想買秋冬服裝

雖然而家仲有三十幾度, 毎日都住好熱既日子, 但時裝世界內絕唔會被天氣影響, 話咁快又出左秋冬裝, 也令我好想買, 但我仲未出糧, 冇得買住, 真係可憐呢><


款式方面, 我開始想著下比較成熟及似high fashion既時裝, 自己始終都大個女, 再加上自己或者有機會讀時裝設計, 更加唔會著到好似日本妹, mk look啦, 個人開始覺得日本妹look好似有少少令人反感, 可能係覺得有點姣(雖然有時覺得幾靚),睇黎要慢慢改左打扮成架妹既個習慣先




呢個型look我就最鍾意, 尤其係件衫, 加埋漆皮褲或黑色窄身牛仔褲, 再配呢對黑涼鞋或黑boot, 一定型爆!!



呢套衫都唔錯, 加埋條裙, 唔會比人感覺特登露肉, 冇咁cheap麻!!



呢套也算唔錯, 但條裙太短, 會唔會太sexy呢??

狂影姪仔dede

由於落雨既關係, 本來想約joejoe出街, 最後都冇約到, 不過都唔緊要, 可以同姑姐及姪仔聚下都唔錯. 呢日我哋先去食早餐, 再去買送, 仲走去商場行下, 估唔到慈雲山中心都有咁可愛及靚既布置


睇dede個樣岸居居, 加上後面既公仔, 覺得更得意!




兩旁臉豬燈紅紅地既女仔, 加埋條大眼雞魚, 又幾可愛喎



一見到佢仲以為佢係大口仔, 但仔細睇下又唔係, 拎住個煎堆傻下傻下, 又幾得意既~



姑姐話我知仲有一個擺設, 呢個果然仲靚, 尤其係中間發光既柿~



連呢個番版大口仔都玩魚魚燈籠~




仲有大口妹妹拎住個裝滿柿既盆, 哈哈, 又幾搞鬼喎



我哋買左試食既兩個裝冰皮月餅, 之後比姪仔拎住, 睇佢手指擺係咀邊, 成個o靚模咁款=3="



扮完o靚模後, 再show下個大班袋, 果然有表現才能呢, 去做男模吧...XD



我同姑姐買左套衫比佢, 之後返屋企試下, 又真係幾型仔, 不過佢似乎唔太習慣條窄褲, 睇佢扁哂咀就知道啦





二歲仔已經大大份, 身高好似四歲既小朋友一樣, 越來壞難買衫比佢啦!! 睇條版仔褲咁短就知




唔知係咪除左板仔褲, 同埋可以照鏡, 會特別開心呢?? 仲學會好似雜誌內既男模擺POSE



仲擺唔同pose, 好似天生食model呢行飯咁, 不過只限照鏡, 平時佢影相時岸居居架!!

深水步閒遊

今日去既都係深水步, 完全冇原因, 只係希望joejoe今日加班之後可以休息下, 今日都仲要你返工, 辛苦哂你>< 我哋約左六點鐘係地鐵站等, 之後一齊去搵野食, 順便補祝返我哋拍拖九個月, 就食得豪少少, 但其實豪少少只係比平時食貴少少, 因為我哋要合力儲錢買屬於二人世界既屋, 同埋我要讀時裝設計, 所以要慳慳慳!!





最後都係食日本野, 先影下我哋既碗快先~





50元半磅三文魚, 又估唔到有幾多喎, 毎人四件岩岩好~




呢個鐵板係joejoe叫既, 仲用鍚紙包住既? 到底係咩黎呢?



原來係焗什菌黎既, 雖然話係什菌, 但只係雞比菇及冬菇, 種類似乎少左d喎..




仲有特價既三文魚壽司, 都只係三元一件, 但毎人只叫六件, 不過都差唔多啦~




仲有呢個燒餅, 食落去都有少少漏..


食飽飽之後, 大家都去附近行下, 我同joejoe又鍾意電腦用品及軟件, 最後都去左西九龍中心行下, 去到頂樓時, 比我哋見到搞笑物品



其實都唔係叫做搞笑, 係可愛就真, 睇佢咬住joejoe個頭, 呢張相真係搞笑~



等我都顛下先, joejoe後面有人望住, 快d影完相好走啦~



行完街之後再去糖百府食dessert, 唔知食咩好呢??




