同tracy放工之後食雪榚

今日同tracy放工, 原來佢有張haagan-dazs既雪榚coupon, 於是我哋一齊去食. 都係第一次和呢間公司既同事放工後食野, 好開心, 而且仲拎埋我既兩隻兔仔公仔去影相


呢次既主角~包括兔仔及haagan-dazs既manu~



我既雪榚終於到左, 係tiramisu, 士多啤梨芝士蛋糕及choco曲奇



我同tracy既雪榚, 佢叫既同我差唔多, 我既係tiramisu, 佢既係雲尼拿




到兩隻公仔一齊食雪榚, 你睇下佢地幾大食!!



先由花花兔食左tracy杯雪榚先~




之後由白白兔食我杯雪榚啦~



知道你為食啦!! 唔洗控個頭埋去吧? 食就食啦~



等我都食返杯雪榚先, 雪榚好香好滑, 仲要係tracy請既, 勁好味!!




tracy都食返杯雪榚先~幾有笑容



之後tracy帶我去街度睇下halloween既擺設, 個南瓜公仔都幾可愛



tracy好鬼馬咁跟個公仔做同一個動作, 又幾搞鬼喎




呢盆植物好得意啊, 其實佢係南瓜花黎, 仲有綠, 紅及黃三隻色




連中港城外都有南瓜公仔擺設, 仲擺出搞鬼動作



見中港城門外咁多halloween擺設, 我同tracy入去海港城睇下, 點知入面冇任何擺設, 只有幾行格仔店, 展示各種美術作品


好多動物公仔既擺設, 仲有我至愛既粉紅色兔仔~



仲有一個鑽石做既怪魚袋, 個樣都幾得意!?既



仲有呢個女性underwear........既化妝袋, 唔知有冇人夠膽拎佢出街呢?



仲有好多貓仔圍住隻大貓, 隻大貓好邪惡咁



仲有隻龍蝦咬死人既事件!? 又真係做得幾似



仲有一個理大時裝設計系既學生作品, 對鞋真係好靚, 好高貴

終於遞辭職信

終於抵受唔到公司既壓力, 即使之後要讀時裝設計, 同埋冇錢比家用, 冇錢儲, 都要遞封信比公司要求辭職, 歸納都有幾個理由既:

1) 個head真係幾難頂下, 又高要求, 又要人短時間做野, 即使人地點幫佢, 佢都已經唔記得. 好似前HR既christina話使咩咁博命為佢工作

2) 梗係個OA 麗麗姐(係佢真名黎,一睇都知大陞人名), 真係同佢合作唔到, 問佢野好似唔願意答你咁, 唔教你野之餘, 做錯野又話你. 曾經努力改善同佢既關係, 但佢仍然咁有"性格", 真係完全冇野講.

好似我比左張文具order form個CR, 我都係跟HEAD要求, 要佢寫返個原因落去, 之後個CR同candy姐講返, 麗麗姐就係電話度單單打打講是非, 又唔跟文具單住,我都未見過d人EQ咁低,而且仲咁幼稚,咁冇品.我就起碼公私比你分明,我係唔鍾意你,但也唔會好似你咁,講是非就唔該返屋企講, 唔好做埋D白痴野啦, 你估自己仲係學生咩!! 仲要有個讀中七既仔, 四十幾連腦荀都未生埋!!

又話人地唔尊重佢,佢都冇尊重我, 大家彼此啦!!


3) 工種問題不嬲已經存在, 一個人做兩個人既野, 跟本都唔容易. 既然冇人教, 只好自己摸, 咁就用耐左時間, 點知就比人話做野冇效率


4) 我自問係個勤力既員工, 毎日只係去兩次toliet, 又唔上網, 又冇msn, 都比人誤會冇做野, 自己真係好冇奈

多次重覆考慮, 終於決定遞信, 而作為account manager既natalie及HR既may都有問我原因, 佢地都接受左, 但也講解道理, 我既心開始動搖, 睇下有冇轉機

放左工之後, 去試下七十一既心太軟, 都只係十元一個, 好迷你, 而且仲幾好食既^^


原本既choco味心太軟就冇啦, 只有呢隻choco香蕉心太軟, 個樣都似乎幾靚仔咁


心太軟既close up~睇落去個樣都好似唔錯^^



我同姑姐share左, 係我切得比較核突....都有少少流心架, 仲有好香既香蕉味, 唔太甜, 好味!!

海港城既袋展

繼上次慈善車展, 同部分既展覽外, 最近也有個袋展, 但好奇怪, 個展場成日都比野圍住唔比人入咁, 不過唔緊要啦, 都仲可以影到少少地方既


只係見到部分袋, 但又唔可以入去影相



雖然唔可以入去睇袋, 但d相真係好靚, 似乎比袋更加吸引


個鬼妹好靚女呢!! 呢d先係真正high fashion既相


呢張相也好靚, 呢d就係所謂既人靚景靚

心情唔太好

最近公司太多野做, 而且仲要求多多, 自己開始覺得好有壓力, 覺得好辛苦. 聽講head捉左natalie及may去開會, 都係話我電話講得唔好, 工作麻麻地之類, 我自問都冇偷懶, 連上網及傾私人電話都冇, 但點解咁比人話法? 如果我上網msn及FB而做錯野, 我冇野講, 但以為我冇做野及偷懶, 自己真係覺得好唔甘心, 開始有想離開呢間公司既念頭


tracy唔知係咪見我唔開心, 佢見到公司附近有日落景色睇, 本來我都冇心情睇, 但後來都係跟tracy去睇下, 估唔到又幾靚!!


