幸福之匙

2010年8月18日星期三

就黎爛面了...

我塊面一直都有少少敏感, 尤其係額頭果部分特別紅, 唔知點解最近特別serious, 同事佢地都好關心我架, shirley及tracy問我有冇睇醫生, brenda就介紹我食咩野, ada介紹我食咩送, sunny等人叫我唔好再搞個額頭, 公司好多人關心自己, 好感動><

我都想claim錢, 但問題係...個HR跟本都未同我辦保險新員工加入手續, 即係我仲未有資格claim錢住, 以呢個HR既性格及工作, 唉...講出黎真係長篇

話說個HR叫我把表格分比我及另兩名新員工填, 之後叫我收集佢地兩份及連同自己果份比佢, 之後由佢再填返, 但我覺得有問題:

1) 毎個階層既員工有唔同既福利類別, 咁當然department head最多福利, 之後到senior manager, officer, 最後就到我哋普通員工, 我哋大家點知屬於邊類

2) 毎個職員既入職日期及人工都唔知, 身為account及admin既我, 根本我冇權問佢地拎資料

好明顯佢係唔合理, 連manager都忍唔住頸, 話佢離譜, 甚至仲話佢係[駝衰家], 因為佢既人工及強積金都同阿ger唔夾, 而且仲把HR原本既admin工作比返佢做, 令到本來忙既佢更加忙...睇黎都有人同我一樣幾討厭個冇料但又扮哂野既HR, 睇黎我同阿ger都幾可憐...

所以話唔係毎個上級比你做既野係合理, 自己一定要思考下, 如果我真係照佢咁做, 咁就係越權及加重自己工作量, 就真係瀨野啦!!所以話...呢個HR幾時先可以幫我搞到醫療福利, 唔通我真係要爛面!!??

2010年8月17日星期二

和舊同事amy及christina聚聚舊先

本來約左christina係今日食飯, 但由於星期四和全班同事食飯, 當中包括阿head及個HR, 所以都冇問到tracy, natalie, ada去唔去飯局, 而我星期五又放左假去澳門, 所以只好琴日先問佢地, 估唔到tracy及ada都會黎, 太好了!!

我哋放工之後即刻離開, 到附近同christina集合, 之後再一齊去又一城join埋amy, 同埋搵地方食飯, 最後都係決定去一間叫左[王家沙]食上海菜

格局都比較特別, 用綠色做圍欄, 但會唔會比較古怪呢??

另一邊既收銀處~仲有黃色既欄杆, 全間餐廳更加奇怪咁.

我哋五人坐既位子~都算坐得幾舒服既!

羅白絲酥~但我面上皮膚唔太好, 少食煎炸野

呢個就係豬油撈面, 都係第一次見及第一次食, 味道都唔錯既, 但覺得比較油膩

唔知咩野炒通菜, 但一定係全部食物之中最好味, 食到個個人唔停口

呢個豬肉水餃岩哂我口味, 大家都好就我, 叫呢個清清地既比我食

呢個中文名就唔知叫咩, 但日文叫高級炒飯, 但其實只係切到好細粒既金華火腿炒飯

排骨炒上海年榚, 味道岩岩好, 年榚也好有咬感, 唔錯既食物^^

兩龍小龍包, 我也食左兩個, 但味道就麻麻地, 皮唔夠簿

松子魚唔會差得去邊, 呢個也係比較好味既送菜

之後就食dessert, 好耐冇食過酒釀丸子啦! 酒味都幾香, 丸子幾彈牙

呢個豆沙窩餅都幾令人失望, 皮太厚及唔脆, 又唔夠紅豆味

大家影張合照先, 我皮膚差就唔好影啦, 都係做影師好了...xd

食完飯之後大家似乎意猶未盡, 去左pacfic coffee度飲咖啡及玩大富翁紙牌, 睇黎公司雖然毎日都玩, 但玩極都唔覺得討厭

餐廳上既風扇都幾靚既, 不過最衰就係冇假天花, 好似冇咁美觀

周圍既餐廳環境, 枱椅之間比較多空位, 比人感覺幾舒適

我地位子附近既地方, 有雜誌睇, 不過都係玩比較好

偷影tracy, christina及amy買咖啡先~

五個人叫既咖啡, 仲要咩味道都有, 仲有唔同sizes

我哋五杯咖啡唔係太貴, 都只係六十八元!? 原來係amy用左加一元多一杯既coupon, 加上可以無限次使用, 先至咁平

大家終於開局, 快d一齊玩大富翁紙牌啦!! 仲可以玩到五舖, 毎人win一舖, 皆大歡喜^^

我終於win左啦!! 仲可以儲到三套貴地, 仲有好多錢啊, 哈哈!!

