霾貓公仔擺設, 我同tracy都好奇, 因佢遠睇好似個假捲髮既美女, 近睇先知係霾貓~



講返野食先~呢個沙律我就真係麻麻地, 我只係食有沙律醬部分^^




仲有呢個碗蒸蛋個樣不但靚, 而且仲幾滑幾好味咁!!




日式既食品果然係靚, 就好似呢個二人份量既lunch咁, 就算唔食得都好, 起碼睇得^^




呢個四人份量真係夠吸引, 擺得好鬼靚, 而且肉燒起上黎仲唔肥, 超好味!!




d蝦大大隻咁~雖然我唔食既, 最多只係食後面果隻牛油帶子, 味道都算唔錯~




大家一齊燒烤肉囉!! 好鬼肚餓啊, 而家先知道tracy咁愛玩燒烤, natalie 係燒烤高手呢!!



打算清清地就食返個豆腐啦, 但我麻麻地like佢既醬汁, 不過凍凍地, 夏天食都幾岩!!



烏冬既湯實在太sweet, 可能係日本人口味掛!? 但烏冬都幾滑及有咬感!!

之後我哋叫左飲品, 仲以為有多個dessert, 點知原來係兩者選擇其一, 而且飲品只有三種, dessert只有綠茶雪榚, 最後梗係選雪榚啦, 不過都幾好味既^^

胡言亂語...

又唔知打咩好, 諗到咩就講咩啦!! 我至憎既暫時只有三個, 分別係fantasy及zero t, 但對佢地已經冇咩好講, 最多只係話佢地係淫影師及姣妹妹仔....

最近多左個憎既人, 就係公司既offiice assistant, cool都算, 仲要好串, 好冇禮貌, 成日係度大聲講電話嘈住人工作, 好煩....又唔教人做野, 人地唔小心做錯野就串人, 勁憎佢><...加上dept head 成日係最趕及最短既時間內要人工作, 仲要求多多, 真係好難頂, 有少少想離開間公司, 但因為份糧又冇辦法, 點都唔可以走, 真係唔開心

poly u 果度既九月份既course已經close左, 都仲未有消息, 上網睇返自己既報名情況, 仍然係[application be considered](仍在考慮中), 咩考慮咁耐啊!!!?? 我寧願佢直接打唔成功仲好, 又比佢呃左我二百元報名費T_T

希望之後唔好咁熱啦, 唔可以周圍去玩, 都唔知做咩好, 係屋企又悶, 出街又只係行商場或睇戲, 真係悶個半死!!

最近做咩成日唔開心既?? 快d整返樣開心野比我啦><""

靚女化妝師

好多謝nokiaa介紹一個女化妝師比我認識, 呢個星期六就係佢幫我化妝, 聽講佢好認識化到popteen, vivi等雜誌內日本女仔既妝, 令我對呢輯相更加期待呢!!

後來先知道個女仔比nokiaa影過相, 睇落佢都算幾靚女, 但後來唔見佢影相, 我覺得佢比其他所謂o靚模更靚, 做咩佢唔影呢??



總比普通既女仔仲靚, 唔做作, 如果pose自然既話更好呢!!

之後同佢係msn傾計, 似乎佢都幾nice呢!! 同佢夾好星期六既影相時間, 呢次去到佢屋企化妝, 我都未去過, 似乎有D緊張><

森女

最近諗左一個叫做森女既theme, 希望呢個星期六同nokiaa去影, 睇黎都幾難搵到衫, 飾物及道具, 但好like呢種風格, 比人感覺自然, 唔好似而家影相妹妹仔咁一味扮可愛, 真係好難頂=.="

首先比大家知道咩叫做森女, 各位靚女睇下自己係咪啦~(源自互動百科)