糖百府既內部, 唔係太難, 唔係太多人既話算坐得舒服~



joejoe叫既芒果牛奶冰, 清清地, 味道唔錯架!! 小丸子及七彩糖係自選既




joejoe個樣真係喉擒~講笑, 至緊要佢食得開心就得~



我叫既咖啡冰~都幾香咖啡味, 同樣小丸子及七色糖都係自選, 但小丸子就麻麻地好味. 咖啡冰就幾香, 不過冇咩奶



等我都拎住個冰影下相先, 冇咩化妝既我太核突啦..

不可思議

我新果個fb, 只限自己既好朋友或親人add我, 尤其係同事, 更加唔想比佢地知我影相. 但其中一位係私影世界比較出名既影師黑色教豬想add我, 我當然拒絕佢啦!! 加上我之前請求佢影我, 佢都冇影, 而家無啦啦想add我都唔知想點...

已經開始放棄影相, 去搵自己既理想, 就係讀時裝設計, 聽聞CITA(製衣業訓練局)有證書及高級文憑既course讀, 仲只係要中五學歷便可以, 睇起黎有希望吧!? 如果讀左六科就有證書可以入poly既話, 而家報名, 十月開始讀就差唔多, 等我下星期拎埋成績表及證明去報名先~

唔知係咪個任性既決定, 但希望可達成自己既理想, 又或者話, 可以做到自己興趣既事, 已經開心~

同二嬸, 二叔及堂妹食飯

今日如常返屋企準備食飯, 點知返屋企中途, 我姑姐打電話比我, 話我知二嬸約我哋九點半到慈雲山中心食飯, 姑姐幫我買麥當當既包包頂住肚先, 好肚餓啊~




到左九點半, 約埋二嬸佢地, 之後再去一間茶樓食飯, 見到自助打邊爐勁抵, 只係六十幾元; 但最後都係食小菜, 由十八至三十八元不等, 都好抵~



夜市已經唔係太多人, 感覺比較闊落, 如果可以打埋邊爐仲正!!





我哋座位上既燈, 唔係太靚, 但都幾過隱~




我哋可以坐到旁邊近玻璃窗既位, 又有梳化坐, 幾舒服~




食物終於黎啦, 呢個係堂妹碧珊叫既肥牛煲, 都幾香, 幾好味~



我叫既浸菜魚肉及蝦肉, 菜就係椰菜, D魚及蝦肉好難食, 以後都唔會叫





仲有呢個海節, 好好味, 不過有少少spicy




西芹炒雞柳, 雞柳都幾軟, 西芹又爽, 加上味道又唔錯, 係個幾好既選擇




呢個紅燒牛肉煲都唔錯, 但我已經開始飽, 食唔落啦

二叔後來先黎食飯, 聽二嬸講係因為打牌先遲左, 唔緊要啦. 後來佢地叫多幾個送, 但我已經太飽, 冇食及冇影相, 二嬸仲送左支平果果操比我哋, 多謝二嬸^^

公司的VIP

今日美國公司最大粒個阿head黎香港公司巡視, 我哋各員工都好緊張, 連secretary head都好緊張, VIP黎之前十五分鐘已要我坐係接待處, 好在位VIP都唔係太串, 坐左兩個鐘之後終於有得返埋自己位, 係接待處冇野做, 真係悶死人咩...

放左工之後, 大家突然有興致去影下相, 而且仲少有見到我哋部門既經理著裙, 同埋我少有咁化妝(因我係公司從不化妝), 更加要影相留念^^


先同公司比較老友既tracy及經理natalie影下相先~



再黎多張直影既, 大家都好正經啊...XD




呢張我都幾鍾意, 有我地公司既賭王, 也即係我哋既FA, 加上我同tracy幫佢揼骨, 認真正爆~

補祝tracy生日飯

今日放工同tracy去食飯, 當係補祝佢生日餐飯, 因為上次同事都同佢慶祝, 而我因為個公司個OA請左假, 我唔可以和同事慶祝佢生日, 只好呢次由我請佢吧!! 去既地方係葵芳, 真係好耐都冇去, 可以舊地重遊, 都算唔錯既!!



其實呢間餐廳只在電梯附近既角落, 唔算太大間, 但都幾多人去食



我哋準時放工, 一齊答地鐵去葵芳, 去一間叫做可麗茶房既日式餐廳食飯, 但卻激到我哋一肚氣..






最初比呢間既crepe及dessert吸引, 好似藝術品一樣咁靚



最出名既應該係可麗餅吧!? (我見台灣係咁講), 都算吸引既.