最衰聽日要返工, 唔係仲可以玩夜D. 我哋玩到十一點到就離開pacific返屋企, 諗起又要返工真係掃興

2010年8月16日星期一

分手信先

由於去澳門只有一日既時間, 而且拎住一袋二袋野, 又要去影相, 所以買既手信唔太多, 首先係分左比自己父母及妹先, 之後先比我哋finance及HR同事~

先送包鮑汁牛肉乾比佢地先, 都幾惹味既, 但我皮膚差唔食得

一盒買比屋企人, 一盒買比同事, 連department head都話好味!??

送比父母既杏仁餅, 我見joejoe買, 等我都買下先, 唔知好唔好食呢???

呢盒係買比同事既, 我食落去都唔錯既, 仲少有比左好少接觸既office assistant!?

本來仲有一盒choco肉鬆蛋卷及迷你杏仁餅, 但都比姑姐及六叔食哂, 自己連一件都冇試, 真係可憐呢...睇黎下次都係食左少少先擺出黎同人分享比較好, 起碼自己有得食

同埋姑姐原來叫我買兩磅厚豬肉乾, 但只係買左一半, 好似唔夠咁, 最多下次買多d=3="

2010年8月15日星期日

又返深井屋企

上午因為太夜訓覺,今日冇同屋企人飲茶,只係下午去葵芳買衫, 準備下星期五既私影, 返到深井屋企都係訓下覺, 上下網之類, 妹仲比我玩埋最近出既psp game, 就係tales of 系列, 我又唔想再不停為psp升級而令到佢唔可以玩舊game, 所以決定買正版

好好玩啊, 好想玩.....但諗起要三百幾元, 真係有點卻步, 冇計啦, 呢個月五日先出

見到人地網上指明要升級到6.20...我部只有五點幾, 差好遠=.="

個打架畫面好正, 好好玩啊, 一直駁hit儲積分~

冇得玩睇住靚靚畫先~呢張係男女主角係白樺之森既畫, 係獨角獸住既地方, 只有純潔少女前往既地方

呢張就係另一位魔女既女主角, 好配服其他人勁勁既CG畫

上圖魔女既媽媽呢~因唔可以離開精靈之森, 所以只好遠望自己既女兒及其他人~

好耐冇試過迷上遊戲及卡通, 感覺自己有點似細路女, 不過間中有童真都冇所謂既, 個人比較開心D麻...XD

2010年8月14日星期六

joejoe 尖沙咀之旅

返工返尖沙咀, 雖然曾經講過話放假唔會去尖沙咀, 但joejoe話想去太空館睇[史前水怪]. 就去一次睇下啦, 估唔到幾誇張, 開映前兩個鐘已經差唔多賣哂票, 只可坐前兩行, 希望唔會太差吧!?

就係睇呢套~冇咩文化氣息既我, 見joejoe一直想睇, 就試下睇睇先

同joejoe買既兩張票, 睇五點鐘~

等緊入場前先去starbucks 飲咖啡, 不知好歹既我哋竟然叫左最平既黑咖啡, 苦到我哋死死下, 加左兩三包糖及多杯skimmed milk先至唔苦, 睇黎下次唔好叫了, 順便睇下時裝雜誌, 真係舒服呢!!

套戲雖然只有四十分鐘, 而且唔準拍攝, 但都幾好睇, 好耐都未試過係投影器睇電影, 令到我哋好似置身係水底一樣, 感覺上都幾真實, 但睇得比較辛苦吧!? 睇完戲之後又唔想咁快返屋企, 於是到附近既文化館睇畫展, 估唔到國畫都可以好靚呢!!

充滿桃花樹既地方呢, 但都感到好有詩意, 望落去好舒服

呢幅比較清淡既花及鳥畫, 簡簡單單比較舒服

都係比較清淡, 花既顏色也比較特別, 唔用紅及粉, 改用藍色

都係比較自然及簡單既畫, 係花既襯托下更突出雀鳥

其實都唔只有鳥既, 花襯貓也好特別, 更表現貓高傲既一面

好靚及鮮艷既牡丹花, 唔怪之得用牡丹形容美人~

2010年8月12日星期四

生日真的快樂!!

終於到自己生日, 好似等左好耐咁!! 先同爸講生日快樂先, 同埋也有另一位同事同我同一日生日, 就係個HR, 真係唔想呢=.="

先多謝各同事因為我而慶祝, 但也要慶祝多個, 覺得自己唔係咁重要...

餐廳環境比較暗, 但家私及裝修都唔錯, 全白既家私感覺舒服

毎張枱上都有隻紙鳶, 加上啡色既枱, 覺得簡單及幾靚~