My beautiful life
My model life since Nov 09~
My sweet life w/ bf joejoe since Dec 09^^
姑姐早幾日叫我唔好約人, 就係今日去鑽石山拜麻麻及爺爺, 早上大家先去慈雲山中心飲茶, 食飽飽之後先去拜山. 食左唔係太多野, 應該話食物種類唔太多, 而且又唔好味, 都係算吧啦
途中經過美國冒險樂園, 見到個夾公仔機又換左公仔, 呢次係至愛既鬆弛熊><
妹鍾意既cinnamon, 個樣傻傻地, 都幾得意既~
我四叔架車~頂上仲有玻璃窗, 加上車上仲有電視睇, 感覺超正!! 係去旅行就好^^好在我四叔及六叔, 唔使咁熱行去鑽石山, 太好了!! 去到鑽石山後, 大家都去拜下山, 之後再拎燒肉及雞去二叔及六叔相熟既茶餐廳開飯, 雖然平凡少少, 但都幾開心, 唔錯^^
今日又去長州玩下, 其實都係去渡假屋多, 只希望大家有個地方休息一下~~好在老闆娘比我地平五十元, 真幸運!!
同joejoe試下答既所謂豪華船票, 要睇下佢幾豪華先得~
呢...呢個就係豪華位!!?? 除左有冷氣及有枱外, 都唔知邊度豪華...
終於到左長州, 包括埋呢個平安....burger???? 仲有幾隻味道!?好似幾得意喎~
ahha~仲去左周圍既店舖行下, 呢間餐廳幾靚, 仲有到此一遊呢個名, 都幾有意思~
呢間全部賣貓物品既店舖, 一定係貓迷既至愛
呢間粥店簡直係我及joejoe既至愛, 毎次去長州都一定要食佢, 尤其係豬潤腸粉, 而家佢就整緊呢樣, 見到個盆都好熱呢
買完弼之後行過一間荒廢既戲院, 都好似幾特別~
但去到渡假屋時, 我竟然唔見左條鎖匙!?? 點解由我袋既都可以唔見左?? 我竟然仲大聲話joejoe, 真係對唔住, 咁樣對我既好老公, 我都覺得自己實在太過分, 又把joejoe嚇呆左..
同joejoe離開渡假屋之後, 買返少少禮物比佢先, 我就買隻杯杯比joejoe先, 仲送多個平安burger既磁石佢, 個公仔軟淋淋, 好得意!
好快就係長州返黎中環, 之後去左IFC行, 見到好多靚靚既櫥窗擺設賣鑽石呢!!呢個小屋幾特別, 又幾得意喎
呢條純白樓梯真係好靚, 仲加上附近既心心, 好似結婚一樣
仲有靚靚既high fashion既海報, 呢個model真係好型, 而且仲好有美感
呢套衫也好型, 而且係我至愛既黑色, cutting 又靚
呢張相係影比joejoe既, joejoe著起上黎應該幾型吧? 佢咁瘦著咩都好睇
呢張相既model好有性格, 覺得佢仲好型, 而家班私影妹妹仔都冇呢種特色
呢套真係最最最型!! 可以著呢套裙去影返輯靚相就好~
今日可以請假放早, 只係返半日工, 勁開心!! 仲可以和同事一齊開開心心食KFC^^
近近地影下炸雞及燒雞先~好似好好味咁喎...XD放工之後返屋企休息一下, 之後就再去影相, 六點半就要去到尖沙咀, 真係要快手執好野先得!! 我哋會先去食飯及化妝, 咁就去某影師店舖附近既停車場拍攝~
同女化妝師share一個飯餐, 估唔到都食唔哂....值得一讚既係個玉子豆腐都幾好味, 又多冬菇^^
影師kamman同另一位扮[死屍]!? 既助手傾緊點影相~
周圍既停車場~橙色果邊玻璃窗都幾特別, 也係我地影相既重要取景地點~
本來用果架白色車拍照, 點知個車主架走架車, 只好搵第二度影..
影到累累地, 係架車度休息一下, 好多汗啊=.="
影左大約三個鐘, 大家又熱又累, 最後好在有個影師有車, 大家可以休息下, 而且我也有順風車坐到姑姐屋企樓下, 真幸運^^
期待睇你地比心機影既靚相~
影埋星期五呢次相就冇得再影, 之前應承影相既影師唔係話息影, 就話自己好忙. 鬼叫自己唔夠上鏡, 而且出面太多妹妹仔比人影, 自己冇咩機會影, 好在我唔係靠呢行食飯, 唔係真係死得, 私影都算係自己興趣, 但而家冇得影, 都冇計啦!! 惟一慶幸既係仲有joejoe同我影靚相, 令我灰暗既私影大道仲有一點光明
最想讀既poly u 時裝設計都冇哂聲氣, 都係冇機會讀, 我最大既興趣都冇, 覺得有點灰暗, 惟有睇下有邊d學校既course讀下=3="
唔通最後都係要讀返會計!!?? 自己又唔想讀, 覺得好辛苦, 但比冇野讀, 無所事事既好...但唔知我會唔會讀讀下又好似之前個course咁走人呢?? 除非有公司津貼啦, 不過都係冇多
至於份工, 我又唔係太大興趣於會計及寫字樓工, 覺得好沉悶, 惟一好既係有班好同事, 令到苦悶既生活之中有點歡樂~
其他工如侍應, sales, 教書等等又唔岩自己, 真係唔知做咩工好?? 二十幾歲人, 都仲未知自己做咩好, 都唔知點算好囉...
