70, 80 及 90 後

成個月先請到既男同事FA及女HR 既員工終於返工, natalie要帶佢地周圍去認識公司內所有人 (又唔見我係咁既=.=)

之後仲同佢地食lunch, dept head 又去埋食飯, 整到唔可以影相呢, 無奈....當同事問個男同事有冇野唔食時, 個男同事竟然話

[我唔係80或90後, 唔會簡飲擇食!!]

我聽到都呆左, 咁係咪算岐視呢兩個年齡層既人嗎?? 唔通其他年齡層唔會簡飲擇食嗎??? 佢咁講覺得佢冇修養囉, 佢可以直接話自己咩都食, 但唔可以話其他年齡既人, 對於身為80後既我, 真係唔係太開心, 甚至少少嬲, 但又唔可以表現出黎, 對佢既印象唔太好, 佢個樣咁成熟, 竟然講埋呢d唔成熟既說話

諗起網上論壇, 都有個70後既女人批評80及90後既人, 仲話自己好彩唔係呢兩個年齡層. 結果比其他人插到佢起飛起, 唔通70後既人特別鍾意批評呢兩個年齡層, 其實我都覺得佢地唔係太成熟及特別好. 年齡層問題果然令到社會分化呢...

突然黎的約會

最近同joejoe少左見面呢, 大家都要OT, 好難得好似今日咁, 大家可以早放工, 去左佐敦附近食飯, 因為夠平, 同埋我哋可以一齊答車^^




只係一間普通既茶餐廳, 食物超平, 又幾好坐, 香港點可以冇左茶餐廳!!



餐牌上既字好靚啊! 成日對住電腦既我, 好耐都冇見咁得意及咁靚既字



毎個套餐都送既什果沙律, 都幾好味, 仲有透明既椰果!!



我同joejoe叫既飲品~我既係choco, joejoe既係奶茶~



我叫既茄汁雞排~味道都算唔錯既, 不過個汁有點sweet



joejoe叫既吉列魚柳, 兩個明明係唔同既送菜, 但個樣竟然一樣既=.="

海港城model show

我對o靚模冇興趣, 咁岩我公司附近有個由STYLE 主辦既一個model show, 仲有angelababy及lynn, 有好多人圍觀呢, 尤其係龍友, 一早準備哂相機圍住model係咁影相, 都岩既, 唔使比錢去參加影會就有免費model影, 比我都去影啦, 等我今日化身為龍友先~



係三樓zoom近影落去, 睇下幾多人圍觀, 認真誇張呢!!



其中一個男model介紹自己, 不過唔係太型...自己覺得



lynn都吸引唔少龍友喎, 就咁擺個pose都覺得好靚, 要認真學習下先!!



同場仲有angelababy, 更多人影佢, 我想走近去影, 就比好多佢既fans及龍友圍住, 只係見到佢由工作人員既帶領下上車離開><



兩位大熱model走左, 就影返個stage先~最衰自己冇機會睇全個表演..



突然走出黎既其中一位model...見到佢對高跟鞋都嚇呆左, 比我一定著唔到=.="



陸續有好多model上到台上比影師任影, 毎個都穿高跟鞋比人任影, 我就一定唔得呢~



全部model都埋哂位, 龍友開始影相呢!! 見到佢地影得開心, 自己就迫到死, 冇咩隱, 都係快D走~

返到姑姐屋企, 又係姪仔開始做運動既時候, 今日先發覺自己腰骨有少少歪, 真係要開始努力做運動, 及改善坐姿先得, 真係麻煩呢=3=

又去尖沙咀!? 唔好啦掛

今日都係約左joejoe去尖沙咀飲茶, 又係尖沙咀呢, 除左琴日冇去外, 其餘時間都係尖沙咀, 好似冇離開過返工地點咁, 不過我唔係抱怨, 唔好誤會, 只係行得太多, 有d想嘔...xd



本來叫什菜炒腸粉, 點知賣哂!? 最後只係叫左叉燒腸, 都ok好味既..



八元一碟既小龍包, 雖然好平, 但也好好味, 毎個小龍包都好多汁, 仲叫左兩龍!



仲有joejoe叫既叉燒包~睇黎佢真係好like食呢^^



毎次都食既雪蛤燉椰皇呢, 就係咁既樣!! 有時熱熱地超好味, 不過有時唔熱就麻麻地...

食完野之後又係尖沙咀行街街, 又係尖沙咀呢...都係影d比較特別既野就算



某店舖內既大湯匙~毎次見到佢都好多人影相, 但我似乎影得唔太好=.="



新港中心內既某麵包店舖~見到佢門口擺d包擺得好靚!



海港城內既一間飾物店舖, 對於女仔黎講呢個擺設相當吸引呢!!



好多七彩繽紛既雨傘呢~~毎個公仔都好特別, 唔用時可以做擺設~



彩色既餐具也好可愛呢~~好似小朋友一樣, hehe~

行完尖沙咀之後便各自回家, 唔知點解已經好累咁, 只要同joejoe一齊去已經好開心, 嘻嘻哈哈又過一日^^

西九長廊 @ 私影 with nokiaa + 同joejoe食飯

呢日好好彩, 有化妝師jovi既幫助, 令我對呢次影相有好多期望. 首先要去化妝師屋企化妝, 好在有佢既指導下終於去到佢屋企, 先知道佢同個日本男友一齊住, 住既係仲要係豪宅, 男友出去公幹時又可以跟住出去, 真係令人羨慕呢....



