西九龍中心catwalk show + 我的第二部psp

多謝joejoe豬話我知西九龍中心今日會有個catwalk展覽, 其實係因為鼓勵讀完時裝設計學生創業, 開間店舖, 所以特登舉辦個時裝展, 順便比多d人認識佢地既作品, 仲有個開幕儀式. 可能天雨關係, 主辦人遲到, 終於遲左半個鐘先開始><



二樓影落去既catwalk舞台, 因為比工作人員趕走, 唔可以係度影相



結果要係前面影相, 雖然係近距離, 但前面D人阻住哂, 真係好想汁走佢地!! 呢個係剪綵儀式



首先以casual wear 為主, 不過似乎比較普通左..


連內衣都有!? 不過同o靚模比, 又真係冇咁色情既



條褲兩邊都唔同顏色, 又幾特別喎. 上身簡單更突顯褲既特別, 唔會令人眼花



呢條裙都好特別, 用唔用既布料做成, 上身既淨色衫比人感覺乾淨利落



呢件簡直係我既至愛, 除左係因為黑色之外, 仲好型及神秘, 超正!



呢件毛毛都好正, 好想要, 但香港而家越來越熱, 都唔知有冇機會著到




五位行天橋既model仲同所有嘉賓, 設計師合照, 我都好想成為台上既設計師, 不過距離仲好遠..

睇完catwalk之後就試下搵間店舖睇下, 點知原來只係好細間, 賣既衫及飾物都唔太多, 而且也唔係太靚, 就冇影到啦! 只係影左一間店舖, 聽講係整cosplay衫, 見到佢套lolita及店舖都唔錯, 但好細間, 而且冇人, 可能只係宣傳

就係呢件衫, 款色唔太誇張, 都幾靚架!! 而且仲係我鍾意既款式



後面既背景都好靚, 好有故事童話feel



仲有呢個地下, 真係好靚, 簡直係perfect!!



行到咁上下, 大家終於肚餓啦!! 毎人叫左個炒烏冬食下先得!! 我呢個係鴨胸炒烏冬, 味道唔錯, 仲只係二十幾元, 抵到爛



我先拎起一碟烏冬影下相先~~好似個白痴一樣.




我知道你想食啦, 全個為食樣都出哂黎, 快d食啦...XD




最後都係同joejoe去左黃金買左部粉紅色既psp, 又係粉紅色啦...冇計啦, 新出既psp, 只有呢隻色靚, 只好買呢隻, 襯返部nds=3="

買左部機, 終於可以玩tales of 啦, 好開心, 又係狂打機既日子

同姑姐食晚飯

雖然接近月尾, 又係趕毎個月埋數既日子, 但都可以早放工, 仲可以同姑姐去食飯, 太幸運了!! 姑姐之前去龍翔中心, 食過一個窩蛋牛肉飯, 冇錯, 絕對唔係出面食既煎蛋牛肉, 而係真真正正既窩蛋, 好耐冇食啦, 勁期待!!



食窩蛋牛肉飯既餐廳, 價錢唔太貴, 但氣氛都唔錯咁




餐廳以黑白及啡為主, 夠哂簡單, 又比到人空間感





天台上既燈, 都比較得意及少有





枱上既餐牌及用品擺設, 可以見到價錢唔太貴, 都算合理





登登登~窩蛋牛肉飯終於送到!! 果然真係隻窩蛋, 本來想同姑姐毎人叫一個, 點知只有一個, 只好兩人share食吧!





都係唔夠飽, 於是再叫多個魚腐湯飯, 味道都唔算差, d飯濕濕地, 夏天最岩食





毎個客人仲可以加一元換豆腐花, 最多只可換三個, 優惠只做到8月31日, 要換就快d換啦!!





最後我哋都換左三個,不過都係姑姐食多, 我都唔係太鍾意

同事的土耳其手信

我哋公司既其中一位請左十多日假去土耳其, 真係羨慕呢!! 買左手信比大家食, 對於未去過呢個地方既我, 冇得去都要食下佢買返黎既手信食物, 而且仲要影底佢, 比大家欣賞下又好, 自己留念都好!!





好多用乾果做既餅乾, 但我只食左上面果盒餅, 其餘冇食到啦

就係食左黃色呢盒紅莓餅, 味道都唔錯, 不太sweet, 岩岩好!



呢盒我真係唔敢食啦, 可能自己唔太鍾意乾果吧!! 都係留返比其他人食..

整到我都好想去旅行呢!! 究竟同邊個去好呢?? 屋企人? 朋友? 定係joejoe呢?? 最好就可以同哂佢地去旅行啦!! 不過當務之急都係儲下錢先, 先至可以去旅行麻><

終於出左相!!

呢個月二十號同各影師影既相終於出左啦, 多謝adrain, 輯相出黎好正, 自己也覺得好英勇, 如果我真係個女警, 我也會勇敢去help當時菲律賓既人質嗎???

都係講返呢輯相先, 其實係一個故事, 講既係一輯休班女警遇上殺人犯既故事, 希望大家鍾意^^

一個休班女警落雨之後返屋企, 明顯一副疲態呢..




