sarah@受洗 with edith, liz & luxen

今日下午有其中一位好友寶妮會係觀塘教會受洗, 我同呢班好友好耐都冇見, 今日可以聚聚, 太開心! 我也只係化妝少少去觀禮及影相. 惟一美中不足既係我最最好友菜菜因唔舒服唔可以黎, 希望佢可以快d好返, 可以再同我哋聚聚啦!!


我同嘉華及酸梅先到觀塘地鐵站等, 之後就一齊答的士去教會, 而liz也好快到左教會, 仲買埋花, 果然有效率呢!! 齊人後就去教會坐, 等儀式開始





終於到左啦!! 寶妮就係呢度受洗




教堂內既大台及玻璃窗, 同琴日去既教堂一樣, 以啡色及白色為主





大家唱起聖詩, 中間果個就係寶妮啦!!




寶妮開始受洗啦, 仲要係第一個, 當然緊張啦!!



受洗之後當然要同佢教會內既人員影相啦, 咁多人圍住佢影, 真羨慕





中間拎住花既係寶妮啦, 好靚女啊^^



寶妮太受歡迎, 好多人搵佢影相, 我哋等左好耐, 先可以同佢影相呢, 首先係酸梅~




之後到嘉華同寶妮影, 大家幾有笑容^^




我部相機壞壞地, 唔可以影liz及寶妮, sorry...之後到我影相啦, 冇左眉筆真係差少少



點都要影下主角寶妮既, 終於見到佢化妝啦，都唔錯!! 唔知個"big love"係咩黎呢?



仲唔少得我哋既合照呢!! 見到我宿埋一舊, 勁核突. 同埋嘉華既臉blur左既!?



影完相之後, 寶妮要同其他教友去食飯, 我哋幾位走先, 之後同嘉華及liz去附近既apm食野, 而酸梅約左男友走先, 只剩下我哋三個, 我哋係美食廣場食野後, 之後周圍行下~

上次同joejoe食一次pepper lunch後, 之後冇食, 而家可以食返, 太好啦!! ...仲未炒好既牛肉飯~



炒好左啦, 好好好味, 仲落左好多燒汁落去!! 不過五點幾食呢個飯, 會唔會誇張左少少呢?? 雖然全日只係食左兩塊包...

同屋企人飲茶+ 中環閒遊

早同屋企人去荃灣季季紅飲茶, 飲完茶之後各有各節目呢!! 父母就返大陸搞賣屋; 姑姐要返公司工作, 而我就約左joejoe去灣仔睇時裝展


今次我哋坐近玻璃窗邊, 見到布置咁得意就出去影下



係玻璃窗外影相時, 姪仔咁岩又望過黎, 即刻影返張相先~





食物好快就到, 首先黎既係皮蛋瘦肉粥及家鄉粉米粉~



靚靚既蝦餃, 個樣不但靚, 而且仲好好味~




仲有千層馬拉榚, 鬆鬆軟軟, 毎次都一定會叫呢個點心~





仲有呢個蒸羅白榚, 雖然冇蝦米之類, 但好多羅白絲, 都只係兩個幾, 真係又平又好味!




不知不覺就叫到全枱都係點心, 但都比我哋五個好快食哂!!





飲完茶之後仲有時間, 於是同父母一齊等直通巴到黃崗. 待父母上車之後, 就早少少答地鐵去中環, 仲坐係附近既地方打機, 再同joejoe會合. 去到灣仔會展, 先知原來冇時裝展, 於是決定到中環行下. 未開始行中環時, 先到以前返工既地方附近食下飯先



中環真係唔同d, 連茶餐廳都靚過人, 連價錢也好貴呢!!

先毎人一杯飲品先, 又幾大杯咁, 但我杯choco唔係太sweet><
joejoe叫既什排飯, 個樣真係幾靚, 不過份量似乎少左d...





我叫既快餐, 包括沙dee牛肉麵, 火腿奄列及厚多士, 超好味!!




食飽飽之後同joejoe行電燈街, 多謝joejoe同我黎, 原來只有一條樓梯




多謝joejoe話我知有呢個以舊香港為主既一間starbucks, 好正啊!!



仲有呢個古舊既風扇, 同埋玻璃窗邊既鳥龍, 好古舊呢





仲有以前餐廳既卡位, 真係勁正, 同埋令人懷念呢





仲有另一邊既位子, 都係古舊既枱及椅子, 仲有貼上交叉既牛皮膠紙






仲有中文版既starbucks 餐牌, d名勁得意, 勁搞笑




我同joejoe坐既位子, 係店舖既角落, 都幾好坐架!!





仲有特別既直立風扇, 見都未見過呢~




最衰自己冇化妝, 唔係可以影下輯靚相, 呢張叫左好少少啦, 都係下次化妝之後先狂影



去完starbucks之後再同joejoe行下, 見到呢個最高法院, 同心目中既似乎有點不同




仲有呢個教堂, 超靚的說!! 而且仲可以任人影, 正!!




入面既教堂超靚!! 呢個就係主台, 好細緻既裝修及擺設





神職人員企既旁邊位置, 睇木上既雕刻好靚, 好仔細






主教坐既位置吧!? 同樣都係用手工細緻既木具





信徒門祈禱及崇拜既地方, 木椅子配上白柱, 感覺簡潔又高貴




教堂外既其他建築物, 比人清靜既感覺, 好舒服




仲有比人買聖經及用品既地方, 仲有人唱聖詩~


好在呢日唔係太熱, 也唔曬, 我同joejoe都行得好舒服, 又可周圍去, 簡直係最高享受, 如果毎日都可以周圍行就好^^

Lee 牛仔褲展覽

今日係公司樓下, 見到有隻機械大笨象及幾個彩色公仔, 於是好奇走去睇下, 原來係lee既牛仔推廣展覽, 但唔係太多野睇, 加上今日返深井屋企, 只係影左幾張就即刻離開






就係呢隻大象, 仲背住hi-fi, 又幾特別呢!!!





佢地既牛仔褲都幾型, 而且仲有窄身黑色牛仔褲, 今年咁興, 可能會買呢





條工人褲都唔錯既, 男仔著上身都應該幾型, 如果唔係肥佬既話..





當然唔少得lee既廣告牌, 而且仲有小天做代言人, 超正!!

掛號信

上個星期一收到封掛號信, 但我平時要返工, 都冇時間去拎. 上個星期六想拎, 但又趕住睇時裝展覽, 最後都係冇去到, 於是打電話到郵局, 約左星期二去拎, 點知又遇上poly u呢件事, 又要趕月尾埋數; 冇計, 只好改今日去拎, 可以五點幾放學, 太開心!!

少見既掛號卡, 係收唔到掛號信先會有, 仲要係八月廿一日!?

就係呢套ELLE既年票, 毎個月一本, 真係有排睇~

拎左一套三本既雜誌, 真係重個半死...仲要拎住雜誌去買送=3="




冇見王菲咁耐, 都仍然咁有氣質同咁靚, 而家妹妹仔龍女冇得比



仲有秋冬既時裝及化妝trends, 雖然冇得讀時裝設計, 但睇下自己有興趣既時裝雜誌都算唔錯..



之後去左買送, 五元一份生菜及菜心都幾抵, 都有成一斤, 而且個樣都唔錯架!! 生菜仲係好翠綠~



仲有既嫩白豆腐, 個樣都唔錯, 但煮完之後有陣[栗]味




是是但但買既魚肉, 都幾好味既!!