玻璃窗外既景色真係好靚, 最衰反光見到公司部分物件, 否則仲靚

同joejoe去又一城及沙田新城市

聽講今日又一城有個叫大都會既時裝展, 而且係最後一日, 於是同joejoe一齊去睇下. 但今次既服裝唔係太大驚喜, 影相既人都比往年少


即刻見到幾幢大廈及附近既時裝公仔, 以時裝之都米蘭, 巴黎, 倫敦, new york及日本五個時裝之都名命既時裝show


等我都去影返張相先, 唔知我做緊咩野



之後到時裝部分, 首先係BALLY既套裝, 今年都係興騎士皮褸



最近鍾意左一隻叫做jillstuart既牌子, 佢毎輯廣告相勁靚, 呢套係佢秋冬系列既服裝, 睇黎毛毛真係好興



iblues既秋冬套裝, 睇黎毛毛差唔多係毎個設計師既靈感, 仲要加埋魚網襪



一定要睇既vivienne tam既作品, 以今年大熱既金色及豹紋為主



charcoal既秋冬裝, 同樣都係金色及毛毛, 加埋金閃石粗belt, 好型!!



加埋牛仔褲及長boot更加型, 不過就唔係毎個人都可以carry到套衫



另一邊以東京及new york時裝之都為主題既地方



penny black既套餐, 果然如名一樣以黑色為主



仲有以巴黎做背景既時裝展覽, 仲有[i love f/w(秋冬)], 個心心好可愛



唔記得左係咩牌子, 但好like呢套豹紋及啡皮褸, 型得黎又有女人味








DKNY既手袋及鞋, 對鞋有珠片都幾型, 同埋上年都興既chain bag



太多牌子鍾意啦, 呢個也係我鍾意既牌子anteprima, 佢以做珠片用品為主, 尤其係袋子, 但比人感覺唔太誇張, 同有高貴既感覺




首飾也係時裝既一部分, 以紫晶及鑽石為主, 簡單得黎不失高貴



仲有coach既袋子, 但比較成熟, 似乎唔太適合我呢..




accessorize既首飾, 金鑽閃石及rose, 真係好襯




links既首飾, 以簡單為主




呢個theme行catwalk既舞台, 呢次睇既唔係catwalk, 而係鋼琴家cd既發布會, 仲有即場演奏



catwalk舞台附近既擺設, 呢個係其中一個雜誌架



仲有埋條subway, 果然係大都市既其中一個地點



仲有買熱狗及腸仔既攤檔!? 如果係真就好啦~



仲有一個好似流動攤檔既地方, 雖然話有免費抽獎, 但都係唔好貪小便宜比較好



之後去左food court既KFC內同joejoe share左個特價既下午餐, 之後再去玩具反斗城玩下, 見到好多halloween既玩具, 我哋兩個大細路忍唔住玩下及影相



joejoe拎起劍個樣都似模似樣咁既樣~



由我呢個恐怖殺手出場啦, 覺得自己都幾似殺手...XD



呢張相自己都幾like, 仲有果把血劍真係好好玩架, d假血水流黎流去好正



joejoe拎鐮刀個樣都唔錯, 唔知佢係cool定笑, 哈哈~



到我玩下鐮刀先, 同樣都係咁惡, 好like玩呢類相, 好好玩



仲有呢張我最like既相, 呢張係扮邪惡魔女, 仲做左我fb既頭像相



joejoe拎住支杖似笑非笑既!? 表情都幾得意



係玩具反斗城玩完之後, 再係九龍塘答東鐵去沙田新城市中心, 去睇一個chocolate rain既展覽, 見到雜誌好似影得幾靚咁, 就同joejoe去下



就係呢個展覽場地, 有三個彩色既大南瓜, 入面仲有公仔, 可惜我部相機就黎冇電, 唔可以影太多相, 真可惜



眼前既公仔, 但似乎太多人, 好難影相


多謝一位女仔幫我地影相, 我地也幫返佢地兩個影, 我同joejoe既合照呢^^



有扮可愛魔女既chocolate rain~


仲有訓覺既chocolate rain, 頭上仲有個大南瓜, 好得意



呢個身穿黑色衫既都幾可愛, 依然仲係個訓覺樣



仲有呢張合照, 就係呢個南瓜屋內同各公仔影相, 好在工作人員幫我地拎住相機影相



仲有一間布滿chocolate rain既畫及各公仔擺設, 好有藝術感覺, 加上有兩個位, 我同joejoe去就岩!!



仲有呢張相手拖手呢~好sweet, 不過我有d肥