同stacey食飯

好耐冇見過stacey啦, 今晚終於可見到佢及同佢食飯. 七點鐘去旺角既朗豪坊, 一放左工之後即刻走去同stacey會合^^



本來stacey想預約susuki食飯, 但susuki不設預約, 不過都唔緊要, 反正果間野都唔好食, 我哋由頂層開始搵餐廳, 最後比我哋搵到間紅蔥頭食飯, 食物好似好好味, 而且好似唔太貴, 就係呢間食飯吧!



一共叫左兩個飯, 我同stacey share 食, 首先係呢個芝士菠菜焗龍利柳飯, 個汁好濃, 龍利柳算林, 有埋菠菜, 比人感覺唔太肥膩





仲有呢個豆腐什菜窩及金菇肥牛卷, 睇落去好似有d誇張, 但幾好食咁喎



金菇肥牛卷既close up, 肥牛有點硬, 個汁尚算唔錯




呢個豆腐什菜窩都幾得意, 有菜, 金菇等等, 底下仲有個烏冬, 都幾好食, 但個火太快熄, 又唔可以加湯底, 要快d食哂先得




個窩咁靚, 我哋影下相先, 先影下stacey先~




之後到我影返張相先, 呢張也影得唔錯咁喎




食完飯之後, stacey送左份台灣買既手信比我, 多謝哂你, 等我都同佢影返張相先~



就係呢份手信啦, 係條可愛既電話裝飾品

玩玩轉中環

原本以為中環IFC有個時裝展, 於是同joejoe去, 點知只有介紹IFC網站既展覽, 但設計都幾得意既, 我哋兩個大細路玩下及影相先~

即刻走去fashion部分影相先, 好多lego人著住唔同衫比人影相呢



當然要同我至愛既豹紋衫lego人影張相先, 睇我挨住佢影, 幾close



等joejoe又影返張相先, 佢同豹紋人都唔close既..XD



等我呢個大力妹(!?)捧起支大酒先!! joejoe快d飲啦



joejoe飲哂成大支酒啊~唔好飲醉左, 我送唔到你返屋企架><

仲有旅客區, 不過joejoe做咩突個頭出黎啊!!??



仲有睇戲部分, 有埋副3D眼鏡嗎!!?? 旁邊仲有炮谷, 入去睇戲啦!!



我冇眼鏡, 等我用兩隻手整副眼鏡出黎先, 好白痴既我...



睇下joejoe豬訓左副眼鏡度幾寫意, 好like呢張既感覺



去完IFC玩完之後, 再到附近既美心MX食下午茶餐, 最貴都只有二十幾元份, 真係又抵又味


我叫左份公司三文治, 再加埋薯條, 都算好味, 不過三文治有雞好似怪怪地



仲有呢個鐵板牛柳炒麵, 牛柳又林, 麵又夠硬, 汁又岩岩好味


食完tea之後去另一個景點, 就係電燈樓梯既starbucks, 今日勁多人, 等左好耐先有位比我哋影相, 我哋當然先影返張合照吧


睇我塊面幾肥, 幾包包...joejoe就好啦, 塊面咁瘦



好耐冇影相, 都唔知擺咩pose, 呢張相都叫少少似model吧!? 最衰後面有個女仔背影..



呢張相既構圖我都幾鍾意, 同樣都係後面有人阻住, 差左少少..


joejoe拎起相機真係好似影師, 應該話佢已經係影師黎啦^^



好like joejoe呢張相既感覺, 望住個相機訓覺, 真係好愛攝影既感覺




全部相之中, 最鍾意呢張相既感覺, 覺得好少女既情懷, 相信係一張比較似可愛女仔既一張相



自己始終比較cool吧!? 拎起相機影相感覺好唔同, 好似好惡咁



我而家唔係影殺手啊...果部係相機, 唔係槍黎架



懶卡哇伊呢咁拎起個相機做咩!? 成個傻婆咁..



joejoe豬又係影師呢個樣, 見到佢就暈啦~~


好鍾意呢張相既pose, 感覺好型, 但又有少女打扮



呢張相好有旅行既感覺, 如果第時有錢可以拎住部相機周圍去就好, 好寫意呢!!


之後去左其中一個商場既一間雪榚店既地方影相, 其實係要人買左雪榚先可以坐, 但我又見冇人, 於是同joejoe偷偷地入去影相, 呢個係牆壁



仲有好多以品牌雪榚及choco做既布置



joejoe又出動影相啦(!?), 睇佢影相個樣幾認真



我都扮下影相先, 呢個係開心及比較少女既樣, 連自己都想嘔...XD



呢張係比較cool既, 比人感覺認真d, 就好似joejoe咁既樣



最後影埋呢個雪榚吧就走啦!! 好多款七彩顏色既雪榚, 相當吸引呢!!



