個同事咁快走左!!??

上次話80及90後果位同事, 做唔夠一個星期就走, 真係好兒戲咁...全部會計部既同事琴日已經知道, 我都係今日見佢冇返工, 問其他同事先知. 琴晚tracy見到佢連自己既杯都汁埋都估到, 不過算啦, 冇左佢係度都冇咩所謂既, 不過至擔心都係月尾趕month end時, 都唔知點算好...

所以今日又要趕住請人, 要即刻出jobsDB, 好明顯呢樣野又係我做, 估唔到反應都幾熱烈, 都幾多人應徵, 但身為account manager既natalie, 佢都覺得唔岩心水, 因佢想請返女仔, 但應徵既多數都係男仔; 加上佢又唔like 會計師樓出身既人, 五十幾個應徵者之中, 得果三至四個滿意而安排interview, 睇黎都好似幾難搵人呢...

tracy, natalie及我就慘呢, 又要三人努力地趕month end, 我只好努力d入數, 希望盡快入哂佢=.="

到我出事了....

今日仍然同姪仔做運動, 見佢毎次痛到哭, 都鄧佢辛苦, 點知連我都出事了, 就係...我有高低博及腰骨歪了, 換句說話黎講, 我也要同我姪仔一樣做運動, 原來真係好痛, 耐冇做運動既我連腰骨都痛個半死, 都明白我姪仔點解唔願意做運動, 毎次痛到哭...



呢個動作睇黎好易, 但我兩邊唔平衡, 長期舉起對手都幾辛苦><



雖然係辛苦, 但見到姪仔同細佬玩得咁開心, 自己都開心返^^



食住布甸, 邊用手指指住個鏡頭, 好可愛呢!! 其實都係因為姪仔咁愛電子用品, 見我拎出黎先指住, 佢又想玩埋一份呢!!


我姪仔食既布甸, 係我姑姐親手整, 超多芒果, 超好味道!!

睇黎之後都要狂做運動, 對於一向懶洋洋既我, 似乎有d難度呢!! 點會咁架, 真係要好好加油先得~

又一城行行~

本來今日同joejoe打算去長州玩, 但joejoe因為整件特別禮物比我而miss左十二點半既船, 要等一個鐘先有船, 去得幾個鐘都唔好玩, 最後只好放棄....



就係呢張用我哋合照合併成既相呢~毎張都好sweet 咁, 多謝joejoe^^




仲有joejoe琴日送比我既粉紅rose, 仲開得好靚呢!! 至愛係呢隻粉紅色^^



講返呢次既行程先, 本來去左中環碼頭集合去長州, 最後都係答渡海小輪返尖沙咀, 再答地鐵去九龍塘~



最後都係決定去又一城, 中間發生左件唔係太開心既事, 因為我太餓既關係, 所以先買食物, 點知等位時因掛住望joejoe周圍搵位, 汁瀉在自己手上, 仲大聲話左joejoe><...對唔住呢..




我叫既生牛肉湯河, 但個侍應比我果陣, 牛肉竟然係熟既??? 貨不對辦啊, 可唔可換及退錢架???




joejoe叫既三寶湯河~可能joejoe見我唔開心, 咁少送都比左舊羅白我, 多謝你^^




大家心情似乎唔太好, 只好去九龍塘周圍行下, 見到呢棵樹既花好靚~




joejoe影既粉紅色花, 影師果然唔同d, 連影花都咁靚!? 我要努力下先得!!




呢棵又老又大既樹, 遠睇好靚啊!! 好like呢類歷史悠久既大樹~




大樹旁邊既迷你花園, 真係好細, 但d樹及草好綠, 好靚~




同joejoe行經法國婚紗~其實我都幾like angelababy既, 見到全部都係佢就不停地影...xd




仲有呢張都幾靚, 唔好理佢有冇整容都好, 佢影相真係唔錯~




呢張婚紗好靚呢~如果第時都可以影到咁靚就好

周圍行完街之後, 我哋先去又一城既H&M去下, 之後再去附近小巴站答小巴, 果度都幾方便, 有好多交通工具周圍去, 咁如果有時裝展既話可以更易黎到!!?? 諗起都開心^^

香港婚紗暨結婚禮品博覽

最近天氣好熱, 都唔知去邊度好, 見最近有個婚紗展, 於是同joejoe去睇下, 多謝joejoe願意同我一齊去睇~

太耐冇去過會展覽既我地, 以為門口有門票賣, 點知要到展覽會場先可以買, 而且仲去到五樓咁高!? 答左好耐電梯先至到....



買完門票之後終於可以入場了, 見到d保安人員都唔想我地影佢咁..



入到會場內既地方展覽及內容~好似好多咁, 但好快行完...



一入到門口見到sell 化妝品既店舖~仲有唔同類型如首飾, 甚至連洗牙都有!?



另一部分全部都係婚紗攝影推銷, d sales 狂向我推銷婚紗套餐, 對私影既我係免疫既..xd



影影下相有個男仔向我推銷攝影套餐, 點知佢直接同我講唔準影相, 我於是咪掉頭走, 之後就唔可以光明正大影相, 真討厭, 只可偷偷影埋最後呢張..



冇得影相本來好失望, 但好在比我同joejoe竟然遇上個catwalk show!? 實在太幸福啦!!