我塊面一直都有少少敏感, 尤其係額頭果部分特別紅, 唔知點解最近特別serious, 同事佢地都好關心我架, shirley及tracy問我有冇睇醫生, brenda就介紹我食咩野, ada介紹我食咩送, sunny等人叫我唔好再搞個額頭, 公司好多人關心自己, 好感動><
我都想claim錢, 但問題係...個HR跟本都未同我辦保險新員工加入手續, 即係我仲未有資格claim錢住, 以呢個HR既性格及工作, 唉...講出黎真係長篇
話說個HR叫我把表格分比我及另兩名新員工填, 之後叫我收集佢地兩份及連同自己果份比佢, 之後由佢再填返, 但我覺得有問題:
1) 毎個階層既員工有唔同既福利類別, 咁當然department head最多福利, 之後到senior manager, officer, 最後就到我哋普通員工, 我哋大家點知屬於邊類
2) 毎個職員既入職日期及人工都唔知, 身為account及admin既我, 根本我冇權問佢地拎資料
好明顯佢係唔合理, 連manager都忍唔住頸, 話佢離譜, 甚至仲話佢係[駝衰家], 因為佢既人工及強積金都同阿ger唔夾, 而且仲把HR原本既admin工作比返佢做, 令到本來忙既佢更加忙...睇黎都有人同我一樣幾討厭個冇料但又扮哂野既HR, 睇黎我同阿ger都幾可憐...
所以話唔係毎個上級比你做既野係合理, 自己一定要思考下, 如果我真係照佢咁做, 咁就係越權及加重自己工作量, 就真係瀨野啦!!所以話...呢個HR幾時先可以幫我搞到醫療福利, 唔通我真係要爛面!!??
本來約左christina係今日食飯, 但由於星期四和全班同事食飯, 當中包括阿head及個HR, 所以都冇問到tracy, natalie, ada去唔去飯局, 而我星期五又放左假去澳門, 所以只好琴日先問佢地, 估唔到tracy及ada都會黎, 太好了!!
我哋放工之後即刻離開, 到附近同christina集合, 之後再一齊去又一城join埋amy, 同埋搵地方食飯, 最後都係決定去一間叫左[王家沙]食上海菜
格局都比較特別, 用綠色做圍欄, 但會唔會比較古怪呢??
另一邊既收銀處~仲有黃色既欄杆, 全間餐廳更加奇怪咁.
我哋五人坐既位子~都算坐得幾舒服既!
羅白絲酥~但我面上皮膚唔太好, 少食煎炸野
呢個就係豬油撈面, 都係第一次見及第一次食, 味道都唔錯既, 但覺得比較油膩
唔知咩野炒通菜, 但一定係全部食物之中最好味, 食到個個人唔停口
呢個豬肉水餃岩哂我口味, 大家都好就我, 叫呢個清清地既比我食
呢個中文名就唔知叫咩, 但日文叫高級炒飯, 但其實只係切到好細粒既金華火腿炒飯
排骨炒上海年榚, 味道岩岩好, 年榚也好有咬感, 唔錯既食物^^
兩龍小龍包, 我也食左兩個, 但味道就麻麻地, 皮唔夠簿
松子魚唔會差得去邊, 呢個也係比較好味既送菜
之後就食dessert, 好耐冇食過酒釀丸子啦! 酒味都幾香, 丸子幾彈牙
呢個豆沙窩餅都幾令人失望, 皮太厚及唔脆, 又唔夠紅豆味
大家影張合照先, 我皮膚差就唔好影啦, 都係做影師好了...xd
食完飯之後大家似乎意猶未盡, 去左pacfic coffee度飲咖啡及玩大富翁紙牌, 睇黎公司雖然毎日都玩, 但玩極都唔覺得討厭
餐廳上既風扇都幾靚既, 不過最衰就係冇假天花, 好似冇咁美觀
周圍既餐廳環境, 枱椅之間比較多空位, 比人感覺幾舒適
我地位子附近既地方, 有雜誌睇, 不過都係玩比較好
偷影tracy, christina及amy買咖啡先~
五個人叫既咖啡, 仲要咩味道都有, 仲有唔同sizes
我哋五杯咖啡唔係太貴, 都只係六十八元!? 原來係amy用左加一元多一杯既coupon, 加上可以無限次使用, 先至咁平
大家終於開局, 快d一齊玩大富翁紙牌啦!! 仲可以玩到五舖, 毎人win一舖, 皆大歡喜^^
我終於win左啦!! 仲可以儲到三套貴地, 仲有好多錢啊, 哈哈!!
最衰聽日要返工, 唔係仲可以玩夜D. 我哋玩到十一點到就離開pacific返屋企, 諗起又要返工真係掃興
由於去澳門只有一日既時間, 而且拎住一袋二袋野, 又要去影相, 所以買既手信唔太多, 首先係分左比自己父母及妹先, 之後先比我哋finance及HR同事~
先送包鮑汁牛肉乾比佢地先, 都幾惹味既, 但我皮膚差唔食得
一盒買比屋企人, 一盒買比同事, 連department head都話好味!??
送比父母既杏仁餅, 我見joejoe買, 等我都買下先, 唔知好唔好食呢???
呢盒係買比同事既, 我食落去都唔錯既, 仲少有比左好少接觸既office assistant!?
本來仲有一盒choco肉鬆蛋卷及迷你杏仁餅, 但都比姑姐及六叔食哂, 自己連一件都冇試, 真係可憐呢...睇黎下次都係食左少少先擺出黎同人分享比較好, 起碼自己有得食
同埋姑姐原來叫我買兩磅厚豬肉乾, 但只係買左一半, 好似唔夠咁, 最多下次買多d=3="