點知一去到間餐廳, 果D見習女侍應勁冇禮貌, 我同tracy想坐內比較舒服既位, 點知比個短髮既侍應話唔可以坐四人位, 只可坐近門口. 直至見到有人走, 我哋又想坐內, 點知另一位比較高級既侍應也冇禮貌咁話唔可以坐四人位, 係我既要求之下先比我哋坐內, 之後又有一對情侶食飯, 佢地竟然可坐四人位!!?? 簡直係狗眼睇人底, 見人地拎名牌袋就唔同哂, so cheap!!

我既奶茶終於到左, 見糖漿及奶分開上, 奶茶又唔太sweet, 算唔錯



tracy叫既蕃茄肥牛麵, 個樣都算唔錯既, 麵好似鳥冬一樣





我叫既蕃茄牛腩奄列飯, 係餐廳既推介, 都幾好味, 不過食食下覺得d汁都幾sweet




等tracy同兩碟送影下相先, 咁大食既...XD




等我都同自己碟飯影返張相先, 冇化妝果然係好核突

本來個餐仲有個沙律, 但好耐都冇黎到, 各侍應都冇幫我哋跟跟, 最後一肚氣咁埋單走. 我都唔算太孤寒既人, 但因為佢既服務真係勁差, 我一元tips都冇比. 而頭先其中一位女侍應係我哋埋單先, 先懶有禮貌, 我都係唔比tips你, 連兩元都拎走埋, 因為你地既服務太差!!!! 下次我也唔會再黎!!

開左個新fb

最近開左個新既fb account, 只會加哂所有好朋友, 包括而家公司既同事, 至於點解開個新fb, 都有幾個原因既:

1) 舊fb太多人, 費時搵人麻煩, 仲有好多都係唔熟, 唔想比佢地知道我太多野
2) 唔想見龍友影既自以為靚既龍女, 毎次見呢d相都覺得嘔心
3) 舊fb太多相簿, 令到好友好難搵自己既相簿, 新呢個fb就令佢地可以更快, 更易去搵
4) 呢個也係主要原因, 因我唔想比同事知我曾經做龍女比人影, 費時佢地一傳十, 十傳八, 把我既相比哂人睇, 咁就麻煩

所以我希望各朋友係fb內tag相比我時, tag去我既新account度, 未add我既朋友都可以add埋我, 我新既fb email係: kumi_shing@hotmail.com

sarah@受洗 with edith, liz & luxen

今日下午有其中一位好友寶妮會係觀塘教會受洗, 我同呢班好友好耐都冇見, 今日可以聚聚, 太開心! 我也只係化妝少少去觀禮及影相. 惟一美中不足既係我最最好友菜菜因唔舒服唔可以黎, 希望佢可以快d好返, 可以再同我哋聚聚啦!!


我同嘉華及酸梅先到觀塘地鐵站等, 之後就一齊答的士去教會, 而liz也好快到左教會, 仲買埋花, 果然有效率呢!! 齊人後就去教會坐, 等儀式開始





終於到左啦!! 寶妮就係呢度受洗




教堂內既大台及玻璃窗, 同琴日去既教堂一樣, 以啡色及白色為主





大家唱起聖詩, 中間果個就係寶妮啦!!




寶妮開始受洗啦, 仲要係第一個, 當然緊張啦!!



受洗之後當然要同佢教會內既人員影相啦, 咁多人圍住佢影, 真羨慕





中間拎住花既係寶妮啦, 好靚女啊^^



寶妮太受歡迎, 好多人搵佢影相, 我哋等左好耐, 先可以同佢影相呢, 首先係酸梅~




之後到嘉華同寶妮影, 大家幾有笑容^^




我部相機壞壞地, 唔可以影liz及寶妮, sorry...之後到我影相啦, 冇左眉筆真係差少少



點都要影下主角寶妮既, 終於見到佢化妝啦，都唔錯!! 唔知個"big love"係咩黎呢?



仲唔少得我哋既合照呢!! 見到我宿埋一舊, 勁核突. 同埋嘉華既臉blur左既!?



影完相之後, 寶妮要同其他教友去食飯, 我哋幾位走先, 之後同嘉華及liz去附近既apm食野, 而酸梅約左男友走先, 只剩下我哋三個, 我哋係美食廣場食野後, 之後周圍行下~

上次同joejoe食一次pepper lunch後, 之後冇食, 而家可以食返, 太好啦!! ...仲未炒好既牛肉飯~



炒好左啦, 好好好味, 仲落左好多燒汁落去!! 不過五點幾食呢個飯, 會唔會誇張左少少呢?? 雖然全日只係食左兩塊包...