同joejoe影完相之後, 再到附近既商場傾下計, 講到第時我有機會讀時裝設計既話, 我會少左時間理佢, 驚joejoe會好悶呢, 也係我最唔放心既地方, 我怕第時會太少時間理joejoe, 驚佢寂寞及唔開心, 但joejoe冇野讀都冇計啦, 最多幫我影多d讀時裝既花絮, 而我也會盡量抽時間黎陪你^^

中秋節快樂

首先要祝大家中秋節快樂先, 雖然呢篇blog係中秋之後打既. 尤其係一位好耐冇見既朋友fantasy, 佢最近發生左件唔開心既事, 佢就叫我同佢保守秘密, 我唔可以講, 希望佢都可以快樂吧!!



公司都係冇得早放工, 真係掃興, 只可準時五點半, 之後同joejoe去食晚飯, 一齊過中秋, 我哋由佐敦行到去旺角, 唔太遠既路程, 但都諗唔到食咩, 最後都係要返去女人街度食日本野



間餐廳雖然唔大, 但布置上花心思, 令人感到都有空間感




牆上布滿餐牌, 都幾有日本feel, 毎款菜色有中文及日文對照



先黎一個特價半磅既三文魚刺身, 三文魚紋又靚, 肉又肥美



仲有呢個肥牛煲, 汁甜甜地, 牛肉都幾好味, 仲有隻窩蛋~



仲有呢個海鮮燒餅, 內仲有三文魚, 加上木魚及燒汁, 好好味. 廚師送到個鐵產比我地切及夾上碟, 個樣勁正!!



仲有呢個甜蝦天婦羅, 五隻都只係三十幾元, 仲有個青椒天婦羅


食完野之後仲要joejoe同我行旺角中心及花園街, 悶就你添...最後只係買左一件衫, 可以聽日同你影相啦!! 之後係新之城仲要見到代表我地(!?)既鬆弛熊及雞雞豬, 仲要哈囉win版, 好cute!!



我同joejoe豬扮鬼, 我仲要[trick or treat]問人拎糖, 雞雞豬扮南瓜, 咁可愛既鬼, 多多都唔怕



仲有彩虹版既鬆弛熊, 全部清一色著彩虹, 家庭裝, so sweet!!



之後換上另一個look, 就係旅行版既鬆弛熊系列, 雞雞豬拎左joejoe部相機!?


行完街之後同joejoe豬分開呢, 之後返屋企, 姑姐叫我係慈雲山中心附近等, 原來係dede同完佢媽縹BBQ後, 再由我地湊返, 咁就同佢地行超級市場, 再到樓下睇人玩螢光棒, 之後就返屋企休息

公司的做節飯 + 兩位manager過試用期餐

前幾日收到公司的email, 叫各同事今日唔好食早餐, 因有兩位唔同部門既經理請食蛋糕, 下午仲有杯雪榚. 其實佢地過左試用期好耐, 只係而家先補請返, 我有機會食到, 真係好彩^^


backenheim cafe & bakery既麵包蛋糕, 麵包皮脆, 蛋糕幾軟, 好大件


也係backenheim 既choco蛋糕, 仲係shirley特登拎比我, 多謝你^^



食完蛋糕之後, natalie同tracy, anton, sunny及我五個人到彩雲軒食餐做節飯, 仲叫左好多點心呢!! 仲可以食到我哋最愛既椰皇^^



首先係脆脆既尤魚條, 尤魚好新鮮, 有鮮味及好林



仲有紅油抄手, 餃子只係用菜做, 似乎差少少...



當然唔少得呢個生菜魚肉米粉, 清清地, 好好味之餘唔太多肉



仲有燒賣, 豬肉唔太肥, 而且有肉汁



仲有呢個金錢肚, 我唔太like內臟, 所以冇食, 不過個樣都幾好味既




仲有山足牛肉, 因為我皮膚敏感而要戒口冇得食, 真係可惜呢...



仲有呢個蝦餃, 都幾好味架!! 蝦又彈牙, 皮又簿



當然唔少得呢個燉椰皇啦!! 不過有少少凍凍地, 都係快d食

飲完茶之後已經少少遲到啦, 要快d返公司先得!! 返到公司之後, 見到shirley拎幾個盒入黎, 原來係雪榚, 仲要係godiva黎!!! 睇下杯雪榚有幾靚先~



有焦糖choco 碎及士多啤梨choco碎兩種口味, 最後都係選擇左焦糖



雪榚都幾滑, 但實在太sweet啦, 總之選擇士多啤梨啦><