一場殺人案就係眼前, 如果真係見到既話都幾驚..




見到殺手犯, 當然要拎起手槍指向罪犯啦





殺人犯也急住逃走, 仲跑得好快




我也要去追犯人先, 其實都幾熱架, 仲跑到全身汗=.="




唔知個犯走左去邊, 真係要小心D先得, 拎住枝槍戒備




正當準備找犯人時, 原來犯人已經在女警後面!?




多謝adrain影既相, 後面仲做得好pro. 究竟係個女警死, 定係犯人死呢?? 就比大家諗下啦~

菲律賓的人質事件

香港發生左件大事, 引起全香港人既關注, 就係一個被辭既警員, 因要求復職而以香港旅行團既二十多名既團員, 最後做成九死七傷, 令到全香港人憤怒又傷心, 憤怒既係菲律賓警員既無能, 做成多人死傷; 傷心既係多個港人家庭有多名親人死傷, 真係見者傷心, 聞者流淚. 後來上網見到其中一名生還者用五千字描述當時情況, 我都覺得幾有意思, 於是取錄下來比大家睇...

(部分來自新浪香港)


“回家的路上，我透過車窗看著天上的月亮，圓得讓人心痛，不知是農歷十五還是十六，又是那麼亮，亮得那麼冷漠。”8月29日，菲律賓劫持事件中，生還者李瀅銓在博客上寫下這句話。


此時，距離那樁驚世事件已經七日，但這個香港女子仍感覺自己發絲中染上的血腥味。在最絕望的14個小時里，她低頭看過自己掌紋上的生命線；在感覺一生也不會停止的槍聲中，她躲在椅子下為飲彈的團友默念心經。


這一天，是菲律賓劫持事件中死難者的“頭七”之日，香港8萬人走上街頭參與無聲的哀悼游行，隊伍中有很多第一次參加游行的市民。和李瀅銓一樣，來自香港6個家庭的20個平凡市民，從來沒有想過自己會成為慘劇的主角；會成為700萬香港市民期盼回家的對象；也從來沒有如此清晰地看到自己內心迸發的良知和力量。


通過電視直播目睹這場劫匪和警察交戰，最終以9人喪生為代價的現實悲劇，每個人都難以撫慰自己的內心。事發一周，我們試圖重組整場事件中鮮為人知的各個細節，重溯讓人扼腕畫面背後的真實人性，以此冀望，生者堅強，逝者安息。

這次事件讓我們見識了香港人性化、人情化、充滿友愛，尊重每個人生命的一面，比如導游不顧個人及時向公司匯報情況，事發後香港全城陷入悲痛，政府承諾終身照顧受影響的孤兒等等，這些都是香港精神和香港軟實力的體現。



他，鎮定報警自始至終從容面對死亡在飛機從菲律賓回到香港那一刻，李瀅銓走到領隊謝廷駿的母親面前，“握著她的手，不知道跟她說什麼，只能說，我很想謝謝Masa，他一直很照顧團友，直到最後一刻。”

Masa是謝廷駿的英文名，他喜歡日本動畫中一個有勇有謀的角色，因此以其名自稱。作為一名擁有10多年帶團經驗的領隊，謝廷駿已經記不清楚這是自己第幾次帶團到菲律賓。

臨行前，謝廷駿就和母親不時提到帶團到菲律賓的種種危險。“兒子說，要經驗豐富才可以帶菲律賓團，我次次都叮囑他要萬事小心！”豈料，一語成讖。當菲律賓人羅蘭多‧門多薩尾隨游客登上大巴，向全車人宣告，“對不起，你們現在是我的人質了”之時，這個31歲、看起來帥氣時尚的小伙子是全團反應最迅速的一個。


門多薩開始不知道他是領隊，指揮他坐到車廂尾部。這正中謝廷駿下懷，他不作聲響，在門多薩與團友們交流的時候，趁機偷偷撥通了還未被來得及被收走的手機。


時窮節乃現。每一個危急關頭，給人人性展現的時機都極為有限──給予謝廷駿的只有短短一分鐘的通話機會。只有後排的團友知道，他盡力壓低著聲音，冷靜地向電話那頭的同事交代團友所在位置的狀況。事實上，直到被門多薩識別領隊身份，從車尾押至車頭並用手銬鎖在車門處當“人肉盾牌”後，謝廷駿臉上的表情依然很冷靜。


那張在網絡流傳的照片上， 謝廷駿神態鎮靜。在那一刻，他依然對一切充滿信心。夜幕中，槍手情緒終至崩潰。猝然的槍響後，謝廷駿身影一斜，第一個倒下。


人生中最後一次的工作任務，謝廷駿從頭到尾都用最真實的反應來完成。在回憶謝廷駿時，李瀅銓熱淚盈眶，“他在生死關頭仍對團友不離不棄。劫匪要他從車尾走到車門，他沒有半點猶豫，盡忠職守至生命最後一刻。


”在7月4日開通的微博上，他留下了這樣的自我介紹：“什麼都可以輸，斗志不可以輸！”母親哽咽著說，兒子知道母親一直渴望到南非旅游，曾承諾一定會帶她去。這次出門前，他已計劃帶母親到西貢吃海鮮大餐，慶祝母親下個月的生日。