女化妝師屋企既lift 口, 一出門口就已經見到咁靚, 好羨慕><

令我諗返起以前chief fashion designer既前男友叫我同佢同居, 而且佢仲有車, 一切好似令人羨慕既生活, 也係好多個女仔夢寐以求, 但最後竟然放棄, 始終覺得男友要同我好夾先得...

講返化妝先, 去到佢屋企洗完面之後開始化妝, 睇黎佢對日本化妝真係好叻, 好有興趣呢!! 好心急睇下我自己化妝後係咩樣~



化緊妝個超核突樣, 特登影底比大家睇睇~仲要好似個傻婆一樣對住鏡自拍



化妝後既樣, 同埋帶住左個假髮, 旁邊果個就係靚女化妝師jovi啦!!



好like佢呢本雜誌, 聽講只有日本可以買到, 好like呢兩個女仔既做型, 尤其係白色果個><



等我都同本雜誌影下相先~都有少少白痴=.="

化妝後都已經四點!? 原本想去三家村影相, 但又因為落雨關係, 改左去尖沙咀歷史博物館, 但因為今日化妝耐左, 最後都係去左西九長廊影相, 講真自己一次都未去過呢, 真係失敗=.="



原來只係一條周圍充滿唔同藝術作品既柱子, 似乎冇咩特別咁...

好在唔係太多人私影, 可以放心咁影, 太耐冇影相, 可以盡情地玩下. 估唔到四點幾都咁曬, 真係好熱, 太多人都係一家大細去玩, 又或者影風景多, 所以都幾難搵位影相.影相途中又有人偷拍自己外, 也有個細路仔踏單車跌親, 我即刻走去扶佢, 但又驚整親佢, 最後都係由佢父母扶佢><



自己覺得幾靚的說, 本來想叫nokiaa影埋呢度, 但佢又唔願意影, 好可惜><



終於明白其他人點解會影外景, 原來景色真係咁靚!! 加上呢個藍天, 簡直係錦上添花



咁快就影左兩個鐘, 藍天白雲再加上日落, 眼前呢個景色好迷人, 六點都仲可見到呢種天氣, 真係難得!!



臨走時見到有o靚模影相, 原來只係有人影新人照, 唔係o靚模既話就影下啦><



影左咁耐個妝都溶, 而且大家又累, 仲有我約左joejoe, 最後都係離開, 係離開時見到有架勁型既電單車, 等我影多幾張先~



車頭全部都係閃石呢!! 不但車頭, 連其他部分都好閃, 果然好[殘]眼啊!!



車尾仲插住把劍, 真係好鬼型, 不過把劍係唔可以拔出黎, 咁就唔怕人拎左啦!!

影完相之後約joejoe食飯, 本來傾好左黃大仙, 但又驚joejoe行得太遠, 所以最後都係去紅磡食飯. 全日冇咩食野既我好肚餓, 唔想行太遠, 因夜晚太熱了!! 最後都係去火車站附近食飯, 竟然比我哋搵到間餐廳食打邊爐勁抵!!



我叫既choco及joejoe叫既飲品, 都幾大杯咁~我杯choco味道都唔錯!!



咁熱仲打邊爐, 當然係涼住冷氣啦, 不過都覺得自己好D過分, 好似好浪費呢...



我叫既牛肉什菜窩呢!! 仲有個烏冬送, 最後都係食剩下栗米, 同joejoe一齊食d吧!



joejoe因之前食左野, 所以食少d, 見佢都食唔哂碟飯, 而且味道麻麻, 最多下次同我一齊打邊爐啦^^

和同事食日本燒烤~

今朝早返工見到有兩個公仔係地鐵站門口, 唔通係sell時裝既?? 後來見到其中一個model貶眼, 先知道係真人, 果然好似公仔呢!!



真係好靚呢!! 我也想為時裝設計而犧牲, 可惜我已經冇機會呢...




下午就和幾位同事: tracy, natalie, sunny, keith及新同事may黎到一間日本餐廳食lunch, 都幾鬼靚喎!!



仲有附近既酒吧~真係好靚, 好有日式感覺!!



酒吧附近既卡位~可惜我哋太多人啦, 唔可以舒服地坐下卡位~




酒吧上既霾貓公仔擺設, 我同tracy都好奇, 因佢遠睇好似個假捲髮既美女, 近睇先知係霾貓~



講返野食先~呢個沙律我就真係麻麻地, 我只係食有沙律醬部分^^




仲有呢個碗蒸蛋個樣不但靚, 而且仲幾滑幾好味咁!!




日式既食品果然係靚, 就好似呢個二人份量既lunch咁, 就算唔食得都好, 起碼睇得^^




呢個四人份量真係夠吸引, 擺得好鬼靚, 而且肉燒起上黎仲唔肥, 超好味!!




d蝦大大隻咁~雖然我唔食既, 最多只係食後面果隻牛油帶子, 味道都算唔錯~




大家一齊燒烤肉囉!! 好鬼肚餓啊, 而家先知道tracy咁愛玩燒烤, natalie 係燒烤高手呢!!



打算清清地就食返個豆腐啦, 但我麻麻地like佢既醬汁, 不過凍凍地, 夏天食都幾岩!!



烏冬既湯實在太sweet, 可能係日本人口味掛!? 但烏冬都幾滑及有咬感!!

之後我哋叫左飲品, 仲以為有多個dessert, 點知原來係兩者選擇其一, 而且飲品只有三種, dessert只有綠茶雪榚, 最後梗係選雪榚啦, 不過都幾好味既^^