日本2010年最新崛起的族群——“森林系女孩”，简称“森女”。“森女”这个词起源于日本服饰团购最大的交流网站。一位20多岁的网友，因为被朋 友说很像是在森林里长大的女孩，于是她就以“森林系女孩”这个名字开设了一个社群，没想到获得许多网友的认同和支持。而现在，以“森女”为主题的各种商 品、杂志、书籍和音乐等都相继问世。

东京现在最流行的就是“森女”，就是20岁左右，活在享受当下幸福，不崇尚名牌，穿着有如走出森林的自然风格。以不做作，天真，自然的生活风格被大家认可。

森女-特点

“森女”穿着打扮、生活形态等，更贴近森林里那种轻松惬意的感觉。这些女孩气质温柔，喜欢穿质地舒适的服装并且崇尚自然，不随意追流行疯时尚，在装扮上偏爱多层次民族风、宽松棉质园裙再搭配上编织材质小物，颜色也以大地色和暖色系居多。

最喜欢做的事就是找一个咖啡厅，一杯饮料，一册绘本，就可以舒舒服服过一个下午。

森女-条件

1、喜欢民族风的服饰；

2、不盲目的最求名牌；

3、生活态度很悠闲；

4、最大的特点就是喜欢随身带着相机；

5、不管日子多忙碌，一定要抽空到咖啡厅阅读沉淀心灵；

6、生平最大的梦想就是到童话王国北欧去朝圣。

“森女”洋洋洒洒有很多项条件，只要拥有3项就算森女。比如

随身携带相机、喜欢自然民族风的衣饰、在有气氛的咖啡座欣赏绘本、喜欢手作小物等等！

至於我自己係咪呢, 如果佢話三項就算既話, 咁我應該係吧!? 起 碼第二, 三, 四及六點都係, 尤其係拎住個相機係又影, 唔係又影, 而家社會黎講, 應該係好事吧?? 所以呢個主題都好吸引我, 仲搵左好多相及頭髮去試下模仿佢地~

即刻比呢張相吸引住呢~~好想好似佢咁既打扮, 好自然^^

呢兩張相可以見到佢地既悠閒感覺, 好羨慕呢!! 自己都可以係咁就好^^

完全唔會扮可愛, 做返自己, 咁係最好!! 自己係咩性格就係咩, 可以係相內表達自己性格令相更吸引

三家村既相出左啦^^

之前係三家村既影炎炎夏日相出左啦, 可能係第一次咁熱既天氣下影, 對眼張唔開, 好似冇咁靚, 只好下次努力啦!! 也再次多謝Alan leung咁有心機影我^^



突然覺得自己好少女feel, 自己原來都有咁女仔既一面!!??



haha~呢張自己都覺得唔錯啦!! 上面個theme係舊既, 本來既意思係[和閃耀既藍天玩遊戲]~




呢張既風景真係好靚!! 整體都好配合, 好match呢!!




好開心咁玩放飛機呢~好耐都冇玩過, 都唔係太識玩, 真魚=.="



呢張既藍天好靚呢!! 加上我呢套衫, 突然覺得好有夏日feel, 雖然係好熱呢...



好like呢張既感覺, 只係覺得不足既地方係唔可以見到水中既自己, 如果見到就更好!!

真係好多靚相呢, 大家都係熱天既情況下盡量做好自己, 希望之後會有更多既合作機會!! 而我也要開始習慣係大熱天影相呢><

同joejoe都係唔知去邊度好

近排真係太熱, 今日都係先去尖沙咀飲茶先, 好在呢次唔係太多人, 仲可以見到門外一連串靚靚既裝飾, 唔怪之得可以收五千幾元一圍啦..



中式果邊真係好古色古香呢~如果第時結婚有機會係度影相就好^^



另一邊既係西式, 都算唔錯既, 但覺得景色及兩旁既樹比較假, 唔夠自然=.="




呢個什菜炒腸粉, 簡直一流, 勁好味, 好想再叫多一碟~



仲有呢個蒸茄子, 味道麻麻地, 都係食一次就好^^



仲有呢個特價小龍包, 雖然只係九元龍, 但十足材料, 一咬落去仲有汁必出黎!!