首先係裙掛開始~多謝joejoe幫我影呢, 第一次影算唔錯啦^^



始終都係由中國人去演繹裙掛係最好既, 不過我覺套金色好少少娘=.="



唔知係咪冇左個紅色背景真係會好d呢?? 呢件裙掛係全場至靚, 睇佢裙刺繡咁多就知



始終都係拎起紅雨傘係最吸引, 覺得多一分女人味, 好like呢隻紅邊傘~



睇左幾次catwalk show, 呢個外國model最識做, 佢除左會係唔同角度擺pose比人慢慢影外, 仲會對住唔同人笑, 果然係見慣大場面^^



睇下睇下就已經完左, 全部model都行哂出黎, 原來只有六個model, 唔怪之得可以慢慢行, 比影師及其他人影相~



全部人集合!! 加埋中間既designer~如果果個係我黎就好呢, 發夢好了=.="



好在仲有下一場catwalk, 係我至like既婚紗及晚裝, 呢次到我影相先!! 呢張個人好鍾意, 除左係個model外, 仲有果點光, 超似真正catwalk既相!!



之後唔可再影上面果張相..自己只好再努力去試下影靚d><



呢條裙好高貴好靚, 係我至like既款式之一, 如果我可以著到就好..XD



女仔至期待, 覺得至靚既婚紗出場啦!! 都有好多拖尾款~始終都係拖尾既靚d^^



呢套婚紗係我既至至愛!! 好有夢幻(!?)既感覺~



兩個catwalk show終於完結了, 真係場好精彩既展覽~我哋再行多一陣就離開, 我估都唔會再去第二次呢, d人成日sell我太麻煩, 又唔可以周圍影相...



最衰唔記得同joejoe係會場內影合照留念, 好可惜, 只好係巴士上補返, 等我拎住本場刊, joejoe就拎住送比我既花花先~



我送比joejoe既burger~其實係有意思既, 因為我哋兩個都like地鐵站內既哈哈笑及burger果個廣告, 而我就係果個burger~

和同事食飯~

今日tracy請左假, 少左個怑, 我同natalie, sunny及另外兩名新同事may及edward食飯, may就係HR果位, 至於edward就係話80及90後果位, 都唔想同佢去架, 不過都唔可以做到咁出面既...

大家唔知去邊度食, 都係去我哋大部分人都建議去既地方: 小城知味食飯, 果度既四人餐超好味!! 呢次可以食到啦~



麻麻地好味既咖哩雞, 其實係個四人餐五個人唔夠食, 所以特登叫呢個, 味道麻麻~



滑滑既蝦仁炒蛋, 係我至愛之一, 蝦也夠彈牙^^



牛肉炒通菜, 都尚算好味既!! 個通菜好好食~




全場至好食既一定會係呢個!! 就係糖醋魚柳, 又酸又sweet, 超好味!!



當然唔少得四人套餐既主角: 沙窩雲吞雞!! 呢次個湯冇上次咁咸, 有進步^^



其他人都已經飽了, 只有我同may叫左呢個八元既芒果布甸, 味道都ok, 又有鮮果肉

好可愛呢^^

今日又可以早放工, 應該話可以七點前放工, 已經算好早呢, 拍八達通卡時, 見到city super 內賣玩具既玻璃窗,全部都係用donut主題整既玩具, 好可愛!!



用樽仔裝住唔同種類既donut, 可以儲齊佢地就好~~



可愛donut既近鏡~見到佢地細細個, 但做得好仔細



除左donut外, 仲可紅豆燒餅及魚燒餅, 全部都做得好似!!



原來donut可以穿住電線, 都幾有諗頭喎!!

70, 80 及 90 後

成個月先請到既男同事FA及女HR 既員工終於返工, natalie要帶佢地周圍去認識公司內所有人 (又唔見我係咁既=.=)

之後仲同佢地食lunch, dept head 又去埋食飯, 整到唔可以影相呢, 無奈....當同事問個男同事有冇野唔食時, 個男同事竟然話

[我唔係80或90後, 唔會簡飲擇食!!]

我聽到都呆左, 咁係咪算岐視呢兩個年齡層既人嗎?? 唔通其他年齡層唔會簡飲擇食嗎??? 佢咁講覺得佢冇修養囉, 佢可以直接話自己咩都食, 但唔可以話其他年齡既人, 對於身為80後既我, 真係唔係太開心, 甚至少少嬲, 但又唔可以表現出黎, 對佢既印象唔太好, 佢個樣咁成熟, 竟然講埋呢d唔成熟既說話

諗起網上論壇, 都有個70後既女人批評80及90後既人, 仲話自己好彩唔係呢兩個年齡層. 結果比其他人插到佢起飛起, 唔通70後既人特別鍾意批評呢兩個年齡層, 其實我都覺得佢地唔係太成熟及特別好. 年齡層問題果然令到社會分化呢...

突然黎的約會

最近同joejoe少左見面呢, 大家都要OT, 好難得好似今日咁, 大家可以早放工, 去左佐敦附近食飯, 因為夠平, 同埋我哋可以一齊答車^^




只係一間普通既茶餐廳, 食物超平, 又幾好坐, 香港點可以冇左茶餐廳!!



餐牌上既字好靚啊! 成日對住電腦既我, 好耐都冇見咁得意及咁靚既字



毎個套餐都送既什果沙律, 都幾好味, 仲有透明既椰果!!



我同joejoe叫既飲品~我既係choco, joejoe既係奶茶~



我叫既茄汁雞排~味道都算唔錯既, 不過個汁有點sweet



joejoe叫既吉列魚柳, 兩個明明係唔同既送菜, 但個樣竟然一樣既=.="