在康泰旅行社的網站上，有專門為謝廷駿設立的網頁。網友說，數萬條留言都可以化作讓人心酸的一句話：“全團都已經回家啦，你完成任務啦，成績是極滿意，安心吧！”全團最終有半數人獲救，高度推崇職業精神的香港市民認為是謝廷駿的功勞，因此稱他為 “香港驕傲”。無數香港人向政府發送電子郵件，要求追頒謝廷駿英勇勛章。


英勇導遊係香港人既驕傲，雖然自己冇能力做任何事, 只可係fb內加入其他人為佢成立既群組, 表示自己對佢既心意啦...

終於買左tales

話說我妹最近玩隻psp既tales of phantasia x, 我試玩之後一直都好想玩, 覺得買佢隻game好貴, 所以一直都心大心細, 唔知買唔買好, 但最後都係去左黃金商場買左, 要成三百幾元!? 不過都比旺角平既, 同一個價錢, 就可以買到特別版~






就係呢隻game啦!! 呢個就係特別版, 仲有隻DVD咁既東東??







呵呵~終於買到我一直想買既game啦!! 好似都幾好玩咁....XD






就係送呢隻DVD, 係封面呢幾位角色既廣播劇, 仲有各配音員既親筆簽名






就係呢隻DVD, 呢隻就係呢隻game既吉祥物, 成日都彈彈下, 好得意

本來以為可以即刻玩, 點知...要upgrade個psp既版本, 但我細佬話我而家呢部機好值錢, 可以玩ISO檔既遊戲, 而家d機玩唔到, 賣出去會好貴, 所以最後都冇upgrade到部機, 唔知幾時先有得玩, 好無奈..

拜山

姑姐早幾日叫我唔好約人, 就係今日去鑽石山拜麻麻及爺爺, 早上大家先去慈雲山中心飲茶, 食飽飽之後先去拜山. 食左唔係太多野, 應該話食物種類唔太多, 而且又唔好味, 都係算吧啦

途中經過美國冒險樂園, 見到個夾公仔機又換左公仔, 呢次係至愛既鬆弛熊><

妹鍾意既cinnamon, 個樣傻傻地, 都幾得意既~

我四叔架車~頂上仲有玻璃窗, 加上車上仲有電視睇, 感覺超正!! 係去旅行就好^^

好在我四叔及六叔, 唔使咁熱行去鑽石山, 太好了!! 去到鑽石山後, 大家都去拜下山, 之後再拎燒肉及雞去二叔及六叔相熟既茶餐廳開飯, 雖然平凡少少, 但都幾開心, 唔錯^^

又出發去長州!! 好熱啊

今日又去長州玩下, 其實都係去渡假屋多, 只希望大家有個地方休息一下~~好在老闆娘比我地平五十元, 真幸運!!



同joejoe試下答既所謂豪華船票, 要睇下佢幾豪華先得~



呢...呢個就係豪華位!!?? 除左有冷氣及有枱外, 都唔知邊度豪華...



終於到左長州, 包括埋呢個平安....burger???? 仲有幾隻味道!?好似幾得意喎~




ahha~仲去左周圍既店舖行下, 呢間餐廳幾靚, 仲有到此一遊呢個名, 都幾有意思~





呢間全部賣貓物品既店舖, 一定係貓迷既至愛





呢間粥店簡直係我及joejoe既至愛, 毎次去長州都一定要食佢, 尤其係豬潤腸粉, 而家佢就整緊呢樣, 見到個盆都好熱呢




買完弼之後行過一間荒廢既戲院, 都好似幾特別~




但去到渡假屋時, 我竟然唔見左條鎖匙!?? 點解由我袋既都可以唔見左?? 我竟然仲大聲話joejoe, 真係對唔住, 咁樣對我既好老公, 我都覺得自己實在太過分, 又把joejoe嚇呆左..

但joejoe仲為我整我至愛既芒果布甸, 自己真係慚愧....睇個樣都好似唔錯喎, 而且仲幾好味, 布甸質感岩岩好




同joejoe離開渡假屋之後, 買返少少禮物比佢先, 我就買隻杯杯比joejoe先, 仲送多個平安burger既磁石佢, 個公仔軟淋淋, 好得意!




好快就係長州返黎中環, 之後去左IFC行, 見到好多靚靚既櫥窗擺設賣鑽石呢!!呢個小屋幾特別, 又幾得意喎




呢條純白樓梯真係好靚, 仲加上附近既心心, 好似結婚一樣




仲有靚靚既high fashion既海報, 呢個model真係好型, 而且仲好有美感





呢套衫也好型, 而且係我至愛既黑色, cutting 又靚




呢張相係影比joejoe既, joejoe著起上黎應該幾型吧? 佢咁瘦著咩都好睇





呢張相既model好有性格, 覺得佢仲好型, 而家班私影妹妹仔都冇呢種特色




呢套真係最最最型!! 可以著呢套裙去影返輯靚相就好~