呢個燒賣都算唔錯, 唔多肥肉之餘, 又多冬菇, 只係唔食面頭粒綠豆, 好在joejoe幫我食, 鍚鍚>3<

食完野之後唔知去邊度行好, 夏天果然夠麻煩....最後都去左1881行下, 見到我like既其中一位香港時裝設計師vivienne tam既旗艦店終於開左, 只係出面影相已經好開心^^



有好多靚靚既衫呢, 係出面見到已經好開心, 唔使買都可以啦!!



仲有附近既上海灘, 見到都幾靚, 影返張相先~



之後同joejoe去文化藝術館, 見到好多中學生既作品, 中三既同學已經有類似時裝設計既畫, 果然利害, 也好羨慕佢地呢!



仲有一個角落擺放關於peter pan既展覽, 尤其係個窗口, 好靚啊!!




先影joejoe呆望窗口先, 見到佢pose都幾自然咁喎^^



果然係影師, 影得特別靚呢!! 連自己都好like呢張^^



呢好sweet呢, 好like呢張~~!! 好似我哋一齊睇夜景咁, 好浪漫><



係會場外仲見到好可愛既手工仔, 但價錢太貴唔可以買呢, 有d可惜....

同joejoe去慈雲閣

夏天已經黎到, 好快就好熱, 我同joejoe暫時唔可以周圍去, 就算去既地方一定要有屋企既地方, 我又冇去過慈雲閣, 於是joejoe同我去果邊, 想睇下自己未見過既地方~




終於到左慈雲閣啦~由中心行過黎時, 都要用十幾分鐘, 咁熱真係行到死左=.="




門邊外既石龍, 好似好有威嚴咁, 究竟入面係個咩地方呢?? 聽姑姐講話係擺骨灰位既地方時, 自己都有D驚..




睇黎仲有好多樓梯行呢, 加上天氣咁熱, 行上去都幾辛苦架!! 門口真係如姑姐講, 有兩個印度人係度, 同個成人一樣咁高..




雖然係個擺骨灰及介紹中國神佛既地方, 但一點也唔恐怖, 部分景色仲幾好. 呢個公仔都幾特別~




座假山及假魚都幾靚, 好有中國園林既style~




之後去到一個叫做慈光亨既地方, 加埋天上既藍天, 好靚, 可惜太曬, 唔可以係個亭度坐底休息...



亭上既燈也好靚呢, 簡單得黎, 又混合了中西特色, 唔錯!!



仲有呢個用石堆砌而成既石柱, 全部都用石整實在太勁啦!!



最靚既相信就係呢條布滿樹支既樓梯, 好難想像果個地方有咁靚既景, 不過太熱冇行上去..

用左一個鐘既時間終於行完, 之後再返慈雲山中心食少少野, 見到有間餐廳好似幾靚咁, 加上我地又累了, 都係快D去休息下先~間餐廳既食物價錢雖然貴左少少, 但都幾多人去食, 真係咁好味嗎??



地方都算大, 感覺比人覺得坐得好舒服, 真正enjoy自己份餐~



我同joejoe好好彩可以坐卡位~附近仲有好靚既畫



我哋卡位附近既一張畫, 幅畫實在太靚, 覺得自己置身於畫廊之中~




joejoe叫既生牛肉烏冬, 個湯好香, 生牛肉半生熟, 超好味, 早知叫佢個麵啦><



我叫既keep fit餐!? 其實只係冇咩胃口食野, 唔想食熱野, 於是叫左呢個沙律蕃茄火腿雞肉三文治, 又真係幾新鮮!!



今日買既兩件物品, 好似有d細路女咁....包括一把扇及一個證件套, 係我至愛既兔仔, 只有最後一個都可以買到, lucky!!